debbietik's Profile

第一次去食已經覺得好一般， 叫杯芋泥椰乳， 竟然一粒芋頭都冇，杯嘢稀到水咁….好啦，今次去試吓下午茶叫甜品應該都唔差啩，點知個丹麥酥又凍又難食， 個丹麥酥好似隔夜咁另外再叫左個泰式烤麵包， 情況如一， 麵包又係似隔夜又唔熱嘅， 好難食， 完全冇可能食得晒， 最後連杯飲品都無飲晒就走我當初無諗過寫食評， 但真係食得好唔開心，所以都要喺度寫幾個字香港啲租太貴，搞到啲餐廳將貨就價， 搵啲有質素嘅餐廳已經好難，其實係香港做餐廳仲有冇得做？…Read More

十一點半已到達食午餐， 叫了兩個套餐， 其中花膠雞湯刀削麵， 湯係唔熱， 叫了杯熱飲又係唔熱嘅， 想點已是第三次光顧， 服務態度如一， 由帶位開始， 到點餐及埋單， 每個服務員都係目無表情， 黑口黑面， 態度差兼且無反應其實想唔做就唔好做， 點解要辛苦自己…Read More

問題1.我地一行五人， 7:00到， 但第一輪已開始， 講明8:15務必交枱， 我地打算邊食邊傾偈， 時間太趕， 所以改食8:15第二輪。 在附近逛到7:50再番去， 有幾枱客走了都唔比入， 我見有其他人都問為何有這政策， 要客人企晒係門口等都唔比入， 我覺得係想被人覺得這餐廳多人排隊， 做成人頭湧湧景象⋯⋯好， 等到8:15， 可以入座， 但見隔離枱仲食緊， 問下待應唔係強制8:15埋單咩， 佢又支吾以對， 話呢枱遲到遲入座， 又話熟客， 咁即係講一套做一套啦問題2.我地叫左個6人套餐， 唔駛5分鐘， 茶都未到餸已上枱， 仲一上上左6個，有無搞錯，前菜都未食， 就咩都上齊咁制， 係咪趕收工趕到咁？ 一心諗住傾下偈， 偈傾唔到， 個個拼命食， 勁辛苦， 上到第6個， 我都忍唔住出聲叫待應唔好再上， 餸無位再放， 我地食唔切， 餸又快涷，同行友人講食呢餐衰過食澳牛， 又急又趕， 好似去打仗⋯⋯成個食通天， 我諗唔係話好多客人， 點解有咁嘅生意手法？ 唔理味道好唔好食， 但呢餐真係食到唔開心， 但有一樣野可以肯定， 一定無下次， 另外唔會推薦比朋友囉.....去食大快活好過…Read More