yettadakimasu's Profile

嗰隻狗行開鴨脷洲散步，見到附近Percy Fanny嘅餐廳得呢一間，所以就試試佢餐廳半開放式，即使帶住狗狗都可以選擇坐室內，但係因為當天天氣都清涼，所以我哋揀咗坐室外嘢食嚟講, 會覺得飲品係做得唔錯嘅嗌咗杯Berry smoothie都10分足料 係飽肚㗎另外屋企人嗌咗杯好似係mint latte咖啡味香濃，但有少少薄荷清新涼浸浸嘅口感，好得意但係個意粉就唔係好啱我口味，我哋嗌咗黑松露水牛芝士意粉俾咗成嚿Mozzarella，所以奶味好香濃不過略嫌有啲漏 同埋黑松露味唔係好出但係overall體驗都OK嘅，因為店員都對狗狗好友善我哋order意粉之前問店員 可唔可以額外煮開少少意粉比狗狗食 佢哋都好幫到手另外都主動俾零食隻狗狗，等佢唔使慘慘望住我哋自己食…Read More

日本產和牛肩肉盛🍖 $268牛肩肉肉質軟嫩適中，帶有油花，食落肉汁豐富。和牛鵝肝多士 🍞 $258嚟到嘅時候店員會幫手燒埋，好貼心，亦都燒得好好😍多士燒到微脆，而鵝肝油脂十足，入口即溶，配埋無花果黑醋醬一齊食，中和咗鵝肝嘅油膩感，好有驚喜葱燒厚切牛舌 👅 $178牛舌有四大塊，每片都十分厚切而中間都釀有蔥醬，食落非常滿足。嚴選牛骨髓石頭鍋飯 🍚 $225上枱嘅時候有成條牛骨髓，隨後店員會幫手將牛骨髓、生蛋、蘑菇同埋飯撈埋一齊，帶有少少飯焦食落都幾香口👍🏻芝士排骨鍋🧀 $298上枱後店員會幫手將每塊排骨裹上芝士醬，方便食用，食嘅時候仲會拉絲，十分邪惡😈蜜桃冰綠茶 🍑 $38菠蘿梳打 🍍 $42…Read More

之前食過Terrace in seaside嘅其他分店，覺得食物味道都唔錯。見到夏天出咗蜜瓜系列，即刻約埋個friend去試吓🍈泡菜炒黑毛豬配飯 $118泡菜炒黑毛豬嘅酸辣程度啱啱好，好適合送飯！🍚雞蛋多過飯的蛋飯卷 $138呢個飯卷真係物如其名，飯只有薄薄嘅一圈，其餘都係蛋！配料仲有青瓜、紅蘿蔔同埋牛蒡，食落都幾清新，幾啱夏天☀️玫瑰醬海鮮年糕 $96年糕口感煙靭，而配料都十分豐富，有菇、小墨魚、蝦、青口等，配埋玫瑰醬同芝士食落好creamy😋比初戀還要甜的蜜瓜窩夫 $138窩夫足足有四大塊，食落鬆軟有空氣感，配有蜜瓜、士多啤梨、藍莓、蜜糖、Cream同蜜瓜醬，食落十分滿足🧇飲完唔會手指指餅咖啡 $58上面有塊手指餅，用嚟點咖啡食好match😋圓碌碌蜜瓜沙冰 $58蜜瓜味濃郁，下面仲有啫喱增添口感，非常適合夏天消暑💦…Read More

見Openrice book枱9折就嚟試下呢間餐廳幾好食，啲staff又nice不過dinner time少人幫襯嗌咗個pizza, 薄餅底 好濃郁芝士味Butter chicken 好creamy, 又有香草味, 份量都好多，可以點到2份naan個naan試咗原味同butter, 個人覺得butter好食啲，即叫即做，烤得好香，啤酒做緊promotion, 好似第2杯半價，但仲可以同訂位9折一齊使用2條友$300搞掂🤝…Read More

