Miss Owl's Profile

朋友推介來這間食火鍋~一來到, 就忍不住點這個養顏花膠雞鍋, 5個人, 佢俾左兩個鍋我地, 一個是雞湯底, 一個是雞鍋粥底。而家任食的火鍋不多, 就算有, 食物質素都未必好。$3XX 任食, 仲要咁唔錯的料, 真係想講, 必食!養顏花膠雞鍋個湯真係有半隻雞大大隻, 而且有勁多花膠, 好足料。按人頭送一盤海鮮, 有龍蝦, 鮑魚, 貴妃蚌, 蝦, 蟹.... 正~!全部都係新鮮的! 不過龍蝦鍋完湯之後, 好似唔够甜。D花膠多到, 我地5個人食完, 都覺得好够, 而且不是細細舊, 是大大舊! 女士真係忍不住心心眼, 食左好多!煮完海鮮後, 其實個湯和個粥, 我都有食, 係好甜架! 雖然朋友話隻雞煮完會冇曬味, 但我都食左成個雞脾, 係滑同埋好甜架! (可能因為同咁多海鮮一齊煮左) 所以我建議大家要食埋隻雞!紫菜響鈴。嘩, 超喜歡。其實我第一次食咁大塊紫菜包都裏面的響鈴, 又香又脆, 好正啊~雖然唔係話頂級, 但牛肉的紋理都唔錯啊, 任食喎, 抵!個蜆和魚皮都好正....個魚皮大大塊, 超脆, 食到停唔到口~加$30有 15款飲品任飲, 其實都幾好! 推介冬瓜茶, 仲有蘭香子在裏面, 又fresh又健康!仲有多款甜品~! 我中意炸鮮奶, 可惜冇影到相一般火鍋地方, 又嘈又窄。但真心覺得呢度好闊, 而且不太嘈, 火鍋店來說, 環境好舒服!不錯不錯, 下次一班人吃火鍋可以再來!…Read More

發現原來葵芳很少茶記。 可能因為葵廣太多美食, 周圍又比較多工業大廈, 貨倉, 所以茶記都比較"工人"style一點。本人覺得葵廣呢間新釗記, 又幾OK喎~! 之前試過幾次炒野, 好够鑊氣又勁大碟, 係幾正的~ (兩個女仔, 細食的話其實share都OK)今次試常餐, 都唔錯~常餐 多士, 雙蛋沙爹牛肉+餐肉出前一丁 $45其實一般常餐係得沙爹牛, 一款餸, 但佢兩款, 仲有個兩塊餐肉, 其實勁厚, 而一般得公仔面, 今次可以出前一丁, 不用加錢, 所以都幾扺。味道方面, 沙爹牛都幾正, 餐肉都大大啖好滿足, 但個湯本人覺得油左D, 可以改善。奶茶不錯~咖啡我覺得難飲, 酸!但葵芳茶記來說, 呢間係個不錯的選擇!…Read More

作為觀塘返工一族, 午餐都幾喜歡走遠一點, 來這間日本餐廳, 飲一杯水果茶。雖然我試過它的拉面, 真的不太像日本拉面, 但它的丼, 還有水果茶都不錯。吉列豬扒丼 $52這個丼連一個面豉湯, $52, 份量超大, 豬扒大大份, 配菜超多, 多到配完飯還有可以有餸剩下...而其實女仔來說, 食曬D餸都飽!吉列豬扒的味道其實不錯, 炸得够脆, 又够厚够口感。個炒蛋超多汁, 很送飯。洛神紅莓果茶  跟餐加$12其實午餐是不過不失, 扺食的日本丼, 但最想跟餐加$12, 來一個水果茶。它有不同款的水果茶, 試過都幾好, 勁大杯, 加$12, 很fresh, 還有可以食到新鮮水果, 飲唔曬可以帶走, 返公司慢慢飲。這個便是我喜歡來這裏午餐的很大原因。XD…Read More

