ka_simplestyle's Profile

經開深水埗，5:00幾朋友話餓，經過呢間望落裝修幾舒適既餐廳，就同朋友入去試試😝⭐️吞拿魚 自選 (M) ($98) ❗️追加八爪魚（$48）及牛油果（$16）呢碗由八爪魚、珍珠糙飯、雞蛋絲、三色藜麥、菠蘿粒和牛油果組成，搭配蜜糖芥茉醬，讓每一口都充滿驚喜🤩珍珠糙飯嚼勁十足，八爪魚既肉質鮮嫩，雞蛋絲加入令成碗更加柔滑感，三色藜麥注入左更多既營養價值🤓而菠蘿粒既甜酸味道帶來左清新口感，味道更加平衡，牛油果既奶油感令成碗更加豐富，搭配其他食材，味道和諧。蜜糖芥末醬甜中帶辣，為整碗增添了風味😝⭐️ONO (M) ($98)呢碗由三文魚、壽司飯、雞蛋絲、溫室青瓜、皇帝蟹棒、果仁醬和芝麻組成，每一樣材料都帶黎唔同既風味😆三文魚肉質鮮嫩，壽司飯口感柔軟，令成碗更飽滿。青瓜清脆爽口，平衡左三文魚油膩感，令口感更加清爽，蟹棒肉質甜美，果仁醬既濃郁香氣同其他食材既鮮美相得益彰😋⭐️紅火龍果汁（$32）呢杯果汁口感順滑，甜度適中，隨著飲用，能感受到火龍果特有的清新感，令人心情愉悅。⭐️熱檸檬柚子蜜（跟餐+$8）杯熱檸檬柚子蜜，用咗個透明玻璃壺。睇住啲柚子肉同檸檬片分開浸係喺茶裡面，個樣真係好靚。柚子呢，就慢慢浸出啲甜味同香味；檸檬呢，就滲啲微微酸味出嚟，咁就啱啱好平衡返，唔會太甜膩☺️望落去壺裡面，料落得夠足，一個人飲份量啱啱好，甜度又適中。再配返個日式風格嘅杯，慢慢飲，真係好寫意，好舒服🥰…Read More

好耐無黎荃灣呢間小店啦，好耐之前有試過佢既漢堡，原來依家多左好多唔同食物種類，一於試試佢😆煎素帶子雜菌黑松露忌廉蝴蝶粉（$80）素帶子其實係菇黎，都幾大粒，調味黎講有少少咸🤏蝴蝶粉就正常發揮芝士辣肉腸pizza($78)長方型款pizza,都算幾大份，咬口亦都唔錯，不過pizza邊略嫌小小太燶🙈開心果西多士配雪糕（$25）晚餐惠顧滿$90可以半價$25加購呢個多士🤩呢個性價比極高，多士同雪糕都唔會因為半價而縮水。多士同雪糕上面都有開心果碎，最驚喜係切開既時候，極多開心果醬，簡直係爆漿出現😍😍多士外脆內軟，仲要成個甜品唔太甜得黎又唔會話好膩，絕對值得一試👍🏻當日去因為都唔算多人，都算舒適，不過個人認為職員態度可以有進步空間🙂…Read More

同朋友係銅鑼灣想搵間餐廳慢慢傾下計，之前都知有間餐廳有Semi-buffet,就順道一試😝呢到既Semi-buffet係一個$98既價錢，再根據你想要既主菜，配上不同既價錢，主菜既選擇亦都幾多🤡仲包左一個餐湯同野飲。出面既自助食物區，分別有炸物、沙律同甜品。要一提既係，佢既沙津粉同醬汁非常配搭👍🏻炸物既雞翼同薯條好夠熱仲好脆口。而甜品既質素亦唔錯😽主菜方面，我同朋友就揀左以下呢2樣：🟠法式紅酒燴牛面肉配薯蓉（+$98）牛面肉既肉質超級嫩滑，基本上唔使用刀都已經可以輕易分開。紅酒味道唔會話好重，所以唔會難入口😊薯蓉配上甘荀仔同車厘茄，仲有醬汁，非常好味😋而且薯蓉仲好幼滑。🟡香煎爐魚伴燒粟米薯仔麵團配香草乳酪汁（+108）呢碟爐魚食落好有驚喜 。爐魚煎得乾身，配搭香草乳酪汁，醬汁非常fresh。一啖一啖食唔停，再加埋好煙韌嘅麵團，超級好食呀！！！總體黎講，一個價錢，可以食到有質素既主菜、又可以有炸物、沙津同甜品任拎。仲有餐湯同飲品，係銅鑼灣食lunch黎講，真係好高性價比👏🏻👏🏻👏🏻環境方面，餐廳裝修高級有情調，坐位仲非常舒服，可以食足2個鐘，同朋友慢慢傾計😎服務方面，職員親切有禮貌，仲會時不時就問你既需要，又會問下你覺得食物既質素。地址：銅鑼灣駱克道463-483號銅鑼灣廣場二期3樓3B號舖…Read More

