Eat.Good.West's Profile

相信荳子依間餐廳大家都唔陌生，今次係第2次幫襯荃灣分店，食物質素依然保持水準👍🏻👍🏻，唔怪得知keep住都係荃灣人龍店啦😆😆！-依杯premium chocolate 🍫 大推！😍😍😍首先當然十分igable啦📸，飲落唔會死甜，真係有一陣陣可可朱古力味，又唔會好稠，雖然係好肥仔😈，但係值得嗌返杯飲架☺️☺️。-至於主食方面就叫左3樣，特別推薦大家嗌芝士蘑菇雞蛋toast😍😍😍!!!!!! 個忌廉醬係超級澎湃，又creamy，仲有洋蔥絲係中間。切開雞蛋🥚，裏面既熱溶芝士就會流哂出嚟，超級拉芝🧀🧀！一定要襯熱食！底下既麵包🍞亦都好鬆軟，可能係一上枱就食，麵包冇浸到淋哂，包邊仲有小小脆，相當唔錯😎😎！-另外2款主食分別係黑松露意大利飯同素食南瓜汁意大利粉🎃。黑松露味唔算濃，相對上就比較一般，中規中矩，冇乜特別驚喜！-最後就到主角出場！！黎到beans點都要嗌佢地既甜品🤤🤤🤤 Oreo麻薯toast有少少失望，原本以為切開會有超多oreo醬湧出黎，點知係冇乜😅，而且麻薯係一舊放係多士面🍞，食落唔係難食既，不過比預期有落差，可以下次叫抹茶流心toast會開心d😂😂。好彩仲有抹茶卷同梳芙里彌補返姐🥰🥰，抹茶卷中間既matcha cream好出色，勁香濃既抹茶味🍵，但係唔會苦，蛋卷亦都好濕軟，自己一個食一舊都唔過分😆😆😆。梳芙里熱辣辣上枱，賣相已經俾個like，食落好香蛋味，內裏絕對唔會係超空氣，仲食到軟淋既口感🤤🤤！-雖然舖面唔大，但係坐得舒服，經過荃灣一定要試下😊。…Read More

Bookmark左依間大圍cafe好耐架喇！但係真係對我黎講有d遠，遲遲都未黎潮聖下，今日終於有機會一試😍😍😍！好感動😭😭😭！-12點幾黎到，等左1陣就入得，原本仲以為要等好耐！入到去就會見到大大既menu，揀好左食咩就直接order，至於麵包🥯就日日唔同，今日我就揀左紫薯麵包同朱古力麻薯bagel🍫☺️☺️。首先講左紫薯包包先，紫薯超澎湃，食落唔算太甜，有淡淡既紫薯香，而且麵包超鬆軟，濕度岩岩好！👍🏻👍🏻👍🏻至於朱古力麻薯bagel真係不得了，一切開勁多麻薯係入面，而且入面仲搽左朱古力醬，食落超好食！bagel脹卜卜，口感好煙韌，絕對係會想外賣幾個返屋企食！😆😆😆下次好想試到抹茶味🍵🤭🤭-仲嗌左個avocado toast with scramble egg 🍳 🥑佢地既牛油果醬打到超creamy，好似食緊忌廉咁，面頭仲有蕃茄粒，芝士粒，配埋底層鬆軟既麵包，perfect match ☺️☺️！如果朝朝都有得食，就正喇🤤🤤！…Read More

