愛吃的貓's Profile

之前都買過幾次，不過係好耐之前，今日再經過，就買咗碗紅豆沙豆腐花，呀姐聽錯綠豆沙，我同佢講返係要紅豆沙唔係綠豆沙。結果佢用同一個碗倒返d綠豆沙落煲，再筆紅豆沙但係其實我大肚真係唔食得綠豆沙，會頭暈，佢望住我個肚死撐話可以食，唔洗怕下次唔敢再幫襯。$18一碗又唔係特別好食又細碗，只係佢位置就腳。…Read More

熟食中心入面見到呢間舖頭個裝修幾靚，同埋好似幾好坐就入咗嚟。個意粉汁幾濃味我自己幾鐘意，雞肉都幾滑。$78響呢個場唔算平，但係響觀塘嚟講就差唔多，而且佢都包個南瓜湯。不過如果係包熱飲我覺得會更好。下次都會再嚟試自己嘢嘅。…Read More

聽朋友介紹話元朗有間好好味嘅拉麵，而且上開飯喇又見到大量好評。正好今日入開元朗，去開永年附近見到呢間拉麵原來就係對面！就去咗食午餐。因為剛剛開門唔係太耐，一入門就有位坐低。叫咗招牌嘅焰拉麵，小食好平，就叫咗炸紫薯餅同黑椒墨魚咀。拉麵好快就到咗，一試湯頭，係好濃郁嘅豬骨湯，帶少少鮮甜，正！但係寫咗要硬麵，麵依然係好軟嘅.....叉燒亦一般般，雖然大塊但係肉質唔嫩，仲有d「孩」口。小食味道唔錯，可惜主角真係一般。相信都唔會再嚟lu。…Read More

星期一果晚，同朋友響銅鑼灣睇完戲，唔知食乜好，見到戲院樓下有間無休館，價錢唔算貴，所以就決定試試佢。我地叫咗茄汁雜菌闊條麵、紅酒牛脷飯、星洲炒蘿蔔糕、芝士焗薯角。闊條麵同薯角只係一般，特別係芝士焗薯角竟然只係落芝士粉係面，令我呢個芝士怪魔有少少失落。但係牛脷飯個牛脷厚身得嚟煮得又軟熟又入味，星洲炒蘿蔔糕亦好有驚喜。而係銅鑼灣嚟講，呢間餐廳價錢都幾合理，諗唔到食乜嘅時候不妨試試。…Read More

上星期同朋友們去咗煤氣中心開嘅呢間西餐廳食lunch。我地本身都唔知原來有呢間餐廳，係朋友買煤氣爐送咗coupon所以先嚟。不過要早一星期book枱，唔知係本身成日full booking定要用coupon嘅關係。朋友叫咗all day breakfast,牛扒,我同男友就叫咗黑松露意大利飯同埋卡邦尼闊條麵。牛扒、意大利飯同闊條麵味道都唔錯，不過原價都幾貴。下次可能特別日子先會再嚟。…Read More

尋日lunch約咗朋友食晏，佢帶咗我去食筷子記，話以中環來講都幾平靚正～十二點三左右，店內仲有大把位，坐低之後就開始苦惱揀咩餸。多數食車仔麵我都一定會試冬菇同雞翼/翼尖嘅，今次我就叫咗冬菇、瑞士雞翼同咖哩魚蛋，沙嗲汁撈米線小辣。（呢到有得揀湯麵/撈麵)跟住到飲品，諗住都係檸茶檸水/咖啡奶茶果d，點知佢仲有一堆特飲，跟餐只係加3蚊！所以我就叫咗個凍嘅薄荷朱古力。呢到嘅冬菇好淋好入味，咖哩魚蛋好夠辣，而瑞士雞翼味道就ok不過不失。沙嗲汁撈米線好香好惹味，米線比較軟身易入口。我仲試堆埋朋友d餸，魚蛋角同包心魚片頭同好好食。3餸麵加埋特飲都係$39，以中環嚟講都幾抵，不過一到1點就好快要走，因為開始多人等位lu。…Read More

今日同朋友去咗呢間cafe到食飯傾計，由於掛咗黑色，店舖入面人客唔多。我地叫咗凱撒沙律、卡邦尼長通粉、3 sour同埋後加咗一個蘋果pancake。沙律就普通，無咩特別。卡邦尼長通粉醬汁味道夠濃，通粉唔會太軟，我幾buy！3 sour係柑桔+青檸+檸檬汁整嘅特飲，酸酸地幾開胃。蘋果pancake最驚喜，無論賣相同味道都好，加咗糖漿之後甜甜地，上層鬆軟下層脆脆地。唔知平時多唔多客，但係今日黑雨，店內keep住得幾檯客，我地一路食一路傾坐咗5個鐘。非常悠閒～…Read More

星期一上午，我地去咗永年，不過人太多，舖頭太細所以買外賣返朋友屋企食。第一次幫襯，真係多人到大開眼界......12點開門，我地12點4去到已經有廿幾人排緊隊。我買咗3餸麵（小辣）加紅豆凍奶茶。麵底要咗油麵，餸就揀咗雞翼尖、牛筋、豬紅。朋友屋企係永年附近，我地好快就返咗去開餐。估唔到佢個小辣都幾勁，不過辣汁好惹味，配油麵好好味。豬紅好入味，牛筋好淋。係雞翼尖有少少失望。但係總括都好好。係價錢貴少少。…Read More