📍Drool Froyo 中環伊利近街14號地舖上次試完天后嗰間，覺得個Yogurt都好好食，得知中環開咗新分店，咁啱經過天氣又熱就再嚟食吓🥵☀️同天后分店唔同，中環分店環境更chill，店內外都有堂食嘅位置，但位置就唔多。朱古力3.0 🍫 $58配料有oreo、kinder繽紛樂朱古力、香蕉、baileys朱古力醬同埋oreo碎碎。配料嘅份量慷慨，香蕉有成3大舊，朱古力同Yogurt甜甜酸酸嘅配搭好match，又唔會話好膩，喺夏天咁熱，唔想食太飽嘅時候，好適合就咁食一杯作為一餐。醉冧Rum 🍹 $50呢杯好有驚喜，好特別！配料有提子冧酒同埋焦糖杏仁太妃糖，酒味十分濃郁，Mix埋酸酸地嘅yoghurt，意外地match。焦糖杏仁太妃糖咬落脆口，為成杯yoghurt增添口感，而味道微苦，呢一杯係成人嘅味道！…Read More

呢間嘢真係好出，個個都話佢世一巴斯克芝士蛋糕講得咁好聽，一定要去試吓因為有最低消費，所以嗌咗兩件蛋糕兩杯嘢飲蛋糕揀咗雲呢拿巴斯克芝士蛋糕 同埋 伯爵茶巴斯克芝士蛋糕雲呢拿嗰個睇個樣係幾靚嘅，真係好burnt。但係調味好奇怪 覺得雲呢拿同cream cheese一啲都唔夾 跟住個所謂流心好似冇焗熟咁有啲粉漿feel伯爵茶嗰個味道都好奇怪，本身聽個名expect會係好清香嘅味道，點知係勁甜，仲用焦糖脆脆放喺上面，完全都唔夾剩低嗰兩杯抹茶latte都覺得好大浸草青味，但係凍飲會比熱飲好少少嘅，因為冇咁甜…Read More

📍泰簡單 銅鑼灣謝斐道517號總統戲院頂樓第二次到訪呢間餐廳，環境好chill，而廚師同埋侍應都係泰國人，食物同服務都非常地道，夜晚仲有Cocktail 飲👍🏻椰汁雞湯 S $75雞肉嘅份量十分多，材料有蘑菇、小蕃茄同紫洋蔥等，入口順滑，味道偏酸。醃鳳爪 $80配有生菜、蘿蔔絲同洋蔥，用嘅係無骨鳳爪，食落酸甜，帶有微辣，係唔錯嘅開胃小食。蛋網雞球炒金邊粉 $108材料有雞肉同菜圃，金邊粉甜酸味突出，配有花生碎同辣椒粉，混合埋食更加滋味。咸魚炒芥蘭 $98調味啱啱好，鹹淡適中，芥蘭都好新鮮，食得出好有火候。黃金夢 $60芒果汁同菠蘿汁嘅結合，係新鮮榨出嚟嘅，給refreshing！泰式奶茶 $40…Read More

📍drool froyo天后電氣道96號地下A1號舖滿足甜品胃而又健康嘅希臘乳酪雪糕！🍨Menu上面有多種預設口味，同時亦有唔同嘅Sauce同Toppings，顧客可以根據自己嘅個人口味組成配搭🤤1️⃣ 牛角杯（脆皮朱古力醬+脆卜卜焦糖脆脆+朱古力麻糬） $63 🥐牛角杯本身就配有一片壓扁咗嘅牛角包，咬落香甜酥脆，味道同Froyo出奇地襯。朱古力醬同Froyo嘅比例好好，由頂食到落底都仲有脆脆嘅朱古力醬，但又唔會太甜👍🏻朱古力麻糬口感煙煙韌韌，焦糖脆脆甜而不膩，兩款配料都為呢杯froyo增添咗唔少口感😋2️⃣ Tiramisu $50 ☕️提拉米蘇係呢度嘅預設口味，上面灑有朱古力粉，而配料就有咖啡蛋白霜糖同埋咖啡手指餅。咖啡蛋白霜糖食落唔甜，口感就好似爆谷咁🍿頗有驚喜，而咖啡手指餅就好似真嘅Tiramisu咁，有濃郁嘅酒味。…Read More

