Fankk's Profile

今晚凍凍地走去食熱鍋,去到太興,之前都食過一個花膠素翅雞鍋,味道不錯想再叫來食,點知今晚來到已經無咗呢款,,咁就試咗另一個,咁岩又新推出叫咗個健美魚骨湯海鮮鍋,加套餐,淨睇幅相,賣相相當吸引,當時諗應該不錯,點知...熱鍋來到後,先講賣相,以為自己叫咗蕃茄湯,魚骨湯並不是奶白色,而係橙紅色,有無魚味可以話無乜,呢個鍋同幅相個鍋簡直二樣野,但味道尚算ok,唔知係咪蕃茄平呢,勁多蕃茄,反而海鮮就唔係太多,有魚塊,帶子,蟹柳,墨丸等,不過就細細件,由於太多蕃茄關係,海鮮味道完全被湯蓋住,食唔到鮮味,只食到蕃茄味,…Read More

來到葵芳行完街後,本來想諗住去第二區食覓食,行行下見到有間甘味,太太又話想食烏冬,於是入去食,餐廳環境比較細,枱與枱之間亦比較迫由於時間尚早,仲可以試食下午茶,於是就叫两個 SET豚肉蕃茄湯烏冬,吉列魚塊蕃茄湯烏冬豚肉蕃茄湯烏冬>>豚肉比較硬,但蕃茄湯配烏冬,配搭有D怪怪地,無配清湯咁好味,但烏冬仍然煙韌,湯味道就好似罐頭蕃茄湯味道,個人不喜歡吉列魚塊蕃茄湯烏冬>>烏冬煙韌,湯就真係麻麻,同上吉列魚塊好脆口,不過好咸!,,真係咸到食完之後個口即苦!…Read More

今日再過葵芳,同太太行完街後,經過意粉屋,見到有下午茶,於是入去試試!餐廳分開咗两邊,一邊係商場,一邊係店入面,我地安排坐係入面,入面亦唔算大,服務員招呼都ok!二人叫咗個意式熱鍋.意大利海鮮炒飯,熱檸水,煙肉蛋長通粉,凍奶茶,酥皮金粟周打魚湯意大利海鮮炒飯>>來到時聞到有陣辣既味道,但食落去又無辣味,好香,材料都算ok,只係細件,有青口,魷魚圈,蝦,魚,整體味道不錯!!煙肉蛋長通粉>>好香,長通粉軟硬度適中,只係略嫌煙肉整得太過碎,但整體味道幾好酥皮金粟周打魚湯>>酥皮好味,周打魚湯好香,唔會太稀,正!熱檸水,凍奶茶>>無乜特別,跟一般餐廳相若…Read More

食完個頗難食既下午茶後,就去食糖水,未食過呢間,於是入去試下啦餐廳環境麻麻,座椅比較亂,服務員服務亦有待改進,而且比較嘈雜二人叫咗個熱杏仁糊,熱芝麻糊熱杏仁糊>>來到時聞到好香,好杰,但食落酸口,唔好食!!!!熱芝麻糊>>味道ok,都算香芝麻味,同樣都係好杰,這個還可以…Read More

好耐無食過味千,今日特意同太太來再食,試試keep唔keep到水準,太太叫咗個咖哩炸雞飯定食,自己叫咗個麻辣豚肉拉麵,講下服務,店員動作應真慢,就好似我地叫既野食,已經要等20分鐘當時亦唔係全店坐滿,有枱人叫咗個兒童餐,催咗幾次,原來已經等咗45分鐘,其他野都已經食完, 講番食物.......麻辣豚肉拉麵>>一D麻辣都無,好似個普通豚肉拉麵,豚肉味道比較淡,麵質OK,湯味道麻麻!咖哩炸雞飯定食>>炸雞岩岩炸起,所以熱辣辣,不過炸得過咗火,有D硬,飯就凍,若夏天食,還可以,不過冬天就唔得啦!凍冰冰!前菜青瓜仔味道不錯,麵豉湯味道就普通,同一般即沖的分別不大…Read More

