Sharon_tsy's Profile

今日週末中午去咗灣仔的國際咖喱屋午飯，點了一個南洋辣雞，又點了一個咖喱牛脷。咖喱牛脷非常抵食，牛脷又厚又嫩，$100非常超值。辣雞亦非常不錯，肉質亦非常嫩口，一開始不太習慣辣雞的咖喱味道，但後來越吃越好吃。週末到餐廳吃飯，感覺舒服一點。因為這裏的餐枱與餐枱之間距離比較少，假如全部坐滿的話，會非常逼夾。…Read More

今日同朋友食set lunch, 叫左個chef‘s platter 同roasted pork loin。個chef’s platter 既風乾肉同沙律菜都還可以，但個pork loin又乾又難切開，啲肉又韌，真係有點兒差。$215 per head 連飲品，我覺得可以有其他選擇（亦難怪餐廳冇咩人）…Read More

周五朋友為我慶祝生日，選擇了辦公室就近的素食餐廳。點了餐廳的招牌花束沙律、芝士通心粉，及大盤壽司。花束沙律食材非常新鮮，但重點仍然係賣相，女孩子必定喜歡其他的食品亦非常不錯，但剛好友朋友是肉食怪獸，自家在點了一道牛肝菌意粉。飲料方面，我點了他們的Baileys 特飲（名稱也忘記了），外觀非常不錯。餐廳裝修是以粉紅色為主色，配上不同的可愛公仔，包括大小熊仔及企鵝，可能由於地點關係，週五晚飯的人不多，坐得比較舒服、非常適合打卡，亦非常適合女生閨蜜聚會。…Read More

之前試過中環既好酒好蔡，屬於fine dining，覺得味道唔錯，所以去試佢嘅姊妹餐廳「好蔡館」。當晚六點就去咗食晚飯，當時仲未有食客。舖頭位於比較靜嘅位置，面積亦唔係太大，都係得四五張枱，我哋只有兩個人，所以攞咗一張細枱。食到差唔多六點半，越來越多客人嚟，基本上七點前已經入坐率九成。之前有朋友推薦佢嘅蜆肉撈飯，即刻叫咗一碗；亦見到佢嘅蠔餅好似幾好食，所以都叫咗一份。蜆肉飯名不虛傳，非常香口，亦十分抵食，都係幾十蚊個，我哋兩個三爬兩步就已經食晒。煎蠔餅非常好食，蠔仔新鮮又大粒，另外個蛋煎出嚟亦唔太油，非常香脆，值得推介。另外亦叫咗蟶子、烚花甲等等，水準亦唔錯。最後點咗個蛋白杏仁茶收尾，食到飽飽。因為今次未有機會試到要預訂嘅魚同海鮮，下一次會再嚟試過。…Read More

做完運動，決定今晚食齋。去左東方小祗園叫左兩道菜式，一個係西檸酥鴨，一個係一品煲仔飯加「無蛇羹」。員工服務態度幾好，全部都好好食，煲仔飯冇肉都咁惹味，又唔肥膩。食到飽飽都係$200（茶介$12一位），性價比好高（有食齋既朋友都知道新派食齋餐廳都比較貴）。一路食，一路睇佢張墊枱紙介紹餐廳歷史同理念，好有意思。想食齋既朋友，我都非常推介呢間。…Read More