📍Sake Hub 中環擺花街18-20號嘉寶商業大廈高層地下9號舖中環日式清酒吧🍶星期五收工想搵個地方同friend飲下酒食吓嘢傾吓偈，呢間清酒吧係唔錯嘅選擇！店內有幾個大雪櫃擺滿清酒，店員會根據顧客嘅口味，介紹同埋推薦唔同嘅清酒！🌾 三粒米 雪女有三款House Sake，由於我哋鍾意甜啲嘅，就揀咗呢款甘口嘅。一入口充滿果香，亦有芳香嘅米味，並且帶有微碳酸感，口感豐富層次感分明，值得一試。🌾 鍋島 特別純米Tasting set 其中一杯，香氣混合住米香同埋水果香，仔細品嚐會有水蜜桃同埋薄荷嘅味道，係三杯入面最為清淡、爽口易飲嘅。🌾鍋島 赤磐雄町又係Tasting set 中嘅一杯，比起前一杯呢杯入口更甜，帶有青蘋果同埋瓜果嘅香氣。🌾鍋島 愛山 純米吟釀Tasting set 入面最甜嘅一杯，甜美甘香，果香入口感覺就好似食咗棉花糖同Bubble gum咁。🍗雞肉串 Yakitori品酒最佳嘅好拍檔一定係串燒，我哋將Menu上面所有嘅雞肉串口味都叫晒嚟試，其中最為推薦嘅係日式照燒同埋地獄麻辣👍🏻…Read More

放假出九龍城食泰國嘢 喺條街度行嚟行去 見到呢一間粉麵$50/1個lunch都幾抵 就行咗入去鮮蝦炒金邊粉蝦肉新鮮大隻，不過得兩隻。金邊粉有彈性唔易斷。船麵呢間嘅泰國船麵真係我食過最好食 個湯底好濃郁 而且料都幾多 豬潤爽脆清邁椰汁咖喱雞麵呢個本身唔啱我口味。同埋啲雞似係俾啲海南雞飯嘅餸頭餸尾，不過呢一碗麵個份量最多加咗個泰國生果就咁食嘅話冇乜特別。但係佢枱上面有個辣椒魚露加咗之後別有一番風味，建議大家試吓！…Read More

因為MM有推介過 所以嚟試下個位置比較偏僻 真係估唔到有野食當日同屋企人嚟食撞正lunch time 所以都會要等位入座本身想試雞排+牛柳 點知當日賣淨牛柳就叫咗兩個$55 包埋紙包/罐裝飲品 好抵但就等得有啲耐 因為得三個員工（不過佢哋而家請到人手）點咗餐後要around 45分鐘先有菜牛冇特別調味 但本身比較高質貨源 所以好有牛味蛋似茶餐廳炒滑蛋（少油version)飯係豉油汁（食落有啲似瑞士汁）撈冷飯 啱我胃口！咖哩唔係日本甜口嗰隻 會偏香口同時都唔辣…Read More

講真做咗咁耐香港人 對香港餐飲業嘅服務態度已經係幾包容（都可以講習慣咗🥲）但係呢個服務態度係真係幾差排緊隊嗰陣就要你落單然後有位啦 佢係唔會帶位 就咁同你講樓上唔知幾多號枱 但係佢上到樓係完全冇寫每一張嘅枱號 就會勁不知所措唔知坐喺邊又冇得亂咁坐 因為佢已經落咗單然後講返食物水平 個腩汁湯底比較甜 食完會口乾雲吞好一般 個餡完全食唔出係咩味 好似就咁食咗個雲吞皮咁牛丸都麻麻 好細粒 冇筋 冇汁 算係車仔麵舖嚟講用料比較差嘅牛丸比較好食嘅係蘿蔔-但係呢間嘅服務態度係真係唔值得去，佢甚至係對大陸遊客好過本地食客…Read More

