Eat.is.the.life's Profile

《幸福滿滿的一天．Eat makes my day》👒港島中西區充滿著舊香港的味道，這天來到西環行一趟文青之旅，先到藝里坊欣賞Graffiti，再到「幸福單品咖啡」悠然自得地享用一頓幸福滿滿的Brunch。☕️「幸福單品咖啡」雖說是一家咖啡小店，但咖啡源自世界各地，種類琳瑯滿目，令人選擇困難🙂。到訪當天，我比開舖時間早了一點，於是在附近繞了一圈，途經西營盤社區綜合大樓，大樓外面仍保留着英式建築設計，打完卡，回去已成為當天的第二位客人，一坐下，男店主阿田先奉上一杯暖水。剛開舖，阿田還未開始忙著，花了少許時間給我講解一下選咖啡的心得，他說位於赤道國家的土壤最適合栽種咖啡，因此產自這些國家的咖啡質素比較高，另外餐牌上咖啡名字旁邊的數字代表咖啡的濃郁度，聽著聽著，心中選定了產自非洲的「肯亞AA」。☕️肯亞AA🪶咖啡初哥不恥下問😬，問了阿田咖啡是否直接飲，還是加點糖或奶。他說優質咖啡對身體好，他建議我先試試齋啡直接飲，嚐一下咖啡的原味，如真的覺得太苦才加點糖或奶。小口喝了一口，感覺不錯，甘香味濃。🍽食物方面，已知道這店的三文治🥪分量大，而且材料豐富，十分吸引，雖知道「真。幸福三文治」及「超。幸福三文治」是最多人推介，但我仍然選了「牛油果炒蛋芝士三文治」，因為牛油果🥑和芝士🧀是我的至愛。香滑牛油果配香醇咖啡，可謂絕配！🥑牛油果炒蛋芝士三文治🧀🪶材料新鮮，份量大😆。兩大塊烘底厚多士夾著分量十足的牛油果、炒蛋及芝士，一開四，吃了兩件已經好飽🤰🏻。🪶順帶一提，這兒下單是自助的，在點餐枱上取紙筆，自行寫下食物、飲品以及價錢後，交給老闆。因為只有店主一人，所以需要有心理準備食物製作需時。下單後，不妨用心欣賞一下內部裝飾，最吸睛的是那放在點餐枱轉角位的貓頭鷹，旁邊陳列了店內各款的咖啡豆，每張餐桌玻璃面下面放著油畫，相信是店主或店主太太的畫作。從店內裝飾可感覺店主的心思，擺設都帶點森林與部落色彩。🪶最後，發生了一個小插曲，令我對這小店留下美好的印象。結賬時，我才發現現金不足，而小店只收現金，我問阿田可否轉數快或過戶口，他卻說「不用了，下次才付錢吧！」這一下，實在令我大感不好意思，所以堅持問下去。最後，他給了我賣咖啡豆的電話號碼，好讓我可以轉數快付款。「幸福單品咖啡」的咖啡香味和人情味🥹，確實帶給我暖在心頭的幸福，亦令我這一天感到《Eat makes my day》～…Read More

《西灣河半天遊 美食篇3》-   金樺餅店港鐵半價乘搭日，特意約媽咪下午到西灣河半天遊，從網絡上搜集資料得知西灣河美食小店林立，於是我計劃先嚐地道美食，以傳統懷舊為主題精選了幾間小店，再到海邊景點愛秩序灣公園散散步。當日行程如下：第1站：珍香園 (傳統港式小食及糖水)第2站：小老板 (傳統上海點心)第3站：金樺餅店 (傳統港式麵包店)第4站：愛秩序灣公園如有興趣，歡迎到我嘅帳戶睇埋其他小食店嘅食評「金樺餅店」位於太安樓，由門面到舖面保留了傳統港式餅店的味道。好多人推介這店的蛋撻，吸引我們慕名而來，我們點了兩個蛋撻後，行左個圈， 見到久違了的椰絲奶油包，我同媽咪不約而同地話以前成日買，好耐無食啦，於是我們要了一個。蛋撻餅皮是曲奇皮，是我的偏好，烤得香口鬆脆，而且厚度剛好，由第一口到最後一口，餅皮仍能承托住整個蛋撻。唔會好似坊間有啲餅店，雖然價錢更平，但一拎上手曲奇皮就會裂開。蛋漿方面，挺實及蛋香味濃郁。椰絲奶油包大大個，奶油挺實、滑溜香甜，是整個麵包嘅靈魂，童年回憶嘅味道是最好的…Read More

