carsonnsean's Profile

今日我哋又嚟咗牛大人呢度120分鐘日本A4+黑毛和牛火鍋放題$488@/位,同上次一樣仲有得送澳洲M9和牛牛丸2粒及海鮮拼盤及任食鮑魚,佢哋真係有多種唔同整法嘅鮑魚,酒醉鮑魚, 炭燒鮑魚,柚子燒汁係我最愛❣️今次湯底我哋揀咗喇沙椰爺仲夏鍋同埋木瓜椰皇嫩雞鍋,喇沙椰非常惹味, 木瓜椰皇湯非常甜！好彩我哋叫咗鴛鴦鍋試齊兩種新口味,如果唔係就後悔喇！🤣呢度好多小食,酒糟嫩牛舌,黃金椰絲蝦丸,耶酥跳跳豬,椰林火山脆薯條...等等等等,你哋睇下就知,太多嘢食冇可能試得齊🤣🤣🤣Drink:真係太多嘢飲！我梗係試cocktail啦,你睇下粉桃椰子香,藍調微風幾靚,好耐冇飲得咁開心！仲有椰奶蓋芒芒爽,我呢個芒果控真係失控！佢呢度仲有出面買三十幾蚊一杯嘅鴨屎檸檬茶,我估你冇理由唔叫🤣👍除此之外呢度仲有遊戲玩,「知識就是折扣」,你可以揀你想答嘅category,答中兩三題有即影即有相,答中四題有鮑魚小吃 x 6, 如果答中5題,全單八折！睇下你識唔識答喇🤣🤣🤣我哋答中兩題,影張即影即有留念先！原來呢度搞緊DSE畢業季- 學生狂歡時段每位學生憑全日制學生證，於星期日至四21:00後入座可享以下優惠「美國特級安格斯」套餐：即減$30「澳洲極上和牛」套餐：即減$60「日本黑毛和牛」套餐：即減$90…Read More

今日嚟同大家試呢個自家醃制醬油蟹,我咁大個仔都係第一次試醬油蟹,估唔到一試難忘,原來老闆每日6am親自回餐廳做準備,呢度已經係13年嘅老字號,我哋去到都好多人等緊,差唔多滿座,所以大家去嘅時候記得訂位呀！另外,餐廳設有⁠獨立房間！可以包房呀~講下啲食物啦,你睇下啲蟹幾多蟹膏,又新鮮,醬油味又惹味~除此之外,佢呢度係無限任食,前菜都無限追加,真係食到非常之飽！絕對回本🤣我哋揀咗,90分鐘無限任食醬油蟹B90分鐘任食：醬油蟹、醬油蝦、小花蟹湯、紫菜飯、辣醬蟹、泡菜餅、炒年糕、炒粉絲drink每人會跟一罐飲品推廣酒精飲料買一送一優惠…Read More

今日同我另一半情人試咗情人節奢華M5和牛餐體驗🥩🥞~享受到頂級M5和牛，仲有多款高質素嘅牛肉同多款海鮮，肉質鮮嫩，脂肪分布均勻，呢個簡直係味蕾嘅盛宴，包你一試愛上！ 必try推介🥃威士忌烤肉醬系列台灣現時最流行，風味獨特的醬料，通常用於烤肉，這種醬料的特點是結合了威士忌濃郁香氣同埋其他調味料酸甜口感，能夠提升肉類嘅風味。主要成分包括威士忌、糖、香料同埋其他調味料。- 威士忌醬烤鳳梨內群柳 (只限M5和牛餐)（🔱必推）- 至少18cm長度，適合打卡，肉質軟嫩，搭配鳳梨片經過烤製後，甜香四溢。- 威士忌醬烤鮑魚 (SRF極黑牛餐起)（🔱必推）- 肉質鮮嫩，口感亦非常滑順,你睇我哋叫到圍住個爐🤣🤣真係回本- 威士忌醬烤芝麻牛舌片 ()安格斯嫩牛餐起)- 威士忌冬瓜茶 (安格斯嫩牛餐起)［威士忌冬瓜茶含有酒精，只予18歲以上人士下單］我試咗,有威士忌香味配埋甜甜哋嘅冬瓜茶~好味- 威士忌醬烤九層塔雞軟骨 (原住民鹽燒豬肉餐起)（🔱必推）- 結合了威士忌的醇厚與九層塔的清香，軟骨補充我哋嘅膠原同鈣質。- 威士忌醬烤辣味雞肉片 ,燒完啲雞皮好食外脆內juicy(原住民鹽燒豬肉餐起)- 威士忌醬烤黑椒豬頸肉,爽口彈牙 (原住民鹽燒豬肉餐起) 🦐 安平櫻花蝦飯有櫻花蝦、香蔥、海苔同埋秘製滷水汁可供自己配搭,送燒肉簡直係絕配~ 最後佢係配埋任食乳酪雪糕🍦🍦🍦佢仲有啲芋圓甜品,不過實在太飽食唔落啦…Read More