元朗yoho地下新開左間川菜館，裝修開揚，座位相對闊落，又係一間可以打卡既餐廳😍😍。見到户外都有坐位俾客人坐，感覺都幾chill下😌！-話明川菜館，就一定要試下佢地整既酸菜魚夠唔夠正宗啦😎。我地2個人嗌左個例牌($168)，魚塊數量唔多，如果鐘意食魚既朋友建議嗌大份。湯底飲落酸味較重，帶有麻香，食後會嘴唇發麻👄，個人都幾鐘意😆！仲有薯粉墊底，吸哂湯底精華，連芽菜，酸菜一齊食，絕配👍🏻！即刻想嗌碗白飯🍚撈湯食🤤🤤。-另外仲嗌左個涼拌窩荀絲($48)同雞絲拌麵($58)。窩荀絲有驚喜😍，望落好似會冇乜味，但食落帶少少麻酸辣，真心有d似三哥10少辣🤣🤣！至於雞絲撈麵就比較一般，麻醬唔夠香，令到成碗麵失去左靈魂🥲。-整體上，食物種類都多選擇，一坐低會奉上一壺茶，坐得舒服，但係價錢就偏貴，份量亦都較少，不過食物質素都唔差，都可以一試☺️☺️☺️。…Read More

講左好耐，終於試到依間隱世Cafe!!!!!!😆😆😆 開心既係人流唔算多，可以慢慢嘆住brunch，飲住咖啡，同朋友閒聊，真真正正享受到漫活☺️！-食物方面，點左一份帶子洋蔥魚籽炒蛋配Bagels 🥯。佢地既滑蛋十分出色，嫩滑creamy, 蛋香味濃，蛋汁滲入係麵包，配上煎香左既洋蔥🧅同鮮帶子，口感超級豐富☺️！另外一份就係煙鴨胸牛油果🥑配ciabatta🥖。牛油果中和煙鴨胸既油膩感，而且麵包仲揸左果jam，食落甜甜地😋！而且每碟都有一大份沙律菜🥗，可以揀配黑醋or芝麻醬，個人喜愛芝麻醬多d🤭🤭🤭。如果朝朝都有咁豐富既早餐食，真係為全日差足電⚡️！-最後忍唔住嗌多左個朱古力心太軟🤣🤣，朱古力味超級濃🍫，嗜甜人士必愛😌！…Read More

餐廳位於太子酒吧街，主打tapas，坐低即刻奉上脆脆小食，不過提提大家，每碟係要收返$40蚊架！小食跟埋自家製既沙律醬，送酒都唔錯🍸🥂🍻！-Total叫左3樣食物，上面既係西班牙小食併盤，岩哂乜都想試既心態🙈🙈🙈！併盤有齊辣肉腸，薯條🍟，炸雞翼，三文魚波，仲有2款醬俾大家dim黎食！一個係普通沙律醬，另一款就酸酸甜甜，勁似濃味版既m記麥樂雞醬🤣🤣🤣！三文魚波有驚喜，入面包左cream cheese，鐘意芝士既朋友一定要試😍😍😍！-想食ParmaHam，諗都冇諗就叫左parmaham pizza 🍕。Pizza係薄底，烤得幾香脆喎，芝士🧀都落得夠，比較特別既係加左冬菇入去，增加左口感😀。至於依隻德國豬手，焗得岩岩好，豬手皮脆卜卜，底層係充滿骨膠原既脂肪，加埋肉質滑嫩既豬手肉，好好食😋！不過個醬汁就有d失望，太稀唔夠濃，寧願選用返傳統honey mustard 既配搭。Side dishes 有炸得十分香口既薯角，啖啖薯仔肉🥔，好邪惡😈😈！- 9點前order酒類飲品都有半價架，邊飲酒，邊同朋友傾下計，夠哂relax☺️☺️☺️！…Read More

