Eatoutsider's Profile

我們叫咗一個牛腩飯配凍檸茶和下午茶餐奶油豬配漢堡扒配熱杏湘。雖然嚟錯蕃茄炒蛋配奶油豬，但無所謂啦，都嫩味嘅~我腩飯比平日茶餐廳好味道，夠味又唔韌，又有菜喎奶油豬都好好味，飽夠脆員工健談。另外話走飲管都可以，多謝支持環保!…Read More

喺雅蘭中心做完嘢，要兜出去山東街仲要落地牢先到。假日午餐set叫咗個沖繩 agu 豬拉麵和咖哩炸豬排飯。拉麵味道還可以，豬排炸得太燶喇吧！咖哩都有啲辣，如果唔食得辣就真係唔好叫。服務一般，只係其中一位侍應，頗男仔頭嘅女侍應，放低我碗咖哩飯好似好艱難，差啲倒瀉，好似expect我會自己接碗飯咁雖然佢另一隻手攞住杯嘢飲，但係都幾唔正常，我諗我未遇過咁嘅侍應。食完了，有個男侍應收碗，唔夠5分鐘，嗰位男仔頭女侍應又放低碗拉麵俾我哋買一送一?舉手搵人，而剛剛收我哋碗嘅侍應過來，仲好疑惑，最後碗麵係隔幾枱的呢啲就係而家啲侍應放低食物唔講嘢，無交流囉唔講服務，食物同價錢都成正比嘅，下次試第二間好了…Read More

餐廳裝修幾舒適，價錢都係百幾二百噤上下，就入咗去試下。柯打咗一個 set 同一個甜品頭盤嘅芥末薯仔沙律都無咩特別，喺隻 cocktail 杯 serve, 好似好靚咁，味道一般。湯係加咗錢要龍蝦湯，我沒有影個 menu,印象好似在 menu 無寫要加錢的不過最後選擇加，而呢個加錢項係全個餐叫最好味的。主菜柯打羊架，好似好大份喎都，但食落就完全無味，無肉味，只係靠側面啲汁。餐飲要一杯熱朱古力但係稀到好似水咁樣，老麥也好味過佢...用鐵鍋嘅 pancake 配焦糖香蕉同 raspberry 雪芭物體，其實個感覺似熱嘅蛋糕，唔係咩特別嘢。…Read More

一星期已經嚟咗兩次，一次晚飯， 一次下午茶。價錢唔算貴，味道又唔差，有返台灣的感覺。食物煮得好夠味，唔濃唔淡，啱啱好不過下午茶試過愛文芒果汁，淡味咗啲，濃味返啲會好一點。侍應態度非常好，有兩個侍應喺我第一晚去，佢哋都有同客人有交流，除咗送餐收餐，仲同客人小朋友傾偈，亦好細心，小心翼翼放好食物，怕會燙傷小朋友。兩日企門口位置的(兩日係唔同人)，都會簡略介紹餐單，主要食乜東東，有咩特別。環境算舒適，乾淨整潔…Read More

好久沒有到過，便選了它。到了門外，並不是自己按機取籌，是人手發籌，但是等了良久也沒人站出來發個籌給我們。偷望入去得兩三個侍應，發餐埋單忙到無人可以嚟門口。那段時間是午餐時段嘛，為什麼這麼少人工作?等了大約半小時終於入座了。下單的侍應與以前的態度和禮貌都很大分別。食物方面，我哋叫咗個set 包括細拉麵及一小食一飲品。我哋要咗熊本拉麵同加10蚊要細饅魚飯，餐飲是杯凍檸茶，額外加杯草莓益力多梳打。我望完個拉麵唔想食，先生食咗，味道一般，以前好味啲，我食細饅魚飯，饅魚飯還可以，燒汁好夠味。以前多在銅鑼灣分店食，後來結業，在這家分店都食過兩次，對比起以前銅鑼灣同以前呢間分店，服務差了很多很多!食物也不是比以前好食，明明是麵屋，但個麵望落我已經唔想食...像是香港快食麵舖頭…Read More

