MaggieC.'s Profile

串燒必試既 蟹肉牡蠣好鬆脆，好多蟹肉係牡蠣上面蜜瓜牛卷食左3款⭐️拉麵呢間拉麵麵質都偏粗，覺得有啲似烏冬，咬口偏硬身，覺得有啲似上海麵。虎蝦濃湯麵大大隻虎蝦新鮮香口建議先食拉麵，掛滿龍蝦湯味既拉麵，好香好濃。之後再食口虎蝦先再食口拉麵，龍蝦湯咪會變左蕃茄湯味。 味道好神奇，必試之拉麵。火夫咖喱麵就咁睇唔吸引，外面好似淋左一層白cream，撈一撈就會見到咖喱，但味道冇龍蝦湯咁香口。本格撈麵 所有材料撈埋一齊充滿蔥既味道。…Read More

平日既6點幾walk-in仲有位，可以坐出面既露天位置，幸好當晚天氣唔算好涼，不過露天都會係吸煙區。坐係露天位啲茶壺係沒有坐熱爐仔，室內坐既客大就有，所以啲茶好快凍。一開始係會有一盞“地球”燈，幾靚，不過好快被收走，唔係就唔夠位放野食。（要打卡就要快！）一定要黎試既片皮鴨，我地3人行叫左半隻。店員都有介紹每一道鴨部位應該如何配搭，特別係雞胸皮配藍莓醬加爆炸糖，好特別既配搭。包住鴨腿肉既薄皮真係好薄，每一塊都有蒸籠紙隔住。蜜糖脆芋絲一開頭食有蜜糖拉絲效果，甜甜啲，幾好食。不過隔左一陣就可以凝固左，變得好硬，要好匙羹整碎先可以食到。建議呢個要極速快食！籠仔櫻花蝦蒸飯足料既蝦乾，魷魚，正常既蒸飯，味道上沒有特別大既驚喜。…Read More

前2日話要食呢間，見openrice已經冇得約，就打去試下得唔得，結果book到晚上8點3位。一入座被安排到海景位，正呀！ 三文魚子海膽忌廉醬烏冬 一上枱，賣相好靚！不過味道就一般，味道係有啲乾炒河味道，之後配番啲海膽撈烏冬食就好啲。 奇太郎原味炸雞 (鐵板芝士)炸雞係冇骨，但個人鍾意有骨炸雞。鐵板芝士上到枱仲好“滾”，即刻沾炸雞上去有“拉絲”效果，打卡一流。番薯條配柚子蜜糖醬番薯條好甜幾好食，配柚子蜜糖醬幾特別。 不過唔建議沾太多醬，會搶左番薯條原先既味道。 太郎花生BB足料香蕉蓉和花生，會有飽肚感。肥納百川濃濃既朱古力，十分邪惡。士多啤梨紅莓乳酪比相像中清淡莓味，飲落較健康。…Read More

平日既下午去旺角食lunch，搵路既時侯要留神，係一條隱蔽既樓梯行上去就見到R.I.M.K。食左2個lunch，可以另加$48變lunch set，有餐湯甜品同餐飲。迷你櫻花蝦濃湯餐湯略為有啲鹹招牌名古屋蒲燒鰻魚蛋包意大利飯 蛋夠滑，蛋入面包著意大利飯好好食，好夾，食到冇停口。蒜香辣椒蜆肉意大利粉配軟殼蟹粒粒蜆肉係入面，意大利麵係我鐘意食既口感，軟殼蟹都冇令我失望，好好食！ 甜品可以自己揀提拉米蘇就一般，似海棉蛋糕。而柚子日式芝士蛋糕超好味，好香好濃芝士。結果忍唔著再加1蚊任食甜品放題，再試埋另外個3款。個人最喜歡日式芝士蛋糕排名：柚子，抹茶，原味，朱古力…Read More

