ann_walk1215's Profile

平時好少去朗豪坊，今日去買衫，順便食個泰國菜。首先餐廳佈置典雅，叫咗四樣菜，和牛炒飯好好食，牛肉一啲都唔韌，蒜蓉包好香脆，好好味，椰子雞湯，酸酸鹹鹹，一啲都唔辣，豬頸肉有驚喜，好味。性價比好高，食咗咁多樣嘢， $400都唔使，下次會再嚟過。成間餐廳美中不足就係，雖然播放好多舊英文歌，好好聽，但係因為聲量太大，同家人傾偈都聽唔到對方講嘢，如果可以將餐廳音樂聲量調低少少，整體午餐體驗相當不俗，期待餐廳看到評語稍作改善。…Read More

呢間餐廳永遠都唔使等，平時行過都冇去，今日試左第一次，唔會再有第二次。1:00落單，差唔多1:30先有食物。$92 一個三文魚班尼迪，只係一個半分嘅三文魚生菜三文治：底層烘底麵包，中間夾住生菜，上面一塊煙三文魚同雞蛋，冇醬汁，份量少，欠誠意，但係賣$92一份。同事叫左雞胸貝高，同事說雞胸肉OK，但是貝高偏甜和較硬，中間夾住塊生菜，一份$75，性價比同三文魚班尼迪一樣低到喊，終於知道點解唔使排隊直入。…Read More

每年大概9至10月，一家人都會到尖沙咀wooloomooloo prime 食set lunch。呢個習慣已經維持咗好幾年，因為以往的食物質素都好好，所以都keep住呢個practice。前菜，湯品，甜品，和飲品的質素都保持得非常好。服務質素都保持良好。以往我們都會點選牛扒作為主菜，因為牛扒都好好食。今年同以往一樣，都點選了牛扒。但今年牛扒的質素十分令人失望，肉質不新鮮，影響口感。…Read More

今日約咗幾位朋友，嘗試這間餐廳星期六的semi-buffet. Mistral 仍然在地庫的時候，試過幾次，質素是有保證的。現在搬上了一樓，景觀開陽了，第一次嘗試他的半自助餐。我們透過open rice 預約，每位$468，連加一，每位大概$520。後來我們打電話去酒店詢問關於小孩價格的時候，才發現原來小孩並沒有特價，與成人同價。另外職員告知如果透過酒店網頁預約及付款，價錢是成人每位$444。因為時間關係，酒店網上預約和付款的名額已滿，我們無法享用特價。但是就着食物的質素來說，每一款食物都10分美味，main course 也算是出色，甜品選擇多種，而且味道有驚喜，其他冷盤也算是中上的質素，生果新鮮清脆美味，意粉新鮮；服務質素方面，也算是不錯的。所以總的來說，今次朋友相聚，環境舒適，景觀開陽，再加上美味的食物，渡過了一個歡樂的下午。如果小童能夠有特價，就可以吸引更多的家庭顧客。當日去到見到基本上九成都是成年人，有小孩子的應該只有我們一枱。…Read More

平時星期六日，呢間餐廳門口都會排晒隊，一直都冇機會試，成日以為好好食，所以先會咁多人排隊。今日門口冇人排隊，裏面仲要有好多吉位。所以就同家人一齊試咗，入到去服務OK的。叫咗一個蛋包飯炸豬扒，港幣$228 ，老公嗌咗一個漢堡， $168 ，阿女嗌咗一個炸蝦咖喱飯， $138。最後仲嗌咗一個綠茶芭菲，$118。全部連加一，$717。食物質素超級普通，放心，絕對唔係日本珍珠米，同你去茶記食過包裝得好靚嘅蛋包飯，味道係一樣嘅。一個字，超級伏。真係唔明白點解之前會有人去排隊，呢間餐廳唔係預咗每個顧客只光顧一次呀嘛？裏便啲侍應得閒到翹埋雙手，因為今日數埋都係得幾張枱。唔知道係因為價錢太貴，定係啲人已經試過晒，已經全部中過伏，所以今日真係得幾張枱。嘢食整得好靚，打卡可以的，但千祈唔好對食物的味道有期待。呢間餐廳，絕對絕對絕對不值得幫顧第二次。重要的講多次，絕對無可能再光顧。傻仔，做一次就夠。…Read More

雖然明白依家好多人返大陸食嘢，香港餐飲只可以鬥平，但係如果為咗鬥平而將食物質素或者選擇下降和減少，得不償失。呢間茶居由開業到現在，住喺附近經常過嚟幫襯，食物質素中上。但係依家為咗增加競爭力，所有點心變成小點，好食嘅牛點大點和精點全部冇晒。的而且確，買單嘅時候平咗好多，因為只可以食平價點心。但係如果飲茶想食好少少，食吓雞紮，斑蘭糕黃金糕，就全部冇晒啦。以為食一碟蒸排骨，裏面全部都係肥膏排骨，最後成碟都食唔到。唔係唔想幫襯呢間茶居，因為住喺附近好方便，但係咁嘅質素，完全沒有再幫襯嘅意欲。…Read More

原本真係以為過江龍，食物質素會有一定水準。食完之後，發現午餐食物質素超級普通，價錢唔算抵食。嫩豆腐湯，湯水好稀，泡菜唔好食。烤牛肉飯，吉野家都好食過佢。炒年糕最氣憤，中間仲有少少硬硬地，叮都未叮熱咁。加$39要咗四隻炸雞翼，揀咗甜味，味道相當普通，麥當勞炸雞好食過佢。總括所有評語，因為午餐質素普通，沒有意欲嘗試其他炸雞了。呢度食飯似係韓國快餐，但係價錢相對昂貴。服務質素普通，都會有人執枱，但係唔可以要求有殷切的服務。…Read More

