lalalllllll's Profile

自從第一次喺呢度食咗鐵板小籠包，就返唔到轉頭啦～每次食上海菜或者淮揚菜一定會嚟！一如既往，餐廳職員嘅服務態度都係好好好有禮貌！！入座之後會幫你嘅袋套上防污套，又會推介你食啲咩好就算叫職員加茶或者加水嘅時候佢哋都係即到，唔會應完你之後就冇咗一回事🤣因為今日天氣都幾好，所以我哋又坐咗去戶外枱，冇咁多人，有埋啲燈飾好靚不過就會有人食煙，唔想食二手煙嘅記得入返室內啦😀一嚟佢就會放低前菜先，每次都會唔同，有時係口水雞，有時就會係木耳，木耳都好爽口，不過我就覺得可以再辣少少😆佢味道係偏甜嘅😗前菜方面，我哋再嗌多咗一個四喜烤麩，佢凍凍地得來又有甜甜地，好開胃，有啲冬菇同麵筋咁，未食過嘅值得試吓主菜我哋就嗌咗一個松子魚，上海炒年糕，獅子頭，五寶水鴨湯。松子魚揸得外脆內軟，粉皮唔厚，上面仲會有啲蝦仁粒，夾埋松子一齊食，好味上海炒年糕顏色好似好深咁，不過食落就一啲都唔鹹，煙煙韌韌都幾好食獅子頭嘅整得好入味，佢個醬汁好出色！水鴨湯真係好足料又大煲，有金華火腿，有鴨肉粒，大概可以有六至七碗，職員仲會幫你分好再上小食我哋嗌咗鐵板小籠包，非常出色！佢個皮係脆，裏面係熱辣辣爆湯一定要食因為同行有人生日，所以就叫咗個壽桃，佢裏面唔單止有蓮蓉，仲有蛋黃，好味！…Read More

如果想喺鬧市想搵個地方坐低同朋友傾吓計，呢度都係個唔錯嘅選擇。佢位於尖沙咀K11嗰邊，好近地鐵站。舖頭位置都好闊落，環境乾淨。之前食開佢甜嘅可麗餅，個人覺得芝士餅味係最好食，不過今次就試吓佢嘅咸點喇！叫咗一個烤雞芝士可麗餅，餡料份量都好多，唔會食到有空心嘅地方，芝士仲有拉絲效果，唯一唔夠好嘅就係冇烤雞味，淨係食到白烚雞肉嘅味，不過芝士嘅鹹味都搭救嘅，所以食落都唔會話口淡淡😋嘢飲方面，私心推介藍椰子柑橘，基本上每次嚟都會嗌呢杯😋佢有淡淡的椰子味，但係又會有柑橘嘅清新，唔想飲咖啡嘅朋友真係可以一試！😋嗌咗一杯嘢飲，同一個可麗餅，埋單$108，鬧市Cafe嚟講我覺得好抵呀😆…Read More

又來到德福搵食呀😋平時都會食呢一間舖頭嘅午市套餐，今次經過見到佢晚市同午市嘅菜單原來有唔同，就入嚟試吓啦😆蠔仔蛋煎餅，有好多蠔仔，每一隻都好大粒飽滿，蛋餅邊煎得夠脆口。小食拼盤方面最好食嘅我覺得係個雞肉串燒，燒得好香，雞肉唔會好乾身，夠滑👍🏻其他小食都好有正宗泰國風味，醃得好入味👍🏻泰式燒豬頸肉外脆內腍，食多幾嚿都唔會有油膩感👍🏻反而個蝦醬炒飯就真係偏鹹咗少少，唔知係咪蝦醬落太多😂食完飲咗好多杯水…Read More

今日嚟到長沙灣，經過嘅時候聞到好香土匪味，見到原來咁啱有土匪原隻雞新鮮出爐😆老闆娘話平時要排隊攞籌先買到㗎😆咁啱我去到嘅時候仲有，就買咗一隻返屋企試。原隻雞價錢係$53，size係春雞再大小小，性價比都幾高。👍🏻至於雞身都好多肉，反而有驚喜嘅係冇乜肥膏，皮下脂肪唔多，減肥都可以連皮一齊食👍🏻雞皮都燒到好脆好香口，食落去又好多肉汁，唔會乾柴柴，經過嘅都可以買隻👍🏻舖頭仲有好多其他小食，價錢都幾平，下次會再試…Read More

喺仲未開實體店嘅時候已經喺網上有訂過佢嘅糖水，冇諗到宜家開埋實體店，之後想食就更加方便啊😆佢嘅王牌係腰果露，但由於今日食得太飽，所以就試吓其他新野😆椰汁塗膠雪燕露有好香椰奶味，桃膠同埋雪燕都好多好大粒。龍眼桃膠有好濃厚嘅龍眼甜味，凍食嘅話會更加好食😋最意想不到嘅係黑白雙拼，芝麻糊拼牛奶凍，芝麻糊冇苦味，牛乳奶凍又夠滑，味道一流！舖頭嘅裝修都係偏向小清新風格，好乾淨，坐位闊落，最啱食完飯過嚟同朋友一齊食糖水傾吓計😆…Read More

