mmmfoodiary's Profile

一場嚟到觀塘見到隻隻都咁吸引，忍唔住嗌咗六個味試下！我自己最推薦原味同開心果。酥皮好酥脆，層層分明，唔算好油膩又食到個牛油味。原味甜度啱啱好，有奶香味。開心果味雖然唔係超級濃郁，但勝在有流心醬，口感變得豐富，再加埋面頭嘅開心果碎碎，多左小小口感！…Read More

同朋友特登帶狗仔過嚟散步，順便試吓新餐廳。見到呢間泰國嘢晏晝有lunch menu，環境都舒服就入去試吓。第一次嗌泰式嘅沾麵，揀咗青咖喱，味道好啱香港人食幾香濃。醉鬼炒河配和牛，唔算好有鑊氣，不過和牛真係好好食，好有油香。淡淡蟹肉炒飯，蟹肉份量都正常，炒飯炒得乾身，再加埋個通菜食非常夾。…Read More

同朋友一早book mark咗呢間，特登揀平日早啲嚟，唔使排隊可以直接入去。賣相真係好吸引。必定要嗌一定係呢個虎蝦，大大隻虎蝦外層用櫻花蝦再炸，外層好香口，而裏面虎蝦都係好彈牙。湯底超杰身比較濃郁，好似食緊沾麵咁，每一啖都掛咗勁多汁好香濃。另外嗌咗牡蠣嗰款拉麵，我就覺得比較一般同埋有少少腥味，相比之下一定有啲輸蝕！小食方面蟹肉牡蠣都好值得一試！…Read More

以前住喺元朗發現咗呢一間舖頭，食飯時間都會排晒長龍，間唔中掛住就要過嚟食。每一次我都係嗌砂鍋花膠鮑魚雞湯，第一次心諗食咁大煲，但係每一次都食得晒。最鍾意係佢個面底係會加埋入去煮，所以無論係米線或者米粉都係超級入味。雞份量好多，而且好滑。湯底好足料有花膠魚翅同一隻鮑魚仲有少少金華火腿，好香好養生食完唔會頸渴。用砂煲上成碗嘢唔會咁快凍，keep住熱辣辣。食米粉嘅話，我好建議配埋隔籬個辣椒醬嚟食！！！就算依家搬走咗元朗都會間唔中入去食！…Read More

夏天嚟講一諗起甜品就諗起石硤尾白汁冰雖然冇堂食嘅位置，但係30幾蚊一碗同其他人企喺門口食都別有一番風味。次次都係嗌白汁芒汁西米，芒果份量好多，而且好甜配細滑冰，食晒成碗都唔會覺得好膩，好消暑。每次過嚟都唔使等好耐，順便食埋隔籬個格仔餅🧇Keke …Read More

我好少出街會食蕃茄湯底，因為覺得好多都係假假的蕃茄味。好耐冇嚟過大門橫町，突然經過好想食蕃茄湯烏冬。每次嚟都必定會嗌燒鳥配蕃茄湯烏冬，鍾意食辣嘅話仲可以選擇加辣，真係好推介。燒鳥燒得好香，外皮少少脆好香口。沙律作為前菜不過不失，份量都唔少，柚子醋好開胃。另外仲嗌咗啲串燒同魷魚鬚，不過雞皮燒得比較硬，魷魚鬚都係。…Read More

本來都知呢間係排隊店，所以諗住等到晏晝過咗午餐時間2點幾先過嚟，不過最尾都排咗應該20分鐘左右。因為需要排隊，所以個期望值都大咗。可能係星期日，排隊途中店員都通知沾麵已經賣晒。今次我自己揀咗左邊嘅黑龍豚骨拉麵再加糖心蛋。冇諗過個湯底咁濃郁咁豐富口感帶有鮮味，叉燒正正常常，最緊要都係個湯底，而且配幼面好掛湯。因為湯底太濃郁嘅關係食到差唔多，最尾會覺得有少少鹹，枱面會有一壺鰹魚熱湯可以加落去自己選擇鹹淡。餃子都係平時食到嘅日式餃子既味道，不過食拉麵都一定要配餃子。…Read More

平時食開龍川係喺太子個間同朋友講起開到去港島做完嘢就去試吓夜晚去到唔使排隊，不過都差唔多full晒樓面得一個人負責，都見到比較忙嘅，都會體諒照平時一樣嗌麻酸辣小辣湯底，老實講味道同餸既份量同太子差唔多，米線無特別選擇咩偏好，較淋身，鍾意冇咁淋嘅話可以揀硬啲。米線都掛到湯底。餸方面揀咗雞肉滑身同豬大腸滷晒入味，肥牛一般偏鞋。小食炸魷魚鬚必嗌，炸皮吾厚，每件都大大件彈牙，調味都啱啱好。最後凍檸茶 茶底一般般唔夠香濃。…Read More