同朋友係銅鑼灣行左陣街，想搵間餐廳坐下傾下計。諗起金百利廣場都多野食，就睇下有咩揀。見到呢間韓國餐廳都幾多款式揀，就入左去試試😎🟠手工醬油蟹（$280/1隻）呢到既醬油蟹真係好好，唔使預訂都有得食😝醬油蟹凍凍地，一咇就已經可以咇到所有肉同膏出黎食，配埋紫菜食既時候，蟹膏既味更加突出，簡直係將成件事昇華左呢🤤🟡韓式辣菜牛肉炒年糕（$175）呢碟年糕夠哂份量，有不少牛肉同年糕。牛肉嫩滑，而年糕亦好有咬口，唔會煮得太長時間。同埋岩哂我呢d唔食得太辣既人，只係少少辣，夠哂惹味之餘又唔會食得太辛苦👍🏻🟢牛肋骨紹菜豆醬湯（$175）牛肋骨既牛味香濃，肉質亦夠嫩，牛骨加上其他配料，令成個湯都好夠味，而且好有牛味🤠🔵炸醬麵（$138）炸醬麵既麵質軟硬適中，而且要讚讚個麵質，即使同朋友傾左一陣先要食，麵質都仲仍然煙靭。而且個醬汁係我中意個種唔會太過甜既汁🤡而餐廳最令我驚喜既係附送既前菜，去韓國餐廳通常都有前菜附送，但呢到既前菜款式好多，有泡菜，芽菜、薯仔沙律、脆紫菜等等等。真係食完前菜已經滿足左一波。到最後竟然仲有雪糕做甜品，完全係大滿足😽環境方面：餐廳枱與枱之間有一定距離，座位又大又好坐，同朋友可以慢慢傾計同食野😺地址：銅鑼灣記利佐治街1號金百利廣場6樓…Read More

同朋友係尖沙咀行完街，一路傾一路搵下想食咩。行行下都差路多行到落佐敦個邊，見到呢間cafe個名幾得意，而且見環境唔錯，就試下🤗🟠雜肉扒配黑醋燒汁（$208）呢個雜肉扒配搭非常特別，有雞扒、牛舌、羊架、德國腸，翠玉瓜、蕃茄同少少菜。特別要讚下既係雞扒外皮夠哂脆，切既時候已經聽到脆卜卜既聲音，但肉質依然嫩滑同好juicy👍🏻最令人有驚喜既係，鋪底既竟然係紫薯蓉，係我第一次見呢個配搭，感覺亦都好夾☺️🟡雞肉蘆筍青醬燴飯（$128）呢個飯好香好清新,入面嘅雞肉非常嫩滑,加上有蘆筍香菇。更加令到呢個飯昇華到另一個層次，令人食到停唔到口的感覺☺️以上既套餐都包左一杯野飲，一碗湯同麵包條。麵包條食落非常脆口。菠菜湯頗特別，飲落有濃濃的菠菜味🤓黑醋汁配上清新的沙律菜，相當健康😺凍蜂蜜烏龍茶好清甜，帶有好香的蜂蜜味。熱紅茶好香茶味 幫助消化😼🟢Berries Croffle($68)呢個配香芋雪糕既Croffle, 雪糕大大球咁係Croffle上面，雪糕份量大到足夠每一啖Croffle都配到雪糕。而Croffle外脆內軟，口感煙韌，配合雪糕同藍莓仲有士多啤梨一齊食，冷熱交融，真係令人大滿足😽環境方面：餐廳環境令人感覺好relax,枱與枱之間又有一定距離，同朋友可以慢慢傾計慢慢食🤠服務方面，職員親切有禮，而且都好詳細咁講解餐牌既食物😝地址：尖沙咀山林道3號地舖…Read More