我哋住喺附近，開張咁耐一直都冇試過。裏面嘅格局牆紙係上間鋪大光燈黑白磚嘅牆紙，座位係茶餐廳，背景音樂90年代，成個配搭九唔搭八。所以一直都無食過。booking app 18:00 50%off, 所以試吓啦。認真，呢度食物質素比花園餐廳好少少，冷氣極凍，要返屋企攞羽絨，冇湯冇飲品，得個整熱咗嘅餐包，一啲驚喜都冇。一塊扒同沙律加薯條，兩個餐$430, 10%服務費以收正價的百分比收（冇預先同你講）。6:00坐下，6:40走人。食左$500的晚餐係附近有好多選擇，下次一定唔會再揀呢間。…Read More

平時見到裏面都唔係太多人，所以沒有走進去的意欲。今次因為樓下好多餐廳都已經關門，喺OpenRice見到咁多好評，而且又係屋企附近，所以今日叫咗個lunch 外賣。店主係韓國人，感覺好親切。叫咗兩個餐，餃子湯和大醬湯飯，小食炒辣年糕。返到屋企打開食物，餃子湯大概有五個餃子，湯和飯，$50。大醬湯只有好稀的湯，幾舊豆腐仔和翠玉瓜，幾粒蜆肉，和飯，$50。炒年糕同喺韓國食的不一樣，醬料好稀。我只係覺得呢個價錢同食物嘅質素相距太遠，性價比太低。終於知道點解冇人入去。…Read More

之前網上有人話呢一間嘅餃子和雲吞韭菜餅好食，所以今日買咗菜肉餃子，雲吞麵，紅油抄手，煎韭菜餅。其中紅油抄手和煎韭菜餅特別好食，而且價錢便宜，以唔使$40嘅價錢可以食到呢個質素，真係買外賣都好過自己煮。特別係韭菜餃。皮膚薄餡靚，細細隻好多汁，相比其他包點嘅煎韭菜餃，佢雖然細隻但係比較好食。雲吞麵就好一般，比較淡，菜肉餃子同八方雲集嘅餃子有少少相似，但係食得出係冇比味精。整體來講，呢個價錢有呢個質素，都算唔錯。…Read More

無論第一次和第二次去，食物質素都保持非常良好。我哋叫咗沙律，四重芝士pizza，一人一支啤酒。雖然環境地方比較窄少，但係氣氛唔錯，適合三五知己一齊聚會。好可惜，侍應會不停催促你離開，即是你已經訂位，佢哋大概45分鐘後便會提醒你要買單，即是你嘅枱面上面還有食物和飲品，佢會提醒你要買單啊。如果你唔買單，佢就會企起你隔離，然後每隔5至10分鐘，就提醒你要埋單。最後我哋買咗單想飲埋杯啤酒，佢哋會企起你隔離話俾你知出邊仲有好多人等緊，你好快啲走啦唔好阻住。所以唔會再去第三次啦，再見。…Read More

最近前後去咗北京老家兩次，第一次同一個女仔朋友去，食咗酸菜魚，炒萵苣，半隻片皮鴨。每一樣食物嘅味道都唔錯，雖然片皮鴨不及東北老掌櫃的好吃。買單大概$500。第二次同另外三個朋友一齊去，點咗好多個菜式，有海蜇頭，餃子，松子魚，片皮鴨，素鴨，炸羊肉，炒萵苣。整體來說，松子魚的味道最好，其餘菜式的味道都尚算不錯，值得再去。埋單$1000。但係因為最近夏天比較熱，餐廳的冷氣不夠涼，而且餐廳又多人，所以好熱。亦都可能因為夏天，侍應的態度比較煩躁和不耐煩。如果不計侍應的態度，餐廳尚算不錯，值得推薦。…Read More

整體來說味道比一般差勁，食物質素好一般，性價比低，沒有特色。同自己屋企煮出嚟嘅質素差唔多。炸雞比一般韓國炸雞店嘅質素低。雞件好乾爭爭，麥當勞個炸雞仲食。或者Goobne chicken 的炸雞，雖然價錢貴一倍，但係真係覺得係有水準。手抓飯的質素尚算正常，但係尖沙咀區outdark得韓國炸雞的手抓飯質素更高。撈麵更加不要提了，又乾又酸，真係食咗幾啖就已經唔想再食。總結，好難再有第二次光顧的機會。餐廳以炸雞馳名，但係我諗唔到點解，又乾又細粒又普通嘅味道. 而且餐廳sell自己係地道韓國味道，裏面好似一個韓國人waiter/waitress 都見唔到。用餐30-40便離開了。…Read More

外賣送餐好準時，讚賞。炸雞味道好一般，不過買一送一算係咁。Pizza, 不好食，不會買第二次。有啲硬。總結，G字頭個間好食d,起碼有特色，去完會再去第二次。炸雞焗雞都好食。…Read More

去到多人，等位，等左好耐都未到。於是索性買外賣，買外賣要等20分鐘。20分鐘後，店員話俾我知漏左單，要再落單，再等多15分鐘，加埋由頭到尾等左一個鐘，最後先攞到食物。無論幾好食，都冇心情食了。…Read More