蘇菲婭's Profile

係weekday同朋友係銅鑼灣食午餐佢推介左呢一間Lemongrass咁我本身好鐘意食泰國菜就同意左一試一向都知道係銅鑼灣食野係偏貴所以個陣見到餐牌接近八十港紙一個飯都覺得接受到（仲要係Hysan Place食！）我打算隱陣啲叫個泰式餐廳一定唔會煮得唔好食既泰式肉碎飯跟蛋一上枱 睇起上黎都幾正常 蛋煎得幾靚啲肉碎有辣椒跟點知啲肉碎係冇辣味我估佢應該係用茄汁個類甜既醬去炒最後放返一兩舊辣椒係隔離令個泰式肉碎完全唔似泰式肉碎而個蛋反而幾好食因為有個一隻煎蛋伴碟我呢個完全唔鐘意食茄汁既人先食得完碟飯用呢個價錢食呢個質素既泰國菜真係十分唔抵唔會再黎…Read More

同朋友係尖沙咀漫無目的咁行既時候猶豫左好耐食邊間餐廳石牆道既侍應好熱情咁推介我地入去食又話老闆仲有啲廚都係韓國人我地望到餐牌見到都係around 100HKD 覺得都符合budget 就入左去入去睇餐牌先發現原來係飯同麵先係around 100HKD火鍋同埋韓燒都係貴一大截咁但我地入到去覺得裝修幾好同埋睇起上黎無伏就決定繼續坐低食我地三個人叫左一個牛肉章魚八爪魚鍋仲有一個韓國豬肉石鍋飯咁就打算慢慢等野食黎點知！原來係有前菜 仲要係幾多擺哂出黎都幾好睇仲要有啲係我鐘意食既野 例如銀魚仔💕個泡菜唔太酸 幾啱我既口味 仲有好多前菜就唔逐個講個火鍋黎到 就見到好足料呀！！！個八爪魚超大隻💕又有好多菜美中不足係啲牛肉痴埋左一齊係咪韓式煮法？之後仲上埋個石鍋飯侍應姐姐仲幫我地撈埋仲分埋添個石鍋飯我覺得就一般啦三個人叫個火鍋加啲前菜已經好夠其實唔洗再叫飯講返個火鍋啦侍應姐姐好好人咁提我地煮啲八爪魚六分鐘就要拎上黎食😂唔係既話會愈煮愈韌仲提議我地可以點石鍋飯啲辣醬一齊食但其實牛肉都會愈煮愈老架😭😭啲八爪魚好新鮮 口感又正不過啲牛肉就因為我地長期冇理佢就口感差左啲😭個湯式好濃味 既有牛味 又有八爪魚同埋菜既鮮味令我呢個平時打邊爐唔飲湯既人都飲左一碗😂😂😂食完仲有一杯韓式甜品送係一杯甜甜地類似米水既野（？）味道幾特別總括而言 呢間裝修幾靚服務態度超好 野食係好食又正宗既 雖然偏貴所以下次黎尖沙咀諗唔到食咩都會返黎…Read More

朋友推介下黎左呢到食午餐猶豫左好耐叫雜菌risotto 定墨魚汁意粉好最後我叫墨魚汁意粉 我朋友叫risotto再加一個apple crumble 個意粉上碟擺盤幾靚食落都真係幾好食啲意粉索哂啲墨魚汁 超好食又唔會好油淋淋 加分！就係嫌帶子得三件太少我朋友個risotto有好多菇好妒忌😢但overall 呢個意粉都係好好食食完個risotto 就上埋個apple crumble 夠甜 好啱我食食完之後真係覺得好幸福💕…Read More

有日經過九龍灣 記得個頭有間拉麵店即刻去試下比侍應assign坐左係bar 枱到 覺得有啲尷尬 因為舖頭係開揚式設計行人可以直接望到啲客食麵咁唔緊要啦 黎到都要食叫左個櫻花蝦沾麵個麵好有咬口 又掛湯個湯都好厚好夠味但食到一半已經凍左總括而言 以呢個價錢可以食到呢個質素既沾麵係幾高質既…Read More