尖沙咀呢間人生有限杯喺地鐵站行幾分鐘,確實方便,質素超好,你睇我哋食咁多又飲就知,真係推介：佢有10蚊區,我哋叫咗雞腳筋,芥蘭頭,燒菠蘿,真係非常抵食！15蚊區,我哋叫咗燒雞心,椒鹽雞軟骨,泰式墨魚鬚, 豚肉荔枝卷,呢啲又係性價比非常高！加少少有20蚊區, 我哋叫咗黑松露金菇卷,雞腎,你睇返個menu仲有好多選擇，不過我哋諗住留肚食其他嘢先。“嗌曬佢都冇錯系列”,我哋仲叫咗焦糖菠蘿鵝肝醬多士,呢個係必試之選！28蚊區,我諗我哋叫得最多🤣🤣我哋叫咗牛舌心，牛肋肉（甜甜地必叫之選），豚肉蘆筍，豚肉牛油果，芝士菠菜，痴線呀超級好食~48蚊區,椒鹽和牛牛小扒（必試之選）,真係又淋又滑,仲有蒜蓉燒蠔我哋都叫咗四隻！$68極力推介墨魚滑紫菜大蝦（必試之選）！當你又想食油炸鬼又想食手抓餅嘅時候，我哋分別叫咗咖哩牛舌配呢兩樣嘢，仲有個芫茜控當然叫咗芫茜雞絲手抓餅啦！佢個咖哩又香又滑，甜品當然唔少得蜜糖多士夾雪糕，我哋要盡快食咗去before個雪糕溶🤣🤣有趣有趣！真心好食！下次再嚟~多款酒精飲品，sapporo啤酒買一送一,我哋叫咗百香果梳打，荔枝檸檬梳打，菠蘿可爾必思…Read More

今次我哋再嚟返加賀屋居酒屋, 因為呢度啲嘢食實在太好食,啲三文魚全部厚切你哋自己睇，壽司飯又好特別香，價錢真係唔貴，地點又正喺銅鑼灣，而且近排仲可以喺啲甜品碟上畫公仔寫字,生日慶祝絕對啱曬，你睇下佢哋特別設計嘅chiikawa真係超級可愛, 記得book枱嘅時候講埋~每次食壽司都好開心,一啖放喺個口度食落去,好滿足~唔止咁佢哋啲小食都非常好食, 飲品又好有特色🍹🍸🍻提提大家：龍蝦刺身、生蠔同埋啤酒仲做特價,超級抵食！🍴#家賀屋 #日本菜 #好食推介…Read More

前幾日去咗呢度chill, 真係估唔到靚景仲有好嘢食, 我哋order咗幾款burger, 焦糖洋蔥芥末漢堡，松露醬單層安格斯漢堡，兒童餐安格斯漢堡，仲有小食烤包子甘藍，薯角，雞柳，薯條，脆蕃薯！我想強調佢哋嘅安格斯牛肉漢堡係一啲騷味都冇，我哋食過sxxxx sxxxx佢都係有一陣騷味，x記嗰啲梗係唔使講啦。佢哋嘅脆蕃薯同埋包子甘藍我哋真係食唔停口，order完一份又一份🤣飲住佢哋嘅homemade lemonade，非常refreshing！而且佢有多款homemade醬汁畀你揀， honey mustard，小小辣嘅barbecue sauce，絕對係我哋至愛！真係堅想recommend呢間靚景好座又好食嘅地方！必去之選~…Read More