《西灣河半天遊 美食篇2》- 小老板港鐵半價乘搭日，特意約媽咪下午到西灣河半天遊，從網絡上搜集資料得知西灣河美食小店林立，於是我計劃先嚐地道美食，以傳統懷舊為主題精選了幾間小店，再到海邊景點愛秩序灣公園散散步。當日行程如下：第1站：珍香園 (傳統港式小食及糖水)第2站：小老板 (傳統上海點心)第3站：金樺餅店 (傳統港式麵包店)第4站：愛秩序灣公園如有興趣，歡迎到我嘅帳戶睇埋其他小食店嘅食評太安樓有「香港士林夜市」之稱，美食小店林立，也是這趟西灣河半天遊的第2站。唔太熟路，走了兩圈才找到「小老板」食上海點心。店舖位於西灣河街市及熟食中心對面，麥當勞隔離。上海小籠包皮薄餡靚，多汁，材料新鮮，豬肉味鮮甜，另外配有黑醋作調味。建議食嘅時候，用匙羹盛住小籠包再加黑醋上面，因為皮比較容易穿，要不然點黑醋嘅時候，皮穿了肉汁流入黑醋便會浪費了肉汁。生煎包底層煎得香脆，肉味香甜，咬開仍有肉汁流出來。生煎鍋貼鍋貼大隻，底層香脆，外皮煙韌，豬肉較乾身沒太多肉汁。蔥油餅久違了的傳統小食，點了一塊重拾童年回憶。蔥油餅煎得香脆乾身，蔥花比例高。…Read More

《西灣河半天遊 美食篇1》-   珍香園港鐵半價乘搭日，特意約媽咪下午到西灣河半天遊，從網絡上搜集資料得知西灣河美食小店林立，於是我計劃先嚐地道美食，以傳統懷舊為主題精選了幾間小店，再到海邊景點愛秩序灣公園散散步。當日行程如下：第1站：珍香園 (傳統港式小食及糖水)第2站：小老板 (傳統上海點心)第3站：金樺餅店 (傳統港式麵包店)第4站：愛秩序灣公園如有興趣，歡迎到我嘅帳戶睇埋其他小食店嘅食評第1站，「珍香園」距離西灣河港鐵站只有2分鐘步程，所以我們一到埗首先到訪珍香園，嚐一嚐港式傳統小食及糖水。我們點了熱門食物——蘿蔔絲餅、豆腐花及豆漿。蘿蔔絲餅大大件，形狀似muffin；餡料充足結實，有非常多蘿蔔絲，咬落去啖啖都係香甜蘿蔔絲、還有椰菜絲，餡料混合了黑胡椒粉，多一分惹味。豆腐花豆香味濃，滑溜，食得出真材實料，簡單就是美。豆漿與豆腐花同出一轍，豆漿的黃豆味香醇，口感濃厚。因為試左豆腐花，覺得好正，所以叫多兩支豆漿外賣，再到下一站小老板，上海點心配豆漿係最佳配搭。…Read More

金祥排骨麵是位於西環西營盤的傳統上海麵館，屬於民生小店，店舖面積雖小，但可容納約十張枱，有卡位及圓枱。裝修實而不華，是傳統上海麵館的格局，用到木枱木櫈。平日早上11點左右到埗，無需等位，可直接入座。菜膽雲吞排骨麵選了餐牌標示人氣No.1的菜膽雲吞排骨麵，再配上豆漿。菜膽雲吞麵，麵底是清湯底加傳統上海麵，面頭有三顆大大粒的豬肉白菜雲吞，再配有三棵切半的白菜仔🥬，中間放了匙羹盛著蔥花配料。第一口先嚐湯底，清甜沒有添加味精，放入蔥花配料後，味道清新。麵質口感軟棉有咬口，雲吞非常大粒，皮薄餡靚，餡料有豬肉及白菜，味道新鮮，白菜仔也新鮮爽口。雲吞非常大粒餡料有豬肉🐖及白菜🥬炸排骨分碟上，炸得脆、肉質較乾、味道淡，餐桌旁邊有辣醬配料，點埋一齊食會惹味啲。豆漿，跟麵半價$7。整體而言，菜膽雲吞麵份量足味道好，埋單$58，食得非常之飽。…Read More

