rita_a's Profile

📍     老四雲城軒🌍香港旺角豉油街92號地舖 （旺角站E2出口）📝整體評分：9／１０原本見呢間有燉湯，比有啲小感冒媽媽滋潤強身。咁啱撞正餐廳marketing 拍攝，燉湯拎哂去拍攝同埋招呼攝影團隊，未準備得切做生意🫠✿ 黑金珍珠排骨荷葉蒸飯荷葉包蒸飯熱辣辣掀開，荷葉香瞬間爆發，排骨大大件juicy多汁。小女才疏學淺，第一次食黑米飯，比白飯硬身煙韌啲，吸滿排骨汁與荷葉香，同埋乾魷魚同蝦米香味。不過呢個飯係有三色豆，好彩青豆唔多咋！！！✿ 雲城海鮮米線湯底奶白鮮甜，海鮮配料足（鮑魚、蝦、魷魚、蜆），每款都鮮彈juicy，一碗飲晒暖笠笠，完全唔渴！！✿ 五香卷五香肉炸得金黃酥脆，裡面有五花肉同馬蹄，脆卜卜又juicy，炸功一流！…Read More

📍  安娣瑪萊 Auntie MALAY🌍香港尖沙咀廣東道3-27號海港城海運大廈地下G16號舖📝整體評分：9 ／１０粉色娘惹風裝潢，絢麗花磚、五彩玻璃、亞熱帶植物環繞，巨型鳥籠沙發座超適合打卡。整體充滿異國情調卻不誇張，適合情侶約會、閨蜜聚餐或家庭慶祝。睇評論話落地玻璃窗外就是無敵維港景，我地無BOOK位，無安排到靠窗。✿ 香茅椰糖烤雞全翼雞全翼醃透香茅，烤至金黃酥脆，一咬焦香四溢，內裡juicy多汁，椰糖醬甜香微焦，配香茅清新，完全不膩。✿ 瑪萊沙嗲全豬串豬肉串烤得外焦內嫩，肉質juicy不乾柴，沙嗲醬濃郁花生香，個人覺得偏甜鹹點。✿ 星洲胡椒肉骨茶瓦煲熱辣辣上桌，胡椒香濃郁不嗆，肉骨燉得入味軟爛，肉骨勁多件，胡椒既辣勁冬天暖胃。✿ 少爺海南雞飯配清雞湯白皮雞浸煮得皮脆肉滑，三款醬汁任搭，雞油飯椰香撲鼻，唔知點解清雞湯會係甜的。✿ 香草青檸汁蒸原隻魷魚原隻魷魚釀滿肉末，肉末幽幽芹菜清香，魷魚彈牙鮮甜，青檸汁酸辣汁提鮮，勁開胃。✿ 森巴蝦仁通菜大蝦仁彈牙鮮甜，森巴醬辣香開胃，辣度適中，通菜爽脆。✿ 班蘭咖椰多士厚多士夾滿咖椰醬同牛油，超邪惡！班蘭香濃郁，外脆內軟，一咬流心。✿ 鮮鳳梨泰式冰茶泰茶香濃冰涼，酸甜平衡解辣。✿ 凍桂圓紅棗蜜桂圓紅棗蜜甜潤滋補，但熱飲好似適合啲～原來蝦片係收費，那壺茶勁清香！…Read More

📍 濃姐茶餐廳🌍香港新蒲崗崇齡街91-93號安強大樓地舖📝整體評分：１０／１０用料實在不偷工，抵食家常菜，榮登我最喜愛既茶記！！！！
✿ 蝦醬土魷蒸肉餅豬肉餅手工剁得粗幼均勻，混入蝦醬與土魷乾，蒸得熱辣辣，肉餅嫩滑多汁，一咬爆出蝦醬鹹香與魷魚鮮甜，蝦醬味濃郁不死鹹，土魷乾嚼勁十足，底層滿滿肉汁！✿ 蒜子火腩白鱔煲瓦煲咕嘟咕嘟上桌，蒜子勁香口但好少！白鱔厚實彈牙，完全無泥味，火腩吸汁後有點鹹，要配白飯食！✿ 薑蔥炒牛肉茶記炒菜經典，薑蔥味爆香，牛肉片嫩滑不鞋，落足豉油提鮮，牛肉超多✿ 奶茶紅豆冰奶茶澀味中和紅豆甜，不死甜我很愛～✿ 經典紅豆冰紅豆軟淋卻不爛，椰汁紅豆冰偏愛甜味會更合適～送中湯／糖水，點餐果時店員係特別問我地，見人地有湯就問下，好易忽略左～…Read More