同朋友係奧運附近既商場行完街，想搵附近無咁貴既野食。我哋就諗住出去搵下唔係商場既餐廳，一係西九匯落去，就見到呢間餐廳既野食幾吸引，價錢又唔貴 就決定一試😽🟠水門雞飯（$54）雞件份量好多，亦都好有雞味，配搭埋香辣醒胃嘅醬汁，非常好食 🐵而個湯入面有冬瓜，亦帶濃厚嘅胡椒味，飲完一啖來再接一啖🤗🟡清湯腩船粉（$50）呢個船粉可以揀哈同既粉，我同朋友就揀左金邊粉。碗粉入面有蘿蔔、牛腩同牛筋。食之前即刻試左個湯先，牛味都幾重，幾好飲，而金邊粉爽滑Q彈，牛腩同牛筋都恰到好處👍🏻🟢燒原隻魷魚（$45/2串）呢個原隻魷魚，一開始我地以為睇錯價錢，但$45蚊竟然有2串，仲要黎到，串魷魚都唔係細。一食既時候，簡直驚喜到，魷魚仲可以保持到好多汁，但又帶d焦香味🤤係性價比極高🤠🔵泰式腩仔（$52）通常都係見既都係燒豬頸肉，見到有腩仔，就叫黎試下🤔碟腩仔黎到，完全驚豔到我地，一入口完全做到外皮脆，但肉質超嫩滑同juice😋配合埋辣辣地既汁，超快就清哂成碟🤡🟣串燒（$14/串）（3串起）串燒有雞肉，有豬肉，食落好多汁，非常惹味🤓配搭顏色非常吸引嘅沙嗲醬，而個醬帶有濃香嘅花生味。另外，亦可選擇由青瓜洋蔥形成嘅酸甜汁，非常開胃🤩環境方面：餐廳裝修夠明亮，枱面亦夠大，同朋友可以慢慢享受服務方面，雖然餐廳無加一服務費，但職員都好親切有禮，而且請佢地幫忙都好快手😝地址：大角咀櫻桃街38號西九匯地下4A-B號舖…Read More

同朋友係旺角買完野，大家都好肚餓。見仲有好多時間，想搵間多野食又可以慢慢坐既餐廳。見到呢間放題幾抵，又好多野食，仲可以食足2個鐘，就決定一試☺️🟠午市放題（$158/1位）作為午市放題，呢間餐廳既種類真係超級多。一開始職員會上左個九宮格先，入面已經有幾個唔同牛部位既肉，跟住仲有雞同豬肉😻不得不提佢d肉質質素幾好，特別係個牛仔骨好好味😋之後追加既野食都可以係code到叫，最令人驚喜既係，連羊肉都有，而且夠羶，超好味🤤跟住其他既牛豬雞肉，仲有魷魚鬚、多春魚等等，款式繁多🤭唔只肉類多，就連出面自己拎既位置都超多選擇。前菜有泡菜、醃蘿蔔等等，仲有壽司、煎餅、韓式粉絲、年糕等等等...好多有得揀。職員仲好細心講解，可以用生菜，蒜同麵豉醬夾肉食，簡直係絕配，即使食左好多肉都唔覺好膩👍🏻而且飲品款式多，連酒精飲品都有，仲有雪糕都係任食，簡直係大滿足😽除左放題之外，仲可以散叫，例如醬油蟹、韓式牛肉同韓國鰻魚等等tim🤠環境方面：餐廳裝修闊落，夠明亮，枱面亦夠哂大，同朋友傾計一流😎服務方面，職員上菜同收碟速度快，而且親切有禮😝…Read More

同朋友係旺角東行一陣，一路傾計，慢慢行到去油麻地附近。就搵下有咩好野食，見到呢間鋪既選擇都幾多，而且價錢合理，所以決定試下🤗🟠現燒火炙薄燒A5和牛壽司（$78/1件）呢件和牛壽司上枱好有氣勢，一件長長既和牛鋪係面。和牛一食入口肉味好濃，油脂分佈平均，好有油脂既香味，但又唔會好膩個種，肉質仲好嫩🤤個細汁少少甜甜地，就咁食都已經非常美味😽職員仲好細心叫我地唔要快d進食，因為岩岩整好既時候係最好味🟡鰻魚卷（$68）一碟6件既鰻魚卷，每件既鰻魚都幾大塊，而且鰻魚入口既質感好好👍🏻🟢特盛海鮮丼（$88）海鮮丼有多種刺身係入面，件件都好新鮮，而且夠哂大份，2個人齊齊share都得😝🔵豚肉泡菜鍋（$58）泡菜鍋嘅材料豐富，有唔同嘅蔬菜、豆腐、泡菜同豚肉，份量亦唔少。而且個人好中意佢既辣度，少少辣夠惹味，但又唔會辣到食得太辛苦🙈環境方面：餐廳裝修幾有日本嘅氛圍，燈光同環境都好舒適，適合同朋友慢慢傾偈🤠服務方面：餐廳職員反應好快又有禮貌而且夠貼心。另外，亦好欣賞餐廳既壽司上枱時，個碟仲係和暖既🥰地址：旺角西洋菜南街2W-2X號2樓…Read More