今日我哋嚟呢度食日本和牛 120分鐘日本和牛燒肉火鍋放題 + 升級$88 海膽生蠔鵝肝 + 升級飲み放題呢度你可以一邊燒烤一邊shabu shabu, 鴛鴦湯底我哋分別揀咗牛腸鍋同埋柚子雞肉, 牛腸鍋裏面有啲好香嘅牛腸, 所以我哋又拎咗出嚟燒, 有啲就就咁食！呢盤會出煙嘅熊本和牛先至係主角, 你睇下幾大盤幾靚！仲有好多前菜小食畀你揀~A set + $88／B or C set + $108［A餐會再送一版海膽］👈呢個幾抵呢度嘅生日枱係可以預先booking3位起惠顧120/180分鐘日本燒肉火鍋放題 A/B餐，即送「半打生蠔」🔅 餐廳賣點 🔅-熊本牛有曬證書貼紙-生日有佈置-如果早啲訂仲可以冇限時-小朋友friendly嘅餐廳-ipad點餐-侍應友善-有超大棉花糖/牛腸/燒魚鯛…Read More

成日有好多慶祝活動，想搵間靚靚地嘅西餐廳~呢間試過真係得, 你睇啲佈置幾有心思,成張枱放咗happy birthday用玫瑰花反砌成,而且仲有氣球同蠟燭！餐廳裏邊有tiffany blue嘅特色牆。呢度地點方便, Lab Eat仲有「生日套餐」$368, 頭盤有吞拿魚他他迷你脆筒, 是日精選沙律（今日係煙三文魚沙律）、餐湯（今日係松露蘑菇忌廉湯）、意粉（今日係松露意大利飯）,當然main course有烤戰斧豬排，爽嫩juicy，仲有炭燒香味~+ 每日限定甜品🍨🍮呢個餐真係抵食,當月壽星即可免切餅費,大家可以買定個靚蛋糕,而且飲品、酒精類飲品一律買一送一（可同時享有生日優惠）大家應該要提前order寫字畫碟甜品！真係靚靚有驚喜♥️仲有多款意粉、意大利飯及扒類等等！你哋睇相就知幾高質啦~我哋今次點咗龍蝦意大利飯,炭燒安格斯牛扒,仲有呢度出名嘅海膽多士🤤😋我哋真係好鍾意食意大利飯🤣,炭燒味嘅牛扒又夠juicy,仲有呢個海膽多士鮮甜,有陣時儀式感嘅嘢都要嘅~推介推介…Read More

之前成日都聽過牛大人呢間餐廳,見佢開到週圍分店,今日終於試下,唔怪得佢咁多分店,佢啲a4和牛超級好食,出面平時買都幾舊水一碟仔,呢度四百幾蚊係畀你任食,唔係大量講笑,食幾碟都回本，仲有鮑魚任食,海鮮拼盤,火鍋配料,記得要試埋個鴨血,佢哋好多食材都係台灣直送,真係好食到不得了！我哋今次試咗胡椒雞煲,啲湯真材實料,豬肚又好食,我哋個餐仲送咗四粒日本黑毛a4和牛牛丸,除咗食物嘢飲都超級多選擇,好多個雪櫃畀你揀嘢飲,仲有台式珍珠奶茶,鴨屎檸檬茶,椰汁西米露,冬瓜茶......等等超多嘢飲（你只要掃qr code佢就會送到你枱上）仲有台灣特色涼粉,今個月有kit kat雪糕, Oreo, mega 同埋movenpick雪糕,高質食材,唔試就走寶！…Read More