今日下午同太太來咗試tea,先講環境,尚算大,環境不錯,唯下層是大堂,間中亦會比較嘈雜,服務亦算不錯,服務員安排我地座位後,當我地選定了tea set 後,他還介紹我們可選花茶,於是我地選了sinful tea set ,蘋果花茶,本身佢地tea set 係有4款,sinful,forever,east,tomorrow,太太鍾意食朱古力,所以選了含有較多朱古力既tea set先來蘋果花茶好香蘋果味,算是不錯的,tea set 亦有三層,sinful 算是甜品set ,全部都係甜食,但味道並不是太甜,幾好味!!!…Read More

今晚俩口子係荃灣搵野食,太太話想試新意粉,於是就去PIZZAHUT 食,呢間都來過幾次堂食服務都算不錯,環境光猛,座位尚算ok,不過就比較嘈吵,可能多人食既關係二人叫咗一個千島海鮮厚批&蕃茄醬海鮮意粉蕃茄醬海鮮意粉>>份量同海鮮料比較少,但幾好味,不過唔夠熱,只係微暖千島海鮮厚批>>keep 到水準,味道不錯,由於即塲食,所以脆卜卜,好香口,正!…Read More

今日朗豪坊同家人影完相,就入去食上上拉麵,家人就第一次食,自己同太太就食過2-3次,我地安排坐卡位,個人覺得佢地地方窄,卡位亦比較細,其實坐4人都係算迫,加上冬天,個個一件大褸,就更加迫!!今次我地叫咗一碗菜肉雲吞拉麵,小籠包,雪菜蝦仁炒飯菜肉雲吞拉麵>>味道超淡,但麵質煙韌,菜肉雲吞OK小籠包>>多汁,皮薄,都算唔錯!雪菜蝦仁炒飯>>炒得好乾身,味道幾好,多蝦!!!正!…Read More

同家人一場入到來東涌,就去食下午自助餐,呢間出名抵食,抱著一試無妨既心能,就試食!場內環境都算不錯,但有些座位就比較迫,而且枱比較細,我地一家人安排坐卡位,位置算不錯食物款式以每位128來講都算多,不過部份食物唔會再REFILL,如:螺肉,墨汁意粉,另外,PANCAKE 亦唔係長時間供應,早入去食反而食唔到,師傅話晏先有~魚生有三文魚,立魚,吞拿魚剌身,寿司就有蛋,太卷,三文魚,全部都不錯!!甜品種類都算係多,不過都係無REFILL, 所以一開始多人既時候,好多人就開始掃甜品,我地亦都唔例外,因為其他都已經無乜選擇,除非係好鍾意食魚生,咁就不停可以REFILL,甜品我就推介木糠布丁,正!!!好滑,唔會太甜,其次係咖啡蛋糕,其餘就真係普通…Read More

今日一早食咗個早餐,之後入去廸士尼玩,玩咗大半日先識肚餓,到處都人山人海,想食d 簡單食物,然後再玩過,但周圍都滿座,又多遊客,最後就入咗呢間Corner Cafe食~餐廳環境不錯,幾大,感覺舒適,我地安排咗坐係約餐廳中間位置,安頓後就叫咗二樣野食,一個中東菜薄餅及小食拼盤小食拼盤>>有薯條,薯角,炸雞翼,炸蟹肉餅,賣相不錯,薯條薯角跟一般西餐廳相若,炸雞翼好鬆脆,好好味!蟹餅就普通中東菜薄餅>>來到時嚇一跳,真係好薄既餅,味道還可以,有露荀同其他菜係上面,菜都新鮮…Read More

今晚晚餐過咗去葵芳mtr 站買唐記點心外賣,7點幾去到,已經有一條頗長既人龍,另一邊又有一堆人等緊叫號碼,之前已經鎖定自己叫乜,唔晒排到去先睇阻住後面,一個人食叫咗一個鳳爪排骨飯同雞扎鳳爪排骨飯>>味道唔錯,賣相ok,雖沒有酒樓咁好味,但廿蚊一盅飯,真係抵食,而且份量亦不少!!雞扎>>呢個就味道還可以,有d硬,味淡,但算足料,…Read More