一入門口燈光微暗，環境尚算寬躺。因為太肚餓，唔理三七廿十一，乜都嗌左先🤣🤣！-前菜小食方面，分別嗌左個炸魷魚🦑($98)同埋法式白酒煮青口🍶($145)。魷魚外脆內軟，配埋側邊酸味味既他他醬，滋味倍升，不過就真係幾熱氣🥵，千奇唔好自私食😂😂！青口方面白酒味唔濃，青口肉冇煮到過熟，略嫌份量有d少！-之後上枱既係美國12oz肉眼扒($378)加配蕃薯條 🍟($48)。肉眼扒🥩揀咗medium rare，既鎖住肉汁，又唔會過韌，口感岩岩好。而且蕃薯條🍠係即叫即炸，冇可能唔好食，份量超多！除咗蕃薯條，其實仲可以配普通薯條，薯粒，洋蔥圈，隨自己心意揀😌😌😌。-依個係炭燒海鮮拼盤($378)，菜單寫二人份，但係三個人share食都綽綽有餘🤣，入面有齊炸魷魚條，蝦🦐，三文魚扒，青口，鱸魚🐟，仲有少少沙律🥗，剝皮蕃茄🍅伴碟，外觀已經超吸引😍😍😍！2款魚用咗炭燒既方法，食落唔會乾爭爭，有魚油流出，認真唔錯，而且鱸魚冇乜骨，食落啖啖肉，又滑嫩，外皮燒到脆卜卜，鐘意食魚既朋友，千奇唔好錯過🤤🤤！-其實已經飽到上胃頂🤭，但係依個蟹肉墨汁意大利麵($178)係會令人食上癮😋😋！麵條🍝既軟硬適中，每條麵條都有蟹肉汁包住，鮮味十足！必點！🦀🦀🦀-最後就緊係要食返個甜品，嗌左個軟心朱古力蛋糕🍫🍰 ($70)，我想講真係超級無敵足料，好厚實勁濃既朱古力餡，上面配左既雪糕🍦，超似m記軟雪糕味🤣🤣，食完真係飽到行唔郁🤰🏻🤰🏻🤰🏻！-整體食物質素都唔錯，上菜速度正常。如果幫朋友慶祝生日，依到會送一張即影即有📸，同埋侍應會唱生日歌🎤，怕尷尬，記得預先同佢地講唔洗唱生日歌呀！…Read More

一入到舖頭，即刻有種遠離塵囂既感覺，牆上掛住乾花，播住悠悠既音樂，完全係慢活既感覺☺️。-有4個set dinner menus，如果唔想食set，可以散叫，不過散叫都包左餐湯同甜品，最後揀左鯖魚同劍魚腩set🐟🐟🐟，所有食物都係即叫即整，所以大家都要預返3,4個字先會有得食，要耐心等待啊⌛️。-首先黎到既係跟餐飲品，叫做極光，超級靚，係有漸變架😍😍😍！其實就係用蝶豆花製成既飲品，另外會附上青檸糖漿，建議落少少就好，唔係就會好甜架喇🤭🤭。-等到肚都扁埋，主菜終於到喇，佢地既排盤超靚，冇諗過份量係咁多😳😳😳。講左個劍魚腩set先，包左3樣小食，明太子忌廉意粉🍝，同埋燒到好香既劍魚腩🤤！望到都口水流哂出黎，意粉夠creamy，仲有比目魚碎灑左係面，意粉口感轉硬適中，係會令人食唔停口😆😆！劍魚腩燒得岩岩好，咬落會有油脂流出，細心既係魚下面舖滿左蔬菜🥬，完全可以中和油膩感！-另外既鯖魚都係一樣，煎得好香口，鯖魚又夠肥美😍，啖啖肉！墨汁意粉味道濃郁，記得食完要抹乾淨個嘴呀😏🤭！小食放面，超級欣賞佢個玉子卷！！！😍😍😍蛋味濃，又夠厚實，下次一定要散叫一份自私食😆！-隨機附送既甜品係抹茶千層糕🍵，抹茶好濃，抹茶控一定會鐘意！聽講佢地既甜品都好好食，不過好快就會sold out，下次一定要試下😤😤！店舖唔大，而且多人排隊，記得bk位喇😉。…Read More

