zzzdd's Profile

一向唔想諗費事煩既時候,都係去一粥麵外賣搞掂(堂食經常無位),呢期多數都係嗌通菜炒牛肉,茄子豬扒,再加$8有多個腐乳通菜,價錢都算親民。咁樣一個set dinner,有湯有飯有茶,都係$6x,個湯仲要都似老火湯,雖然試過一,兩次瀨野(似鹽水),但9成機率係無事的，通菜炒牛肉係咸左少少,但每次都保持水準,茄子豬扒就要睇少少彩數,有時剛整起無耐的，相當惹味juice,但好似今次咁，肯定擺左好耐,啲肉已經柴哂皮,下次都係唔好叫呢啲高危野。…Read More

以前返工午餐貪方便,經常都幫襯佢個和風牛肉飯,下午茶食仲抵,$3x仲有杯日本綠茶,份量又剛剛好,最最重要係個飯永遠保持質素,唔會太硬太淋。見佢之前新出左款京葱牛舌飯,又唔想次次外賣都係一x麵,今晚就試下佢,再另加串金菇牛肉卷同茶碗蒸,兩樣加埋都係$20,都幾抵喎,講返個飯,牛舌全部都切到好薄,份量都唔少,相當唔錯,又唔會好似牛肉飯咁肥,金菇牛肉仲正,即燒,所以要等得比較耐,茶碗蒸就啱我口味，唔會太咸，以後晚飯又可以多個選擇,so good~…Read More

星期三放假同老公嚟呢度食,撞啱唔係星期二特價,蝕左。一坐低開爐就會喺爐側邊倒芝士粟米同蒸蛋,幾款韓國既冷盤小食,菜沙律,個沙律汁好好味，唔知有無得賣呢,而且以上幾款都有無限添食,之後嗌左幾款牛同埋豬腩肉,都相當唔錯,唔係食醃料,係有肉既鮮味,飲品就嗌左成碌唔知咩啤酒溝韓國燒酒,有成兩公升,兩個人飲啱啱好。最後埋單食左$8××,雖然唔平,但食得好滿足,而且唔知點解呢度唔算旺場,閒日基本上唔洗等,下次一定要特價再嚟食😆…Read More

放假跑青公,順便去深井食個全日早餐,份量唔多,但每款食物都好有心思,連兩條腸仔都唔係一般腸;炒雜菇好香;煙肉煎到好乾身,脆脆的;好似連搽面包既果jam都特別好味,咁都可能係我好肚餓既關係啦,最最最讚就係杯即磨咖啡,好香好味之餘,直頭有回甘,飲完好耐陣咖啡味仲喺嗰口腔徘徊，收費$69都算物有所值。等食期間都有望下隔離左右既食品,嗰份漢堡薯條,雪糕格仔餅都超大份，望落相當唔錯但無可能一個人食得哂囉，下次要揾人陪跑了…Read More

公司調動後三哥米線就喺隔離3分鐘路程,以往嗌兩個餸或以上,價錢照加,但餸既份量就會減半,而家呢間就唔覺有呢個問題,而且因為屋企樓下都有間譚仔米線,明顯高下立見,無論湯底,餸既味道,份量都有分別。三哥湯底無咁咸，自己叫開既東菇,豬潤都唔會煮到過時縮哂水,保留返食物既鮮味,當然呢個係個人喜好;雞翼，蒜泥白肉嗰啲就分別不大,另外,好緊要,呢度既侍應姐姐幾好態度的，起碼會熱心招呼呢,好似話佢地改左制,每間鋪設quota,過左有分紅,唔知真定假。…Read More

放假落屋企樓下食lunch,見新開呢間泰國餐廳未食過,而又被隔離意式餐廳搶哂風頭,就諗住試下,希望以後晚飯可以多個選擇。差不多下午兩點,只有幾枱客,可能厨房有人落場之類,所以野食都出得慢。然後所謂泰式肥牛船河,肥牛得幾片,河粉就勁多,但個湯底一啲都唔泰式,仲衰過求其茶記,只有類似美極,豉油嗰啲味,另一個泰式炒金邊粉,又係茶記貨式,只能話唔難食,啲香料真係咁貴嗎？兩個粉面連飲品,埋單$96,唔算貴,但只係一間唔會再幫襯既茶餐廳!…Read More

相信現在主要係做遊客生意，四周都係大陸客和歐美遊客，很難發現有本地客。招牌菜香辣蟹，一叫即出，唔香唔辣，擺多陣已經腥，細細隻無肉食，索價$200黑椒牛仔骨，比一般茶餐廳更咸，難以入口，完全吃不到牛肉的味道，只有大量調味料，索價$68椒絲腐乳通菜，無咩特別，茶餐廳貨色，加了兩支啤酒，盛惠$337眼見那麼多外地遊客幫襯，以為吃到了香港的風味，真係既羞且悲...…Read More