真係每一次經過都會見到大排長龍😆今日終於試一試係咪真係咁值得排隊😆餃子分7隻或者10隻，可以雙拼，如果要轉煎餃嘅話就加$2蚊，價錢來講都算係平價恩物湯餃同煎餃都好大隻，每一隻餃子都好飽滿好足料！湯餃嘅話會跟返個椰子海帶雞湯，強烈推薦！湯底非常鮮甜，好香椰子味，又有雞湯嘅甜，飲晒都唔會好口渴，冇味精湯底嘅唔舒服！真材實料！今次分別試咗🍄香菇鮮肉同埋梅菜鮮肉嘅湯餃！兩款餃都非常有驚喜！香菇鮮肉嘅香菇味好濃郁，應該有用到乾冬菇同鮮冬菇，冬菇，唔會切得太碎，仲可以食到到冬菇嘅質感。梅菜鮮肉嘅梅菜都好足料，啖啖爽脆！煎餃方面嗌咗雙拼，招牌嘅芝士粟米好香芝士味，但係又唔會有好滯好油膩嘅感覺，芝士份量控制得啱啱好👍🏻芫荽鮮肉餃就最啱芫荽控！因為出邊係完全食唔到咁多芫荽嘅餃子😍每啖都有芫荽嘅香，啲芫荽又唔會爛晒，仲好爽口！👍🏻叫咗兩個小食，好少見出邊有涼拌藕絲，食落去嘅質感就好似喬頭咁樣，味道帶酸辣，未食過嘅可以試吓。涼拌海蜇就麻油味偏重，唔算辣，食唔到大辣嘅都可以試下。整得嚟講都係會回頭餃子店，希望水準能夠keep 到…Read More

冇諗過喺旺區入面，都可以搵到平民價錢又高質嘅扒房😋記得要喺OpenRice訂咗枱先呀！咁先可以有套餐再七折😋每人百幾蚊就可以食到高質牛扒😋今次已經係第二次幫襯，水準都有keep到，扒嘅份量都係好大塊！上次係晏晝嚟食，所以就有得揀飯同意粉。晚市嘅話就會得薯菜，扒嘅份量夠大所以都會夠飽嘅👍🏻晚市套餐會包埋餐湯，餐包 同嘢飲，白湯會偏稠身，唔鍾意嘅話可以揀紅湯安全啲😆牛扒可以揀幾多成熟同埋醬汁，醬汁分別有黑椒汁，蒜蓉汁，燒汁等等等等，我覺得蒜蓉汁同燒汁最好食，反而黑椒汁真係咸左啲，會蓋住肉本身嘅味😀環境方面都算舒服嘅，唔會好大煙，又唔會好臭油煙味，座位安排都幾闊落。有推介過身邊嘅朋友去，佢哋都一致好評，話性價比高👍🏻大家都可以一試…Read More

又到左蟶子季喇點少得嚟莆田食$199兩道蟶子菜式呢今次叫咗蒜蓉蒸同酒焗蒜蓉蒸個碟嘅蟶子就濃味啲，金銀蒜會打到成蓉，放喺每一隻聖子上面，再淋上豉油，不過食食下就略嫌有少少油膩酒焗個道就味道比較清淡，蟶子中比蒜蒸個碟大好多肥好多，好鮮甜，不過就有少少沙，但係清酒到洗下都OK嘅星馬炒通菜炒得好有鑊氣，好香，不過會有啲油紅菇煨麵做得出色，真係非常正宗，份量都幾多，湯底有蟶子，蜆，蠔豉，好甜，麵質爽口，唔會太腍身最後中叫左一札『釋加』果汁，鍾意飲甜嘢嘅唔好錯過，好大好抵飲…Read More

渣哥嘅份量真係冇得輸！一入去嘅時候見到老闆，由於我哋同行有個小朋友，佢仲好貼心同我哋講，話安排咗張冇咁凍嘅卡位俾我哋🤩冇諗到咁細微嘅嘢佢都有留意講返嘢食先，大渣哥炒烏冬有蝦仁，蛋 火腿同其他配菜，個味又唔似乾炒牛河，食落都好滋味😋，又唔會太過油星洲炒米我個人就覺得比出邊嘅重味，會有少少辣，係辣咖哩個隻辣，唔食得辣嘅話就～都係嗌返大渣哥會好啲🤣有叉燒，火腿，蝦仁同其他配菜不過成餐飯嘅重點，都係呢兩碟炒粉嘅份量🤩真係好大碟，又足料！…Read More

誠意大推薦大家一定要試佢嘅紅湯牛肉麵，紅湯即刻麻辣湯，可以選辣度同麻度牛肉好淋，好入味麵身軟硬適中，中好掛湯，湯底會有少少稠身，食落就好似一個麻辣版嘅日本沾麵咁😋唔食辣嘅朋友可以選擇酸菜豬肚湯麵酸菜中和豬肚嘅肥膩感，豬肚亦唔係好多肥膏個隻，食落爽口😋小食方面，拍青瓜完勝涼拌木耳，青瓜好爽口，蒜味都好夠，反而木耳就真係有啲失望，唔係好夠辣，中食到好多渣，下次會想試下個泡椒鳳爪多啲最後解辣必點嘅冰粉，有花生，提子乾，食落酸酸甜甜，好解辣同解渴今次叫咗兩個set ，A主食+B小食+C飲品+D甜品，埋單都係$232中環抵食餐廳大推😎😎😎…Read More