見到Openrice 呢間有唔少正評 Lunch專登行過黎食坐低既時候見到隔離枱兩位女士食剩一半口水雞就走左都不以為意咁叫左個口水雞米線個米線正正常常啦但個口水雞真係難食到好恐怖第一下食落去我以為自己食緊羊（我極唔鐘意食羊）個味道完全唔係雞係一種好難形容 總之係難食既味🤦🏻‍♀️個口感唔係嫩但又唔係鞋係一種好似鬆鬆散散咁既口感勉強迫自己食左三件真係唔可以繼續食啲咁難食既野到底係啲料壞左定係本身就係咁？廚師會唔會試一試先攞出黎比個客食？收五十蚊整啲咁既野食出黎 好唔好意思呀…Read More

最近天氣凍，想食多啲辣野，係openrice揾左一陣，就決定食呢間湘蜀人家！！去到既時候係11點50分 附近既office食晏大軍尚未殺到坐低見到裝修都幾有風味連隻碗都有面譜公仔做裝飾睇完menu之後揀左口水雞餐(88HKD)個餐跟飯 連埋一杯飲品侍應冇問我幾多辣喔！搞到我有啲期待 會唔會好辣辣味夠重 而又夠香係真係辣架~而啲雞件又滑又夠雞味廚師應該有將啲雞件起左好多骨省卻好多功夫去整走啲雞骨有啲驚喜~埋單連加一係97HKD食lunch黎講有啲少貴 但真係好食我會再黎食既！…Read More

由細到大都對肉餅有份情意結見到有間舖頭主打肉餅 一直都想試今日見到得閒 專登搭車過黎try try佢入到去既時候係6點鬆啲 唔太多人因為對傳統肉餅既鐘愛 同埋見到有手指公推介我揀左食潮州肉餅再另外加菜飯等左一陣 個肉餅就上枱啦首先 我有啲好奇呢個份量男人到底食唔食得飽？咁就開始食啦食落去係爽口 食得出係有心機整但就淡味左啲我即刻落左(好多) 鼓油即刻好食左勁多 個鼓油幾甜 值得讚個菜飯就不過不失啦埋單要71蚊 呢個價食傳統肉餅 可以係其他地方食到同樣質素但大份好多既肉餅唔係唔好食 但食潮州肉餅性價比有啲低睇返食評 呢間應該都係食特色野我應該叫錯左Anyway呢到真係離我屋企同埋學校太遠應該唔會再黎…Read More

入到大學之後，sem break 悠悠長，上星期就同男朋友一齊去長洲，展開一次美食之旅 係我地食左好多街頭小食之後，我地終於決定坐低食晚飯！ 當我地行到食肆雲集個area 既時候，每一間餐廳都有一位阿姐負責招徠客人，不斷咁sell 我地入去食，我地睇哂咁多間之後，決定揀呢一間食晚飯。 原因係因為，呢間既價錢最平再加多野食，118 蚊兩碟海鮮再加一碟菜。我地覺得是okay 的。 我地就要左鼓椒炒蜆，椒鹽鮮魷，仲有一碟生菜。 首先上枱既係生菜其實有啲失望，感覺上係就咁冇落sauce炒，然後加啲炸蒜係頂做調味，食左幾啖之後有啲後悔揀左呢間。 好頹咁食左幾條生菜之後，跟住黎既就係鼓椒炒蜆。 好正！個sauce 好夠味，啲蜆好新鮮(長洲既好處xd仲有，比起平時出街食，呢到少好多空殼同埋未開口既蜆，值得一讚！應該只係得唔夠十分一既蜆係未開口，空殼都比較少，而且一碟既份量都幾大，我同男朋友都食得好開心 食食下蜆椒鹽鮮魷就出現左啦其實呢一碟跟一碟醋我一開始以為係鼓油然後就…xd啲鮮魷都好正，同樣好新鮮，個調味係咸中帶點甜，幾特別：D炸粉幾薄，咬落去係爽架！！！(前幾次係茶餐廳食椒鹽鮮魷是淋的所以我今次食得特別開心)呢餐我地兩個係食哂，都幾夠食，overall 黎講， 呢度既海鮮係好食既，而且冇另外加飯。 咁就除返開每人59 蚊，平時係茶餐廳食都差唔多呢個價，今餐明顯好過食茶餐廳啦所以係抵既xd附上一張所有食物既大合照後記：食完之後再睇openrice,其實呢到我覺得冇食評講到咁差， 不過可能我好彩啦xd…Read More

