doublesheung's Profile

竟然喺尖沙咀區嘅The ONE裏面會有一間超級難食嘅酒樓，朋友擺百日宴，第一道菜燒味拼盤，認真燒味還可以，但係其中一個燻蹄片啲肉臭嘅！第二道菜蜜糖豆百合蝦球蚌片，蜜糖豆未煮熟一浸臭青味！第三道菜脆炸蝦球，竟然係炸唔熟！仲有一道仲離譜，個翅係益嘅，好離譜！第四，魚，可以嘅不失望囉！第五，佢話叫野菌浸菜苗，完全係衰過茶餐廳，清淡到冇味，好似淨係食烚鮮枝竹咁，又一好離譜之作！仲有喎，唔記得講個龍蝦伊麵，勁差，龍蝦冇鮮味諧霎霎啲肉，個伊麵又冇味，勁差！臨尾個燒雞，未到可以，不過唔熱嘅！總結：希望提醒各位有睇網評嘅香港人，千祈唔好喺呢度擺酒。。。完…Read More

環境超差地方又狹窄，又污糟邋遢，個廁所仲污糟過公廁，仲衰過坐大排檔，完全沒有服務態度(得個老闆態度好d)，原本訂咗六人枱，竟然比一張四人卡座我哋坐，夾硬將啲客全部迫埋一張枱，座位已經坐得唔舒服，仲要嚴重擠迫，佢有分ABC餐，我哋今日食咗B餐人均消費$280，食物質素認真一般！…Read More