見到佢嘅南瓜咖喱軟殼蟹，俾佢吸引咗去食！😍軟殼蟹比想像中炸得酥脆，一啲都唔油，就咁食都好好食😋 至於個南瓜盅就有啲失望嘅，冇諗過原來佢就係將平時嘅咖喱倒落個南瓜度，跟住就叫南瓜咖喱🤣我仲以為係咖喱裏面會有南瓜味，但係只係食到幾粒南瓜粒，如果想食南瓜肉嘅話都可以刮落嚟，但係味道就普普通通啦，唔係話好特別😗不過最令我失望嘅係咖喱大蝦，佢啲蝦真係又細隻又黴，完全都食唔出一隻蝦嘅肉🥹不過要讚嘅就係佢嘅咖喱產物都會有好多滑蛋，係白飯小偷嘅首選☺️☺️用嚟配蒜蓉包都好好食😋，佢嘅蒜蓉包都整得好酥軟柚子沙律我覺得味道係好食嘅，但係份量真係有啲少，所以性價比來講好似唔係咁高佢嘅燒雞翼燒得好好，脆皮，裏面又冇血水，好香口串燒都燒得好好食，肉醃得好入味，唔使點沙嗲醬都得生蝦同埋酸辣鳳爪就普普通通，不過不失啦😌佢仲會送埋甜品同埋糖水，係椰汁西米糕同埋番薯椰汁西米露，味道有少少太甜，不過都可以嘅…Read More

以價錢來講，呢一間越南嘢真係性價比好高😝特別係粉面類，價錢又平又大碗又好食😋先講嗰個生牛肉湯粉，湯底好香，唔會好油同死咸，飲多幾啖都唔會好口渴牛肉份量都算多，不過個粉嘅量就有啲少，大食嘅記得加底反而香茅豬扒撈檬嘅粉就好多，豬扒就唔會好肥膩，肥瘦適中，枱面會有枝酸汁，撈嘅時候就自己落份量，我覺得唔係好夠酸，所以落多啲會好啲😋酸辣鳳爪好爽脆，夠酸夠辣不過最失望嘅係軟殼蟹米紙卷，個生菜又黄又唔新鮮，最重要係個蟹好腥好油膩☹️炸得完全唔脆，隻蟹吸晒啲油，一咬落去成口都係油。同埋隻蟹唔知係咪唔新鮮，好大陣腥味☹️真係唔洗試都得…Read More

每次嚟都係食沙嗲湯底，今次就嚟試個酸辣小窩米線😋湯底好夠酸，辣度我揀咗小小辣，我覺得食落去真係冇乜辣味，啱晒唔食辣嘅人😊本來以為佢個炸豬扒另上，佢浸晒喺湯到，所以個炸豬扒變得唔脆，不過味道來講都好香☺️，食得出係有醃過魚蛋就一定要叫！炸到脹卜卜，好彈牙，又香口同行友人就叫咗個魚皮餃酸辣湯底米線，正正常常，冇乜特別啦，不過佢話佢唔係好夠飽，所以叫多咗個腐乳通菜（佢個面底係有啲少嘅，所以唔夠食嘅人記得要加底）…Read More

真係難得有一間快餐店嘅景色🤩，係可以望到維港，仲有落地大玻璃今次同朋友兩個人，分別叫咗兩個漢堡包同埋一個芝士薯條（因為漢堡包嘅size都偏細，加個芝士薯條就啱啱好）漢堡包嗌咗一個Double嘅shackburger同shack stack 。對於食肉獸來講，食shack burger嘅Double會好食好多，因為佢舊肉都偏細😆😆至於鍾意食大啡菇嘅朋友，就一定要試吓佢嘅shack stack ,炸咗大啡菇再夾住流心芝士，無論口感定係味道上都一流👍🏻👍🏻芝士波浪薯條大家都可以試吓，如果唔鍾意芝士醬黐住嘅，可以同佢講話嗰芝士另上，個芝士味都好香濃😋😋…Read More

今次嗌嘅係芝士奶蓋水蜜桃，佢芝士奶蓋有少少鹹香，又夠厚身夠滑，值得一讚，不過佢個水蜜桃就～我本身以為係水蜜桃汁仲有水蜜桃嘅果粒，（因為通常出邊芝士奶蓋，加某種水果都應該會有嗰種水果嘅果粒出現），而呢個打破咗我對芝士奶蓋加果汁嘅固有思想，原來佢嘅芝士奶蓋水蜜桃就只不過係芝士奶蓋加水蜜桃茶🥲🥲🥲。我拎嘅時候中好驚訝問佢做乜攞幼飲管俾我🤣🤣原來係因為冇果粒，咁又使乜用到粗飲管🤣🤣不過聽講佢嘅水果茶好好飲，下次可以再試吓…Read More