cuterabbit's Profile

之前食過坑口間五代同糖,覺得好好味,今次同朋友行完新都城後,發現寶琳又開左間分店,所以便同友人再入去享受dessert time。我依舊係點了心太軟,因為之前在坑口食過好好味。寶琳店的水準依舊不變,蛋糕即焗出來好新鮮,,外層很鬆脆,切開後有香噴噴的朱古力漿流出,每食一啖總一種叫人幸福的感覺。食完再外賣多半打雞蛋布丁,同男友慢慢嘆,嘻嘻,因為之前同佢試過之後,大家都愛上左~ 每次食完D甜品,總覺得很滿足呢! …Read More

知道屋企附近開左間新的甜品舖,急不及待同男友去試下,想不到開張第二天已經full左要等位。叫左芒果奶凍&心太軟,真係好好味呀!男友個奶凍好滑同好香奶味,芒果都好甜。而我一向係心太軟超級Fans,想不到會0係呢度食到個咁好味的!!聞落已經好香,一叉落去d朱古力就流出黎,熱辣辣超好味!真係好想食多個,不過實在太飽了,下次一定要再食過! …Read More

已經係第二次黎呢度,貪佢易book位同坐得舒服。平時佢的魚翅餐都要百幾蚊一個,今次見到居然有個買一送一的套餐價錢只係$14x,所以就試下。首先有個沙津前菜,跟住有魚翅,都幾好味,主菜係雞扒飯,味道一般,不過份量對我黎講岩岩好,但男仔食的話可能唔夠,最後仲有餐飲。其實仲有個送的甜品,不過太飽所以冇食到。雖然唔係話非常非常好味,但以呢區+呢個環境來說,還是會俾好評!:)…Read More

晚上跟男友在家附近散步,見到有間新開的甜品舖,嗜甜的我當然第一時間叫佢陪我試下。我點了個雪花冰,而男友則點了心太軟。首先講個雪花冰,個賣相真係唔係好掂,一向食開都係成座山咁,但呢個冰個厚度都唔知有冇幾cm,好像未食已經倒塌了似的。 個賣相唔係好得,d味道都不敢致評。佢d冰好軟,一d都唔夠凍,黎到冇耐個邊位已經出曬水,連個椰果d味都有點怪怪的。我想整個雪花冰最好味的,應該係d....芒果。而個心太軟,個賣相都係麻麻地,扁扁的,冇咩朱古力味。 總括而言,唔會再幫襯了。…Read More

星期六晚同男朋友在海港城搵地方食飯,點知度度都好多人,突然想起呢度開左間新的漢堡包店,所以便一試。呢度都算幾多人,所以基本上都係要同人搭台。叫左肉汁漢堡、牛肉漢堡同薯角。肉汁漢堡都ok,而個牛肉漢堡唔係好差,不過賣成三十幾蚊一個,我就覺得唔係好抵。薯角熱辣辣,男友覺得太淋,我就覺得都ok。總括黎講,呢度食物當然好過一些平價的快餐店,但以佢呢個價黎講,我覺得食物質素應該要更好。我覺得Triple O好味得多!…Read More

今次已經係第二次黎呢度，但對上果次已經係年幾前的事，所以印象唔深。環境方面，我地被安排坐落上，但感覺就麻麻地，有點迫之餘仲要要搭台，而且都幾嘈，想傾計都有點難。食物方面，分別叫左四樣食物：1. 小籠包：相信呢個係整得最好食的一樣，皮簿多汁。2. 百頁毛菜：本身好鍾意食百頁，不過呢度0既百頁真係好難食，好硬，小南國的百頁毛豆好食得多。3. 雜菌炆雞麵：d麵條好硬，又冇咩味，都係麻麻地。4. 椰絲芉頭豆沙餅：呢個味道都ok，但略嫌太多糖。比起其他上海店，呢度的食物質素較低，如果有選擇，我想我唔會再黎呢度。…Read More

我同友人都好鍾意食buffet,之前睇過呢度評價都唔錯,所以就黎一試。始終呢度唔係以高格調作為賣點,所以論環境就一般,但亦尚算坐得舒服,坐位間唔會太迫,餐廳內亦好光猛,感覺都ok。入到餐廳,未食已經見到有好多選擇。冷盤方面,有各種沙律、壽司、刺身、煙三文魚、生蠔等等。沙律同生蠔我麻麻地,所以冇試。壽司試左玉子、腐皮,感覺佢地唔係求其撻d飯落去就算,單係腐皮就已經有幾款唔同饀,味道都唔錯!值得一讚係三文魚,厚切得來又幾新鮮,相比Todai以日本buffet為題,lunch卻居然連新鮮的三文魚刺身都冇,呢度真係抵食好多。熱盤方面,亦有唔少選擇,點心、粥粉麵飯等等,一應俱全,亦有少少特色的食物,如田螺焗薯蓉等,味道都不俗,而且仲有BBQ corner,即叫即燒,但因為想留肚食甜品,所以冇試。全場唯一最差應該係蝦餃,d皮好厚,有點似叮叮點心。我同友人都係甜品愛好者,所以好快已經開始食甜品。行到甜品corner,已經深深被各種甜品吸引,款式好多,賣相亦唔錯,放到成隻碟滿灑,都只係試左一半。到第二round出去,嘩,發覺居然有幾款新野,又急不及待要試一試,終於拎完第二round,都仲有d野係未試,但食完呢兩round都已經好飽了,連雪糕都食唔落。飲品方面,檸水檸茶任飲,諗起上次去Todai,連餐飲都冇一杯,呢度真係好好多。到最後食飯後果,我想呢part應該係全個buffet最差的。生果選擇唔多,有菠蘿(但我想拎時已經冇曬)、蜜瓜、哈蜜瓜同西瓜。試左d西瓜,真係唔係好得,完全係唔甜同冇味。服務方面,亦算唔錯,收碟速度幾快,refill亦算快。埋單有信用咭有8折,兩個人加埋二百六十幾,以咁0既質素,真係抵抵抵~ 有機會會再來!…Read More

