Cheng Lok Yin's Profile

本身諗住連鎖店廢時寫，諗諗吓為免大家伏都係要寫吓當日我食赤丸拉麵，加咗2蚊要替玉（加麵）食之前已知唔可以加湯，所以努力留，但係佢本身個湯都唔多一食落去湯係夠濃嘅，但你會知啲濃味係味精之類做出黎，仲隱隱約約有陣油膱味麵我嗌偏硬，口感OK嘅，但係嗰陣鹼水味……你當我唔識食啦（反眼）件叉燒先離晒大譜，好似求其喺街市執件半肥瘦，拎返屋企攞豉油鹽生粉醃幾醃就算咁家庭式小店咩而家見到2蚊就有個替玉，都預咗份量唔會多，但依然比想像中少，一小碟仔咁少都唔緊要，最弊係一早煮定，個麵又實又凍，一放落碗湯，所淨無幾嘅湯即時凍晒一凍陣油膱味就更出最後一路捱住凍嘅油膱麵，唔知自己為乜好多朋友食過一風堂都話OK，唔知係呢間分店特別差定係點有機會我會試吓其他分店，如果再係咁就以後blacklist算，反正周圍都係拉麵鋪…Read More

今日晚飯去咗呢度食「去骨海南雞飯」，本身心思思想食豬頸肉，但係第一次食都食係招牌菜先雞肉幾滑幾夠味，出面去骨嘅都好貴，呢度難得去晒骨都咁平（$35）飯就唔太夠雞味，咬咬吓有幾啖硬硬哋附送嘅紫菜湯簡簡單單幾好味，冇估錯應該係落胡椒+少少雞湯黎滾整體黎講性價比幾高，出面閒閒哋五六十都可以唔好食，所以都俾咗個笑佢如果你係不計價錢只求美食，呢度就唔啱你但如果係懶得煮飯落街搵食，咁與其食啲越黎越貴又越黎越頹嘅茶記，食呢度仲開心得多…Read More

食過兩次，以為唔會伏，點知谷到一肚氣今日主要有兩件非常惡劣嘅事：1. 送錯檯，竟將食物丟棄，要我重新等候樓面送錯我杯飲品去隔離檯客人，而該客人掂都冇掂過，樓面竟將成杯飲品倒咗我講咗句「好浪費......」，樓面嗰位阿嬸居然用阿媽教女嘅語氣，叫我「唔好再講喇」態度極差2. 等候一小時先發現漏單，咩都冇得食隔離檯客人遲過我哋唻，食完，走咗幾個字，我哋都未有得食樓面雖然忙緊外賣（但堂食包括我哋只有三檯），但等太耐，唯有追單而頭先嗰位樓面阿嬸，只敷衍話「焗飯會耐」，而冇入廚房追但我哋話唔係焗飯，係燴飯，阿嬸又好敷衍咁望一望廚房，然後話「煮緊」後尾見到師傅好得閒咁走出走入，唯有再追，先聽到師傅話「冇單喎」（！！！！！！）呢個時候我哋已等咗接近一個鐘，一粒米都冇落肚結果我哋以正價俾咗跟餐餐飲錢，谷住一肚氣走咗我絕對唔會再幫襯…Read More

之前由朋友帶來，今次決定由我帶朋友來主打有機、公平貿易、健康膳食，就這樣聽會以為貴夾唔飽，但我和朋友也吃得很滿足（大食人士可能要加些小食）前菜薯仔沙律和南瓜粟米湯賣相如雪糕的薯仔沙律，內有紅蘿蔔和粟米粒，健康精緻湯亦非常足料跟餐的咖啡及茶，均是有機及公平貿易，喝下去也感覺相當高質漢堡包的包因為缺貨而換成牛角包，反而覺得幸運XD漢堡扒雖啖啖肉，卻一點都不膩可能因為我是薯控，薯角點不點茄醬也非常美味流心蛋相當吸引醬汁creamy而不膩，煙肉份量適中，加上一圈菠菜即使怕肥亦可放心吃～震撼的大鰻魚！醬汁及珍珠飯也很有誠意，還有兩片煎蛋卷絕對不輸給貴價日本餐廳來cafe最好就是玩board game點了是日精選的藍莓芝士蛋糕（只不過+$12）和朋友邊嘆飯後甜品，邊玩board game我們隨手拿了這套來玩，當中牌上的紅色和橙色，因為柔和的燈光而變得不清楚但店主竟細心的將每張紅色牌都點上黑點！想不到連board game都如此照顧周到…Read More