雜米走腸's Profile

今日食鵝，位於淘大的日日香鵝肉飯店，門口好sharp 好吸引。我哋食左開心精選二人餐，二百零蚊有成 set ，計落其實好抵。招牌鵝肉例牌鵝肉，份量都唔少。鍾意佢啲鵝肉唔太肥之餘，亦好有鵝味。滷水汁好香，鵝肉有口感，不錯！小食 - 鵝腎、豬大腸、豬耳、紅腸、豬手、豬腩肉之中可以任揀兩款。我哋揀左豬耳同鵝腎，豬耳肉嫩軟骨爽脆，而鵝腎就入味又有口感，仲有兩、三件豆卜墊底，作為兩人餐的小食嚟講，都幾大碟。原盅老火燉湯 - 蟲草花元肉竹絲雞湯燉湯味濃，而且夠多元肉好清甜。天氣忽冷忽熱，飲下蟲草花燉湯增強免疫力就啱晒套餐仲包油菜同白飯，加 $8 有冷熱飲品，柚子蜜同凍檸樂都可以，超值。二百零蚊有咁多嘢食，座位舒適，環境衛生服務又唔錯，值得再來。…Read More

朋友帶我試新嘢，位於觀塘通明街的串燒放題。2.5 小時任食放題，每位都係 $238。首先枱面會有剔剔紙，可以儘情揀自己鍾意嘅嘢。基本上串燒常見的豬、牛、雞、羊就一定有齊。肉類冇乜特別醃製，反而枱上有好多不同醬料，可以俾大家按自己喜好去調教味道。個串燒爐的特別之處係食物放上去之後佢會自動轉，確保每個部份都燒得夠均勻。一邊燒一邊加調味，都幾過癮。而有比較大件的，例如羊架及雞中翼等就可以放落下一層網燒。上面轉轉串燒，下面就網燒，爽呀回本食物都唔少選擇，例如安格斯牛肩、熊本一口牛、燒生蠔、青口及元貝等，無限追加 除咗一眾的燒烤食物，亦有好多日韓頭盤，例如蟹子沙律、螺肉、中華沙律、泡菜等，全部一盒盒有蓋密封，好衛生飲品除咗罐裝，仲有好多自家煲的飲品，少D糖，少D潻加劑，健康D👍除咗肉類，仲有好多菇菌類及蔬菜可以串燒，例如雞脾菇、脆肉瓜、秋葵、甜薯及菠蘿等等。蒜蓉燒茄子係必食，燒完出嚟軟滑香又好味，多多都唔夠。連棉花糖都有得串燒，正呀！總括來說，二百幾蚊真心抵食，推介！…Read More

觀塘想食穩陣的雞煲火鍋，推介呢間。首先，座位舒適，卡位仲有哥基伴食，四人坐都好闊落。晚市，有兩款任食套餐可以選擇，豐儉由人。菜式亦清楚列明，黑色項目只出一次，紅色就無限追加。我地揀左 $318 套餐，咁就可以試曬佢D靚野啦！首先是菜膽扣鮮鮑魚，每人一隻，鮑魚煮得好入味，鮮味又彈牙，好好食😋辣雞煲最怕有D雞煲切到D雞碎濕濕，骨多過肉。呢間唔錯，雞件切得幾大件，食落有口感，而且入味。雞煲可選大中小辣，加上配料多多，炒起上嚟好香好惹味。當然仲有包雞煲三寶 - 魷魚、豬皮、牛柏葉，全部都係無限追加，食到夠為止刺身拼盤五色刺身，用料都幾新鮮，尤其係刺身蝦同帶子，均在水準之上。可惜冇得 encore , 每款少少止吓渴。食完頭盤、雞煲同刺身，即刻變陣食火鍋啦，都幾豐富，逐一介紹吓。火鍋海鮮拼盤有多款海鮮的拼盤，當中最吸睛當然係又肥美又大隻的蟶子同元貝。鮮甜又爽口，食一隻都已經好滿足。其餘仲有大蝦、龍躉片、生蠔同大蜆，每款少少都幾多種類。手切牛肩頸打邊爐一定要有牛頸脊，呢個部份肉質鮮嫩得來又有牛味，厚薄適中有口感。雖然只出一 round ，但份量都足夠，唔會到喉唔到肺。除咗牛肉之外，當然亦唔少得五寶丸及三色餃，種類繁多。另外亦有鴨紅及西班牙黑豚肉，食得出係靚野嚟，任食架！蔬菜盤放在自取區，各款蔬菜都有，幾新鮮，可任食。蔬菜盤區，一盤盤放到好似盆栽咁，好有心思，見到都開心。埋單每人三百幾，多野食，食物質素高，座位又舒服，會回頭。…Read More