係銅鑼灣諗住同朋友坐低，食野再加等人，就揀左呢間ucc.我一開始要左杯ucc 咖啡啲waiter 係會拎個咖啡壺係你面前倒咖啡，幾特別：D啲咖啡幾醇厚，同埋幾香 跟住係主菜： 芝士焗雞扒飯上呢個飯既時候，waiter 好貼心咁提醒我隻碟係熱既，值得一讚但其實個飯係暖(即係唔熱我已經係即刻食，個焗飯到底擺左幾耐？仲有啲雞扒太老，焗得over 左值得一讚既係，個芝士sauce 幾夠味，芝士味幾重但呢個飯真係唔值83 蚊呢間ucc cafe 服務好好，都幾適合同人傾計，環境幾靚，但食物就唔會係最好食。…Read More

幾個女仔出黎傾下心事，想揾間靜啲，少女啲既地方，就揀左呢一間gooday cafe.一去到門口，就見到好有少女風格既門口setting,真係幾靚：DGooday cafe 其實唔大，但勝左擺設夠少女，我去既時間接近兩點，又唔係太多人xd餐包：薔薇洛神花包餐湯：芋頭忌廉湯呢個薔薇洛神花包真係有佢既特別之處，甜甜地又唔硬，我平時唔食餐包，今次都成個包食哂 湯就味道比較淡，忌廉味唔重，總之就係比較淡味跟進頭盤同埋主菜就一齊出現左我將餐包同餐湯放上去一齊影相，岩岩好放得到：D感覺setting 很優雅：D前菜：蛋（抱歉我忘記左個名好可愛呀：D熟蛋白上有很可愛既小山一樣既蛋黃（我詞窮蛋黃有芝士味，幾特別同埋好食：D沙律：沙律醬比較清，還可以小茶：糖漬蕃茄非常好食，甜甜地又幾清主食：青咖哩雞飯我本身以為青咖哩會係青色，所以佢上既時候有啲surprise。但味道同我之前食過既青咖哩又幾似，有少少微辣，而又咸咸地，岩哂我既口味：D微辣真係幾開胃配飯真係一流：D呢個青咖哩雞飯份量真係幾細，但加埋其他前菜就夠食食完之後，甜品來了：D兩個啫喱仲有一個朱古力泡芙我地三個女仔一人一個：D我係揀左啫喱，但味道真係淡，食完主食之後就覺得太淡仲有餐茶，我覺得都係比較淡最後我地埋單既時候，竟然有8折，係因為tea time嗎？總括而言，呢道既口味比較清淡，環境好適合女仔傾計：D附上一張係snapchat我send比自己既Gooday cafe setting.…Read More

同朋友搞生日會，要搵一間港島區既cafe，上openrice search 到呢間就即刻book 左xd$60/3 小時，有咖啡，花茶，罐裝飲品任飲，價錢唔算貴，老闆好熱情，而且都坐都幾舒服，景觀幾開揚xd係同朋友靜靜地傾計既好地方咁飲品方面xd大致上熱咖啡同埋熱茶都唔錯，我幾鐘意熱mocha但凍咖啡真係冇咁好......我仲叫左杯season special,幾特別，不太甜（但我正好想要一杯甜既xd呢間cafe唔提供野食，所以可以自己帶野食入去總括黎講，我下次會想同朋友靜靜地係到傾下計，因為呢間cafe 真係比到人舒服既感覺…Read More