雞煲雞煲，間唔時就會癮起想食😝！今次就揀左位於旺角既陸陸雞煲，好彩有bk定位，黎到就唔洗等😌😌😌。-除左雞煲，其實仲有其他湯底可以揀架☺️，但係今次我就嗌左個例牌既雞煲($158)，辣度就揀左小辣🌶，食得辣既朋友可以揀中辣呀😎。細心既位會有店員幫你炒個煲，食得就會叫你，唔怕d雞煮到過熟😍！所以雞件🐥食落口係超滑嫩，但係再入味d會更好。相反，洋蔥🧅同青椒就好入味，差唔多清哂🤣🤣🤣，例牌份量，3個人食岩岩好，食哂d雞就可以叫店員加湯，轉打邊爐喇🍲🍲🍲！-例牌美國肥牛($128)，普普通通，冇乜雪花，想食靚d，就要俾貴d既價錢喇🙈。手打墨魚滑($72)有驚喜，驚喜係因為佢個外形😍😍😍，冇諗過係企鵝造型🐧，超級可愛！食落好彈牙，仲有食到少少墨魚粒🦑既口感，推介👍🏻👍🏻👍🏻！-另外仲點左窩筍($32)，粟米🌽($32)，金菇($32)，午餐肉($42)，百葉豆腐($44)。窩筍切到好薄身，好快就熟，但係就差左d口感😩😩😩，都係鐘意食厚身少少。百葉豆腐係另一必點食物🤩🤩🤩，超級有彈性，有d似食緊魚蛋，但係豆腐又會吸到湯汁，好juicy🤤！-打邊爐又點可以唔嗌飲品，依到有酒，涼茶，特色飲品同汽水可以點，實有一款岩你地口味😎。…Read More

朋友推薦下，初嘗依間人氣小店🙈🙈！店舖雖少，但係食物質素絕對唔低！古今其實係食日本菜，主打fusion卷物，大多數都會加添牛油果🥑係卷物入面，十分之健康☺️☺️☺️！-首先就緊係嗌個沙律🥗清清腸胃先啦，點左龍卷風沙律($68)🌪，其實就係蟹柳絲沙律，面頭有少少脆脆片同蟹籽，沙律菜爽甜，整體感覺好fresh，作為前菜一流👍🏻👍🏻👍🏻！-另外仲點左個雞泡魚干小食($65)，依個係私心嗌既，近期愛上既小食之一😍😍😍，一定一定要dip沙律醬一齊食，係super match ga！雞泡魚干烤到金黃色，食落微脆，其實有d食緊豬肉乾既感覺，即刻想飲返杯啤酒🍻！🤣🤣🤣-輪到主食，分別有超級龍卷風($88)同蟹柳壽司pizza($88)。超級龍卷風既餡料有cream cheese, 鰻魚，炸蝦🍤，青瓜🥒，炸蝦炸得岩岩好，粉漿唔會太厚，加上有青瓜中和油膩感，而且鰻魚同芝士增加左卷物既層次感，好好食🤤🤤🤤！至於pizza係出於好奇嗌既🤣🤣，pizza用左壽司飯做餅底，壽司飯係炸過，但係食落唔會成口油，唔錯，面頭就舖滿左蟹柳絲，如果落多d醬汁會更好，略嫌有d乾。-最後怕唔夠飽，嗌左個唐揚龍鬚冷烏冬定食($138)，冇諗過份量係咁多，如果一個人食應該係會好飽😂！開頭以為唐揚龍鬚係炸雞塊，但係原來係炸魷魚🦑，不過記得襯熱食，凍左有d硬！定食仲有刺身，都算新鮮，仲有中華沙律，炸雞翼，同埋卷物，超級豐富😆😆😆！-提提大家，如果想食，建議bk定位，因為真係幾多人食，下次會想試埋其他款既卷物🤤🤤🤤！…Read More