同屋企人都好掛住呢度嘅烤魚, 所以今次再嚟, 我哋今次揀咗清光魚, 佢啲肉係嫩滑啲油香多啲, 湯底我哋揀咗香濃蕃茄, 一路食魚一路飲蕃茄湯真係滋味~😋唔止咁添, 呢度仲有好多串燒, 我哋揀咗麻辣豬大腸、燒菠蘿 、燒生蠔！海鮮、肉類、蔬菜…啦都有串燒。火鍋配菜種類好多, 牛小扒、封門柳、牛骨髓、牛柏葉、鴨血、墨魚滑等等好多食材, 真係好好味😋。今次特別加咗啫啫粉腸系列, 因為我哋從來未食過（你亦都可以揀唔同嘅啫啫系列👍) 佢可以放喺條魚🐟上面, 口感豐富🤤, 不過今次我哋試下分開上。加埋好多唔同種類嘅飲品，大大杯，今次我哋好健康咁叫咗檸檬薏米水🥃，同埋巨峰可爾必思梳打🍹好飲健康！highly recommend四川冰粉添🍧, 仲有第一次食嘅爆漿紅糖糍粑, 好食😋仲有店舖裏嘅侍應門都超級好，不停同我哋清碗碟上嘅骨頭，又不停幫我哋加湯，非常非常好，超讚佢哋！👍🙏🙏服務一流呢度啤酒買一送一，食完條烤魚，再食打邊爐，叫埋串燒，飲吓啤酒，人生一大享受…Read More

今次已經第二次嚟，試下其他串燒，今日去到坐滿曬人，諗住送餐速度會減慢，點知速度快一碟接一碟，呢樣嘢一定要讚，人手足夠，啲侍應門都非常之好，一叫就已經可以落order，而且啲串燒仲好細心放喺暖爐上面，仲有你妹你一碟佢哋都會喺張單到mark返，所以唔會漏單，佢哋每一碟都會講下咩嚟，好好，等你知道自己食緊咩🤣溫馨提示大家記得要book枱，因為呢度真係好full！啤酒買一送一，大量串燒畀你揀，你睇我哋三個人叫咗幾多嘢食，人均三百幾食到飽，好多串燒我都好想highly recommend，e.g雞皮，豚肉牛油果，芫茜控要注意，佢個豚肉包住芫茜超級好食，雞腎，牛肋肉，豬肋肉，黑糖燒菠蘿，蒜心，牛油蜜糖日本蕃薯條，麻辣豬大腸，涼拌藤椒魚皮（超香爽口），牛舌心有香又淋，明大子雞腿肉，麻辣燒雞心爽.....etc，唔講咁多，你睇相就知啲質素幾好，燒得非常之靚！仲有我至愛嘅香水檸檬茶都只係$32,係非常大杯！朋友點做士多啤梨乳酸一樣好飲，呢度啤酒買一送一，抵！…Read More

.住左中上環禁耐都未試過打邊爐嘅私房菜，心血來潮去一試哩間，被譽為香港火鍋界食材天花板，好似又真係有別於一般連鎖店喎！一來就係驚喜嘅餐前小食，真係不得了，從未食過禁好味嘅魚皮同埋響鈴，全部即叫即炸，上枱仲熱辣辣脆卜卜，仲要配埋個秘製醬汁，真係食到停唔到口！第二樣要讚吓就係花膠雞煲湯底喇，喺打邊爐之前一定要飲番幾碗先，十分之足料，十分香濃👍🏻而且雞都十分嫩滑，唔會有鞋嘅感覺🐥飲完湯梗係首要試吓個打邊爐嘅精髓———手切騙牯肥牛🐮睇個賣相都知佢係靚野，牛肉好有牛味，而且十分有咬口！另外，仲叫左幾款特色手工火鍋料-叉燒水晶包-竹笙帶子丸-川味麻辣牛肉餃-自家製豬肉丸呢啲絕對出邊係未食過嘅😋材料10分新鮮，十個讚聽講而家消費滿$1000可以免開瓶費添吖，啱晒一班朋友聚會！仲要私隱度極高，一大班朋友絕對可以包場開party！推介…Read More

呢排秋風起就係我期待已久食大閘蟹🦀嘅時候, 鴻星及東海原來係第一間引入正宗江蘇大閘蟹做季節食品嘅中式酒樓大閘蟹兩皇一后食晒唔同口味都係源於鴻星同埋東海.呢度嘅蟹粉小籠包每日手造，兩隻小籠包就要用一隻蟹🦀仲有蟹粉蒜蓉包必試招牌小菜,highly recommend呀！蟹公重 5.5 兩，母蟹3.5 兩左右• 煙鴨胸拼青瓜🦆🥒開胃• 鮮拆蟹粉小籠包（1件）🦀啲湯汁非常之鮮味• 蟹粉蒜蓉包🦀🥖拍案叫絕• 花膠雞絲羹（1位）🥣食蟹點可以唔飲下湯• 清蒸大閘蟹（2皇1后共3隻 , 公每隻約5兩 、姆每隻約3兩）真係肥美多膏• 黑松露炒蝦球🦐爽口彈牙• 鮮鳳梨黑豚肉🥘開胃好食• 鮮茄菌皇浸時蔬🍲健康好味• 薑茶湯丸（1位）🍡溫暖甜品奉送橙汁或汽水（1杯）🥂仲要最正係咩？每人四百零蚊就可以食齊上面嘅嘢,真係好過自己整！…Read More