📍 田記魚蛋牛腩專門店🌍香港太子汝州街7號永泰樓地下 | 太子站B出口步行2分鐘 | 📝整體評分：１０／１０
太子老字號，開左新店，營業至深夜。揼本裝修，加左香港本土元素，明亮舒服！✿ 淨牛腩大大塊牛腩晶瑩透亮，肥瘦比例完美！清湯燉得軟嫩入味，咬落油脂肉汁溢滿口腔，牛味濃郁卻不膩，膠質滿滿，無多餘配料，最考師傅功力！✿ 雲吞河清澈湯底清徹不油，鮮甜十足；河粉滑溜Q彈，湯汁滲入河粉；雲吞大大粒，皮薄餡多，蝦味鮮突出。最抵既食法又可以食到好多牛腩，次次都會叫淨牛腩＋一碗麵食加底（其實唔加底２個人食都８成飽，但我地慣左要食到好頂肚先停手）。店員姐姐好ＮＩＣＥ好醒，食到一半，見我到唔係好夠湯，比多左碗湯我地~～～…Read More

📍     新蒲崗玫瑰餐廳🌍香港新蒲崗爵祿街33A-37A百勝工廠大廈地舖📝整體評分：9／１０舊式工廈地舖紅色招牌挺搶眼，明亮寬敞的堂食空間，撞正人哋公司團聚飯，超級熱鬧，雖然有啲嘈，但比氣氛比佢哋感染埋～港式手工火鍋，多款創新火鍋湯底，親民貼地，價格相宜，而且種類款式多，不用加一、不用茶芥、不用醬油費，好抵食!煮滾焗8分鐘，先飲湯後邊爐～✿    花雕醉雞鍋
 雞隻用上嫩滑三黃雞 一撳開蓋酒香瞬間爆發，雞肉嫩口，皮薄肉厚，酒香甜而不嗆，藥材重手，用上當歸，川芎，藍棗，紅棗，杞子等材料，加入三重酒去煮（花雕玫瑰露)，冬天飲好滋補暖身✿ 手切牛 
厚薄均勻，肥瘦比例完美。輕輕過一過滾湯，保留牛肉原汁，入口即化，帶淡淡中藥香。牛味濃到喊，必點！✿ 滑牛 
減脂緊就要叫滑牛，嫩滑多汁，煮耐左都唔會老！✿ 極品黑豚肉
 黑豚梅頭肉就無牛肉咁超級驚豔，但就唔會好冰感同豬燥味，肥瘦4:6。✿ 韭菜餃
 薄如蟬翼的撐仔皮，包滿韭菜肉餡，一煮即透，韭菜香撲鼻，咬落汁水四溢。✿ 手打三寶丸
 ‧ 蝦丸手打起膠彈牙到反彈；鯪魚丸真鯪魚肉無粉； 豬肉丸加左梅菜更有感口。不過丸size比以前細
 ✿魚腩 魚肉厚實鮮甜，完全無腥味~…Read More