我不是第一次在這餐廳吃東西，之前兩次都是午餐或下午茶， 都並不覺得有太大的問題， 剛剛上一次本來想吃厚鬆餅而侍應說厚鬆餅的menu 只在下午8時半後才供應，故我嚐到期待已久的 tiramisu waffle 並非平時食的那種 tiramisu之相片， 而今天有幸 在晚上8時到葵芳吃晚飯，那我8時15分就先柯打了意粉餐，侍應已一早告訴我厚鬆餅柯打後要1小時才到，所以我再等8時半，立即，係立即! 即刻柯打草莓族厚鬆餅。當佢俾餐具時，我 o 嘴!是包裝好的膠刀叉匙完全沒預計過，之前都是鐵具，隔離枱都是鐵具....完全 o 嘴~然後聽見附近食客有人都追飲品，我心有不妙的感覺。有侍應給水果盒後都有過來問我們是否欠兩杯飲品，我還以為沒有忘了我們....到隔離枱後到的食客柯打完，餐飲都給了他我就叫著侍應說隔離枱遲來過我們而佢嘅餐飲到了我們的還沒有，之後都還要等一會才送過來最混亂是我聽到隔離枱追咗薯皮不只一次，但一路都無嚟，當8點半到我落單要厚鬆餅後，又發現我哋張單錯咗，而隔離枱張單加咗後到食客的柯打後都錯咗，似乎將佢哋個薯皮加咗落我哋張單度，講完後改咗我張單無薯皮但係又到已經嚟咗幾餐嘅名同價錢錯，佢打咗隔離枱後加的餐! 而隔離枱張單改咗第三次都係錯!當我哋等緊厚鬆餅時又聽到另一邊隔離枱追柯打，佢哋有3個人，兩個餐都食咗一大半，仲有一個末有....其實間嘢枱數唔多，亦唔係滿座，有4個樓面，點解會噤亂???完全唔明白囉!…Read More

搬來青衣後都幫襯咗好多次，後來投入環保生活，會叫侍應走膠棍膠飲管，初初成功，後來幾次都唔走，我無去幫襯一排，尋日經過去食下，單上有寫"走餐具"，終於喺我好支持"咪嘥嘢食店"呢樣唔浪費同時進步到可以走埋膠棍。講返食物先，我就覺得無以前噤好食，但係我仍然好鍾意佢嘅奶茶，唔係度度奶茶都好好飲㗎，加$3蒜蓉多士都嫩抵喎，原來係成塊，我初會以為得3舊仔法飽。要求唔高，普通平民醫肚已經好抵食㗎喇尋日食下午茶，我都有食過早餐，食過兩次，質素就差啲喇，早餐我唔會再去食…Read More

只想在讚好，兩天前寫食評，叫特飲是請侍應走膠飲筒，但是最後兩杯特飲都拆了粗飲管，事隔兩天我再來，我再次問侍應可否飲管，佢今日答我“當然可以啦！“非常開心和滿意的回覆啊！…Read More

今天下午茶吃了這個，好"漏"呀，鍊奶太多，但係味道唔錯。員工個個都好有善㗎~今次再飲特飲，叫咗侍應走飲管，最後兩杯特飲都係有膠飲管。再留意下其他客人，幼管佢係獨立包裝，嚟到都可以叫佢拎走，特飲就一早插咗粗管。日漸多人環保，佢哋服務噤好，我希望佢哋可以連呢支膠管都可以依客人需要唔加落去，佢嘅熱飲已經好好，無膠羹不過地下就有少少污糟，有少少黐笠笠，係啲甜飲漬嚟嘅…Read More

環境：-埋位坐在梳化感覺大腿有點"吉"，有食物碎在梳化啊服務：-點餐時侍應都沒什麼溝通的-放下食物不會有溝通也不會告訴你是什麼東西-收走枱上碗碟沒告知，靜悄悄的-湯都飲完好耐我突然發現枱上多了兩隻湯匙(不知不覺靜悄悄的放了在枱上)，我在想為什麼給湯匙不再給湯?我諗佢哋要認識多一 點西餐餐具的用法，畢竟是一家西餐而不是快餐/茶餐廳食物：味道一般，我們選二人餐，應該係香蒜湯但無乜蒜味(總之無乜特別味)，柚子雞翼同你將一隻翼分開二，都好呀可以一條骨咁"蒜"，牛扒較韌同多筋，明太子意粉份量都好足，飲品都夠飲唔洗加15蚊任飲，除非你諗住同朋友坐低傾成晚偈整體是可以，但有其他選擇就唔會去，加埋一嘅價要405蚊我覺得相對有咁嘅服務唔抵，只能說不太尊業，醫肚同朋友聚舊開心下係無問題嘅…Read More