晚飯時間去又一城搵食，行到最頂果層發現原來開左錦麗，仲啱啱唔使排隊， lucky 基本上每次去錦麗都係食佢嘅 signature — 胡志明綜合粉，因為真係好好味，從未令人失望過。簡簡單單，一人一碗綜合牛河，入面有齊生熟牛肉同牛丸，正呀！胡志明綜合粉 $70湯底靚，有香濃的牛骨味，飲得出好鮮甜。河粉上舖滿了生熟牛肉同牛丸，D餸真係滿晒架，見到都滿足。生牛肉略浸成半生熟，夠滑而且好濃嘅牛脂味。熟牛肉口感似牛𦟌，有咬口得來又唔會韌，牛味濃。而牛丸就夠彈牙，中間食到有少少牛油味，好過癮。除咗牛河，今次我哋仲食左豬頸肉。製作時間比平常耐，大約要二十分鐘。但一上檯就明白，原來係即燒架即燒豬頸肉真係好香，好熱好熱。食落半肥瘦，醃得好入味，多香茅，而且大份，五十幾蚊真心抵食。如果唔趕時間，推介一定要食吓。火炙香茅豬頸肉 $58椰青 $48有牌子 （貼子）的椰青，來自泰國，夠凍又清甜。椰青肉亦好嫩滑凍青檸梳打 $30甜酸度控制得唔錯又夠凍，水準之上。只係飲品要散叫就唔太抵，建議可以考慮set 下套餐，咁就好啦…Read More

之前響堅尼地城食過呢間，佢哋既磚爐 Pizza 真心好食，一直都想再去食多次，不過未有機會。原來新城市都開咗分店，作為沙田友，梗係要支持吓！西餐廳的裝修以深色為主，加上燈光柔和，風格同另一間截然不同。店舖不算大，但枱與枱之間都有足夠的距離，幾舒服。餐牌有呢D，亦有圖片，當中都好多意大利特式菜，唔係周圍有得食架！一人一杯Mocktail 特飲，精神吓先Cucumber & Mint $55青瓜薄荷特飲，青瓜味唔會太濃，反而薄荷味幾出，好清新！Mango Mania $55其實係芒果香葉沙冰，香草味好濃又夠凍，夏天飲啱曬Caprese Salad $90水牛芝士 + basil + 蕃茄仔，傳統意大利沙律的組合！ 水牛芝士新鮮飽滿，份量夠重手，質感似豆腐而又有淡淡的芝士味，配上黑醋汁與蕃茄一齊食，芝士迷必試。炸南瓜芝士米球 $60炸米球外皮香脆又煙韌，內裡釀有流心南瓜芝士醬，再點一點甜酸茄醬。食落有D似咸味炸湯圓，熱辣辣好過癮。前菜同飲品都好 colorful, 好靚好吸引。Pancetta Pizza $150主菜叫咗 signature，中間有隻半熟蛋的古法意式煙肉 Pizza。薄底Pizza ，餅底同一般外面食到的好唔同，特別香脆，我估計可能亦係磚爐烤的。煙肉似 parma ham, 而且好入味，年份夠其他配料有少少芝士及車厘茄，主要用來配襯出煙肉同餅底的滋味。香烤蒜蓉意粉 $135意粉中加入大量橄欖油、烤蒜片及紅椒，出來的效果真係好香。大蝦有四、五隻，輕輕煎過好香口。意粉辣辣地，好惹味。只係食到尾油多左少少。Tiramisu $50最傳統的意式甜品，夠creamy 又唔會太甜，咖啡味好出，酒味則唔太覺有，好似爭左少少。侍應會推介飲品、食物，主動加水及收碟，服務都唔錯…Read More