係旺角行完街，同朋友經過呢間裝修幾靚既串燒店，又見好多野食既選擇，就決定食下野傾下計😎🟠串燒-鹽燒牛舌（$28/1串）口感嫩而且多汁，亦好有咬口-烤美國牛肩肉串（$48/5串）每粒肉都鎖住左肉汁，好juicy，而且10蚊串都唔使，性價比高☺️-雞軟骨（$22/2串）食落脆卜卜，雞油夠香同濃🐓-日本諸城雞腎（$18/1串）雞腎夠爽口，一啖一粒，用黎送酒既話相信會係一流之選🤠-烤小豬頸肉（$42/5串）肥瘦適中，外皮有脆既口感，一樣唔使10蚊串，性價比高-烤大漠羊肉串（$48/5串）羊肉串每粒都好juicy，而且好有羊味，但未去到會好羶。朋友唔多中意食羊，都覺得唔錯🤓🟡鐵鍋煮卜卜蜆（$68）超級鮮味既卜卜蜆，隻隻大大隻，夠哂鮮甜，粉絲吸哂味，勁好食🤤🟢烤新鮮生蠔（$24/1隻）生蠔好大隻，望落已經feel到應該好juicy,一食落，果然係juicy到不得了😝😝而且好鮮，好想食多幾隻🤭🔵炸饅頭（$18）炸饅頭唔會炸到好乾，外脆內軟，加埋煉奶，係最好既配搭😆🟣滕椒魚皮（$38）魚片夠哂爽口，配埋滕椒辣辣地，夠哂過癮開胃，好岩一路傾計一路食，唔覺唔覺就食哂😎⚫️麻辣燙（$56）麻辣燙有蔬菜、金針菇、薯粉、鵪鶉蛋、鴨血同豆卜，夠哂多材料。因為驚太辣，所以我同朋友就叫左bb辣，朋友都覺得夠辣lu，不過中意食辣既朋友，建議可以叫小辣，會更加過癮🤡🟤粗烤小飯團（$28）飯團好有驚喜，不但好厚身，加埋肉鬆，口感豐富🔴粗店涼麵（$48）辣度適中，有大量配菜，亦都夠2人share,都幾大碗⚪️黑白糍粑（$45）朋友話食個甜品，糍粑我都係第一次食，雖然有朱古力醬同練奶，但又唔會太甜，口感幾似麻糬。用黎做個飯後甜品，真係唔錯既選擇😉環境方面，估唔到串燒店竟然好乾淨，完全唔會有油既感覺，而且紙巾仲好貼心咁吊起左，食野既時候，拎得非常方便👍🏻坐位都幾舒服，好適合傾下計慢慢食😽服務方面，職員親切有禮貌，而且好快就會滿足你既要求地址：旺角豉油街60-104號XX Arcade地下AB號舖…Read More

同朋友去開太子整野，整完有d餓，想食個下午茶，見呢間餐廳好多野揀，就入去試試😎🟠全日早餐牛扒（$58）呢個全日早餐非常豐富，有牛扒、煙肉、煎蛋、香腸、薯餅、茄汁豆、多士同沙律菜。牛扒肉質嫩，薯餅亦夠脆，食完大滿足🤡🤡🟡欖菜肉菘炒飯（$62）這碟炒飯份量非常大碟 色澤均勻。飯底充滿蛋味而且炒得粒粒分明 ，非常乾身 配上口感一流嘅肉鬆、欖菜，十分滋味🤭呢個餐仲包左羅宋湯同餐包，羅宋湯都夠足料👍🏻🟢生炸雞髀炸薯條（$44）雞髀超級大隻，個皮炸得好脆，咬落去仲有肉汁 ，好高水準，好好食呀🤩另外，炸薯條炸得恰到好處 ，配搭埋最佳拍擋嘅茄汁，真係令人好想食完再食😍🔵 司華力腸配奶油脆豬（$44）奶油脆豬既牛油同煉奶比例岩岩好，而且外脆內軟，食完2塊都仲想再食🤤而司華力腸夠大條，亦𠝹左靚既花紋。每個餐都跟左野飲一杯，性價比不錯😎凍檸檬茶（跟餐+$3）茶底沖得不錯 配搭埋檸檬幾片 飲完真係好醒神㗎！熱檸水（跟餐）熱檸水正常發揮，有2-3塊檸檬🍋環境方面，餐廳地方都好大，多卡位，都坐得幾舒服😊服務方面，職員反應快，而且好貼心，未講都睇到客人需要d咩🤡地址：太子彌敦道749號地舖…Read More

