JoyLL's Profile

今日幾個朋友一齊去試吓這家開張無幾耐的小館。無失望之餘仲喜出望外，午市套餐有一盅飯（4選1），兩粒自選點心（8選2），時菜及是日例湯，都只係$88，在尖沙咀坐得適服，擺盤又靚，這價錢的確唔錯。白鱔飯雖然只有4薄片，但食得出新鮮，湯好飲，係好適合香港夏天的五指毛桃牛大力煲瘦肉湯。點心賣相精緻，菜新鮮清甜。份量足，好飽，值得去試吓😊…Read More

知道有這家cafe一段時間，以為在工廠大廈區內好難搵，原來在嗚琴輕鐵站下車，行過天橋後過對面馬路1分鐘就到，都幾方便易搵。室內設計得好舒服，老闆娘好nice。今日同埋阿爸阿媽來chill 吓，點了三個brunch items,croissant with salmon and egg, 咸牛肉三文治 及紅酒牛肉批。再加上甜品Signature Cheese Cake, Americano 及Cold brew coffee。好有驚喜，尤其紅酒牛肉批，阿爸阿媽都話好好食。同老闆娘傾開原來係出自其中一位係日本藍帶廚藝學校畢業的Mike，出品的確有水準。😋😋😋另外，每一個Brunch item都伴有好清新同fresh的salad，salad sauce 的酸味剛剛好，唔會好酸，令人胃口大開，好好味。下次要再嚟試吓老闆娘做的Bagel。老闆娘好好客，仲請我哋飲新入手的培茶，好飲，暖胃。…Read More

呢間Cafe環境靚就不在話下，在輕鐵路軌旁，望住輕鐵列車經過，的確係有啲似置身歐洲的感覺，佢哋連食物都越做越好，同越來越多款色。最近lunch時間去，一個墨西哥卷餅套餐非常之好食，taco唔會太乾，配一杯飲品，就可以好好咁享受一個寧靜午餐。另外，佢哋嘅bagel亦都好出色，份量足夠，小籠蝦牛油果配搭好味。好地方當然唔係只嚟過一次啦！另外一次，下午茶嘅時候叫一杯凍嘅飲品再加件cake，坐喺度望住個靚境簡直係一個超正嘅享受。🥰😋…Read More

見到食評好好，便決定一試，點知中大伏。星期日下午近2時仍然排隊，心想應該沒有問題，點知一坐低想點餐，個侍應便一輪咀講乜嘢沽清。當我呢啲第一次去，對間餐廳嘅餐牌唔熟，根本聽唔清楚，問多句就用煩厭的語氣加快去講。此為第一伏。當春卷、炸蝦餅送到枱面，與朋友一人一件夾起，個侍應就急不及待要取走隻碟連醬汁。問都唔問個客，仲要我哋出聲話未點醬，個侍應都當聽唔到，直接取走。此為第二伏。自問食飯速度唔慢，但我都趕唔切侍應收碟的速度，想食餐安樂茶飯姐都好似人哋去「X牛」咁，但價錢唔一樣喎！此為第三伏。結論，無下次！😠😤🤬…Read More

星期日早上，個待應自己把通粉送錯枱，個客又用食過的匙攪完之後，話個待應送錯枱，同個待應講話無食過，個待應竟然就咁就直接把碗通粉再送到正確的客枱上，待應咁樣做的確非常之嘔心。個待應就算個客話無食，見住個客不停噴口水落碗通粉到，同隻匙羹仲滴住水，現在又是疫情期間，個待應都應該自己換一份新鮮的通粉俾過個正確的客，這樣是保障食客，又保障間舖的正確做法。再者，啲待應又非常之無禮貌，叫佢拿杯水由點餐到個餐送到枱都未有，我以後都唔會再幫襯。…Read More

今日星期三（非公眾假期）正午12點專誠去支持這家本地小店，去到門口拉了閘，但又無寫放假，睇open rice都唔係例休，於是打門口張紙個電話。電話有人接，問佢今日開唔開門，佢話開，叫我等。結果等了10分鐘都無人開門。再打同一個電話，接電話的也認得我把聲，我話你個同事仲未開門，佢只講，係呀，今日唔開工，但連一句唔好意思都無。咁樣對待第一次想幫襯的客人，實在太過利害，以後唔使指意我會幫襯，態度太差！…Read More

小店座位不多，亦只有一名年青老闆身兼廚師、水吧、侍應。老闆不多話，但出品有誠意，即叫即做，製作認真。喜歡他製作的海南雞及沙薑雞飯，醬汁味道正合口胃。另外，也喜歡蒸魚飯，多配料唔醒，正👍🏻…Read More

在雜誌上看過這店，一直想試，襯今日假期，從屯門公園走路過去，沿途看看風景，約半小時便到。店舖地方小小，只作外賣。點了肉骨茶飯餐連飲品，肉骨茶與飯分開上，飯還有金菰菜和生菜。喝一口湯，吃一口肉，味道濃濃的，好吃！下次會試咖沙。…Read More