icekids's Profile

作為大芋烘見到台式芋泥即刻心動，再被相片吸引馬上行動，但可惜事實與相片相差甚遠；見到實物仲似為比錯，好奇怪的再問一次，服務員嘅反應係「無錯，你叫嘅係咁㗎喇」，我真係估唔到距離係遠成咁，定係我要求太高？！平心而論，香港飲食業要救香港真係要用心做，更要從前線做起。 …Read More

前幾日飲過Starbucks 新品開心果燕麥奶飲品返尋味，今日經過元州商場見到starbucks 就叫咗杯星冰樂（少甜），唔知咩原因一飲入口甜到「乸」喉，仲要係無沙冰（只係一杯凍飲，職員見到我面有難色，我問真係已經少甜？…. 佢話係。跟住話再沖另一杯比我新沖嘅一杯都係甜，但比之前一杯好少少，但唔知點解作為member 一向星冰樂都係沙𣲙，通常飲得快都會剩返好好冰，但係呢杯真係只係涷飲，第一㗳沙𣲙已經真係唔覺，太失望😤以前常飲星𣲙樂，現在飲熱飲比較多，見而家嘅走塑嘅沙𣲙包裝感覺的確差咗😞…Read More

環境舒適，以此價位食物質數都可以尚算唔錯，賣相都ok，唯一要改善就係長髮僱員需要整理一下長髮，見到長髮多次漂到食物上都唔知繼續送上食物，本人就都比較在意衛生問題。…Read More

民豐係荃灣人眾所周知，新鮮好味價錢大眾化嘅民間美食，住咗荃灣幾十年民豐都真係提供咗不少美食比大家。買得嘅都係新鮮唔算差，茶果、糯米糍、湯圓、韮菜餅、中色包點、燒賣、粉麵、甚至節日特色美食，都係我嘅至愛。其實兩位事頭婆都好落力對客人好好，我作為食咗幾十年嘅一個麻煩嘴刁客，好想講以前菜肉雲吞都真係皮軟肉汁juicy ，食完一隻有好想再一路食嘅感覺，但係自從多年前豬肉價格大幅飆升開始，就覺得肉料大不如前，唔知係咪由以前用鮮用轉咗冰鮮肉沿用至今，到現在雲吞皮又硬，仲要加厚厚的一層層麵粉喺底+面（以前會薄薄䇴一塵粉，但而家好多係一羹羹倒落去）煮熟咗層粉仲後過雲吞皮…..超難食，希望事頭婆真係可以自己試吓而家嘅雲吞味道，睇吓仲會唔會搵得返佢哋當年做出嚟嘅初心味道。😬…Read More

此餐廳其他分店都去過二、三間，其他店食品及服務尚算唔錯，但這間間經驗真是要匯報一下。1）門口等位問了三次是不是要攞飛，路過的姐姐見到唔答，旁邊另一客都出聲講佢都無人理，想走之時有一個姐姐出嚟問有無2位，佢話有位就會出嚟問，話係排隊形式，但係似乎無人知係排隊，而姐姐們又唔知客人誰先誰後2）本人門外等而無人理嗰幾分鐘時間，見幾個外賣兵團哥哥可能等咗好耐，問咗幾次姐姐都係話整緊，叫外賣哥哥佢再等，如是者幾次，又唔見姐姐入去睇吓，見幾位外賣兵哥哥遭遇都係咁，乜唔係落車攞外賣有時間㗎咩，外賣哥送單分分鐘都係錢，姐姐仲要態度差鬧翻外賣哥轉頭，都要出吓聲為外賣哥抱不平。3）落單發現餐飲唔係跟餐落，要喺單飲項落單，問句姐姐係咪咁落，係我就拑掣，佢望都唔望吓仲要比佢話係自己電腦落囉單，我明自己落但無謂落錯嘛，咁叫佢搵嗰個嚟又唔搵，最終問可唔可以人手落（原來可以）都唔知咩服務態度。4）又係塘邊鶴抱不平，放低order 單後旁邊伯伯話唔係佢嘅單，講咗幾次先至有人嚟攞走張單，但係冇啱嘅單返番轉頭俾返佢；轉頭有人放低咗碗麵俾佢，但係唔係佢叫嘅食物，佢同路過嘅姐姐講咗幾次都冇人理佢，有叫佢等一陣，但係都係無返轉頭，叫極無人睬佢伯伯迫於無奈就照食講完一大堆關於服務嘅評論，都講返食物質素，食嘅係雞扒上海麵早餐，唔計炒蛋落錯單比煎蛋……..算數，基本上跟其他店舖都差唔多都係不過不失嘅，好可惜咁嘅服務再加周圍好刺耳嘅聲音已令我們卻步了。…Read More