「品御軒」位於中文大學崇基學院，是供教職員聯誼的中餐廳。當天享用了午宴套餐，總共有十道菜式，每碟分量十足，味道也不錯。其中，我特別喜歡醬燒自家製豆腐、黑松露燒賣和桂花杞子糕。醬燒自家製豆腐外觀上，這豆腐並不白色，而是灰灰色的，一口吃下去，味道鹹香，豆香味跟平時的豆腐有點不同，再多嚐幾口才發覺應該係黑豆做嘅豆腐，豆腐先煎香外層，再加上醬汁燒製。黑松露燒賣燒賣大大粒，豬肉彈牙，面頭加上矜貴嘅黑松露，味道濃厚香甜。桂花杞子糕是日精美甜品係桂花榚，材料十足，桂花杞子密度高，大菜絲分量適中，用筷子成件夾起或拮落去再拎起都得，一口咬落去，滿滿的桂花杞子香味，食得方便味道又唔錯。…Read More

「稻香茶居」位於九龍灣商業區壹號九龍地下。由於地理位置及遠離民居，商業大廈在週末的人流比平日少，為吸引茶客茶樓推出午市套餐優惠，而壹號九龍亦有提供消費泊車優惠。這兩大優惠確實吸引了我們，我們一家大細經常都會在週末駕車到來飲茶。午市套餐的價錢跟平日一樣$268，套餐可選3款點心、2款小食及1款粉、麵、飯、小菜或燒味。點心方面，推介稻香蝦餃皇及蠔皇鮮竹卷。小食方面，我非常推介紫薯地瓜球，顧名思義餡料是由紫薯地瓜蓉搓成小圓球，炸到外皮香脆，口感煙韌、味道唔太甜、溫度微熱，是即叫即整。另外，鹹菜胡椒豬肚湯的湯料足，有整顆胡椒粒，豬肚無騷味。燒味方面，秘製沙姜雞半隻也不錯。茶樓平日目標客源為商務客人，所以裝修雅致，環境整齊清潔，光線充足，冷氣充足。樓面侍應不多，主要因為茶樓配置了自助加水、煲水及倒水系統。總括而言，$268套餐有湯有燒味又有點心，仲要有蝦餃比你揀，夠4-5人食，茶位連加一都只係三百幾蚊，唔洗等位，坐得舒服，又有泊車優惠，性價比高！…Read More

每當返工返到攰攰地，想歇一下，都會落樓下Pacific coffee歎番個甜品，補給一下精神力量，抖擻精神。甜品嚟講，Dark choc 永遠都係我嘅首選。除了日常menu有嘅Valrhona dark chocolate cake，前排Pacific Coffee 推出多款新嘅dessert tarts，我當然要試吓啦🍰1. Valrhona dark chocolate cake $39呢款蛋糕嘅Valrhona 特濃黑朱古力來自法國🇫🇷南部，味道濃厚香醇。蛋糕上面放左一粒咖啡豆形狀嘅黑朱古力，造型簡約，食落去脆脆的，增加口感。2. Valrhona dark chocolate tart $41造型精緻，一塊朱古力做嘅羽毛放在churro上，旁邊有唧花cream同chocolate pearl sprinkles。撻底係朱古力皮，裡面盛載住奶油忌廉再鋪上朱古力粉。整體朱古力濃度比上面Caramel valrhona chocolate cake低，甜度高一點。Dark chocolate填補返虛耗嘅精神體力，為生活加一點甜，义足電返去再努力過。兩款朱古力甜品我都喜愛，按心情選不同的款式。…Read More

同事榮休，大伙兒到米芝蓮星級意大利餐廳CIAK in the kitchen為佢慶祝。貴為米芝蓮1星餐廳，無論地理位置，餐廳環境都好高級。餐廳位於中環置地廣場中庭，室內環境雅緻，運用了光線，很有氣氛。到意大利餐廳當然要食pizza，當晚主菜選了3款CIAK signature pizza 🍕 ，還有Rib Eye🥩。🥩1. Prime Bone in Rib Eye 1.2 kg | US $1500 - 高級餐廳食靚扒，食生啲都可以，平衡了大伙兒的接受程度，我們點了medium。肉眼扒上枱時，已經去骨並切好一片片，分量有成1.2公斤，食物擺盤極具派頭，香味四溢，見到都流口水🤤。味道方面，外皮Grill得焦香，內層半熟，咬落去啖啖肉滿口肉汁，肉質軟腍無筋，旁邊配有3種調味醬料。我本人喜歡原汁原味直接食，或者點少少鹽食。🥗2. Grill mixed Vegetables $90 (左) - 大家都係食用獸，只係點左一份side dish 🙊🍕Pizza方面，三款嘅Pizza base 烤到香脆，咬落去好fluffy🍕3. Prosciutto & Formaggi $270 - 面頭鋪滿意大利巴馬火腿，Parma ham肉質柔軟、甘甜芳香，味道細緻 - 三重芝士🧀，包括有gorgonzola, taleggio cheese, mozzarella，香濃芝士味🍕4. Norcina $260 - 材料有自家製手工腸、蘑菇及mozzarella cheese，腸肉鮮嫩香甜、蘑菇味濃郁配合埋拉絲芝士🍕5. Diavola $240 - 材料有蕃茄醬、Burrata 水牛芝士、Nduja辣香腸及檸檬皮。 - Nduja 辣香腸：係我第一次食，上網睇資料，這是意式香腸中最特殊的種類之一，辣勁十足，脂肪含量比例極高，所以質地軟滑易於塗抹，有「紅色 Nutella」稱號，意大利人經常會抹在麵包上或是用來做Pizza配料。 - Burrata cheese：Burrata 意大利文意思係buttery像牛油般，是mozzarella cheese的一種，外層是柔軟的Mozzarella，中心是香滑的芝士及忌廉，真係好邪惡😈。 …Read More