經過厚福街，抬頭一望叫到呢個紫色招牌，設計幾特別，而且感覺好 chill 行近一望，原來餐廳的食物都會加入 CBD, 幫助減壓，令人提高睡眠質素，咁堅？再望望餐牌，見到D長長嘅菜名就知 - fusion 野，啱我。飲品種類亦多，咖啡、花茶、酒精及非酒精都有，仲見到我最愛的Earl Grey 溝梳打，怎能不試吓？好奇心驅使下就上咗，環境唔錯噃。青咖哩安吉拉雞捲 $138類似炸腐皮裡面包了煎雞肉，再淋上青咖哩汁，拌著洋葱紅椒絲與香葉，咁大個人第一次食呢款雞捲，脆卜卜的咖喱雞，好過癮好有趣柚子漬三文魚半熟吞拿魚赤身珍珠飯 $148好味又有趣的刺身飯，餸菜鋪滿成碗，有三文魚粒、半熟吞拿魚片、溫泉蛋，綠色一條條的是鮮嫰露筍，金黃色一粒粒是炸過的椰菜苗，底層仲鋪了沙律菜。成個飯口感豐富，而且充滿新鮮感。份量好足，兩人share 啱啱好，推薦大家試一試。開心果青檸鮮奶油芒果千層酥 $58千層酥的餅底好薄好脆好甜，似糖脆片。反而cream 幾清爽，不肥膩。加上少少芒菓，算是個輕量級甜品吧！流心菲達芝士撻$48上枱已覺驚艷，無論顏色配搭同擺盤都好吸引人。芝士撻是流心的，暖暖地仲好重芝士味。價錢好抵，必食推介。Ginger Baby $88姜味特飲，溝左威士忌，酒味極濃，好啃吓！熱情果柚子伯爵茶梳打 $38我的至愛- 伯爵茶，呢度仲有伯爵茶梳打，好味又新奇，必試！菜式選擇多，味道十分好，上菜速度較慢，環境舒適。食完CBD之後又唔覺得個人特別放鬆左，仍然係個好緊張的香港人…Read More

想簡簡單單食吓台灣野，建議呢間，味道唔錯價錢亦都合理。叫到成枱都係，款款細細碟都幾豐富。招牌紅燒牛肉麵 $73台灣的紅燒牛肉其實係牛𦟌，一件件牛𦟌軟硬適中，有牛味。湯底頗濃，有加入酸菜與蘿蔔平衡油膩感。白色粗麵口感比烏冬煙韌，配上濃濃牛湯，好食。刈包 $32台灣特色刈包，有滷肉、咸酸菜、花生碎等，白色的蒸包口感似饅頭，成籠蒸熱上枱。台式傳統burger，份量好足，好豐富。試管鹽酥雞 $48新鮮炸起熱辣辣，炸粉脆口唔厚身，雞肉少少但好滋味。旁邊有試管，有六款味粉可以加，甜酸苦辣鹹樣樣齊。個人最鍾意孜然粉併海苔，好香好特別。蒜泥白肉 $32白灼豚肉，加入芝麻蒜泥醬。白肉都幾好食，唯獨蒜味唔夠多，個人鍾意勁蒜多D。黃金皮蛋 $15一般皮蛋的蛋白都係黑色，但呢度竟然係黃黃地透明的。呢款皮蛋味道冇黑皮蛋咁濃，亦少點澀味，比較清爽，幾過癮。麻辣豬耳 $15豬耳都幾入味，好香麻辣但唔算太辣。切成一條條，正正常常有咬口幾惹味。珍珠奶茶 $28珍珠幾Q彈、有口感。奶茶係台灣口味，唔會太甜，好啱飲。黑糖薑母茶 $22正常甜度，好夠薑。…Read More

食韓燒我鐘意呢間，覺得佢各方面都穩陣。裝修有風格，每張枱都有分隔，自成一角，疫情下食野都特別放心。海鮮蔥餅 $90頭盤有海鮮蔥餅，好香蛋味，食到有八爪魚粒，好多蔥同椒絲，幾大份的。喜來五花肉 $138以特製醬汁預醃的五花肉，甜甜地幾入味。脂肪與瘦肉的分佈平均，鍾意佢唔會太肥，食起上嚟有腩肉的口感，但相對冇咁肥膩。牛護心肉 $160肉質淋滑，油脂比一般牛肉豐富，亦更香牛味。簡單燒一燒兩邊已經 ok , 千祈咪 overcook 呀！旁邊白色是大片的雞髀菇，燒起來都好香。由於牛護心肉比較肥美，建議用菜包住食，加上DD醃蘿蔔都唔錯。Sapporo $52Orion $55韓式配菜有多款，醃得好味而且可以潻加，正！爐邊蛋，一邊是泡菜味，另一邊是原味，用匙羹刮下刮下，熱騰騰，幾過癮。…Read More