今日去影完toy story 公仔相後,就同太太去試下呢間日式餐廳,其實成日都行過,不過無機會試到今日咁岩無乜人就就機會試喇~~餐廳環境不錯,感覺幾舒服,服務員亦好好招待客人,值得一讚!我地二人叫咗一個套餐(一個湯,主菜,飲品一杯,甜品)另加一個蛋包飯煙肉湯及牛角包>>湯味道幾好,幾濃,而且好香,牛角包就普通雞肉蛋包飯>>蛋幾滑,好香,味道不錯,但肉就比較少,不過值得一試!是日精選魚柳>>味道其實ok既,不過就好腥及好多骨,配菜既薯粒好食過主菜!熱奶茶>>自己調配,隨個人喜歡加奶及糖,茶味道普通~甜品>>唔記得個名,味道正!可惜好細件…Read More

是日同太太去一田血拼完,就去咗甘味食讚岐手打烏冬,其實好耐之前都想食,但次次都無經開或忘記佢既存在,今曰買完野經過見到,終於可以一試,,由於有大公司減價中,全部食肆都好多人等位,呢間餐廳算大間,枱可靈活調動,人流去得比較快!太太叫咗個天婦羅蝦拼蟹柳讚岐手打烏冬,自己就叫咗個雜錦讚岐手打烏冬鍋天婦羅蝦拼蟹柳讚岐手打烏冬>>賣相不錯啊!份量亦不少,烏冬超彈牙煙韌,正]雜錦讚岐手打烏冬鍋>>賣相幾好,有一隻天婦羅蝦,日式叉燒,竹輪卷,鳴門卷等,多料,同樣烏冬彈牙及煙韌,啺味道幾好,值得一試!…Read More

去完廸士尼過咗青衣城醫肚,由於都8點幾,間間食肆都有好多人等位,本來諗住食意粉,點知要等廿張枱,最後我地放棄咗,過咗來福丼食,因為無人等位!!餐廳環境不錯,原來同別府同一集團,店員服務亦不錯,不時會為客人REFILL 茶倆公婆叫咗咖哩吉列雞扒飯,雜錦魚生粒飯雜錦魚生粒飯>>魚生粒尚算新鮮,份量亦OK,寿司飯夠煙韌咖哩吉列雞扒飯>>多咖哩汁,份量比較少,雞扒算鬆脆,但雞肉有少少肥膩,整體OK!…Read More

放工經開旺角街市, 走左去食碗我既至愛, 凍豆花~!間舖冇冷氣, 裝修keep住七十年代既氣息~ 有部份仲用緊木傢俱 ~ 講起豆花, 有人叫豆腐花, 都係同一樣野~ 一般都係甜食,可加入糖水, 黑糖水或者黃糖,不過北方地方既人會食鹹既豆花, 自己就未試過喇~感覺會唔會似食中菜咁呢?有機會要試試! 從太太的瘦身書上看到, 一碗豆花大約只有 100Kcal 左右~ 原因是由黃豆製造, 所以有豐富既營養, 係健康既食品~! 外表看只是一碗普通既豆花,除營養價值高外,價錢也很便宜,但其製作過程並不簡單,首要是選擇靚黃豆,配以食用石膏粉或鹽卥或魚膠粉去凝固,當中過程稍有偏差,豆花也整得不好,所以要食碗好味又滑既豆花,真的不易! 因為我叫左碗凍豆花已經有糖水關係, 所以無須要再加其他野 ~ 今次呢碗凍豆花我覺得好好食, 豆味重, 糖水不太甜~ 雖不算太滑, 亦唔會有一種好膠質既感覺~! 味道再加上七十年代既裝修, 好有小時侯既感覺~…Read More