最好味是奶茶佢哋應該用植物淡奶，奶茶我就覺得茶膽重要啲，咁應該係佢哋茶膽正喇，點解咁講?我都有去同一集團但唔同名嘅餐廳飲奶茶，完全唔同味之後我都不時會去食，價錢唔貴又好吃鐵板餐：第一次就真係鐵板夠熱，淋汁係會咋咋聲，之後兩次都中無咋咋聲，其實變咗好似係因為上食物器皿係鐵板就叫鐵板囉佢係"咪嘥嘢食店"，我從沒有嘥過佢哋食物，份量對於我係剛剛好我明白咪嘥嘢食店係主要減廚餘，鼓勵食客食晒，可以叫少飯，我以為佢哋係環保食店，但係減廚餘就唔減廢物，我飲噤多次奶茶都係放膠棍，第一次我以為係佢哋洗唔切剛剛過咗午飯時段，但其後次次都係就知佢哋唔係環保人士其實都堂食，做乜仲要係膠棍呢圍住鐵板張紙圈係幫食客擋咗啲汁淋落鐵板時彈出嚟嘅汁，但係都唔夠熱，都無汁彈，咁咪又係嘥嘢…Read More

我揀咗鐵板餐包湯，牛油豬仔飽同埋飲品餐廳環境唔錯，算係乾淨的一類員工亦好有禮貌食物份量好足夠，肉亦唔係難食唯一係湯，無味嘅，亦好水，湯面仲有少少油，不過好多茶餐廳都係咁嘅，但係稀到水咁就見得多，有油喺面好似無見過，好似飲緊奶白色有磨菇粒嘅水仲幫你加咗啲油調下味咁我係一個唔鍾意浪費食物嘅人但係我都真係飲唔落去，淨咗成半碗…Read More

前幾晚，在這餐廳門外等位時看餐牌，想好吃什麼。坐下後再看真一點跟什麼飲品。點餐喇，點解俾餐牌唔先同我哋講無啲咩?個問題係我哋點食物，你可以即刻答無，即係一早知，又唔早啲講!咁既然你多客，你一份份計數，一早就應該知無啦！二人點e同f，侍應才說"不好意思，賣晒，今日比輆多客"(滴汗，心諗唔洗同我講比較多客)我哋都笑笑口話再揀過啦a至f得6個餐無咗我哋食嗰2個有得咩揀呀好喇主菜揀完揀返湯或沙律我問有咩湯，侍應答完我哋話要湯侍應先答我"都賣晒"咁你有禮貌答我係咩湯又做乜唔接住話無，要我哋點嘅時候先講呢？最後我係問，甜品蛋糕係仲有咩揀，侍應話藍莓芝士蛋糕 無其他揀就唔要喇.....沙律到，是另一侍應送來佢話係二人沙律我頭後有烏雅同3棟.........................早我們一枱點餐都係食沙律，一人一碗就算唔夠碗，將佢放二人份量放一起，都唔會似一人份量多少少下嘛！主菜係無問題，味道可以…Read More

發現附近新餐廳當然去試下雖然在這小小商場一看到價錢第一個念頭是有少少貴，但之後覺得都值回票價。套餐不包飲品，但有甜品，好似未聽過無餐飲嘅餐不過我認為是好的，晚飯喝咖啡茶類棧睡不著首先來的是麵包，店員說是自家製，沒防腐制，咬落係有唔同然後湯，好，唔係出面嗰啲好稀嘅忌廉湯，足料，每啖都有好多微細磨菇粒主菜份量好夠，相同價錢比起出面西餐廳份量足夠，味道好，我叫的是羊架，難咬是因為我叫熟啲，大家可以叫唔好煮噤熟甜品來了蛋糕，又係好好味，芝士蛋糕鬆軟，我自己就唔鍾意食一舊硬磚口感嘅芝士蛋糕，所以呢個甜點我最喜愛另外就是店員服務非常好，親切，舒服的笑容， 健談…Read More

二人柯打了黑椒牛肉炒意和海鮮炒烏冬兩者味道唔差牛肉唔韌海鮮唔算好多，一般茶餐廳份量啦熱檸茶就好苦囉，mix咗佢杯免費茶都仲好苦，最後要加多包糖，唔知係檸檬唔夠新鮮唔夠味定係佢啲茶浸得過濃呢？！但還可以啦，但價錢就比灣仔茶餐廳啲下午茶價錢還要貴…Read More