abbytong's Profile

經同事介紹話經OPENRICE訂位會送串燒拼盤所以BOOK左試一試 午市定食款式都多,價錢連加一$100至$2XX都有選擇 味道都正常,有飲品+甜品,都一定夠食 但店內待應質素極差,特別是短髮女待應,沒有特別穿制服的 不知道是負責人/傳菜員 我們獲安排坐係一個風口位,等左陣食物未上菜但實在太大風keep 住吹正頭頂好聲好氣問可唔可以較細少少冷氣,因為真係直吹住 其中一名穿制服的聽完不作理會,淨係話唔得 之後再問另一位沒有特別穿制服的女待應 都係目無表情安排我們調位,此時我地仍然係未上菜的 之後突然短髮女待應放低一份唔係我地order的小火爐 我地話唔係我地叫的,之後佢好大聲: 你地調左位呀嘛!叫左咩你地唔知架咩? 之後另一位同事同佢講,唔係我地叫,應該係隔離枱既食客 短髮女待應再話: 佢地調左位呀嘛, 搞亂哂我！完全唔明白一間日式餐廳點容許有呢d 質素既員工 自己睇錯單仲可以聲大夾惡當時因為仲未上菜,我們都諗住息事寧人 之後其他待應又突然收走隔離枱食客既餐具 大家都有同感,唔知以為自己食緊茶餐廳, 不過正常茶餐廳待應都一定比佢地有禮貌同埋對自己工作範圍更加清晰 咁既態度真係唔會再回頭。訂位贈送的串燒set…Read More

經過西洋菜北街，見到呢個cafe 同其他bar好唔同，個裝修好吸睛就同朋友試一試🤩 20:30之後得返small bites 同dessert類，好彩我地致在搵個地方傾計，都試左4樣小食🔹House Nachos / $108Nachos 上面有滿滿芝士肉醬，不過太多醬既關係令到粟米片會淋左，不過貌相係好吸引，最後都係停唔到手食哂😂🔹Cajun fries / $78薯條上面有d 味粉，少少辣，不過食得辣既我希望再重口味d🤤🔹Blue mussels in white wine / $1083 款小食都係即叫即整 調味都唔錯 幾適合飲住野傾下計慢慢食🥂最後我地仲叫左🔸Churros / $78一上碟朋友覺得個擺盤好靚佢係Churros 愛好者都覺得好滿意下次一定要試埋佢地既main course!!🔸Matcha Dirty / $65🔸Flat white / $45咖啡既質素都好好，朋友覺得杯Matcha dirty 超重綠茶味🍵同場都見好多人飲佢地既cocktail 咖啡師同時係調酒師 地面係cafe 樓上可以飲杯cocktail👍🏻 而且cafe 既裝修好有feel 整體成個感覺都好舒服☺️Happy night!@2soon_cafe 📍 2 Soon Cafe 太子西洋菜北街324號地舖營業時間12:00-00:00…Read More

今日行經銅鑼灣行完商場突然想食下咖哩，就上網搵左間印度咖哩餐廳，呢間食肆係正門上一層，入到去見到鋪內擺設左唔少既印度特色裝飾，例如有特色既餐枱，碗碟，牆身裝飾等等，感覺到似置身係印度咁，加上店員同廚師都係當地人，更加有代入感💫餐牌上有前菜，冷盤，燒炸物，咖哩同烤餅等等，好多印度特色既小食呢度都有 ! 前菜脆薄餅正餐未到，店員先送上兩份烤得好香脆既脆薄餅，再加配兩個地道風味醬比我地，分別係深紅色既甜酸醬 + 有椰奶味青色既辣薄荷醬，配上脆薄餅食各具特色。串燒五香雞件之後店員見我地食完，就送上我地點既串燒五香雞件，店員用鐵板上，慢慢睇住雞件烤至外層微燶，仲聞到豐富既醃料香味，一咬落去原來肉內鎖住左好多新鮮既肉汁啖啖肉 ! 咖哩特式羊肉 + 芝士烤餅呢款羊無太多羊羶味，不過就好有羊肉香，肉質有嚼頭，好岩肉食獸既我地 ! 再配搭埋係好多香料既咖喱，做得非常惹味，而且質感好creamy，先試下就咁食幾啖咖哩，口感好豐富會令咖哩味充滿晒成個口腔 ! 辣度唔太強，好適合唔太食到辣既人食 ! 而芝士烤餅好足料，即叫即整，做左好多層次感係烤牌入面，內部仲散發住好香既芝士味，就咁食已經好香口，而且放左一段時間都仲係好熱 ! 配埋咖哩食好夾！整體成餐飯可以慢慢食，同朋友傾下計，環境都幾舒服👍🏻…Read More