上星期難得放3日假，入咗元朗搵朋友玩。跟住夜晚就食朋友推介嘅呢間小菜館。我地4個人叫咗5樣嘢，包括口水雞、蠔餅、豬手、蝦醬炒通菜同埋椒鹽鮮魷。呢到個口水雞同豬手都整得幾出色，口水雞唔太辣但係雞夠滑，汁又開胃。豬手皮脆肉嫩。其他嘢就中上。而且價錢都幾平，飲埋兩支酒，埋單都係每人一百蚊左右。會再嚟幫襯。…Read More

早幾日屋企人帶我去食佢最近成日去嘅茶餐廳到食tea，其實價錢都幾貴，拍得住翠x果d。不過一行入去就見到個傳菜機械人，雖然我唔覺得佢得意，但係店內嘅老人家同細路見到就好開心。我叫咗個芝士焗肉醬意粉，又叫咗個乳鴿小食$28。本身個餐送粟米羹同紅豆冰，總括來講雖然價錢唔算平，但係味道都唔錯～…Read More

今日lunch去咗食一風堂，無叫平時食開嘅赤丸，而叫咗限定嘅海老拉麵。雖然湯頭好濃郁，但係唔熱。而且加咗檸檬同芝士碎之後，唔覺得特別好味咗，反而係覺得好滯。落單果陣叫咗硬麵，結果都係好軟.......另外叫咗餃子同同事一齊食，但係又細隻，又唔脆皮，餡料亦唔特別，$76/十隻嚟講好唔抵。…Read More

今日係母親大人生日，我地去咗試佐敦呢間新新（即係以前新樂）。唔知道點解會轉名，不過知道好多有錢人同明星會特登嚟食，今次終於試到！我地叫咗8餸1湯加壽包，本身係叫9個餸不過佢無入到單。第一個餸係燒雞，面頭有炸蒜粉，燒雞皮脆肉嫩，幾好。跟住有龍蝦伊麵，龍蝦新鮮多肉，伊麵調味調得幾好，唔會咸個汁又唔會太杰。帶子炒蛋白都唔錯，我鍾意呢到個調味唔會好味精同咸。蒸魚好驚喜，唔痴骨，魚又滑。咕嚕蝦球，皮脆蝦又大大隻，加上咕嚕汁好醒胃。話梅豬手煲，好少好少嘅酸味+微甜味，味道唔錯，而且d毛燒得好乾淨呢樣嘢抵讚。其他仲有金銀蛋白菜仔、肉碎炒四季豆同冬瓜盅就中等啦。壽包細細個o岩晒做甜品。呢間酒樓晚市都幾抵食，最後都係$1800埋單，其他酒樓（有魚有雞有龍蝦）星期六晚市一圍都要超過$1900。下次會再嚟…Read More

尋晚同屋企人去咗旺角，近大角咀位置嘅呢間餐廳食晚飯。我叫咗個牛家三兄弟（牛筋、牛肋條、牛𦟌，牛脷無貨所以改咗牛肋條）配刀削麵，水蜜桃紅茶，屋企人叫咗個小食-甘梅黃金條一齊share。呢到嘅牛系列做得好好，全部都炆到好淋，我最鍾意佢嘅牛肋條，其次就係牛脷，可惜尋日無貨。刀削麵煮得較軟但依然有口感而且一d都唔粉。湯底係傳統台灣牛肉麵湯底有啖啖酸菜同醬油味不過走咗辣味。甘梅黃金條即係炸地瓜條再加上甘梅粉，唔係太多地方有之餘，呢到整得又熱又好味，蕃薯味夠香加埋甘梅粉夠晒開胃。蜜桃紅茶都唔錯，有d似健怡出果隻蜜桃茶。呢到勝在餸同飯麵嘅配搭都幾多選擇，又夠似台灣味道。…Read More

好早食完晚餐，由旺角行到去深水埗，經過康瑞就入咗去食糖水。我地叫咗一碗仙草百配（1號）同埋桂花酒釀芋圓。同之前食一樣，水準無下降到，芋圓同地瓜圓咬口十足又唔粉，加埋仙草、薏米、紅豆、西米、花奶一齊食，唔會過甜，又好似好健康咁。至於桂花酒釀芋圓果個就香d，但係無咁甜同無咁多種口感，我無咁鍾意。…Read More

家姐話之前食過一間餐廳d豬扒好好食，於是今日就帶咗我去食。我地叫咗一個鮮茄焗豬扒意粉，一個黑椒汁豬扒煎蛋飯。豬扒唔肥之餘，肉質仲好嫩，亦唔似有落鬆肉粉。焗意粉無焗到一餅嘢，意粉係幼身而且煮到軟硬適中⋯⋯叫咗兩杯特飲，一杯青蘋果味，一杯熱情果味，青蘋果味嘅太甜，熱情果味嘅酸酸甜甜較好飲。呢到夜晚6點前叫嘢食，都仲係計午餐價錢，好抵食！下次會再嚟食⋯⋯…Read More