Happy Friday為左又有得食, 又有得玩貓貓輕鬆一下, 所以Book了這間Cafe Idea~在旺角鬧市中的5樓, 星期五上來都不算多人, 環境坐得也算不錯, 不太嘈。不是太大, 但都坐得舒服。雖然見到好多貓貓擺設, 但整晚都不見有貓貓的身影, 有點失望。><咁唯有好好享受晚餐啦！前菜　韓式涼伴野菌愛吃野菌。野菌是爽口的，但太油了，而且是麻油，加少許酸。配合有點怪，個人不懂欣賞。前菜　羅宋湯太結，不是正宗羅宋湯，感覺蕃茄醬有點多。黑松露忌廉珍珠帶子意粉　＄１１８有黑松露的忌廉意粉，其實都冇得輸，除非有哪個味道出了大問題。不過這個意粉略為太濕，不够乾身。珍珠帶子，加少少菇，其實已經很够料。不錯。奧地利烤雞扒拼燒肉腸飯　＄１０８咁大條辣肉珍寶腸，味道幾不錯，因為辣，比較特別，而且開胃。雞扒就是高水準，是嫩滑多汁的，加上香草，味道配合得不錯！但個汁就酸酸地，怪怪地。超大一個飯！下次來，兩個人應該點一個主菜加一個甜品，否則真的太飽！佢有個甜品是超大個多士加蛋糕，好想食～蜂蜜蘆薈茶中伏，不要點！得個甜字，冇半粒蘆薈，也幾乎沒有蜂蜜味。。。巨峰提子綠茶都有點少伏，綠茶味搭救，巨峰提子味假假的。雖然兩個主菜的味道還不錯，但前菜和飲品的味道都有點伏。。。而且來看貓貓看不到，埋單又只能給現金，價錢再加一服務費，性價比不高，所以感覺一般。…Read More

之前在尖沙咀食了某間一人一鍋後, 就愛上了。無論是臭臭鍋, 芝士鍋, 泡菜鍋, 都好好味!這次來到旺角, 看見這間環境似乎坐得舒服, 人又不多, 就試試這間一人一鍋。餐牌還是大同小異的一人鍋。依舊叫了招牌臭臭鍋。招牌臭臭鍋 $108試過後, 有點失望, 覺得這個價錢吃這麼普通的一人一鍋, 其實可以去吉野家, 質素不錯價錢也便宜。首先, 臭臭鍋來到, 基本上沒有什麼"臭味", (其實即是不香)。裏面的臭豆腐, 也沒什麼特別...那真的稱得上是"臭臭鍋"嗎?其次, 大部份都是菜, 其實我也明白, 清楚知道餐單上的材料, 很多都只有一件, 沒有問題。但無論是米血糕, 鴨血, 豬大腸...都真的細件得可憐。只是牛肉還算不錯, 湯底味道其實是普通一人一鍋...哪裏有什麼台灣特色....真的吉野家做到。鮮奶茶 $25最普通應該就試出最基本的質素好不好飲。試完真的很普通。淡, 茶味不多, 奶味也不重, 不知重點在哪。可能我本來對台式的一人一鍋有一定的要求和期望, 真的有點失望。只是普通的一人一鍋, 沒什麼特色, 因此覺得性價比極低, 不會再試。(這裏還有加一服務費)差不多價錢吃的臭臭鍋或其他味道的鍋, 質素可以好很多。…Read More

之前去過灣仔那間龍鳯冰室, 味道幾好, 炒滑蛋好正!這次來到天后這間, 怎麼感覺就普通了, 變成一間普通的茶餐廳。龍鳳特餐 $55蛋是滑的, 但很奇怪, 整個蛋都沒有什麼蛋香味, 只是吃了一個沒有味的滑蛋。菠蘿包, 菠蘿皮是硬的, 但也奇怪, 只硬不脆的菠蘿皮, 包也不特別軟熟。奶茶, 滑, 但也不够灣仔那間的奶茶的奶味和茶味配合得洽到好處。雞翼湯意粉的雞翼是不錯的, 嫩滑, 入味。但湯意粉也是偏清淡。黑魚子餐肉意粉  $62厚厚的餐肉兩塊, 確實每口都有滿足感。同一個滑蛋質感, 沒有蛋味。其實是沒什麼特別的一個厚餐肉滑蛋意粉餐。比起灣仔果間, 這想真的令人有點失望。普通茶餐廳水平。…Read More

每次經過旺角這間Jollibee, 都想試一試, 因為聽說雞不錯。愛試新野的我, 今天就給它一個機會, 試試它和KFC,麥當勞有什麼差別。差別果然很大! 炸雞, 不過不失, 但沒有KFC來得脆口多汁, 雞肉也完全比不上KFC的滑。塊皮炸得若為硬了, 感覺後一炸再炸那隻硬, 不是脆。點雞的gravy, 稀到一個點, 真的溝得太稀了。我本身喜歡點gravy sauce, 但這完全吸引不了我。薯條, 一點也不鬆軟, 硬硬的, 感覺很"死", 沒有香噴噴的薯味。麥當勞的薯條都已經不特別好吃, 它比麥記的薯條還差。蘑菇飯。我第一之吃一個如此難吃的蘑菇飯....汁得少少, 飯軟到一個點, 唔知自己食緊D咩, 仲要覺得一舊舊黏埋, 我食左幾啖就放棄了。個飽是唯一一個沒有太大劣評的。它就是M記的孖芝, 漢堡稍為厚一點點, 加上蕃薯, 還有千島醬什麼的, 味道還不錯。但是, 整餐的味道, 遠不如KFC或M記。終於明白它為什麼做不起來, 只有一班回憶家鄉味的外傭是長期客人。因為, 我也不會給下一次機會它。…Read More