🍔雙層陀地手打牛肉👍🏻👍🏻👍🏻👍🏻👍🏻🍟厚切鹽味薯條👍🏻👍🏻👍🏻👍🏻🍔咕嚕菠蘿炸雞👍🏻👍🏻👍🏻😋炸燒賣👍🏻👍🏻👍🏻👍🏻👍🏻🍔呢款係鹼水漢堡包，包體好香牛油味，係有口感既包，我自己好鍾意呢個包既texture，手打牛肉好juicy，配埋酸酸辣辣既自家醬料同芝士🧀，好驚喜😍咕嚕菠蘿炸雞🍔真係好似食緊啖啖肉港式咕嚕肉感覺，鍾意食炸雞既朋友唔可以錯過😬😬 好欣賞佢地本身個醬+焦糖洋蔥，食得出好用心製作！炸燒賣一定要食！外脆內軟，加埋d 乾辣椒粉超惹味🤤 薯條有2款，有淡淡既牛油甜味，幾特別👍🏻見佢地都好多單，我都預先whatsapp order定自取，店家回覆都好友善，而家疫情有免接觸既取餐區呢個設計真係唔錯👍🏻 …Read More

下午茶時段見到有人排隊，係門口見到有隻可愛貓貓，一於決定幫襯下！餐廳座位唔多都坐得幾迫，自從轉手改名後都係第一次幫襯。試左椒鹽豬扒飯炒底同埋招牌雞扒滑蛋飯，坐喺隔離都見到侍應不停包外賣，生意好好。咁啱聽到椒鹽豬扒飯係我叫完之後就停，應該就係最後一碟，上碟嘅時候只係微溫，而且豬扒偏咸，而且係好咸既咖喱醃味多過係椒鹽味，可能咁啱最後一碟所以唔好彩。然後餐飲既杯同埋餐具衛生都有待改善。相反朋友嘅雞扒滑蛋飯就新鮮熱辣得多，滑蛋好滑，另外仲配左啲蔥油同埋麻辣榨菜，雞扒都好Juicy，對比起上嚟呢個出色好多。…Read More

🍽All Day Breakfast 見到係bagel🥯就即刻想試‼️有沙律菜，芝士大啡菇，黑松露炒蛋，粟米貝果加cream cheese。可惜bagel有點失望，口感似麵包唔煙韌。其他食物都係即叫即整，味道正正常常。☕️Flat White飲品無跟餐，但可以減$5 每杯咖啡仲配上一塊獨立包裝既自家製蝴蝶酥，好有心😆拉花靚 而且溫度好夠熱 好飲👍🏻室內位置唔多，似一間小cafe🌷所以坐outdoor chill d🤗 都有打卡影相位架!! …Read More

好食既野絕對值得排隊小店賣既食物種類唔多，主打牛什，煎腸粉，粥，車仔麵，仲有自家製糖水/冬瓜茶。一個人食都唔怕尷尬，因為店員姨姨好nice。老闆老闆娘都好好人，一手一腳自家製既小店。食物製作需時，不過我覺得除左濃濃人情味，食物的確好好味。我最鍾意食蘿蔔牛腩飯，底會有索哂牛汁既生菜，超好送飯。牛腩飯會比平時多汁，唔係稠身的，但飲落肚係好順口，而且好濃郁。蘿蔔清甜，如果再淋身d 更好。牛腩唔係入口即溶個種，不過幾有咬口，盛惠$50，仲可以加錢加自家製糖水/冬瓜茶，都見到好多人嗌。…Read More

有日行過見到轉角有間幾大既茶記，見天氣幾涼，就坐左街邊，對住馬路隔離係d 五金鋪，都算開揚。見佢早餐都幾特別，可以揀辛辣麵/芝士麵/福麵/銀針粉，試左沙嗲牛肉銀針粉，火腿奄列多士，熱奶茶。沙嗲牛肉偏甜，而且湯底唔係好夠熱，覺得普通。多士薄身香脆，幾好食。火腿奄列都係正常質素，不過呢個價錢黎講唔係特別抵食，味道都係一般。而且奶茶面頭有好多茶渣，感覺唔係太好。不過鍾意坐outdoor 的都係一個選擇，因為好多位，距離都夠開揚，不過試左一次就夠了。…Read More

平時lunch最鍾意用外賣平台自取，可以預定時間去自取，方便又唔洗等，簡直係辦公室心士既福音😍最愛🧋黑糖珍珠烏龍奶茶，黑糖珍珠煙un，甜度都可以減。🧋四季春加芝士奶蓋，如果芝士奶蓋都有熱飲就好了，奶蓋唔算厚身不過好易入口好順滑，係最常叫之選！🧋桂花烏龍奶茶，會有淡淡桂花香味，加埋珍珠係幾夾的。🧋白桃烏龍，有粒粒白桃果肉，加埋寒天會再有咬口d。價錢都係$2x-$3x 內，返工時做下午茶都幾有調劑心情嘅作用。以上都係心水推介，雖然有時水準會有d 唔穩定，有時茶底會較淡/甜度有少少唔穩定，不過整體以呢個價錢黎講都算係中上質素！…Read More