約朋友食飯，左揀右揀都係揀左呢間。我地order左刺身，燒物，飲物，壽司，仲有炸物。飲品：以飲品黎講，呢間都幾多選擇，連凍奶茶、凍檸茶都有，幾特別！刺身：我地係叫左三文魚、帶子、甜蝦、鮑魚仲有北寄貝。其實刺身都係好食既，每一款都係新鮮，味道都鮮甜，但最好笑既係，我地無論落幾多三文魚刺身，佢都只係出10件（我數過-___-)4個人3分鐘之內清哂。好無癮-___-燒物：出得非常慢。我地兩個鐘之內order左不下四回燒物，有牛舌、串燒：冬菇雞肉雞軟骨雞腎、蒜香牛肉粒、金菇肥牛卷。味道方面：串燒雞肉以及雞軟骨都算入味，串燒雞腎可以再加重調味，串燒冬菇味道好奇怪（全枱4個人都表示好奇怪蒜香牛肉粒、金菇肥牛卷都好食，但.......金菇肥牛卷一份兩個，會唔會太少？牛舌既話depends on 邊個位，我覺得好食，但有朋友食中筋位，表示咬唔開。但係個兩個鐘內，牛舌串燒冬菇都冇出現過，牛舌每一轉都落，結果我地坐到第三個鐘（已經超時但冇人趕我地走，hehe終於出現左因為金菇肥牛卷一份實在太少，我地再追加左3份，但去到埋單都未見過.......仲有串燒出既份量好似唔係好岩壽司：火炙黑椒牛壽司、花之戀仲有北寄貝首先，我好欣賞呢到既壽司飯係實既，唔會一夾就散火炙黑椒牛壽司：好食、舊牛岩岩好北寄貝：朋友表示唔錯花之戀：敗筆，得個少少沙律醬，沙律醬才是花之戀的精粹呀！！！！總之係好失望炸物：各種天婦羅香蕉：幾特別，朋友表示是甜的，幾好食蝦：不過不失啦-_-其實組長服務態度好好，但出野食真係可以快少少，咁就very good 啦…Read More

個日放左學自己一個食dinner,諗下諗下決定去食一蘭 好好彩等左20 分鐘就有位 哈哈仲要因為一個人食而快啲有位xd入到去order,我叫左軟既麵條同埋兩倍濃既醬料，仲有要半個替玉。跟住㩒鐘order~冇幾耐之後，一碗熱騰騰既拉麵就出現左 麵條係意外既幼，都幾特別xd因為我比較偏好一咬就咬得開既麵條，所以好岩心水個湯底都好正，好濃，好鐘意  我叫左兩倍濃既醬料，所以個湯底有啲辣，鐘意食辣既我食得好開心xd但舊叉燒就一般啦，細舊但over左少少。食完之後，再order 落替玉 雖然我替玉係點軟，但我發現都係硬左少少>.<食埋就夠飽啦 但老實講，埋單要＄104，但呢個味道可能唔係太值呢個價>.<…Read More

同朋友食飯re u,有朋友推介食呢間吉壽，因為之前食過覺得好好食，但我覺得冇想像中咁好…刺身：我只係食左三文魚，甜蝦仲有帶子，三文魚： 不過不失，都叫幾okay甜蝦： 食落口個下係幾失望，感覺唔到鮮甜，有少少奇怪…帶子：呢個反而幾掂，切得細細粒又幾鮮燒物：我個人平時食放題都係食燒物多，但吉壽真係令我有啲失望........一口和牛串：見到openrice呢到寫係推介，但我唔覺得有咩特別好食，偏韌，麻麻地，可能因為我平時食牛都係食比較靚既牛啦......雞翼：又乾又燒焦......冇咩肉汁黑椒腸：呢個反而幾好食，我食左四五條芝士焗青口：其實係幾好食，個調味唔錯，但粒青口細粒到搵唔到xd炸物：蝦天婦羅：okay唔錯炸蠔：呢個我冇食到，幾有趣，朋友落order要二十隻，真係岩岩好二十隻，有一隻炸蠔裡面仲要有兩隻蠔係裡面！ 根據朋友評價，都幾好食，但炸粉太厚鍋物：雪花肥牛鍋：好食！肥牛好好食，仲有個湯底都好正，甜甜地牛乳海鮮鍋：呢個都好正湯底好香，仲有好多料xd其他：炒蜆：調味唔錯，蜆係鮮既，我係咁食xd 炒雜菇：味道有D淡.....但都幾好食服務係好既，waiter態度好好，但地方淺窄左少少......…Read More