以前想快食一個簡單嘅米線就即刻會去咗譚仔，想快食又熟晒menu坐低即叫食完半粒鐘攪掂真正快靚正。賣盤後自己都食過，都聽過好多人話差多，所以都少咗去食；今日食飯時間周圍都要等位，所以就去咗唔駛等位嘅譚仔。坐低咗前後左右都有人追單（聽到其中一位話已經半個鐘），平均一半人要追，望望周圍多數台面只得飲品及小食，食緊碗米線嘅<30%；而我就叫咗碗小鍋米線，記憶中係好大碗要大隻男先食得晒（或者兩個細食女都夠食），可能大耐無食了，估唔到細碗咗好多，都算…….. 但係食咗一大啖之後發現一粒丸都無，咁就問姐姐係咪而家小鍋米線無晒魚旦、墨魚九、牛丸…… ？ 佢話可能比漏咗😵‍💫，跟住就好快係廚房補返3粒丸比我。至於味道就都可以，但係個賣相、米線及餸嘅量都少咗、平均都要等20-30分鐘嚟講（我係25分鐘），就好似無咗以前快靚正嘅感覺了！…Read More

上次食一鍋堂已經係幾年前的晚上，上次經驗都唔錯，服務、食物水準都唔錯，呢幾年間中都會去唔同嘅火鍋放題去舒緩我鍾意食火鍋的思念。平時中午食火鍋放題其本諗住用食個午餐價錢可以食多幾款嘢，又可以開心「滾」吓。今日中午就諗住再去一鍋堂簡單食個定食放題，就好似一般日式火鍋放題一樣，已預期食品種類唔會太多，午餐只諗住食碗有肉嘅麵，有幾款丸，可以有幾款菜揀吓食，期望就係咁簡單，所以只要咗60分鐘定食的一種。入到去一睇，丸類唔多，重要全部都有餡，多數有芝士，唔係就有沙律、肉，仲要最基本嘅魚旦、牛丸、腸仔、豆卜都無，菜得二、三款，熟食得幾款並唔多，最慘係豬耳、超麻辣味嘅鴨血熟食我自己又唔啱食！最離譜係有人會不斷提個客剩餘時間，食咗30分鐘就要我埋單，隔一陣就會提你係時間食雪糕，基本上夠鐘前10分鐘我已關火（因為都無興趣再食），只係食餘下少量食物，到最後幾分鐘都執嘢準備走；最頂癮嘅時刻係到我都準備起身走，比夠鐘時間剛剛過咗一分鐘，我望一下錶真係剛咗「一分鐘」，居然會有人過嚟「趕」話時間已過必須離坐。難道我要求太高？唔怪得搭𨋢幾間爆晒人佢呢間都靜英英啦，咁多位唔駛等真係有佢嘅道理。Sorry, 最後一次幫襯。…Read More

自石籬商場分店開業至今，本人光顧石籬商場大家樂數次，但昨天的經驗令我不吐不快。自助買餐曾詢問Alipay自動售買機如何懂會員加分，收銀櫃枱同事告知完成購買過程會問是否會員；但事實是買完後發現跟同事所述不附，再三詢問另一位下才答覆一定要用八達通才可以。最後人手加分，但為何此資訊未有喺售票機提供，而員工連最基本教授都無！？ 唔介意知道係無，但介意話錯我知😡17:07 買下午茶餐，因等候比一般分慢已再三追問都是要「再等一陣」，直至17:27再問要等多久，就回覆再等4-5分鐘，最後17:33攞一份下午茶餐，我見身旁有幾位顧客都跟我一樣的埋怨等候時間，難道是我們對「快餐店」這等候時間要求太高嗎？？可能即叫即做，質素比平常大家樂質素的好！…Read More

見食評唔錯，即管試吓！呢個疫情估佢唔到去到張枱及坐椅會有豉油同上手嘅食物。叫咗牛肉壽喜燒，燒牛肉飯，另加咗壽司及蟹子沙律小食。首先壽喜燒得幾小片牛肉，豆腐居然係「片」上，有一片，超特別，壽喜燒無雞蛋第一次食，唔知係咪因為驚唔熟因為唔係有用火熱住，佢係用個鍋上。燒有肉飯個燒牛肉好多唔知話佢係汁定水，賣相只可以話👎👎👎，加咗幾片一d 都唔吸引嘅牛肉，差！飯有珍珠米粒粒口感，但係有種好「行」嘅感覺，同標榜珍珠米嘅日式舖有點不同。返而相對有驚喜就會喺壽司、蟹子沙律及滿有crema 嘅咖啡。最「難忘」就係襯到絕嘅崩大碗及崩匙羹了；餐飲唔問就唔會幫/問你落單，「小心」；仲有就係明明午市免加一，但係賬單會加咗一然後同你講折咗幾多錢😤！…Read More

開了不久的茶餐廳，第一感覺多了個選擇都唔錯，外觀唔錯，感覺都乾淨，有位唔駛等就入去食了個下午茶餐。下午茶餐選擇唔算多，主要係炸 x 配薯條/沙律；要食粉麵就只有早餐款的2 餸麵；再加幾個炒粉麵飯。相對有幾款配搭的餐嚟講，可以選擇就無咩彈性可言。選擇了「乾炒豬扒意 + 熱杏箱」炒意粉都 ok, 可惜豬扒太炸了杏箱 👎👎👎，從未飲過一杯一點杏仁味都無嘅杏箱，比錢時比咗少少飲品嘅意見但感覺 😤總括嚟講，太失望了。…Read More