UnclePoon的个人专页

前排涷鬼冰冰，第一件事就梗係諗到打邊邊啦， 若然能夠加埋麻辣火鍋咁就正晒啦。早3日前已經打定電話去Book 渝味曉宇，因為睇左啲介紹話呢間係正宗重慶麻辣火鍋，所以就決定嚟試下。今次同成班食得辣友一齊去食，店員知道我地食得辣所以就推介左個九宮格麻辣大紅鍋 $38/位紅噹噹佈滿鍋面，特別吸睛，麻同辣都十分之過癮假如覺得太辣可以點(麻油+蒜及蔥) <-點左能夠中和辣勁紐西蘭精品羊肉卷 $98/份 愛食羊嘅一定要試下,羊片肉夠嫰滑，放入麻辣湯中令肉味提升，完全無羶味。一邊嘅鮮黃喉係店方極力推介嘅食材，口感十分爽脆，正！爽脆豬天梯 $78/份 爽口感覺有啲似食脆軟骨，煙煙韌韌有嚼口，不妨一試淮山條 $38/份 $20/半份用鮮淮山打邊爐外面比較少見，入口感覺粉嫰爽脆，鐘意淮山嘅朋友，記得點客試下總結:份量唔算細，麻辣有勁，配料較多款式，較坊間的特別！絕對值得一試！…查看更多

上星期同朋友去左AMP食飯, 經過呢間餐廳覺得幾特別, 所以決定試一試. 佢既門面都幾靚下, 7點左右去到都唔算好人, 好快就有位坐, 見到佢既推介久須志菌茸沾汁麵, 當然梗係試一試, 而且見到好似每台食客麵好似order左呢碗麵. 我地仲叫左神山湯餵子, 沖繩風味豚足, 茄子pizza, 山葵手羽先, 再加多杯雜果特飲.茄子pizza 食落真係好香pizza味, 唔太油又好味, 沖繩風味豚足即係豬腳, 好淋....好入味...我鐘意食..不過份量如果多少少就好啦, 神山湯餵子....鐘意食餵子既人都會鐘意食, 另外山葵手羽先食落酸酸甜甜好開胃...好味.最後到久須志菌茸沾汁麵, 一上台就見到好大碗, 聞到好香既菌茸味, 一望就知超級濃郁既味道, 碗麵D菌超多. 我先夾起D菌沾一沾個汁黎食, D菌都有好幾款又新鮮, 另外D麵比平時食既拉麵係唔同既, 因為呢款麵係叫麥香曲麵口感好彈牙, 仲有配埋個醬燒豚角真係好GOOD. 起初仲驚唔夠食, 但食到後少少開始有D飽, 可能我地食得太多小食, 加上D沾汁太濃厚.....其實我想當湯飲哂佢...不過真係好飽, 下次黎叫少D野食應該就可以食到一滴不漏.…查看更多

前排約左班friends食極上和牛盛宴, 呢間野雖然貴但真係好食喎, 平日唔算多人, 我地有BOOK位所以好快就有位坐. 黎得呢間野度食梗係要食佢既極上和牛盛宴, 服務幾好喎....唔使自己燒有人幫我地燒埋, 真係肉來張口,  另配白飯真係正到呢... 當然只食牛就梗係唔夠喉, 我地都仲叫左刺身好新鮮, 吉列生蠔同炸蝦天婦羅都好食, 三點前菜同味醂魚乾估唔到都有驚喜, 食完都真係日日都會掛住個種味道. 唔知幾時再可以去食過呢.....…查看更多

前排又約左一班朋友去御名軒食晚飯, 貪佢夠就腳...地鐵站一出就係啦, 加上又唔算難搵位.  其實食麥都冇所謂, 食中菜岩哂個個人既胃口, 加上天氣凍要食下飯先暖下胃. 今晚大家都冇麥意見特別想食D麥, 所以我地決定食廚師推介, 因為睇相就覺得好好食咁, 大家費時諗. 所有菜式都保持水準, 又大大碟, 岩哂我呢D大食既人, 特別推介條大龍躉...大而不"UN"蒸到岩岩好, 男人最愛既臘味飯....D飯蕉冇得頂呀, 仲有手爪骨.....超香...岩我重口味既人. 呢間真係岩帶屋企人黎食, 菜式多樣化, 味道又好食.…查看更多