📍Amuse深水埗九江街161C號地舖做咗大人之後連個friend生日都要約飲酒🍸！今次食呢間見佢做緊promotion，嗌豬手就送兩杯醉檸茶！呢間水泥工業風嘅裝修，燈光較暗，成個vibe好chill🧘🏻‍♀️！另外仲有個promotion：follow Amuse 社交平台即享指定食品半價（只適用於星期日至四 4 - 8pm）🐖德國鹹豬手 $238豬手即叫即整，個皮好脆，口感好似食緊豬肉紙咁。豬手肉質結實，調味啱啱好，唔會好鹹。同埋都幾大份！抵食！🍹醉檸茶 $0 （嗌豬手就送2杯）茶底唔苦澀，檸檬味好出，再加上少量酒精，整體口感清新爽口，飲完成杯都唔會醉！唔會好似紙包檸檬茶咁又甜又澀，反而係似手搖水果茶嘅味道。🍽️小食拼盤 $168有洋蔥圈、芝士條、煙肉腸、雞翼洋蔥圈炸衣夠薄、入口香脆；芝士條個texture食落似芝士年糕，比較軟糯；煙肉腸啖啖肉，有鹹香味，送酒一流；雞翼個調味粉有啲似媽咪麵個味，炸得外脆內嫩。🐡雞泡魚乾 $78雞泡魚乾用味醂醃製過，好鮮甜，亦帶有炭燒香味。…Read More

📍竺扶大班燒味灣仔三角街2-3號華欣閣地下3號舖Weekday行過想食個下午茶，見呢間餐廳真係好多人（特別係打工仔）等位，等咗成半個鐘，唔敢想像lunch time會點排法！門口貼咗米紙嘅介紹，ok 排耐啲仲要試下佢😝！下午茶 - 至尊古井燒鵝🪿+銷魂叉燒王🐖 鵝汁撈瀨粉 $59師傅醒咗舊鵝胸嚟，我超級鍾意❤️！燒鵝個皮酥脆，冇乜皮下脂肪，肉質結實不柴，燒鵝係用自家祕制陳皮醬醃制過，食落會有淡淡哋嘅陳皮甘香味👍🏻。而個銷魂叉燒王係半肥瘦，有少少燶邊帶點焦香，叉燒食落唔似平時食開嘅蜜汁叉燒，唔會甜！鵝汁撈瀨粉，鵝汁嘅味係帶有陳皮香嘅豉油，瀨粉索晒鵝汁但唔會發漲，夾落都唔會斷🥢。下午茶 - 至尊古井燒鵝+燒腩仔 上湯瀨粉 $49燒腩仔係薄切，皮脆多汁，肥瘦相間🤤。上湯瀨粉個湯帶有胡椒味唔會鹹。配老火靚湯 ＋$6佢一星期七日係有唔同嘅老火湯可以飲🥣，我哋飲嘅係木瓜雪耳豬腱湯。湯好足料，比咗好多豬腱，煲完湯好軟腍。木瓜雪耳本身就好滋潤，冬天飲啱晒！…Read More

幾鍾意去呢啲舊式港式茶餐廳聽講呢一間都有好長歷史就過嚟試吓當日撞正lunch time繁忙時間侍應唔係幾好脾氣落單粗聲粗氣不過唔緊要嚟到照食下嗌咗個餐有沙嗲牛肉公仔麵、餐包、同埋一杯熱飲，我揀咗熱鴛鴦個沙嗲牛肉公仔麵幾好食個碗比較細，湯唔多，所以撈勻之後比較濃郁，食出少少花生醬嘅味啲牛肉醃得好嫩滑，呢個10分推薦但係個餐包就麻麻哋上嚟嗰陣已經凍 同埋口感比較結實 唔鬆軟麵團味比較重（食到酵母、油嘅味道）杯鴛鴦就好濃好滑 值得一飲…Read More