📍    金記小食酸辣粉🌍香港太子汝州街21號英來大廈地下C號舖 （太子站B出口步行2分鐘）📝整體評分：8／１０等餃子店太耐隊頂唔順太餓，本身想叫份燒賣魚蛋邊食邊等，見到碗仔翅又想食，老闆又極推豬紅豬腸，結果索性買多碗酸辣粉食飽飽就算。😮‍💨✿ 韮菜豬紅豬腸蘿蔔
  新鮮豬紅嫩滑無腥；豬腸洗得乾淨爽脆，咬；白蘿蔔切厚片燉到入味，吸滿湯汁甜甜地；韭菜翠綠鮮嫩，提味神器。四款配料，鹹香鮮脆一次過食哂✿ 酸辣粉
 湯底酸得醒神、辣得過癮，花生碎、榨菜、肉碎鋪滿面，酸辣平衡完美，大大碗份量足到飽。
 ✿ 碗仔翅 
湯汁滑溜溜，濃郁鮮香，料就不多。
✿ 燒賣魚蛋粉腸三拼 
 經典港式小食組合，比左好多甜醬，正呀！
 …Read More

📍   沙縣特色小吃🌍紅磡蕪湖街63號兆寶閣地下C （ 黃埔站A出口）📝整體評分：8／１０簡單樸素既裝修同菜式，經濟實惠又好食。✿ 招牌蒸餃
 餡料係豬肉加大量蔬菜，超級鮮甜多汁，足料飽滿，雖然大大隻，但8隻兩個人share根本唔夠，如果無叫咁多野食會再黎多籠！！！✿ 香烤雞腿
 雞腿一切開油汁順刀流出，鹹香爆皮，雞肉juicy多汁。
✿ 水煮魚片
 滾油沸燙蒜蓉同花椒，表面大層紅油，係就多油啲，但咁先夠香同正宗！魚片嫩滑，辣得舌頭發麻但完全停唔到口。
 
✿ 爽脆高湯雲吞
 紫菜湯底勁好飲，清到見碗底卻鮮喊。 雲吞皮薄，內裡爽口！✿ 雞扒香蔥油撈麵
  雞扒外皮超脆，麵就偏淋，蔥油醬油調味不錯。…Read More

📍 Thai Shack🌍 香港彌敦道688號旺角中心第一座1樓F88A📝整體評分：９／１０差不多成十年無黎過旺中，青春不再，開左唔少食店。極力握薦呢間泰式店，平靚正，係泰國人廚師！最意外係個煎餅，我呢個唔太食甜食既人都讚口不絕！！✿榛子Nutella煎餅 鐵板現煎的泰式薄餅薄如紙，煎到兩面金黃酥脆，淋煉奶同榛子醬，一咬榛子香＋朱古力香爆開，甜度爆表卻不膩，香口到不得了，總括咁講係金莎味版既栗米片！！！
套餐$79一個主食加$28小食，勁抵食，平時一個主食都$7x✿    蝦醬肉碎炒飯 
 一掀開外賣盒蓋已聞到超濃蝦醬海鮮香，飯粒炒得乾身又粒粒分明，肉碎肥瘦剛好，爆炒出蝦米香味，鑊氣不得了！！！✿   炸雞翼配紅咖哩汁雞翼特製香脆炸粉，炸到金黃爆汁。 重點是那小碗自家熬紅咖哩汁，椰奶香濃但不膩，辣度剛好，拿來蘸雞翼根本犯規，係偏油左少少，無咩好投訴～
✿  燒豬頸肉
豬頸肉醃得入味，燒到表面微焦，鎖住肉汁，一咬juicy到噴汁~…Read More

📍   春城銅鍋米線🌍香港尖沙咀厚福街6號地舖📝整體評分：８／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝睇個名就知係招牌係米線，鹵水飯我更鍾意。✿ 招牌豬扒醱酸辣辣銅鍋米線 厚切梅頭豬扒肉汁鎖緊，超大塊！！！銅鍋一上桌酸香直衝腦門，秘製酸菜酸得開胃，辣得過癮卻不死鹹。✿ 炸脆脆蝦膠豆卜 熱油炸到金黃的豆腐卜，每件都塞滿彈牙蝦膠，炸衣薄得剛好，外皮超脆，蝦膠「啵」爆開。
 ✿ 鹵水牛展雞翼酸菜飯牛展入味帶微微嚼勁；雞翼醃透後滷製，骨肉輕輕一拉即脫骨；酸菜酸爽開胃，完美中和鹵水油香～
…Read More