同事介紹, 帶我來到這間台灣餐廳。雖然門面看起來不是特別decent的餐廳, 但食落, 真係有台灣味!餐牌有好多選擇, 有拌面, 肉燥飯, 湯面, 台灣小食等等, 有點目不暇給, 令我們選了很久才能夠下到決定。(因為好多都好吸引好想試。)最後食了:鹽酥雞拌面 + 豆漿紅茶好喜歡個拌面的面質, 多汁, 一點都不會太乾, 而且不是易斷的面, 很有咬口, 又滑。個鹽酥雞都很有水平。份量足, 不是細細塊, 而是大大塊, 啖啖肉的, 但炸得一點都不油膩, 够乾身, 又够脆, 面粉也不會過厚, 吃得滋味又野味!豆漿紅茶第一次飲, 就覺得沒什麼特別, 有點過甜。總的來說, 面和鹽酥雞都好是有質素的。因為有太多其實選擇, 看起來味道都不錯, 所以下次會再來試其他!…Read More

近來努力找一些較便宜抵食的餐廳。為求省錢但又希望味道有一定水平。水餃面一向又便宜又好味, 就進店了!果然好抵食!點了最愛的酸辣水餃面。$45勁大碗, 仲有豆漿送。講真, 真的幾多料! 三粒水餃, 大大粒。有人說水餃皮太厚, 但我知道其實上海水餃是這樣的, 够juicy都可以了。個酸辣面勁入味....不算太辣, 好開胃!豬血入左味, 好正啊! 仲有豆腐都超正! 木耳, 金針, 全部都好味~!$45食到咁大碗咁足料的酸辣面, (再加一杯不錯的豆漿) 雖然唔可以好誇張地說是很美食, 絕對是大滿足!不過, 其實入到這些平民的店, 預左有好食唔好食, 要平靚正, 就要懂得點什麼。個酸辣面餐平靚正, 個上海粗炒, 絕對中伏。大大一碗, 其實咩味都冇, 而且面質過軟....又油, 真係食幾啖就停左~結果, 兩個人, 酸辣面湯都飲清, 粗炒就剩一大碟。其實仲有好多小食, 似乎都值得一試。兩個人建議點一個酸辣面, 幾款小食share,就可試多點!…Read More

其實我對素食沒什麼好感, 總覺得素食在假裝一些味道, 很奇怪。只是食素的人, 在沒有選擇之下, 必須要吃這些味道, 食肉的, 才不會走去素食店。而且, 由於健康風氣盛行, 素食其實不便宜, 所以除非朋友要求, 否則很少去。朋友介紹說一心好味, 於是前午餐前來一試。對於觀塘返工一族來說, 這裏地方寛闊, 不用等位, 是不錯之選。然後發現一個餐, 大大份, 有餐湯, 餐包, 焗飯, 飲品, 都只不過是$60左右, 確是個抵食之地。白湯竟然有黑松露味, 正啊!意式素肉醬吉列素扒焗長通粉估唔到素扒的味道一點也不奇怪, 而且整個焗飯味邊不比其他餐廳的焗飯味邊遜色。法式黑松露汁素胡椒扒焗炒飯胡椒扒也好正!熱薑蜜最愛是這杯薑蜜, 很够薑, 飲過真的很舒服!難得一間味道好, 價錢平的素食, 必會再來!P.S. 原來take away只需$3x一個餐!…Read More

拿破侖蛋糕與家人來吃飯, 進了這間西餐廳, 雖然comment不多, 一試發現不論環境和食物味道都不錯。環境氣氛不錯, 人也不多, 可以好好地聊天。叫了很多食物, 大部份都不錯。德國原隻咸豬手焗得很滑, 都算入味, 最好味的是芥未汁。溫泉蛋卡邦尼意粉最喜歡的是個這意粉, juicy又入味。鮮蝦帶子意大利扁意粉意粉質地很好, 帶子和蝦都新鮮, 但味道不特別。自製意式香腸配意大利飯超香的risotto,但飯的質地, 有點過軟。黑松露白菌意大利飯個飯有少許乾, 否則就好好味。法式農場沙律煙三文魚薄餅足料Pizza, 啖啖都係三文魚, 好正。香濃芝士意式雞肉腸薄脆薄餅這個pizza就比較普通了。拿破侖蛋糕中間有兩層啫喱, 酥皮極之鬆脆, 正! 梳乎厘香蕉味在底, 很鬆軟。…Read More

