nlee888's Profile

非常昂貴加難食，座落遊客區，佢諗住專做遊客生意，所以冇諗住有需要回頭客，應該全部客人係一次性幫襯⋯⋯唉，但最慘俾佢做衰咗香港美食天堂個名⋯⋯ 阿姐對住每個客都係講普通話，最慘又冇禮貌，隔籬枱遊客指住Menu 本來應該係想要紅燒牛腩飯，點知出咗就咁牛腩飯，係一碟白飯加一碟乾爭爭冇汁嘅牛腩，個普通話客人叫阿姐埋嚟指住話佢想要係這個⋯⋯阿姐講話：這個就是這個啦，個客話想要紅燒牛腩飯，阿姐回覆話你指住這個就是這個，你搞不懂就看看照片⋯⋯企圖耍甩佢唔想搞⋯⋯爭持咗一輪先至同佢換返啱！唔怪得食飯時間都冇本地客入去幫襯啦⋯⋯…Read More

路過响街望上去好似幾好咁樣，咁就上去試吓，我以為係燒烤原來係火鍋成八點幾，唔多人，侍應強力推介鴛鴦鍋底，未試過冇所謂咁就試吓啦⋯⋯湯底已經唔得，芫荽皮蛋得五粒芫荽根加半隻皮蛋，淡湯冇味；麻辣嗰邊係咪加得太多水，完全無麻，辣就一般⋯⋯飲品選擇非常少，又冇啤酒，冇熱茶冇冰水，得個汽水櫃嗰幾樣選擇；調味料都冇乜選擇，冇貨又唔補充，醬油唔知乜牌子係咪加咗好多水，竟然冇乜味⋯⋯:(火鍋材料一般都係牛肉包住蟲草花、芫荽、泡椒，牛肉都幾新鮮還可以，其他丸呀、蔬菜、豬同雞呀就一般不過不失⋯⋯🆗你去到大陸四川或者重慶食火鍋，通常都有一鍋桂花凍或其他冰凍甜點俾啲客人解辣，尼度冇甜品又冇雪糕，時令水果西瓜都整塊嚟食吓吖⋯⋯咁嘅經濟環境埋單兩個人五百幾蚊，都係諗住同朋友出嚟聊吓天，收咁嘅價錢仲有大把更好選擇嘅，試完都唔會有下次咯⋯⋯BTW，香港食嘅所謂重慶或者四川火鍋，全部都流過樓加零，點解商品說明條例管唔到嘅，定以為冇人去過四川或者重慶食火鍋呀！對於我呢啲打邊爐多個食飯嘅人，香港唯一正宗嘅只有老碼頭，不過就貴啲，上次兩個人食埋單都係一千啫，但係食得滿足⋯⋯…Read More

好多年無寫食評，因為之前發覺openrice 會選擇性post 出尼同埋會screen 咗一d 太負面嘅字眼，今次唔知會唔會完整post 出嚟同老婆去旺角行街買嘢，口淡淡諗想食辣嘢，去到樓下，未試過尼間就試一試吓.............但結論係完全唔得no next time一上到去，見到環境已經唔係咁 good，坐得唔太舒服，一排排檯拼檯座位超逼，老細......幼稚園食tea 排排坐食粉果咩，現場無裝修可言，天花全埸係光管cheap 到爆炸，一個個鐵絲網吊响天花唔知想點，好似貨倉定乜倉咁淨食個雞煲還可以，叫咗大辣，個雞煲出到尼個汁淋响上面，下次唔該攪勻佢先，食完雞加湯之後，完全好似無味咁....no good火鍋醬料只有豉油、蒜蓉、辣椒粉 同 辣椒醬？乜指天椒好貴咩？蔥、芫茜等基本野乜都無，仲要豉油溝太多水好淡味寫紙的火鍋食材亦唔新鮮，好似雪左好耐，ｄ牛唔得，我最鍾意食嗰ｄ龍蝦丸魚角都係下價貨，帆立貝仲要臭嘅，no good......員工服務態度又差，都無個後生仔尼做嘅，ｄ阿姐個個鞋口鞋面，人工應該好低，講真大家樂大快活好好多食雞煲差唔多價錢近近地去深水埗福龍門好好多啦…Read More