朝早想嘆杯啡，又想食個吐司去到門口先知原來呢度有柴柴店長，好乖咁坐起門口。環境幾舒服，亦都有室外位置Menu上最吸引我既係金莎芋泥麻糬吐司賣相好好🤤，流出嚟既鹹蛋黃醬甜甜芋泥同咸咸肉鬆真係一個好好嘅配搭再加埋麻糬嘅口感好加分成份都好足料，食完有滿足既感覺😋…Read More

自從泰國食過after you之後，覺得香港刨冰又貴又多人排隊，而且吾係間間都好食。今次因為早左食完dinner，就諗住過嚟睇吓使唔使排隊。因為早咗過嚟，排咗5分鐘就有位舖頭位置比較窄，座位較小坐低左之後無耐出面都已經有幾pairs人排緊隊了2個人食一個剛剛好。✌🏻刨冰口感細滑個焙茶味超級香濃，除咗茶味，另外配搭既忌廉令到個口感更好食晒成個真係無敵消暑，唔覺得好漏若然吾中意抹茶同太甜的人，推薦食焙茶味👅…Read More

喺附近做完野，周圍行下睇下有咩食！見到呢間食白湯拉麵好有興趣想試下😍本來想嗌下午茶set，不過過咗幾分鐘入座，所以就單嗌左個牡蠣白湯拉麵同唐揚博多華味鳥首先講左個拉麵先係我中意既細麵，好掛湯，每啖都好鮮，而家都豐富。再加左隻唐心蛋，牡蠣好好食，一啲腥味都無，不過得一隻。而小食唐揚博多華味鳥就一般般，肉質無乜特別。下次會試下餃子…Read More

本來喺其他區都見過呢間分店經過見到呢間新開，又有下午茶平啲就諗住試下😝今次嗌左麻酸辣湯底小辣麻感就無乜，個湯就好夠味既覺得喺元朗黎講都算係好好既湯底🤓餸簡左滷水雞翼同豬頸肉對呢碗野好滿意雖然豬頸肉切得比較幼但係非常之入味另外雞翼就無豬頸肉咁入味不過勝在夠滑，而且有3隻!!!!!下午茶黎講都幾滿足😌…Read More

過左大閘蟹季節之後都有一鋪蟹癮🦀前排灣仔做完野，見到呢個餐廳名好搞笑，當時店內都full左，出面都有2pairs人等緊位，感覺上都幾受歡迎所以就排隊攞位，大概都係等左5-10分鐘內。最想試一定係蟹皇拌麵🦀($98)，蟹皇蟹粉同麵分開成碗上，口感杰身，味道都算豐富，唯一可惜既係吾夠熱。另外嗌左一人拌麵套餐($88)，我自己簡左油潑辣子魯肉Biang Biang麵，因為我都中意食辣所以都好期待，而且包一款小食同飲品，喺香港地食dinner都算幾抵。麵質我好中意，好似刀削麵咁，闊身又彈牙，而魯肉好三層肉，好入味好淋，如果份量多啲就更好。而個辣度都岩岩好。🐥口水雞如果再重口味d就更好！…Read More

依家旺角有好多拉麵嘅選擇，以前第一次食係喺銅鑼灣嘅分店，嗰邊嘅座位比較少，呢度就闊落啲。別天神係自己喺出邊自助機度，撳完俾錢再比張飛俾店員。每次嚟都係揀豚骨拉麵，叉燒份量都有三舊，湯底豬骨濃郁，我一定會配搭埋辣芽菜同埋生蒜蓉，係會令到個湯底再昇華。最鍾意係佢嘅辣芽菜係無限份量自己夾而拉面就係幼身，我覺得會比較掛湯另外有個套餐係包埋餃子🥟，我覺得日式餃子就比較正常，比較細隻嘅日式餃子，可嗌可唔嗌。朋友就嗌咗另一個櫻花蝦湯底，我自己就比較鍾意豚骨…Read More

相信老闆娘冇人唔識，為咗唔駛等咁耐，所以多數都嗌外賣，依家嘅開門時間係5:00，所以我提早15分鐘過去落單。如果早到過去嗌外賣嘅話，等30-45分鐘左右。但係如果遲咗少少過去，已經見到開始有條龍排緊隊，基本上見到佢日日都有人排隊😂我最鍾情於佢麻酸辣湯底之前試過中辣，雖然佢嘅辣度都係我可以接受嘅範圍內，但係佢真係超級麻，食完個嘴唇會跳舞💃🏻今次都係嗌返小辣，酸度同埋辣度適中，嗌辣嘅話會有埋肉碎好入味，米線份糧絕對足夠，米線係爽身，唔係淋身嗰隻，最值得讚賞，應該係炸物每次必嗌炸雞，有4舊新鮮炸出嚟咬落去會有肉汁而且每舊份量都唔係細架另外嗌咗個鮮菇腐皮幾香口仲有試過返到反斗蝦滑炸到好脆身，我自己點啲湯食好吸味…Read More