浣溪沙's Profile

係旺角行街行到晚餐時間諗來諗去都唔知食咩好，於是就入去花園街睇下有咩好食啦，經過「紅辣椒」呢間泰式餐廳睇到餐牌價錢幾合理於是就入去試下。我地一行四人叫左兩個二人餐分別係138蚊同一個198蚊送跟奶茶檸茶呢啲普通餐飲。不過食泰式料理梗係唔會飲呢啲港式飲品啦，於是就加八蚊轉其他嘢飲。芒果沙冰超濃芒果味而且滿口芒果香甜，絕對唔似係糖精甜味推介唔記得叫咩椰汁飲品又係唔錯，椰汁味貫穿口鼻泰式串燒，分別係兩串雞肉同兩串豬肉，不過略嫌太乾，呢個一般般炒海鮮有蝦同青口，蝦冇咩鮮味不過係爽口嘅，青口好大隻而且有好多隻，鮮甜味有嘅，不過不失。呢款炒海鮮係唔辣嘅，適合怕辣嘅朋友啦。兩個套餐都有馬拉盞炒菜，咁我地分別叫左炒通菜同炒西蘭花，兩個都唔錯，炒得好入味，成碟好快就被清光泰式豬頸肉做得比串燒好啦，唔會太乾，不過都係做得唔係好夠入味。泰式春卷加蝦餅炸物實冇得輸啦，如果間餐廳連炸物都可以炸得難食就唔使再幫襯啦本身個套餐係跟黃咖哩嘅，但我好想食青咖哩於是就加十蚊轉啦。超級好味，香料味加埋辣味係口腔入面不斷徘徊簡直係味蕾嘅享受撈埋白飯堪稱係完美，齒頰留香可算這種。呢餐四個人埋單只係405蚊，超級抵啦！…Read More

星期六周圍都逼爆，想同朋友好好傾下計於是就決定上cafe。呢間已經係第二次嚟，地點方便而且夠靜，絕對係hea同聯誼好去處。每人最低消費係一杯野飲或者一個飯，咁一杯野飲已經係三十蚊，一個飯最低都係四十二蚊咁我梗係叫飯啦！呢次叫左呢個牛肉丼，四十八蚊送熱飲。滿碗鋪滿牛肉加溫泉蛋牛肉好夠牛味而且係有咬口嘅，對比吉野家啲牛肉佢係比較厚身少少，相對都抵食啲啦一匙羹吉爆個溫泉蛋撈埋啲飯加牛肉一齊食真係大滿足呀，口感豐富推介呀呢個牛肉丼第一次來呢間cafe嘅時候係叫咗個咖哩雞飯，呢個就認真麻麻啦，咖哩好水好淡可以用頹來形容，好彩呢次個牛肉丼挽回唔少分。總括來講係推擠呢間cafe嘅，因為佢地點非常方便而且價錢相當合理，今次玩得好開心下次都會再選擇呢間cafe。…Read More

天氣熱辣辣，係時代廣場附近見到呢間韓式甜品舖就入去試下，門口見到啲食物圖片係幾吸引嘅。坐低左之後就揀左人氣no.1嘅士多啤梨冰啦賣相唔錯，但啲士多啤梨係酸到盲嘅都開眼，仲好意思叫人氣no.1？咁酸真係食哂啲冰就算，完全冇意慾再食啲士多啤梨。同行友人就叫個都係人氣no.1嘅蜜瓜冰，又係頹蜜瓜啦，加上啲蜜瓜粉係上面但係啲粉係有少少咭口架囉，完全唔知咩事，仲要成68蚊一碗，完全係唔抵，水果呢啲咁基本嘅口味都整到咁難食真係冇下一次！…Read More

已經接近夜晚十一點鐘但又想食放題，行到創興樓下，得和田開得夜，假日前夕及假日開到凌晨兩點。就決定佢啦！因為夜的關係，所以一問就有位。一坐低叫刺身是常識吧，帶子鮮甜，三文魚厚度適中，咬落冇根，唔錯。呢度係冇甜蝦刺身，得虎蝦，不過不失。吞拿魚刺身唔推介，食落有渣而且雪味重冇咩魚味芝士燒蠔，好大噠芝士，味道都唔錯，略嫌蠔真係太細隻，係堆芝士度撩好耐先搵到推介！超級好味燒雞軟骨，只係用左少少鹽調味已經好足夠，追加多幾串先可以滿足芝麻雞翼，炸得好香脆，另外都有燒雞翼，同雞軟骨一樣少少鹽調味，唔錯，兩款雞翼都推介燒羊架，味道真係好一般，冇乜羊味而且等好耐先有。超中意食呢個日本小蕃薯，用左少少蜜糖燒，一口一粒，煙韌鮮甜炸榴蓮球，超重榴蓮味食左咁多肉食返少少菜啦，田園沙律唔錯選擇，不過就醬落得太多，有少少鹹總括來講，食物質素都唔錯，上菜速度一般而且有走單情況，宵夜時段連加一每人196，太夜而又想食放題都會再選擇和田。…Read More

