vchan376的个人专页

食物已經唔係好食，侍應服務極之差。絕對唔係平時市區嘅牧羊少年。有一次，晚飯已經要你等60分鐘，叫飛時間1分鐘內跳六張，然後話你已經過咗五張。不予補飛。態度極為囂張，好似乞求施捨。然後入座不停每3分鐘行過嚟想收你份Menu驚死你阻住佢個位咁。雖然康城食飯好似施捨但係呢個體驗絕對係康城之中最差。…查看更多

話說附近冇乜茶餐廳，唯有去金記。首先，入到去個地已經跣吓跣吓油淋淋，諗住茶餐廳都差唔多係咁就算啦。跟住冇服務: 問啲姐姐攞個杯斟水都指手畫腳，跟住用QR code落單叫咗份西多士。刀叉都係要自己喺櫃桶度攞，但冇一隻刀或者叉係冇飯粒或者飯汁黐住，又油淋淋。跟住又等咗20分鐘問阿姐可唔可以跟下單，啲阿姐敷衍了事之後就走咗。前後問咗兩三次，都好似同空氣溝通咁。跟住再等多10分鐘，依然懶理不理。茶餐廳一份西多士都要等成30幾分鐘，誇唔誇張啲？ 最嬲嘅係，結果去收銀講你個西多太耐我唔等啦，佢仲追問你坐喺邊。 態度極其囂張！ 香港而家生意好好咩？點解可以對顧客態度咁差？ 而家會有人打劫你個西多士嗎？未食已經一肚氣，以後唔會再去任何一間金記，貼錢買難受。…查看更多

店員因繁忙黑面，呼喝不同客人數次。再好的咖啡都趕客 ☹️ 不再光顧，買難受 😤空有座位也要客人亁等，食物提供到4:45 pm，因為佢哋6 pm 收工。希望店員多改善態度及語氣，好似客人們欠咗佢哋，實在令人費解。一杯咖啡都平均 $45- $60 / 杯，有需要晦氣甘對待每個客人嗎？環境尚可，食物普通兼小份，不能感受到性價比高。…查看更多