喺鬧市之中約朋友食飯,我想食烤魚,有人又想食打邊爐,又有人想食串燒,原來可以一次過滿足曬三個願望仲要係超高質,價錢實惠,一定唔係將價就貨,份量係大大份嘅,而且服務非常非常之好,講解清晰,成日嚟幫我哋收骨碟！/加湯, 係highly recommend！！！因為朋友做咗個小手術,唔想食辣嘢所以叫咗蕃茄湯底配鱸魚,另一位平時唔食魚嘅朋友都不停同我哋爭食可想言之有幾好食,佢嘅配菜跟埋條魚,真係冇諗過咁多配菜e. g. 蓮藕,萵筍,超好食豆腐,薯仔,芋絲,娃娃菜.....冇諗過咁豐富,真係超級讚！所以我覺得你哋都唔使點菜🤣🫢我哋點咗封門柳,冇諗過48蚊又咁大碟,而且高質嘅，仲有都係48蚊嘅牛骨髓,你睇下排到咁靚,仲有鴨血$38, 啫啫豬潤$48放咗我條魚上面簡直咁錦上天花,仲有手打墨魚滑$32,四川寬皮$20,呢碟寬皮真係超大,只係20蚊我覺得佢哋會蝕錢🤣🤣藤椒魚皮好多地方有得食,老實講食咗好多間都唔多掂,呢一間必try推介, 非常爽口惹味都只係$38,其實已經食得好飽,忍唔住又嗌下串燒墨魚鬚$16,叫做有食過串燒另外飲品我哋叫咗檸檬薏米水$22,你睇非常大杯,另外我自己就可樂$13, 手術嘅朋友就飲水, 大家最後又想食少少甜品, ordered 四川冰粉 $16,每人幾啖啱啱好.呢餐真係豐富又好味,今日我哋冇飲啤酒,佢都非常之抵買一送一$4x,因為大家第日都要返工所以唔敢飲🤣下次真係要啤一啤佢,呢個地方闊落又坐得舒服,我哋應該好快會再嚟💯💯💯👏…Read More

今日約咗朋友喺灣仔食泰菜,真係好驚喜,呢度嚟到嘅時候都坐滿曬人👀,間餐廳裝修簡潔舒服👍,員工非常之有禮貌👍,坐得relax,佢哋都好細心兩人枱都專登畀多張凳放袋❤️(我眼見全部都有).一坐低,我梗係叫我最鍾意嘅青木瓜沙律,真正嘅泰國風味好開胃！👍見呢度特色炸蝦餅所以又叫咗一份試下,外脆內彈牙,好食好食！👍仲有泰式燒牛肉,你睇燒得幾靚？！👍裏面粉紅色咬落去好淋好juicy！👍必點推介：黃咖哩軟殼蟹（好大碟）,佢仲跟埋薄餅,個黃咖哩又香又滑食到停唔到口,個麵包都好有風味！👍我哋仲叫咗個大蝦金邊粉,大蝦大大隻好有心機咁清咗啲腸,爽口彈牙,而金邊粉炒到啱啱好,啲金邊粉係有彈性,好似新鮮嘅金邊粉！👍最後當然唔少得泰國甜品芒果糯米飯,椰汁香,糯米飯軟硬適中,估唔到呢隻芒果咁甜！👍整體非常之滿意！泰國廚師正宗泰國菜！👏👏👏服務細心,值得畀讚！💯🤟下次再試下其他嘢食先. 原來食夠$400仲可以係胡忠大廈同合和中心免費泊車3小時👍…Read More