📍   越食越旺🌍 香港大角咀大全街26號地舖📝整體評分：9／１０之前叫越旺美食，平靚正，會特登黎食，好彩舊班底原區重開，可以繼續返黎食！✿ 越式咖喱牛腩配手工薄餅牛腩塊炆得軟爛入味，咖哩湯超多香料熬製，微辣不嗆。手工薄餅脆薄有嚼勁，吸滿咖哩汁，勁邪惡！一百蚊都唔洗，揀薄餅又唔洗加錢，好抵食✿ 香茅牛肉炒河切薄片快炒至外焦內嫩，香茅的清新檸檬香完全滲入，每一口都鮮辣平衡。炒河鑊氣十足，不黏但細碎。✿ 香茅豬扒豬扒厚切，仲要3大塊，，醃滿香茅汁，咬下多汁不柴。✿ 越式炸春卷金黃酥脆，內餡是豬肉絲、木耳與胡蘿蔔的經典組合✿ 生牛肉湯河微微牛香不膩，加左香葉，層次清新~ 生牛肉比太多，反而令清澈湯底有啲混濁。食左咁多野先300蚊🫣…Read More

📍 開心轉轉火鍋🌍油麻地彌敦道558-560號譽發廣場4樓📝整體評分：8／１０••••••••••••••••••••••••••••••平到傻自助邊爐午市一百都唔洗，晚市百五左右，物價回到解放前 😂迴轉壽司就食得多，迴轉火鍋第一次。作為保守型玩家，第一輪就咩都夾一兩件睇下邊啲岩食先~ 想吃既心要等轉完一輪返黎好慢長，好在會不斷不同位置間加新菜，就算坐係最側邊都會新菜食~一人一鍋，五款湯底揀勁推老火豬骨湯，煮咩都好食又將食材原味提鮮~ 菌湯皇勁濃厚菇菌味，初初會覺得太強烈，加湯後就剛好。公道啲講百零蚊唔打算佢會咩山珍海味，但上完湯底隨即就上左海鮮拼盤（蝦、生蠔、蜆），真係超出預期，痴哂線仲可以encore多一盤！ 蝦超彈牙！！！輸送帶上新鮮魚肉係到轉轉，抵食都爛！各種牛肉片，色澤勁靚，不過就無掛名牌，唔係好分到邊個部位既肉。…Read More

📍     陳儀興滷水鵝專門店🌍新蒲崗崇齡街46號地舖📝整體評分：9／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝瞓到好晏先起身，天氣幾好就同男朋友買個外賣行左去啟德果邊野餐。✿ 招牌鵝三寶✿ 滷水鵝肉飯✿ 油菜鵝肉入口油香四溢，滷水汁入哂骨鵝肝肥美細膩，滷汁只輕輕滲入表面，保留了肝香的甘甜，一咬即爆膏，完全無腥味，入口即融。薄片有啲唔夠喉🥲鵝腸洗得乾乾淨淨，滷得爽脆彈牙，，咬落咯咯聲油菜一定要另加，有菜心芥蘭，青綠油亮，浸係滷汁，充滿油香同肉香。滷汁同飯分開裝，外賣返去食到粒粒飯～
…Read More

📍 新之食🌍油麻地永星里1G-1H號地舖📝整體評分：8／１０無奢華裝修，行過好易錯過既小店但給你最實在味道、用心製作。 ✿  煎餃子雙拼（10隻)一試難忘，回頭都因為個煎餃。韭菜椰菜雙拼，煎餃至金黃蕾絲邊，皮薄脆內juicy，一咬爆汁！肉唔係話超多，但食落更清爽更清甜~ ✿ 吉列豬扒•厚切豬扒，酥脆又多汁，炸衣不油，肉質鬆軟卻不過度，所有方面恰到好處，無諗過係間咁簡樸既店到食到最好食既炸豬扒。
 ✿  香草雞翼（6隻）•一上桌已聞到濃郁香草，雞翼醃到勁入味，外皮金黃超脆，咬落「喀滋」聲，肉汁鎖得住，完全不乾柴，食完舔手指！ ✿  扎肉肉丸手攪麵 •手工麵係呢到一大特色，彈牙又掛汁；扎肉j肉丸juicy到爆；湯底比較清爽，改良下比我呢D重口味既人就好。.…Read More