平日lunch walkin有好多位，見係The Wave新工廈商場就去試下。 Lunch Set係Semi-buffet，不過選擇都係唔好多。每款攞左少少黎試，味道一般，沒有太大驚喜。 香烤豬扒配蜜桃燒汁豬扒幾厚，幾有賣相，可惜就偏乾，薯角都好乾，唯一好食啲既係青豆。香煎盲鰽柳配意大利青醬魚皮好乾唔脆口，魚口都還可以。醬汁沒有特別地帶出味道。…Read More

平日下午去左宋皇臺站附近食野3個人分別叫左燒豬頸肉湯河、菠蘿雞粒炒飯、泰式炒金邊粉。燒豬頸肉湯河 （最推介）燒豬頸肉好好食，唔乾身！簡單芽茶，蔥做配料！河粉好快賣晒！ 可轉金邊粉／米粉菠蘿雞粒炒飯係有泰式感覺，加入乾提子落去炒，都幾香口。泰式炒金邊粉（最不推介）呢個等左好多先黎(上面個2碟都食左一大半），呢個粉金邊粉係配雞肉（雞肉係另外淋上啲醬，但我唔係好得出係咩）可惜既係我食食下發現左隻蝦尾殼係金邊粉係入面，我當係炒上一碟既時侯留低，冇同職員講聲。 泰式奶茶係唔錯！…Read More

星期六下午去深水埗食Lunch, 都好多人等，我地2個人等左4張枱就入得。 Poke Go有outdoor位，主要比有帶寵物既食客黎坐。 如果冇人坐，啲員工就會比等待入座既人坐住等待，再比定啲menu等我地揀住先，非常好既服務。 一入座就可以直接落單啦！我地揀左Signature bowl （亦有自選材料既bowl）OHANAONO兩款Bowls既好多料，蔬果好新鮮，三文魚都好多，我食到最後一啖都仲有三文魚。 (唔知係咪我食得好平均)黃金蟹卷份量比想像中多，個醬汁似wasabi味 （我本人不好wasabi味，所以點左一次就冇再點！）紅火龍果汁新鮮果汁配埋個果乾(好甜，不錯!)絕對可以encore!…Read More

平日既晚上行完Donki之後搵野食，搵到呢間新開韓式炸雞就係Donki對面街，就去試下。跟住個地圖行搵左一陣先搵到，因為個商場入口係兩個私樓既中間位，有條長廊行入去。叫餐時記得枱上有鐘按，如果就咁揮手係唔會有員工理你，我地都係直到有個員工好心提我要按鐘先，所以我地按左2次鐘先等到有人黎幫我落單！（個員工提我但係等我按左2次鐘先行番過黎幫我落單，奇怪！）另外講下： 個餐廳有個機械送餐，但係冇咩特別。 半半炸雞 （原味+秘製蒜香）雞脾，雞翼都好嫩口，唯獨雞胸做唔到juicy，有啲乾。芝士炒辣豬肉蓋飯芝士做到拉絲既效果，味道都算不錯，有啲似石頭鍋飯。藍莓雪泥好好飲！入面真係有莓blend左，好易入口，值得推介！ …Read More

平日既6點鐘Walk-in 可以直接入座，環境唔錯，好有西部牛仔風格，座位有分高枱同平時既座位。我地3人既選擇左高枱。今晚揀左極力推介既柚子麥啤浸脆皮德國鹹豬手有淡淡既柚子味，但脆脆既豬手皮更為吸引，咬落既聲音可以錄ASMR. 香煎鵝肝露筍牛肝菌意大利飯鵝肝煎得好香，好易入口，以Risotto黎講係好食，略為飯粒可以再有咬口啲。再配番個小食 煙肉雙色芝士焗薯條上到枱係熱辣辣架，平時去餐廳食既薯條都唔係好熱，正常溫感，但呢度既薯條係焗過，所以熱辣辣好好食，配埋芝士同蕃茄醬，正！ 我最滿意既菜式。飯品飲左丁香肉桂檸蜜，好香肉桂味，加埋檸蜜好潤喉。…Read More