同男朋友0係尖沙咀行街,晚上大家都唔係太肚餓,所以我就提議到太平館share一個瑞士雞翼餐。個餐包括:1. 大蝦沙津(我覺得都ok,隻蝦幾新鮮,但男朋友就覺得有點腥)2. 雞翼六隻+ 意粉(講真,真係覺得好一般,唔可以話唔好食,但以呢個價黎講,真係覺得有點唔值,因為成本價真係十蚊,我覺得自己整同佢0既味道都唔會差好遠,但就平佢十幾倍。個意粉一d汁都冇,可能佢諗住係用d瑞士汁撈,不過個人覺得如果d意粉有返少少味會好d,同埋亦似乎有點油膩)3. 一件小花餅(好傳統的花餅味道,都ok)4. 餐茶下次再黎,都唔會再食瑞士雞翼了,因為真係唔抵食。…Read More

貪佢價錢幾平,所以星期日同屋企人黎呢度飲茶。食物質素真係好差,d蒸點好似蒸左好耐,乾爭爭,十足叮叮點心一樣。所以雖然係平,但以咁0既質素,真係唔會再來!…Read More

呢度的磨菇+牛肉Burger係我的最愛,塊牛肉真係好好味、好新鮮,同麥記果d雪藏漢堡扒簡直兩回事。薯條熱騰騰脹卜卜的好好食。炸魚就爭d,乾身左少少。不過一個飽餐成五、六十蚊,都真係幾貴,而且又加左好多沙津醬,所以都幾肥(試過走醬,但完全冇味,所以想好味就要犠牲少少),所以都唔會經常食。…Read More

星期日飲茶經常黎呢度,貪佢\近屋企價錢平食物質素亦不俗。十一點前入單,大中小點全部同價,十一點後價錢亦比一般茶樓平,基本上兩個人黎一定唔過一百蚊。最愛係佢\的馬拉糕,十分金黃軟熟。不過針冇兩頭利,呢度無論環境同服務態度,都係十分差劣。基本上如果少人的話,多數要同人搭枱,同埋d waiter態度真係好差,有時真係幾受氣!不過見佢\咁平,忍下就算啦~…Read More

早幾日行經銅鑼灣，先發現原來呢度開左間一壽司。尖沙咀果間已經去過幾次，認為食物質素應該有保障，所以就入去一試。環境方面，同尖沙咀果間一樣，有個好大的魚缸，不過感覺呢間好似冇咁舒服，而且亦冇左果張特色的”雀籠位”。食物方面，亦冇令我失望。最鍾意係佢0既燒玉子同三文魚刺生，前者熱騰騰甜度適中，後者則夠厚亦夠新鮮。發覺餐牌同之前有少許分別，就係多左鰻魚壽司，因為我本身好鍾意食鰻魚，所以好肯定記得呢度之前係冇。不過呢度的鰻魚就麻麻地，細得黎又冇乜汁，仲有少少濃，和花亭的鰻魚就好食得多。總括而言，呢間亦係一間較有水準的迴轉壽司，係我的第二最愛，第一依然係和花亭！…Read More

環境好舒服，d位好寬敞，食物質素都ok，不過d 服務生態度比較差…Read More

雖然呢度出名食pizza，但因為唔係太肚餓，所以冇食。不論食物，呢度環境真係一流，d位幾舒服，而且仲有無敵大海景，所以如果想慢慢食野又想傾計，呢度都唔錯。叫左個番茄雞肉意粉，d意粉味道唔錯，不過油左少少，但d雞肉就麻麻，好乾，仲有少少燶味。仲叫左個雞肉雲吞，係冷盤黎的，都幾特別，味道幾好，d皮好簿。服務態度好好，我地食食下有個waiter走埋黎問我地覺得d食物如何，我地話覺得d雞乾，佢就即刻話幫我地加汁，好殷勤，不過最後我地都冇加。雖然呢度食物唔係話非常特別，而價錢亦偏高，不過服務好，又有無敵海景，乜都值返曬。…Read More

環境：冇一般迴轉壽司店感覺咁擠迫，如果唔一定要坐迴轉枱的話，坐order枱其實仲舒服，梳化位好寬敞。賣相：好靚，又大件，最欣賞係佢地的玉子壽司，係我食過咁多間整得最靚同最大件，十蚊真係好抵食，單係賣相已經覺得值回票價。食物質素：好好味，好新鮮價錢：同一般壽司店差不多，不過佢有好多平價壽司，所以如果唔食特別野，真係可以兩個人埋單唔過一百蚊，簡直超值。總括黎講，呢度係我最喜愛的迴轉壽司店，環境舒服，食物質素好，價錢合理，值得推介。…Read More