上星期收工無聊地一個人係尖沙咀行街,行到大約九點就開始去搵野食,其實係尖沙咀一個人係好難諗到食咩好,不外乎粉麵檔或餐記。行到寶勒巷諗住食碗雲吞麵,點知就發現呢間”泰麵膳” 去到門口睇下個餐牌,極之適合單頭去食,咁我緊係即時衝入去睇下咩環境啦,。呢間泰式麵既麵食同外面普遍既泰麵好唔同,有好多都未見過有得食。貪新鮮既我緊係要試啲外面無得食既味道啦!粉紅湯粉:可以選金邊粉,河粉,黃麵粉紅湯真係第一次見,湯底帶點微酸,微辣 (問過店員個湯點解會粉紅色,原來湯底係用豬骨加入泰式南乳,係呢到自家既秘方!)味道好特別好有新鮮感,南乳味道唔會太濃,酸味亦唔會太搶,配合得啱啱好。我個粉紅湯選既係金邊粉,個金邊粉同個湯好夾,粉煮得啱啱好唔會太淋,碗麵既配料一啲都唔少,有:魷魚,蝦,魚片,豬紅,魚蛋仲有一隻炸雲吞,雲吞放入湯到浸一浸先食仲好味的,食碗咁有特色既泰麵既係要飲埋個椰子先咁就夠晒泰國feel 啦…查看更多

去咗元朗 買咗D必買嘅手信 朋友話係Yoho開咗間老字號潮州菜 咁就一於試下 地方裝修得唔錯 環境幾舒服 尤其個接待 一直笑笑口 又夠客氣 未食已經加分 坐底先來一盤功夫茶 即鐵觀音 我對茶麻麻 朋友呷過就話幾香 叫咗份鹵水雙拼加兩個小菜 碟鹵水鵝腸 腸夠爽夠脆 鹵水味夠味夠香 不愧為老店 豆腐豆味香濃而且好滑 浸在鹵水中令嫩滑嘅豆腐錦上添花 另外叫咗個炸雙棗 傳統潮州菜 即炸蝦同蟹丸 蝦棗夠彈牙又有咬感 蟹棗味道夠出 新鮮熱辣 趁熱食滋味非常…查看更多

熱騰騰的濃湯上鋪滿滿滿的櫻花蝦 剎那有種櫻花如雨灑下的感覺 勾起那年在櫻花樹漫步的絲絲情懷 雖人面全非 但昔日的點點滴滴 偶爾的在內心微動了一下 仍說明汝非草木 言歸正傳 湯本身味道濃郁 麵同時沾上湯味和蝦 食在口中口感豐富多重 複雜的感覺令到不會單調 加上伴以溫泉蛋 筍絲和日式叉燒 誘人的賣相又增加多幾份好感 稍厭生蔥花在這𥚃不太相配 若加上薄薄的一片紫菜 可能更能錦上添花…查看更多

做咗成個禮拜嘢 趁Happy Friday同友人們行街食飯 街我就冇行 飯就一定食 每人叫個餸 唔知係唔係天氣開始熱 不約而同大家都點咗D開胃餸 先上係咕咾猴頭菇 以茹代替豬肉 效果同口感都唔錯 除咗保留咕咾肉嘅神髓之外 少咗份肥膩感 多返份清爽 唔錯 另外碟開胃菜係芋頭梅子鴨 隻鴨夠入味 梅子味夠濃郁 炆得火喉夠所以肉質鬆化 夠香夠味…查看更多

一早落咗去中環IFC飲茶 之前有幫襯開正斗 但都係食碗雲呑麵搭件點心咁 今次就真係一盅两件而已 叉燒包皮幼且白 鬆化軟熟 叉燒保持水準 另外叫咗菜苖餃 蝦仁加上菜苗 口感不俗 感覺好似健康D 當然唔少得呢度嘅炸両 米漿皮滑夠薄 內里油炸鬼又脆但又有咬口 坊間絶少地方可以食到…查看更多