星味坊烘焙專門店屬於新式街坊麵包店，相比傳統麵包店款式較多而且新穎，走中上價位路線，份量大大件。網上好多人推介布甸蛋撻同拿破崙。最近，途經長沙灣，所以專登過去買嚟試下。1. 布甸蛋撻 曲奇皮香脆，布甸蛋漿蛋香味濃，表面焗得焦香。蛋撻分量十足，差不多是普通蛋撻的3倍，食一個已經好飽，好滿足。遇正新鮮出爐，一盤有不同焦香程度，同職員講要燶啲或者無咁燶都可以。2. 拿破崙蛋糕(士多啤梨及芒果)呢款係近年流行嘅新式拿破崙，三塊拿破崙脆餅，中間夾住奶油忌廉，選了士多啤梨🍓及芒果🥭味。…Read More

忙裏偷閑，休假一天，難得天氣晴朗，決定上山頂chill下，健行香港星級行山路線，難度1星，觀景5星的盧吉道。登山前，先食個豐富午餐，看看本人嘅美食bucket list，「倆口小吃」元祖店在元朗，開業未夠一年已獲米芝蓮必比登推介。最近，開了中環店，附近有前往山頂的車站。因利乘便，當天到訪了中環分店，點餐時見到店主So Gun駐場，品質更有保證。單點了兩款食物：傳統豬腩肉刈包和抹茶忌廉芝士壓餅1. 傳統豬腩肉刈包刈包夾住豬腩肉、酸菜、芫茜、花生碎及抽子醬。- 刈包：軟熟，煙靭有嚼頭，濕潤度剛好，唔乾唔鞋口，食得出係心機之作。睇過訪問，刈包麵團是店主自家調配的，混合中筋麵粉和澄麵粉，再發酵1-2小時，最後蒸 20 分鐘。- 豬腩肉：半肥瘦五花腩，入口即溶，炆得好入味- 芫茜：只放菜葉部分，味道清新、無渣- 酸菜及柚子醬：清新、酸微微，平衡五花腩嘅肉膩- 花生碎：增添香味及口感2. 抹茶忌廉芝士壓餅本人是抹茶控及芝士控，所以今餐另一亮點是抹茶忌廉芝士壓餅，雖然爆左卡路里quota，都要點來試下。- 壓餅外層：煎到外脆，餅皮香甜口感軟糯- 餡料：以日本宇治小山園若竹的抹茶粉混合香濃嘅忌廉芝士，味道甘香，抹茶味濃郁，配上香濃嘅忌廉芝士，完美地滿足左我兩大願望。食物即點即整，包裝簡約精美。Food court環境整潔，有餐枱、梳化、冷氣，亦有提供自助免費sparkling water💦另有午市套餐，刈包價錢+$33，配炸蕃薯條及罐裝飲品。不過，我想留番啲quota試抹茶忌廉芝士壓餅，所以沒有升級午市套餐。🪶補充：- 價錢方面：中環店比元朗店貴2-3成；- 地點方面：中環店比較接近我的生活圈；- 環境方面：位於怡和中心地庫food court，室內環境整潔而且有冷氣，food court 亦有提供免費sparkling water💦- 等候時間：午飯時段12:00前到達，由點餐、買票、等餐到進餐需時約15分鐘相對於元朗店，中環店價錢較高嘅原因，在於地點、環境及等候時間，本人覺得都值得嘅。如果有機會到元朗，會encore元祖店🪶溫馨提示：午餐時段，12點開始人流越來越多，點餐等位時間更長，而且熱門食物有機會售罄。12點前到達就最穩陣，唔洗點等又有野揀…Read More