📍 陳儀興潮州小館🌍九龍城啟德沐和街2號啟悅苑零售大樓地下1-3號舖 (宋皇臺道地鐵A出口步行3分鐘)📝整體評分：９／１０老字號陳儀興插旗係啟德，座位間距寬敞，高峰期需稍等，但翻檯快。
 |  ✿  鵝件• 陳儀興集團的鎮店之寶，絕對不能錯過！滷水鵝片每天新鮮滷製，切片薄厚均勻，皮彈肉嫩，滷汁香濃卻不死鹹，帶淡淡八角與中藥香。  ✿  蜜椒一口安格斯•牛柳同薯仔炸得外焦內嫩，牛柳汁多肉滑，薯仔如有冰糖表衣，微甜微辣，椒香撲鼻卻不嗆喉，比傳統黑椒牛柳更清新，帶潮州獨有的蜜香，多多都吃不膩～ ✿  汕頭咸菜生蠔煲•熱氣騰騰的砂煲一上桌，汕頭鮮肥生蠔，每隻拳頭大小）浸在金黃咸菜湯汁，蠔肉肥美彈牙，一咬「啵」地爆汁，海鮮鮮甜與咸菜微酸完美融合，清甜不膩，可飲盡！天氣轉涼，來叔婉暖胃。✿  香煎蓮藕餅•外皮金黃酥脆，內裡軟糯彈牙的蓮藕餅，每塊都夾著馬蹄粒與蝦仁，咬落「喀滋」一聲，蓮藕清甜、馬蹄爽脆、蝦仁彈牙三重奏，所有鮮味都鎖住。 ✿  脆皮落湯錢•潮州經典甜品「落湯錢」唔係成日見，但係花生糯米糍脆皮版。輕輕煎香煎脆外層，內裡軟糯q彈，少少脆又煎到唔油先好野，不過就好難掛滿花生粉。不過於甜膩，花生炒得香，挺不錯！…Read More

📍 銘興山西刀削麵🌍紅磡民泰街2-32號地舖 | 師傅手削現場，熱鬧街坊味濃📝整體評分： 9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝刀削麵湯食/熱拌/冷拌/搭配多變菜式，好多麻辣乜乜乜，唔食辣既唔洗驚，其實都係澆上麻辣醬。 ✿ 溫泉蛋木耳刀削麵配鮮牛肉• 鮮牛肉片薄而嫩，帶著淡淡牛香，不柴不韌，牛肉給超多；刀削麵Q彈有勁，每條麵都裹滿鮮味；黑木耳脆爽解膩，蛋黃半熟流心～ 剩係講個牛肉又新鮮又份量多，性價極高。 ✿ 麻辣東坡肉熱拌刀削麵•東坡肉塊肥瘦相間，燉得軟爛入味；刀削麵裹滿自家辣醬和麻醬，辣中帶甜，配上花生碎和青瓜絲，口感豐富多變。熱拌無即時撈均就會痴痴地～✿ 黑椒汁牛仔骨• 牛仔骨骨肉分離容易黑椒汁濃郁香辣，裹滿骨頭卻不油膩，咬下椒香直衝腦門，配菜洋蔥絲增添清新。黑椒汁加麵變主食，超正。✿ 麻辣金沙骨•四條一大骨裹滿金黃炸衣，皮脆肉嫩，內裡juicy多汁，炸功一流不油炸膩。✿ 流心紅糖糍粑• 外皮糯米Q彈，內裡紅糖餡流心熱辣，輕咬即爆漿，甜香濃郁不膩，完美ending！…Read More