老友返新工 之前一真在九龍工作的佢終於可以同我一齊食晏 食過呢度樓上嘅中式餐廳 晏晝就總係覺得heavy咗 今日本來想清淡D 不過最終都係去咗食德國嘢 order咗2杯德國生啤同埋叫咗隻燒雞 點解去德國餐廳冇叫豬手?理由好簡單因為唔想食 啤酒麥味夠濃夠滑 隻燒雞上枱個陣好香 皮燒得好脆 皮脆肉嫩 又多汁 味道好好 碟雞朋友差不多食曬成碟咁滯 另外叫咗個薯餅 食落口感好好 用咗薯泥同薯條混合 不加任何醬汁都覺得好好味 值得推薦…查看更多

一條友 費時諗太多 見肚餓就落醫肚 今日究竟食乜好 最後去咗食泰國菜 叫咗個海鮮冬蔭功湯同炒金邊粉 冬蔭功湯足料 味道中規中矩 內有魚肉 原隻大蝦 鮮魷魚 草菇等等 湯鮮甜中帶微辣 海鮮食落口新鮮 不俗另外炒金邊粉味道好傳統 甜酸兼備 恰到好處 沒有誰搶了誰的風頭…查看更多

朋友搬咗去屯門差不多成年 一次都未到訪過 趁住過年 過去拜拜年順道去屯門行下 好多年冇去 景物人物全非 屯門變成一個社區 一個重覆着他人模樣的社區 言歸正傳 拜年過後就到了附近商場找地方用餐－灑家 叫了個銀芽肉絲炒麵 麵底夠脆口 芽菜夠嫩夠爽 肉絲又嫩滑 味道非常 濃郁入…查看更多

人生大部分時間都離唔開食 我哋為咗食而去打工揾食 揾到食嘅時候又要四圍揾吓有乜嘢食 係尋覓食呢個題目中不斷循環 不斷輪迴… 廢話一輪之後又返番食 嘻嘻~ 同個老朋友老同學吹水食飯 叫咗個泰式炸豬手 燒原隻鮮魷 同理飛天椰菜苗 當然唔少得啤佢一啤啦 個豬手做到皮脆肉嫩 幾好食 肉質鮮嫩且多汁 略嫌個皮over小小 但係仍然keep到塊皮脆 下酒一流之後燒魷魚 我其中一様至愛 烤得恰到好處 啱啱好 鮮甜 彈牙 爽口集於一身 加上D醬汁 好食 又一個下酒佳餚最後上返個炒椰菜苗 爽口 菜本身甜味十足 口感有D似芥蘭 不過還要嫩甜…查看更多

有老外朋友到 想見識下地道風味食物 想了想 反正人在銅鑼灣 就不如到希慎中心的何洪記去 以往還在地舖時偶爾經過也會走進舖光光顧一下 現在搬上樓了 不方便也跟著少去了 自己叫了份小的雲吞麵 俗稱細蓉 銀絲幼麵 麵質彈牙 有咬口 一般用梘水煮過的麵都留有梘水味 很容易食得出 但呢度煮嘅麵就食唔到梘水嘅味道 可見師父功力 雲吞一口一個 蝦同豬肉嘅比例啱啱好 估計在七三或八二之間 湯底用上大地魚 味道保留以往傳統 不失風味…查看更多

網路食評上看了這家日本餐廳的海膽杯 蠢蠢慾動了很久 今天走去試了一下 一上枱 果然吸引眼球 由上至下放滿海膽及其他食材 問了一下師父 由頂而下分別有黑魚子 北海道海膽 沖繩海葡萄 吞拿拖羅 三文魚子 白蝦 松葉蟹肉同新鮮海帶 每層一滋味 各具特色又各有味道 當然主角海膽入口即溶 果份滿足感實在非筆墨能夠形容 好食又具創意 正…查看更多