No boundary 係我一直想試既餐廳，奈何當時只有銅鑼灣一間店舖😫。但係而家竟然係荃灣開分店，簡直係新界人既好消息😍😍！好彩事前有bk位，唔係walk-in都冇位食。-作為一個包控，依個無邊際厚多士🍞($98)係必必必點！多士上面舖滿左滿滿既咸牛肉同芝士🧀，超級邪惡😈！切開中間，流心蛋既蛋漿即刻流哂出黎，食落仲有甜甜地既感覺。原來係面頭仲淋左蜜糖🍯，令麵包食落唔會太dry，口感非常豐富😍😍😍！但係千奇唔好低估佢既份量，食完係會好飽🤣🤣，一定要share食！-至於依個egg benedict 都好好食😋😋！揀左個煙三文魚benedict ($98)，水波蛋煮得岩岩好，又係一個會爆哂蛋漿既菜式，面頭係熱溶左既芝士，同煙三文魚好夾😎，旁邊配左沙律菜🥗，芝麻醬係另外裝住，可以自己調節份量倒落沙律菜到，十分解膩👍🏻👍🏻👍🏻！-另外仲嗌左個煙鴨胸肉意粉($98)，擺盤擺到好靚，意粉🍝炒得入味，乾身，係我鐘意食既質地，加上鴨胸肉軟淋，真心唔錯🤤🤤🤤！-食左咁多野，就緊係要飲返杯飲品解解渴啦😌😌，依杯玉蝴蝶🦋其實就係牛油果🥑加香蕉🍌既smoothie😆😆。飲落冇想像中咁甜，一度懷疑冇額外加糖，而且香蕉味非常之香，飲完成杯超滿足☺️☺️☺️！-整體所有食物都好好食😋，絕對係會encore既餐廳之一😍😍😍！…Read More

話說得深水埗1間舖頭既時候已經想試，到而家開到荃灣都有分店，終於俾我食到🥳🥳🥳！店面並唔大，但係有馬來西亞茶室特色。-如果你係一個麵包控🍞，依個椰香咖央多士($26)係必必必點！雖然望落好普通兩塊多士夾住d醬，但係個咖央醬係好重椰漿味，食落似煉奶mix花生醬🥜既質地，但係又冇煉奶咁甜。永遠都係最平民既食物係最好食🤤🤤🤤！-另外嗌左個香炸滷肉卷($45)，純粹係未食過先點。滷肉卷面頭係用左腐皮包住，炸到脆身，開頭都驚腐皮會吸哂d油，但係食落又冇想像中咁油膩😆😆，而家入面包既餡好特別🤔🤔，唔似係肉，似芋頭。嫌唔夠味，側邊仲有辣醬可以dim，都唔錯👍🏻！-主食方面，分別叫左個辣死你媽配咖喱雞肉($55)，辣死你媽係傳統馬來西亞菜式，入面有參巴醬，炸魚仔，花生🥜，蝦片，青瓜🥒同蛋🥚，再配上香噴噴既椰醬飯🍚！參巴醬係靈魂人物！食得辣既朋友一定要撈勻個醬食，超級惹味😍😍😍！咖喱雞肉用左椰奶煮，相對唔辣，帶有甜味，建議將配菜撈埋一齊食，仲滋味😋😋😋！-另外一款就係檳城亞參叻沙米線($52)。其實就係用魚蓉，青瓜🥒，菠蘿🍍，蝦膏，紅洋蔥，辣椒🌶️，薄荷葉煮死既米線。首先就緊係要飲啖湯，都偏辣，但帶有鮮味，至於辣度我係接受到🤭🤭。而且用左菠蘿感覺好特別，但係夾既，如果米線煮得再煙韌d會更好，不過可能馬來西亞米線係咁🤣🤣。-飲品方面，當然係必試馬來西亞拉茶($25)！！！本身以為會好甜，因為馬來西亞係用煉奶沖飲品，但係出奇既係又唔算好甜，茶味有，而且凍冰冰，解辣係一流😌😌😌。仲試左杯檳城白咖啡($25)，咖啡☕️味濃，但係依杯相對較甜，都係拉茶好飲d🤭。…Read More