沙田搵食，想經濟D、又快D、又好味嘅話，我推薦呢間。位於連城廣場的越南餐廳，平平凡凡食碗牛河都食出滿足感，殊不簡單。二人套餐 $168，已包兩碗湯河或飯、兩款小食及兩杯飲品。套餐唔包的款式，補差價就ok ! 生牛肉湯河靚仔生牛肉鋪滿成碗，大大片嫩滑緊致，湯底好夠熱，牛肉上枱時是我最愛的七成熟，好味！湯頭鮮甜，香葉又新鮮。河粉係傳統越南果款，比較幼身唔肥膩，冇中式咁滑但相對健康啲。每碗粉都跟一小片青檸及紅尖椒，可以按個人口味加入。份量多，但絕對唔捨得食剩，真心好食。越好四寶湯河同生牛河水準相約，呢碗除咗牛肉之外仲有牛𦟌、牛腩片及牛丸，是為四寶。牛𦟌幾香亦唔會韌，牛腩片是最靚的半肥瘦，牛丸都彈牙。一次過食晒四寶，多重口感都幾滿足。越南炸春卷新鮮、熱辣、鬆脆，師傅炸春卷真係有一手，唔油膩，好好味泡菜仙爪咪睇佢唔太紅但其實好鬼辣，鳳爪好爽口入味，又係必食！咸檸7普通檸檬 mix 咸檸，酸甜咸之混合體。菊花姜蜜菊花味濃，反而冇乜姜味。…Read More

天氣忽冷忽熱，為免中招，最好係飲返盎靚湯打打底。在觀塘，想簡單食又有燉湯飲，我會嚟呢度。花膠燉雞湯超級熱辣辣的燉湯，足料湯頭清甜，除了雞肉雞腳，仲有一大片花膠，充滿骨膠原好啱女仕補一補。紅棗杞子鮑魚雞湯好濃的紅棗雞湯，入面真係有鮑魚，仲有兩隻! 雖然細細隻但口感一流，好有鮑魚味又有咬口，性價比滿分！泰式酸辣手撕雞飯份量幾多，條條手撕有雞味。不過原來酸辣醬另上，如果可以改為預拌應該會入味D。另外，生菜都新鮮，明顯係即叫即煮，有誠意四川酸菜魚飯麻而不辣，口味唔會太刺激，幾大眾化。好多魚片，尚算滑而碎骨不多。酸菜好香口，用嚟撈飯都唔錯。海底椰川貝雪梨茶好香椰子味，亦有濃濃的雪梨，飲得出好足料。甜度適中，凍凍地好潤喉，飲完好舒服。埋單兩人百五蚊左右，成 set有湯有餸有飯有雪梨茶，抵食！…Read More

每個人總有渴望食 pizza 的時候，如果身邊冇一個啱口味既伴，焗住要自已食曬成個都幾慘架。又或者另一半逼你食個你唔like 既 favour , 亦係另一種無奈......嚟呢度，手工pizza 細個D，一人自己食又得，share 食又得，幾好。有7款 signature 選擇，又或者自選口味都得，夠曬 flexible! Pizza 連飲品大約七十幾蚊，價格合理。另外仲有二人套餐，1 小食+ 1 pizza + 1 意粉，但我哋今次沖住 pizza 而來，所以冇試佢。每人一個心水之選，唔使爭北京烤鴨 pizza $72烤鴨pizza 比較少見，當然試試佢。咸香鴨胸同pizza 其實夾到。除咗芝士，仲食到青瓜同燒烤醬，薄脆餅底，幾好食。挪威煙三文魚 pizza $82比較傳統的口味，煙三文魚份量多而平均，啖啖都食到。唯一少少可惜係有一少角餅底燶邊了，其他都正常，好味。Pizza Pan Beer $30Make in Hong Kong 的手工啤酒，一定支持。好濃啤酒花味，同一般牌子唔同。雞翼 $10十元兩隻，正常 size 和水準。晚市都人山人海，好野自然多人識貨。…Read More