在旺角經過這間平民食店, 本想隨便吃吃, 就進來了。吃完發現不得不推介。如此低的價錢, 賣這種質素, 份量的食物, 真心欣賞, 以及覺得有良心。 咖哩牛腩飯 $35咖哩牛腩飯。超大碗牛腩囉.... (仲有超大碗飯!) $35 only!而且, 件件牛腩都又爽又够淋, 咖哩汁辣得來唔會太勁, 又够香。講真, 呢個水準, 優勝過好多茶餐廳.....但現今茶餐廳咁的份量的一個咖哩牛腩飯, 至少要$60, 晚餐應該不只。(味道都未必够這裏好。)招牌魚旦河 $20!!!三件大大件魚旦, 味道不錯, 够彈又有魚味。兩塊大大塊魚片, 一樣好味。$20 咋..... 平時食, 至少$30左右啦不錯的味道, 極抵的價錢。平民恩物。希望可以keep住。…Read More

午餐和同事來Non Kitchen, 近牛頭角地鐵站。來到上一層樓梯, 估唔到有內裏咁大, 而且裝修幾好幾舒適, 最重要的是枱與枱之間很寛, 有空間感。午餐是半自助餐, 是叫一個主菜, 然後有自助沙律吧。又或者單叫自助沙律吧, 就$88。 當然冇咁做~XD叫左"炭燒澳洲肉眼扒"。自助沙律吧。沙律的種類, 個人覺得不多。沙律菜, 不同種類的豆, 面包, 菇.....都是一些基本菜式。沒有生果, 比起我食過的自助沙律吧, 這間的種類算少。味道也不過不失。反而餐湯的味道不錯, 很濃味, 但又不膩。炭燒澳洲肉眼扒。這應該就是招牌吧。不是間間扒房都有炭燒的扒, 而且這裏有幾款炭燒扒 (牛, 豬, 羊), 應該不錯。果然沒有選錯。超大塊的一件肉眼扒, 又厚! 但炭燒的香氣, 鑊氣很足, 令人垂涎三尺。肉汁又鎖得非常好, 牛肉是很新鮮的。我不喜歡吃"yip"得太勁的牛肉, 好味的肉, 不用太多調味, 就可以很鮮甜。這5成熟的牛, 真很鮮甜多汁, 咬感很爽, 吃得很享受。令我完成impossible mission, 食完超大碟沙律, 飲完湯, 還是忍不住吃光全部極大件的牛。XD埋單俾cash, 竟然有9折!大家記住要帶足現金俾cash啊!雖然沙律吧so far so good, 但食炭燒扒一流!同事食了炭燒羊扒, 都話好正!…Read More

經常經過葵涌廣場這間小雨天, 見到好多人食, 今次終於有機會試試這間平民店。艽菜餃 十二粒 $42$42有12粒大大粒的艽菜餃....真係睇少左佢, 早食叫8粒($38), 因為真係好大粒, 好足料, 好飽!餡料好足, 而且juicy, 真係好抵食!艽菜餃都有6粒水餃。但個人認為同樣價錢, 淨水餃好D~^^…Read More

朋友介紹來到這間cafe。雖然空間比較細, 窄, 但估唔到食物質素幾高!南瓜湯絕對足料, 南瓜的蓉還在, 陣陣南瓜香味! 不會像一般cafe加太多忌廉, 不太甜, 健康點!磨菇烤雞長通粉比起其他cafe的長通粉, 這個真的優勝一籌! 長通粉每一條都絕對乾身, 不像大多數白汁通粉般太多白汁, 太膩。但又够味, 恰到好處。芝士, 菇, 還有烤雞肉, 都是鋪面的。喜歡呢隻芝士固體地放在面, 自己選擇份量去配通粉, 而不是一起焗/煮融, 撈在一起。而烤雞肉也是一絲絲, 一塊塊地烤好鋪面, 入味又有口感。值得推介!燒雞牛油果煙三文魚沙律這是我最愛的沙律! 大大片牛油果, 熟度剛好, 每一口都好幸福, 配三文魚, 好襯!而沙律菜都很新鮮, 燒雞也是健康的雞肉, 加上很fresh的醬, 呢個沙律都值得推介!最後杯熱咖啡都好好飲!不過這裏真的有點細, 傾計的話就辛苦點, 因為好嘈。以及Lunch多人等位, 食完就走。我和朋友食一餐, 旁邊換了2對外國人, 1對香港人。(外國人吃食得, 一份三文治/意粉, 一杯咖啡飲完就走。)可見turnover有幾快。…Read More