話明牛魔，就緊係主打食牛🐮🐮🐮，牛肉來自日本，新鮮肉嫩🥩，牛味濃郁，食落口係冇得呃人既，真係塊塊都咁好食！😍😍😍-一坐低就會有3款唔同既伴菜，分別係豆芽，青瓜🥒，中華沙律，聽老闆講全部伴菜都係自家制，唔怪得知同出面食既有d分別，特別爽口，而家入味，不知不覺食左好多😂😂。-點左個櫻花蝦餃子🌸，面頭曬滿櫻花蝦，脆卜卜，餃子🥟煎到外脆得黎，入面仍然保留到肉汁，真係會有肉汁滴出黎😳😳，好好食😋！至於紫薯粒🍠純粹係因為個人喜好想食🤣，可以就咁食，又或者燒熱佢食，帶有少少甜味。-之後就輪到今晚既主角 - 日本牛😍😍😍！！！叫左個牛腩煲，炆到好淋☺️，好入味，甜甜地，好適合撈飯食🍚，入面仲有少量蘿蔔，唔好睇佢細細份，牛腩數目都唔少，一定夠食！另外就係生牛肉他他，配左雪梨🍐，多左種清新既感覺！仲叫左牛肋骨同埋牛既唔同部位，都已經唔係好記得😅😅，不過每塊牛既雪花紋都超靚，仲要好厚身，油脂分布得超好，燒完咩都唔dip，都已經好好食，真係一分錢一分貨！係值得俾架🙈🙈！-食牛食到濟濟地，點左d海鮮中和下😌😌，嗌左個鮮帶子同鮮大蝦🦐，帶子燒完都冇乜縮水，勁大粒，而且肉質彈牙！大蝦更加不得了，一食落口就知新鮮，彈牙唔霉，而且蝦頭仲有蝦膏😍😍，好好食🤤🤤！-雖然主打食牛，但係都忍唔住心思思想試埋豬同雞🤭🤭🤭。嗌左個五花肉🐷，平時都好怕五花肉會肥到好似食緊肥膏咁，但係依個岩岩好，肉同油脂比例好平衡，加上配埋生菜🥬包住食，成個感覺唔會太油膩，唔錯👍🏻👍🏻👍🏻。雞肉方便，本身係醃製左，燒完多左種炭燒味，雞肉嫩🐣🐣，一d都唔鞋，如果食完牛，仲有肚食，不況嗌黎試下😎😎-最後，叫左個泡菜海鮮豆腐鍋做結尾😆😆😆，鍋內有蝦，蜆，豆腐，金菇，熱辣辣，飲落唔會得辣椒醬既辣味，仲有一陣陣既海鮮味，飲完個肚暖粒粒，大滿足☺️🤰🏻🤰🏻🤰🏻！…Read More

好彩有bk位，6點幾黎到已經門口好多人，店舖裝修簡潔，有種小文青feel，同對面既熟食街市格格不入😂。-點左個炒泰國椰菜苗($88)，份量都唔少，其實普遍食物份量都偏大，絕無欺場，岩哂一班大食鬼去🙈！講返個椰菜苗先🥬，食落爽口，但係唔會係未熟個d硬，菜苗冇渣，唔會炒到好油膩👍🏻👍🏻👍🏻！-食泰菜就緊係要嗌返個木瓜沙律($68)，木瓜沙律🥗冇係泰國食個d咁辣，符合返香港人既口味，木瓜絲爽脆，配埋酸酸味味既醬汁，超合開胃，仲有花生粒🥜，倍增口感！-輪到主食喇，點左個大蝦炒金邊粉($98)，蝦🦐既數量唔少，食唔到有雪藏味，而且肉質都幾彈牙喎！仲加左雞蛋，豆乾一齊炒，最重要係唔會炒得過乾又或者過濕，岩岩好，甜甜地，幾入味☺️☺️☺️。-最後就係青咖喱雞($88)，食咖喱就緊係要配麵包架啦，今次特別d，揀左佢地既烤薄餅($48)，都有成8塊，每塊才都烤到微脆，將薄餅dip哂落咖喱入面，吸哂d汁，再咬落口特別juicy 🤤！至於咖喱🍛帶少少微辣，聞落好香，仲有陣陣椰奶味，而家雞件滑嫩，如果配飯食，一定會食哂成碗飯🙈！-整體性價比高，價錢親份，份量大，而且食物有質素，值得再幫襯，建議大家book定位，咁就唔洗浪費時間等喇😌…Read More