鐘意呢間上樓日式餐廳，全部都係梳發位，而且菜式夠曬多選擇。有飯類、烏冬、火鍋、燒肉、串燒、仲有好多好多日式小食，啱晒我哋。胡麻汁牛肩胛 $72自燒慢煮系列，牛肩胛好靚，肥瘦勻稱有牛味。靚牛肉，兩邊略燒轉色就ok! 好鬼香趁佢熱辣辣再點胡麻醬食，完美呀！都係七十幾蚊咋，抵食的。番茄大蝦沙律 $58食燒肉梗要有菜菜平衡下。呢個沙律配料多多又堆到成座山咁高，足料新鮮，抵食。汁燒魷魚筒 $88惹味之選，原隻燒魷魚筒，火候掌握得幾好，唔韌又甜甜地，即刻好想飲返杯香草燒羊架 $52又係香口野，羊迷必食，幾重口味架，我like ! 不過上枱時重有少少生，我地就自己慢燒到啱啱好，正呀！飲品方面，都幾有特色。有一系列嘅咖啡可以揀，另外亦有靚靚特飲，價錢尚算親民。藍桔富士山 $35藍桔梳打配上雲尼拿雪糕，加上杯型，成座富士山便出現眼前。仲有個閃冰響入面，好靚架。百香果乳酸梳打 $34酸酸甜甜的百香果味，加上乳酸梳打，味道好夾，不錯的。…Read More

觀塘的人氣漢堡，對於返呢區的打工仔來講，真係必食之選。餐牌簡簡單單，主打漢堡。另外亦有沙律、牛扒同小食。熱帶之堡 $67有煙肉、芝士、菠蘿、生菜、蕃茄，仲有好味又 juicy的安格斯漢堡牛肉。咬一啖，幸福感直湧，試過你自然會明白。白菌之堡 $65朋友吃的白菌之堡，沒有菠蘿卻加入香濃菇菌，另有一番滋味。朋友亦大讚好得！1664 生啤 $68Happy hour 買二送一，仲有 Asahi 同 1664 可以揀，除開先四十幾蚊一杯咋。夠凍又大杯，爽！餐廳仲設有戶外區，好啱約 friend 放工啤啤佢，chill 1 chill 室內用餐區，以高櫈吧枱為主。…Read More

工廈上樓台菜，有驚喜。冇得旅行都可以掃街，而且極有台灣味，值得推介。餐牌有呢個，簡單得來食品種類又幾齊全。招牌牛肉麵、麻辣鴨血、滷肉飯、蔥油拌麵、刈包、蚵仔煎、蛋餅、吐司...... 款式多到選擇困難，一次怎能試曬佢？另一頁主打飲品同甜品，大路野都齊晒。飲品先行，我哋揀咗仙草奶茶 & 荔枝綠茶。仙草夠香，奶茶亦滑，夠凍又大杯。荔枝綠茶就茶味濃，亦唔會太甜，兩杯都幾好。麻辣鴨血冬粉台灣麻辣鴨血唔係周圍有得食，點都要試一試佢。湯底好香，夠曬麻唔太辣，鴨紅大件又有口感。配上薯粉，Q彈仲啖啖炸蒜香，一試難忘。手工滷肉飯呢個亦係必食，滷肉肥瘦分明，味道濃得來又唔會好咸。配上軟淋白飯，暖笠笠，邪惡不油膩，正架！巧克力奶酥多士另外亦order 了台式烤吐司，一半是奶醬另一半是朱古力味。食落面層酥脆內裡鬆軟，火候控制得啱啱好。當甜品食，都幾滿足。…Read More

食雞煲，呢間幾有水準。有黃金芝士同火焰麻辣可以選擇，小煲 $168，夠2-3 人份量，價錢好合理。另有一張火鍋配料紙，牛肉有幾款質數，由百零至三百不等，任君選擇。海鮮類接近一百元，而其他大部份什類都係幾十蚊有交易，好抵食。火焰麻辣雞煲 $168二人 order 了辣雞煲，雞煲加了酒，上枱後侍應會响你幫點火，再炒熟佢。見到煲中嘅火焰，令人特別期待。加了酒的雞肉又真係份外鮮味。細煲都幾大份，起碼半隻雞以上，呢個脾位真心讚。兩個人膽粗粗試中辣 （兩隻辣椒），果然辣得利害，邊食邊流汗，好彩冷氣充足，爽到震！食完雞煲都飽左大半，下個 step 當然加湯底打邊爐啦！手打鮮蝦丸（半份） $43大粒彈牙，而且入面有蝦，新鮮手打，必食抵食。雞子 $53新鮮又大份，粒粒飽滿，鮮甜又有口感，雖然邪惡但好滿足，識食嘅人一定唔好放過。脆鯇片 $58又係抵食之選，大碟又爽脆。1664 生啤 $78大杯生啤，仲有至愛嘅 1664， 夠凍好味。食雞煲飲啤酒，真係無敵。枱算闊落，而且多卡位，食得幾舒適。火鍋必備醬料都有，衛生又新鮮。…Read More