剛剛社交距離鬆綁，馬上去試一下西灣河新既韓國餐廳。星期五晚上7:20分到餐廳，好多人，所以只有比較窄既二人位。坐低點左兩樣野，（1）半半炸雞同(2) 芝士辣海鮮炒年糕，之後有一張單俾我地，顯示點菜時間為7:25分。之後就一直等，等到7:45分，開始覺得唔對路（等左20分鐘咩都未有）。望下周圍，發覺後面個枱都追緊單，我地馬上叫埋個服務員跟進下我地張單（最後呢枱係取消order就走左）。再繼續等，發現有點解枱枱都有兩碟前菜，而隔離個枱就一路都有菜式上枱（又好似都幾好服務），但我地咩都冇呢？等多5分鐘，我地再叫服務員黎，問佢哋係咪應該有前菜。佢地話：有既，但冇哂碟所以要等下。我再問，我地等左30分鐘，點解都未上到枱？佢地見我地開始不耐煩，就再去跟，過左一陣先至拎炸雞同前菜黎。我諗住一路食住炸雞前菜再等，食食下，就發覺又到8:10分，差不多45分鐘都未有？唔通啲年糕仲坐緊飛機黎香港？我就去問佢地，先發現原來佢地漏左單。係呢個時候，都玩左一個鐘，所以我就取消左個order 離開就算。當時，我地都發現有其他枱既客人都追緊單。食左炸雞加一肚氣，我就唔想留低，取消左order 俾埋炸雞錢就走。付款期間，發現佢地好多外賣平台嘅order，又係做唔切。但明顯見到，廚房既重點處理外賣平台既Order，delay哂坐係度既客既Order。另外，我哋中間坐左好耐，個位比較窄，想換去剛空出黎Cart位，但被拒絕。當然，我地走之前其實都未有新客入去坐。總括黎講感覺好失望，餐廳管理好差，樓面唔夠，出菜好慢，又漏單漏前菜。如果真係做唔到晚市堂食加外賣，就應該考慮做某一樣野先，做好佢先。攪到宜家有咁既customer experience，好難唔上黎OpenRice 寫返個晚餐日記。係咪因為停左晚市堂食太耐，宜家開返餐廳未ready 呢？食物方面都評論下 - 我坐左一個鐘都淨係食到炸雞🍗。原味炸雞口感一般，比較乾身，唔夠juicy。甜辣炸雞個汁味道不錯。…Read More

星期六下午去食late lunch，叫左個香辣肉碎炒飯、冬陰功大蝦湯河，因為係假期既關係，冇下午茶餐牌，要用午餐價錢order。天后、炮台山係競爭激烈的地方，煮既野食都竟然咁冇誠意，以前都唔係咁。1. 香辣肉碎炒飯隻蛋係乾既，炒得唔香同熱、辣味太重。2. 冬陰功湯底非常淡、得幾隻蝦同超細，一啲蝦咪都冇。天后、炮台山好食/ 價廉物美既泰式餐廳太多，呢間真係要加倍努力。P.S. 雖然食物同價錢一般，但餐廳位置好，出面人流好充足，所以都keep住有人幫襯。…Read More

訂左枱食晚飯，去到嘅時候，已經有一張大枱10個人食緊飯。我冇選擇坐吧枱，揀左係大枱隔離既一張四人枱坐低。餐廳空間比較細，枱與枱之間都幾近，因為疫情原因，有透明板相隔，所以尚算可以。去到八點幾九點嘅時候，大枱嘅人走咗，成間餐廳即刻靜晒好舒服。打開餐牌，食物款式都幾多，有刺身、壽司、燒物、沙律、串燒同埋天婦羅。因為買咗OpenRice消費券，用$400（再有優惠所以最後用$370）就買到$500現金劵，所以決定選擇唔同類型既嘢食，試吓餐廳食物質素。見到OpenRice有人推介葡汁燒鰻魚，即刻叫咗一碟試吓。另外叫左我最鍾意食嘅螢光魷魚，再叫左汁燒鮑魚、黑毛豬串燒同埋帆立貝天婦羅。燒鰻魚個底有玉子做配菜，真係幾好食，值得推介。而螢光魷魚都冇咩腥味，亦冇平日居酒屋嘅咁鹹，就算今日冇叫酒，淨食螢光魷魚都非常易入口。黑毛豬串燒亦非常好食，有少少肥膏，又燒得剛剛好。反而個鮑魚我覺得比較普通，唔點呢個都冇所謂。除此之外，我覺得帆立貝天婦羅都幾好食，大大粒，非常好肉，中間重夾咗塊薄荷葉，味道非常清新，佢仲配左個芥末鹽，幾有特色。最後埋單，扣除$500（$370購買）現金券，盛惠$123，都算不過不失啦。星期日冇咩人嚟食晚飯，可以由6:45pm坐到9:30pm，享受一下星期一前既休閒。…Read More