餐廳位於商場天台，走文青路線，空間開揚，而家枱與枱之間有足夠空間，私隱度高，唔怕俾隔離台聽到你講咩🙈。建議大家預先book台，都幾full下。-唔算太肚餓，叫左2個三文治🥪，1款小食，同埋1款甜品☺️，不過上菜偏慢，大家要俾d耐性，唔好催，就當享受下慢活生活😌！首先黎到既手工菠菜餅($50)，皮薄餡多，雖然係素餃，但係都幾入味🥟🥟🥟。之後就輪到主食喇，嗌左個炭燒雞肉太陽蛋吐司配小沙律($105)同埋煙三文魚太陽蛋薯蓉吐司配小蕃茄($105)，麵包🍞鬆軟，雞肉嫩滑，而且麵包吸左燒汁，好惹味！仲有太陽蛋係面🍳，吉穿蛋黃，濃濃既蛋汁流出，配住麵包食，係冇得輸🤤！-最後就緊係要食個甜品做總結啦，伯爵茶班戟($85)表面係焗到脆身，內裏厚實得黎又鬆軟🥞，而且伯爵茶味都幾濃，面頭有牛奶雲糕🍦同埋海鹽焦糖忌廉🧈，整個感覺都好清新，不過都幾飽肚下🤰🏻🤰🏻🤰🏻！…Read More

元朗高質小店特別多，依間係其中之一！晚飯時間經過都一定要等位，今日早左6點到，唔洗排隊可以直入😍。不過唔洗一陣就坐到full哂，門口仲出現人龍。-玩左成個晏就好肚餓，一口氣嗌左超多野食😆。由小食講起，分別有糖心蛋 ($12)，燙上湯青菜 ($26)，椒鹽四季豆 ($32)，夜市鹽酥拼盤 ($65)，肉鬆芋泥吐司 ($40)。因為怕熱氣，叫左2次湯青菜中和下，心理平衡d🤣。必食既一定係招牌菜芋泥包，雖然食落有少少乾身，不過芋泥超濃郁，一咬落去係爆哂餡，好好食😋，下次要試埋oreo同紫薯味😍😍😍！至於鹽酥拼盤炸得唔油膩，甜不辣最好食，花之丸夠彈牙，幾有台灣夜市既味道😌。-主食就點左薑母鴨麵線 ($68)，肉焿湯米粉 ($48)同埋鹽酥一口雞魯肉飯 ($54)。有驚喜既係薑母鴨麵線🤩🤩🤩！湯底用左紅棗杞子，冇味精，可以連湯底飲，好補身，麵線亦都煮得好q彈，擺耐左都唔會浸到1 pat野，必點！另外將糖心蛋撈左魯肉飯一齊食，加左蛋香🍳既魯肉飯係冇得輸，而且魯肉半肥瘦，份量夠哂撈哂成碗飯🍚！不過鹽酥雞稍為失色左，唔夠juicy。-飲品點左玫瑰烏龍茶 ($20)，冷泡無糖高山茶 ($15)同蘋果蜜桃茶 ($16)。茶飲可以消濟解膩，飲完就有位食埋個甜品喇😌！叫左仙草芋圓2號 加手工芋泥 ($35 +$15)，入面有三色芋圓，白色小丸子同海藻水晶，芋圓夠煙韌，一d都唔粉，最愛地瓜圓！好彩有加芋泥，真係勁厚實，好濃芋頭味😍，水晶同仙草都勁q彈，又唔會太甜，清清涼涼，作為飯後甜品一流🤤🤤🤤-叫左咁多野食都係500蚊，係性價比超高質既台灣店！…Read More