本身打算去食大鍋口嘅，係樓下嘅時候收到傳單一睇係新野喎，而且價錢唔貴，我地係9點半後所以係128加一。咁好啦，儘管上去試下啦。嘩！乜啲裝修咁似樓上大鍋口嘅?？相似度有98%喎⋯⋯唔知兩間舖有冇關係架呢？唔理啦，好肚餓，睇下有咩食先啦正常邊爐舖有嘅，都有啦，選擇款式都夠多嘅。坐低之後姐姐好快就拎左條醬料俾你揀啦，你揀完之後佢就會收返架啦，連呢樣都好似大鍋口🤔🤔講下野食先，呢個係是日海鮮，幾鮮甜唔錯架，不過叫左一轉就話售罄，可能係因為我地係宵夜時段啦。豬粉腸正呀喂，係會愈嚼愈有味道羊肉，好味，絕對有羊肉騷味，喜歡羊肉嘅朋友仔絕對要試啦！白鱔皮，本人最愛，鮮甜爽口，但每次叫都係得三片，可能我地三個人關係，搞到要不斷追加。脆鯇魚片，魚味突出而爽口，不過怕魚腥味嘅人就要留意啦，佢都有少少魚腥味架！鮮墨魚滑，本人就略嫌佢冇乜墨魚味，但同行友人卻大讚，瘋狂追加驚喜之選，芝士腸！食過太多任食邊爐啲芝士腸係頹到冇朋有架啦，呢間嘅就爆漿芝士，驚喜滿足感十足終於有伏野啦，就係呢個鮮蝦雲吞，唔係講笑，冇蝦味都算啦，啲餡好似咬膠咁，唔知自己食緊咩最後係甜品，呢間舖有雪糕定乳酪任食，要係雪糕機搞落嚟，隔離擺左幾款配料咁啦，還好啦雪味幾重。總括來講呢間邊爐就價錢取勝，同大鍋口比就輸在食材冇咁新鮮，不過食完佢有20蚊優惠卷俾你下次用，係每人減20蚊！幾吸引。…Read More

今日難得經過紅磡就決定去試下久仰大名的時新，由於太多人的關係要等位於是就買個飽算了。舖頭的裝修都係好懷舊，餐牌係門口都貼有。是次選擇了呢個雙層漢堡芝士包蛋，即叫即整的，好快就有。咬落麵包好鬆軟，牛肉好多汁，洋蔥都幾多所以都幾甜，蛋就普通荷包蛋啦，芝士融化曬，成個口感唔錯！好味指數就🌞🌞🌞三個太陽啦！味道未到驚為天人，支持下小店同感受懷舊味時新係唔錯選擇，價錢都好合理，下次經過紅磡都有再試下佢其他的食品的打算！😆…Read More

小週末最好就係約好友一齊去食飯gathering一下，本身都鍾意食韓燒不過都係食開啲大型連鎖韓燒餐廳，今日係尖沙嘴見到呢間韓燒都係任食就抱住一個試一下嘅心情入去食。因為六點好早嘅關係好快就可以坐低食野，鋪面唔大，環境尚算舒服。坐低之後店員好快就上左幾款kimchi俾我地，一食就覺得有驚喜，比起大型連鎖韓燒店的kimchi好食好多 個人就喜歡青瓜呢款呢間餐廳係用網燒燒爐冇煙通吸油煙，不過食完都冇油煙味，所以都okay！飲品就都係大路嘅汽水啦。燒肉都係啲大路野啦，值得推介嘅係花甲，好鮮甜，唔錯唔錯。除咗燒肉熟食都有唔少選擇，全部都係韓式食品，呢個係人蔘雞湯，味道就淡，淡同淡。人蔘就得啲鬚，雞就得啲肉絲。伏架呢個🌚🌚另外都叫咗個牛肋骨湯，比人蔘雞湯好味少少，不過都係偏淡，都有一兩舊牛肉，仲有少少粉絲係底。 湯品唔推介！🌚🌚呢個蛋包魚係推介食品之一，魚好滑有而且都有蛋味，粉漿唔多泡菜煎餅，推介🌞🌞🌞🌞！同係韓國街啲餐廳叫嘅冇分別。呢個韓式炒年糕都推介俾大家，除左唔夠辣之外都唔錯！唔怕食生野嘅朋友仔可以試一下呢個生雞蛋撈生牛肉，牛肉味都幾重！總括來講呢間餐廳食物質素唔錯，絕對俾大型連鎖韓燒好味，特別係熟食，非常有韓味！！價錢就假日218加一，係合理價錢。四個人可以燒兩個鐘，夠時間食到嘔…Read More