行開深水埗，朋友話好想食上海野，經過呢間上海野，見餐牌好多選擇，就同朋友入去試試😝🟠鮮肉小籠包（$48/5隻）小籠包非常大粒，咬落去好多汁，只能用「皮薄餡靚」去形容呀🙈 簡直食過返尋味😋🟡蟹粉黃金炒飯（$108）個炒飯上枱時好有氣勢，成個飯面都係蟹粉既顏色，聞落去好香鹹蛋黃味🤓炒飯既飯粒鬆散且飽滿，而且蟹粉既濃郁味令成個炒飯既層次昇華哂，蟹粉愛好者必點😇🟢砂鍋雲吞雞1/4隻（$88）份量都多，上湯好非常清甜 ，雞件十分嫩滑 ，雲吞好大粒 ，兼個餡肉好紮實 ，呢道菜是冬天嘅最佳之選😎🔵燻魚擔擔麵（$58）擔擔味湯底都幾濃郁，而辣度比較辣，不過非常之惹味，而麵既份量多，麵質有咬口👍🏻燻魚凍凍地，味道濃，配合辣辣地既擔擔麵，非常配合😽🟣高力豆沙4隻（$50）高力豆沙漲卜卜，每個上面都有好多糖霜，咬落軟綿綿，仲有好多豆沙。食完正餐，食埋呢個甜品，簡直係完美既句號😎服務方面：職員反應好快，又好有禮貌🤡地址：深水埗福榮街117號地舖…Read More

朋友係太子收工，佢話帶我去食好野，原來帶左我去間舊式扒房😝🟠 美國安格斯肉眼扒餐（$193）因為有好多款扒可以選擇，店員見我地揀到有d無頭緒，就好主動咁解釋俾我地聽，唔同肉類既特質。最後我地就揀左美式肉眼扒，店員仲好細心咁提議我地揀5成熟。隨餐附送餐湯、餐包同飲品🍹鐵板扒餐上枱後，職員會問你想要咩汁，我地就揀左蒜蓉汁，肉眼扒大大塊，5成熟岩岩好，切開無血水，咬落肉質嫩😽配菜仲有翠玉瓜同薯條，好味滿足🤗羅宋湯羅宋湯非常足料，有非常多蔬菜、洋蔥同少少肉粒。味道唔會話好辣，配上熱餐包一齊食，非常好👍🏻意粉（跟餐加$18）因為慣左每次食扒都食埋意粉，所以就加左個意粉搭配，呢到既意粉係已經幫你落埋茄汁，味道唔錯。🟡燴牛肉飯（$76）牛肉飯份量夠哂多，白飯超大碟，入面仲有洋蔥同蕃茄，牛肉非常之多，而且還十分嫩滑，最後配上濃濃嘅蕃茄汁，味道令人非常開胃。凍檸茶茶底好好，配上三片檸檬，正呀!環境方面：內部裝修非常懷舊，座位坐得舒適。服務方面：職員細心，又非常快反應地址：太子荔枝角道102號金鳳樓地舖…Read More