平時lunch或者晚餐都會見到唔少人排隊，同男朋友預早食左個tea，餐廳環境好fancy，係田園歐陸風，幾打卡able😂 然後發現同場通常都係女仔friend或者係情侶，連男朋友都問我洗唔洗影下相😂😂 的確係約會/同friend gathering既好選擇👫🏼👭🏼🍟黑松露醬薯條 大愛薯條既我去到邊都會叫😂 薯條外脆內軟，配埋黑松露醬無咁單調，做前菜的確幾好😬😬🥞香蕉榛子朱古力忌廉班戟加雲呢拿雪糕又係冷熱交融既甜品🤤 班戟皮做得幾好，好薄，配埋cream+生果🍌🍫+雪糕好match，一個人都可以食哂!!🍨Tiramisu 男朋友話好似食緊雪糕，質地好幼滑但唔會過甜😋因為唔係太肚餓嘅關係我哋都冇試到其他主菜，唯有留返下次機會啦😆…Read More

疫情期間都少咗出去食午餐，聽同事推介試左陳廣記嘅咖喱豬扒飯跟埋餐飲凍檸茶外賣$62。價錢唔算平，不過份量都算幾多，咖喱汁上面全部都係青椒同埋洋蔥，咁啱呢兩樣嘢我都唔食嘅，而且睇到兩者都係比較生唔係淋身嘅。白飯整體偏濕，唔係硬飯，但咖喱嘅味道幾好，係偏港式偏辣，汁唔杰身但係好惹味，幾啱送飯。而且份量都幾多，細食嘅女仔都可以食到兩餐。凍檸茶質素正常。間唔中經過見到都幾多男人食，仲多數會食煙，因為有室外位置，而且座位都唔算闊落，所以買外賣都係一個好選擇。…Read More

午餐嘅時候最鍾意同同事食美味天皇，快靚正之選。不過要等到位都唔容易，以$5x 至$6x嘅價錢食到呢個質素真係幾滿意。首先餐廳嘅姐姐態度好親切，通常肉類都可以選擇雞扒豬扒牛扒羊扒，配上當日嘅醬汁我自己就通常叫黑椒汁，主食就可以選擇白飯，扁意粉，天使面或者薯格。肉類嘅處理都好好，尤其是豬扒好厚身，好juicy！相對上牛扒會比較薄身大塊d, 但配上黑椒汁好惹味。最值得一提就係佢哋嘅薯格好新鮮，上碟時都會係熱辣辣，值得一讚。食完主菜仲會有甜品，通常都會係芝士蛋糕，朱古力蛋糕或者布甸糕點類，送埋餐茶絕對好飽。佢哋嘅熱柚子蜜我都覺得幾好飲。…Read More

喺元朗嘅後巷入面有間隱世嘅茶餐廳，相信識搵食嘅大家都會知道有呢間餐廳。平時收工嘅時候都會利用外賣平台預先落單，因為餐廳係即叫即整而且人手唔多，所以有時餐廳都會直接唔接單，所以叫到外賣都好好彩。佢哋嘅雪菜肉絲炆米真係好好食，雪菜加米粉加埋佢哋嘅調味融合得好好，食到最後都唔會覺得好油膩。屋企人最鍾意食黑椒牛柳絲炒意粉同埋鮮茄豬扒意粉。佢哋都覺得好抵食，而且味道好好。黑椒牛柳絲意粉好夠辣，不過相對上會濃味同埋油膩少少。…Read More

屋企人好鍾意食呢間嘅肉燥飯，我自己就最鍾意叫麻辣豬耳粉配自家製涼粉。佢哋嘅面底係好似比較粗身嘅米線，食落滑嘟嘟，配埋其他配料例如炸蒜，黃金豆，椰菜，芫荽蔥等等，令到個湯底都好濃郁。再加埋佢哋嘅辣粉，會令到個湯底再提升不少。豬耳本身味道帶微辣，唔食得辣嘅朋友應該都接受到，而且份量都唔少。所以食埋佢哋嘅自家製涼粉一定夠飽。涼粉係透明帶白色涼粉而唔係黑色嘅，要加埋花奶先至會有味道。ps 有時湯底會特別鹹，希望店家可以穩定返個水準！…Read More

係大澳行下見好攰，本身想食既又要等就真係好random 入左間酒樓入到去 地方好大 座位都算寬敞 望一望餐牌，都係普通酒樓會食到嘅小菜，喺店員好落力嘅推介之下我哋試咗：椒鹽鮮魷🦑炸得都幾香口而且炸粉唔算厚，但係一啲調味都冇，味道都幾單調，冇諗過會係咁嘅整法😅墨魚餅同椒鹽鮮魷🦑嘅整法一模一樣，只可以靠附送嘅泰式辣醬先有味，唔知係咪因為大澳係食海鮮為主所以用原味就足夠。鹹魚雞粒炒飯鹹魚雞粒炒飯都做到粒粒分明，不過整體偏鹹，朋友都覺得好普通。腐乳通菜最後腐乳通菜都係正常味道，但朋友覺得可能炒耐左/本身d 菜比較老，都係評價一般。最後買單都食咗接近$500. 相信都係做遊客生意所以價錢都幾貴。…Read More