美食🍽與朋友👭總是分不開，相約三五知己，共聚阪神，邊飲邊食，歎盡「鐵板燒十四品」。選了薄燒美國牛肉$398+10%餐牌還有其他升級選項。1.前菜沙律 - 前菜：紅、白蘿蔔絲 - 沙律：車厘茄、沙律菜、粟米仔、粟米粒、radish2-4.刺身三款(吞拿魚、油甘魚、帶子) - 吞拿魚：屬赤身(あかみ)，含脂量少、肉質實、有咬口、無筋 - 油甘魚：味道甘甜鮮美，魚肉細緻幼滑 - 帶子：鮮味濃郁，肉質柔軟5.南非鮑魚    - 新鮮鮑魚，肉質軟腍，煙靭有嚼勁6.大海老    - 蝦球肉質彈牙，鮮味可口7.蟹腳(時令海鮮)    - 蠔丶法國鵝肝丶時令海鮮三選一。選了當天的時令海鮮蟹腳，下次encore會㨂蠔。8. 薄燒美國牛肉    - 薄燒最考師傅功架，選了五成熟，牛肉雖薄但仍能保持嫩滑有肉汁9. 季節野菜 - 野菜配牛肉，襯托出牛肉鮮味， 同時亦吸收了牛肉的肉汁，帶出蔬菜的清新10. 炒飯 - 炒飯乾身，粒粒分明，最驚喜的是師傅從第6品「大海老」的蝦頭切出蝦頭肉加入炒飯一齊炒，完美地善用食材，亦為炒飯增添鮮味11. 焦糖多士 - 細細半塊多士，外層焦脆香口12. 麵豉湯 - 湯底味噌鹹香味適中，配有海帶、蘿蔔、蔥花及可愛的波波麵麩13. 漬物 - 豆角、蘿蔔14.甜品 - 最後一品，是甜品與咖啡二選一。當日甜品是紅豆奶凍，紅豆🫘軟腍，奶凍嫩滑，奶香味濃…Read More

歐遊回港，增磅不少，午餐想食清淡一些，於是到了Pacific Coffee選了清新的煙三文魚藜麥沙律🥗。另外，帶了我自己沖調的no sugar cacao drink再加了點cinnamon 醒一醒神，來一天低碳生活。煙三文魚藜麥沙律 $58Smoked Salmon & Quinoa Salad (Lemon Dressing) 🥗沙律材料包括有羅馬生菜🥬、切條煙三文魚、藜麥及合桃，再配上檸檬沙律醬。合桃用小盒子獨立分開放，以保存乾身，個人建議食之前把合桃整碎，再撒在沙律上食用，每一口都可以食到合桃嘅味道。…Read More

同事榮休，派散水餅，送美式曲奇🍪。我選中了Chocolate cookies and cream cookie($40)。食之前，可以180度焗8-10分鐘，或者微波爐叮15秒把曲奇番熱。曲奇大大塊，每塊有成150克，好有質量，香甜朱古力和忌廉，甜度適中，曲奇口感豐富，外脆內軟而煙韌。曲奇實在好大塊，沖左杯illy 咖啡，曲奇🍪配咖啡☕️，加多個沙津🥗，完美地滿足了我的午餐。上網睇番，原本曲奇店位於大坑，曲奇每天在店內製作，新鮮出爐。㊗️同事繼續享受人生，生活精彩愉快…Read More

W burger結業在即，再約朋友encore此店，試吓其他漢堡包。上次試咗黯然銷魂漢堡包，每一層都感受到店主嘅誠意。今次就試谷德昭導演推介嘅美國穀飼豬扒漢堡。相隔半個月， W Burger結業嘅消息已經多咗人知，所以今次平日放工過嚟要排隊，18:45到，等左半個鐘，19:15入坐。等候途中問店員拎左menu，一邊等一邊揀漢堡。講番今次主角美國穀飼豬扒漢堡$78，加$28升級做套餐，跟餐有小食及飲品。小食揀左紐倫堡腸，飲品Coke Zero。首先，穀飼豬扒係整個漢堡嘅靈魂，大大塊，有成cm咁厚，煎得剛剛好，外皮香脆，內層軟腍而無筋，咬落去啖啖肉，好多肉汁。每一啖咬落去都可以一啖過，唔會連筋，所以唔會食到le gum hea另外，漢堡包麥香味豐富，質地柔軟，咬落去會回彈，唔會一啖咬落去扁搭下去。朋友揀咗美國飛驒牛漢堡，佢都話好食。…Read More