2H6N2's Profile

今日難得約到好姊妹食飯，梗係要食好啲啦。好耐都無去過樂富行下，咁就相約去樂富行下睇下有咩改變，順便係果到食埋飯。大家都比較肚餓，所以就揀左呢間餐廳，一路傾計一路燒住嘢食，都幾享受。一坐低，店員就遞上幾碟前菜，有泡菜、芽菜、豆、酸蘿蔔、南瓜，泡菜好味，唔會太酸辣度適中，最岩拎黎夾肉同生菜一齊食。主菜叫左牛筋條、牛仔骨、醬油蟹、大蝦、帶子、雞腎，牛筋條好淋，牛仔骨嘅味道調得岩岩好。我都幾鍾意食醬油蟹，呢間都唔會太鹹，蟹嘅肉質都算可以。燒嘅海鮮都幾好，唔會梅肉。有機會再試埋其他嘢先。…Read More

零晨五點半就出門口，晨咁早就返工，早餐都無咩點食。直至下午兩點幾收工，老闆請食飯。一行十二人就去左荃灣呢間丼丼屋。每人叫左一個tea set，有滑蛋豬扒飯、刺身丼飯、雞肉飯、豚肉飯，我叫左一個牛肉烏冬。我嘅牛肉烏冬，開頭黎到嘅時候，望落去個湯底好淺色，心惗實無咩味啦，點知食落有啲驚喜，個湯底唔會太淡，烏冬比一般嘅粗，都好 煙韌，配料仲有大蔥，大蔥令成個烏冬變得更香，整體黎講，呢個烏冬係可以一試，而其他tea set我無食，不過同事們都覺得ok。…Read More

難得今日係星期日，竟然要特登出沙田上堂，真係連休息嘅時間都無。我就唔太熟悉禾輋果邊有咩食，係去過附近幾次。有一個半鐘食lunch，咁就狗周圍行下睇下有咩食啦。係禾輋商場入面行左個圈，最後揀左呢間米線食，因我比較鍾意食米線。入去坐低，阿姐就比左個餐牌我，但係一睇之下，點解下午茶黎嘅？當時大約十二點兩三個字，原來都可以照叫嘅。咁我就點左個炸醬墨丸米線，麻辣湯底。啲米線都還可以，但個湯底就無咩味，個炸醬好重豆鼓味，墨丸就一般果啲貨色。我聽到好多人叫沙爺湯底，如有機會我都會試下嘅 。…Read More

同朋友行完街找間餐廳食下嘢，見好耐都無食過呢間餐，就入左去食啦。因為我同朋友之前係呢間餐廳嘅常客。點解我之後會少左去，係因為我平時係食開煙三文魚焗薯，但因而家煙三文要夾埋碎蛋沙律先有得叫，本人不太好碎蛋沙律，所以之後都好少去了。講返今次先，今次我無食焗薯，揀左個黑松露牛肝菌意粉，以我以為係到食意粉嘅經驗，意粉類係麻麻地，今次有啲驚喜，個意粉尚算香，因為本人都幾鍾意黑松露，而家醬汁足夠，最怕啲無汁嘅意粉，食落每一條都有汁掛係上面，所以今次真係有驚喜，下次會再食過。…Read More

我都好耐無寫食評，但因呢間千兩真係令我好失望，所以上黎講一講。上兩個星期，因朋友在九龍塘學車，所以就相約去呢間千兩一齊食飯。我大概六點就開始等位，到入座都係不到七點。時間已經尚算早，但餐牌上有好多嘢都已經賣曬，這個時間應該晚市開始唔係好耐，但係點解連都受歡迎嘅海膽、吞拿魚都無？無都算啦，我地點左一客小食，已連吹三次，侍應都話整緊，到我再吹單嘅時候，佢check完機，返黎竟然答我賣曬。我落單嘅時候明明有，但係點解最後會賣曬！？真係百思不得其解。…Read More

今日同家人一齊去食飯, 無意中發現呢間多國菜餐廳佢的佈置好簡單, 牆紙係解橙色, 好搶眼間餐廳好細, 最多只可以坐10人, 都幾擠迫我地叫左3個餸, 有石鍋飯, 蒸烏頭魚, 龍利柳石鍋飯好香, 好熱, 攬均後, 伴有少少飯焦, 幾正蒸烏頭魚好滑, 可能佢用香料蒸, 所以無腥味, 我地食得好乾淨!龍利柳的賣相都幾靚, 不過, 味道普通, d意粉都幾彈牙~ 總括一句, 好有驚喜!…Read More