同朋友去行mikiki廣場，行到餓，想去出面既餐廳搵野食。見呢間幾多人食，就入左去試下。🟠晚餐B(配白飯、蒜蓉汁）（$88）呢個係鐵板餐，有齊三寶好豐富 例如有虎蝦 豬扒 、雞扒 、肉汁非常juicy，份量好足夠 。仲有配料粟米、青豆、甘荀，配埋蒜蓉汁，啖啖大滿足😆羅宋湯 跟餐配送既羅宋湯都好足料，有好多菜係入面，而且唔會話太辣🤡凍檸茶（跟餐加$3）茶底好靚，簡直一絕！🟡 XO醬乾炒牛河（$68）乾炒牛河夠哂大碟，炒得夠乾身，又唔會好咸。牛河入面有紅、青椒、洋蔥同芽菜，而牛肉亦都有好多舊，肉質仲唔會靱😽🟢 芝士流心西多士（$42）超邪惡大滿足既西多士，除左牛油加楓糖既味道，西多士中間仲放滿左芝士，而西多士外邊夠脆，簡直係大滿足之選😆🔵酥炸香脆大雞髀（$38）炸雞髀夠哂大隻，外皮香脆、肉質嫩滑，口感非常好👍🏻環境方面，裝修明亮，座位闊大舒服，燈光氛圍令人可以好好同朋友傾下計😊服務方面，待應笑容好好又夠耐性👍🏻地址：新蒲崗崇齡街81-83號崇齡大廈地舖…Read More

同朋友又黎到新蒲崗，朋友介紹左間餐廳，話係唔錯既小店，就試一試😆🟠泰式冬陰功墨魚pizza（細批）（$73）好特別既味道，係期間限定版，而且仲係心型架🤩 Pizza細細個，但係餡料超多，有原隻墨魚、洋蔥、蘑菇同蕃茄，夠哂滿足。最有驚喜既係因為細批關係，只有厚批選擇，但一食真係要謙，厚批批邊唔會話好硬，，仲夠鬆軟，香口又唔乾👍🏻🟡葡汁雞皇焗飯（$65）葡汁夠哂多，唔會話食到最後就無哂汁，雞肉肉質嫩滑，調味亦唔會話好咸😌🟢海鮮焗闊條麵（$65）白汁夠濃，每條麵都沾滿白汁，有蟹柳、蜆、墨魚等材料，仲有少少菜鋪面。份量幾好，唔會好細兜😎以上3樣都係set,所以可以配野飲或湯，有一個餐就跟左湯，要提提既係，佢既意大利菜湯非常有誠意，有超多配料☺️🔵芝士焗西蘭花（$63）呢兜西蘭花既性價比高，唔會話細兜，亦有拉絲效果，食少少蔬菜中和下，都係唔錯既選擇🤓環境方面，雖然係小店，但座位都夠闊同舒服，燈光氛圍都令人可以好好傾計😊服務方面，待應笑容好好，又好有耐性解答問題😇地址：新蒲崗仁愛街48號地舖…Read More

同朋友約係旺角行下街，行完街見仲好早，想搵個地方食野慢慢傾下計，結果搵到呢間樓上cafe,所以就決定試一試🟠 香蒜白酒蜆肉意粉（$80）意粉硬度適中，有好多細細粒蜆肉係入面，仲有車厘茄。酒味唔會話太重，但𢳂起意粉既時候，會聞到少少既酒味，整體黎講，加埋蒜香味道，都幾夾👍🏻🟡 黑松露帶子鮮菌燴意大利飯（$92） 意大利飯既汁好濃郁，但食落又唔會話係好heavy個種，所以食完都唔會話好漏。而黑松露同帶子既份量都唔少，帶子細細粒，但食落每啖都可以有，好有滿足感☺️🟢 松露薯條（$66） 薯條一上到枱既時候，我同朋友都呆左呆，因為兜薯條超級大兜。薯條熱辣辣炸起，脆卜卜，每條薯條都有黑松露，夠哂香，而且仲係粗薯條👍🏻🔵 墨西哥雞翼（$66）雞翼大大隻，而且有6隻，雞翼既汁勁濃郁，少少辣度，非常惹味🤤🟣 紐約芝士蛋糕（$36）蛋糕既口感軟綿綿，而且芝士味香濃，令人忍唔住一啖接一啖咁食😽🟤薄荷朱古力（跟餐+$6）店員好細心，會問下要唔要飲品上面既cream😍飲品飲落好重薄荷味，溝埋朱古力真係好perfect既配搭👍🏻今次叫左少糖少冰，飲落都無咁heavy~下次會想試下香蕉朱古力！環境方面，地方好闊大，每張枱都好有足夠空間，即使黎哂野食，都有地方可以玩baordgame。裝修方面，簡潔明亮，氣氛令人好舒服😌而且唔會有職員催你走，可以同朋友慢慢玩慢慢食😸另外，同朋友仲發現坐近窗邊，因為裝修有大窗，所以採光度極好，影相幾靚📷地址：旺角洗衣街39號金雞廣場25樓08-09室…Read More