jojojo728's Profile

難得放假 終於可以試到semi buffet lunch胡椒鴨肉扁意粉$136，同埋好大碟！性價比表面係吸引既！可惜啲鴨肉勁un… 同埋有雪味 其實都明既呢個價錢…但雪味真係太勁鴨肉又切三刀都好難𡁻…其實真係食唔到，咁食唔到又係浪費..但就勝在無限時可以食到兩點半咁就同朋友慢慢傾，慢慢食～ …Read More

食物份量好細碟，味道無乜記憶點，好普通。燒魷魚粉絲叫相對唔錯，甜品直頭令人震驚！經典芒果糯米飯成九十蚊（頹到相都唔影）得一朵花仔+一啖白色糯米飯…椰子雪糕加粟米味道好怪..千層蛋糕味道又怪又硬..成餐飯真係冇意慾影相。唯一一張棷青相，椰青幾新鮮，椰肉好食。仲有當開咗滑浪🏄🏽後，啲水聲好嘈…侍應態度又差..唔會黎第二次…Read More

基本上係我blacklist ge一間餐廳又貴又唔好食$108喇沙得幾片魚蛋、面嘅份量都好少，作為一個食量唔多既女士，食完都唔滿足…見到朋友個粉仲慘，睇落吸引既，但$128目測分量其少，男仔食完得陣風……有得揀真係冇下次…Read More

行過見到半自助餐$118，仲有10%off，入座時職員好有禮貌咁介紹：salad bar,湯可以任攞、主菜係海南雞飯/ 烤魚、餐飲甜品都係我serve你～可惜一埋去salad bar就好失望，基本只有六七款配菜、自稱海鮮湯既羅宋湯、餐包仔～～ 拎第二round時見到有ham～本身諗住會有啲cold cut, 連生果都冇..無骨海南雞好滑，同埋有雞味～ 但個飯不是油飯， 而且飯粒好硬，食左1/3個飯都冇食，驚難消化會胃痛。最後上甜品好surprise 😂 竟然係芒果…涼粉！成件事突然好懷舊🤣 杯即磨咖啡有誠意，幾香濃好飲～總結，作為salad bar係令人失望，係我食過最失望既salad bar… 不過成個package埋單$118+食物質素，整體係滿意既，性價比都高～如果再行過都可能會encore …Read More

想試好耐，差唔多夜晚八點黎到，都爆晒場 叫左招牌花膠雞米粉～ 米線分量唔多，女仔食得晒，但我懷疑男士未必夠🤔 湯底飲落無驚喜，但食完都唔口渴既，過關；雞件就少黑，睇落都唔嫩，食落少鞋🙈 花膠還好啦，但唔會用大大塊去形容～ 總體而言，不過不失，但唔值得專登黎潮聖。 可能個炸豆腐好啲既，見好多枱都有叫。如果有下次，可能會試下～…Read More

今日經過坑口村想食少少野醫下肚本身唔想食甜野 不過唔想諗就算啦可能Weekday既關係，舖頭未見其他客人，位置任坐，用QR code落單～Parma Ham蜜瓜窩夫 + 伯爵茶（下午茶送的）第一啖食落去有驚喜 窩夫脆暖加埋火箭菜、黑醋，食落層次都幾豐富好食 心情暢快😋…Read More

係TST唔知食咩好，search到有八五折，+$38有salad bar，即刻心心眼！由於一心主打salad bar，主菜就叫左最平果個餐！Salad bar都幾多選擇，有我最愛既煙三文魚，同埋仲有甜品～ 好開心～Salad bar質素都唔錯，可以refill! 個意粉就… 茶餐廳質素，份量好大碟，但意粉唔好食，啲素菜都好硬，not enjoyable…所以我都係主攻salad bar, 策略正確好彩85折完埋單唔洗$140，性價比高既～如果正價我就覺得主菜質素有待商榷了…Read More

開左咁耐第一次幫襯，lunch time無加一見啲食評話100g好少，咁我就直接200g但食食下已經飽了，我諗食150g既套餐會比較適量～我食到1/3先係度諗，啲牛係咪比錯左我明明叫牛小排+牛胸腹，但第二盤好似全部都一樣咁..不過算啦，食左咁耐就冇詢問整體味道就一般啦～係深山有燒肉食，都唔會期望太高起碼無乜太差既體驗～過關～…Read More

朝早咁岩經過，見有lunch semi buffet由於未夠12點，冇乜食客好開揚～見到salad bar有啲失望，真係得菜…諗住會有啲ham, salmon…賣相最吸引係個南瓜啫好彩啲食物都新鮮～餐湯係周打魚湯，好有驚喜～真係好夠熱！同埋勁多魚肉！牛油果醬帶子意粉份量唔算多，但對我黎講都好夠食， 同埋味道都幾好食，都有surprise最後杯咖啡都好濃味，滿足！到lunch time爆晒場，侍應姐姐期間都成日主動refill水，走既時候見到門口好多人排緊隊～雖然salad bar種類令人失望，但係食物質素令人驚喜+enjoyable 如果weekday經過會再encore…Read More

之前見有節目推薦，講到超級好食，令到我都想試下～～～大約一點黎到，等左一陣就入得～QR Code自助落單，五分鐘到就上餐，勁快雖然都預咗會有啲落差，不過呢餐都幾失望，個湯底勁甜…係勁甜，甜到黑人問題….雞亦係滑既，但其他部份唔覺好嫩，完全無驚為天人既感覺，整體黎講…唔會令我心心念，冇encore ge慾望鵝腸又係失望，完全無味….點完豉油又唔覺得會加好多分只可以話分量幾多，但唔會再叫。…Read More

有日心情唔好落樓散下步，行過見到有幅手繪牆幾靚，就咁吸左我入去～原來賣台灣奶茶+小食，仲有位可以坐黎堂食～ 款式都幾多 花多眼亂～最後揀左白桃烏龍+鮪魚粟米蛋餅～～收銀姐姐好細心解釋蛋餅同捲餅既分別～ 佢話捲餅就厚啲脆啲， 蛋餅就薄啲～杯白桃烏龍好fresh，仲食到有桃肉😍 蛋餅就因為即整， 好似都等左15分鐘～第一眼覺得條蛋餅細細條唔會好飽， 但入面勁足料+熱辣辣，原來食晒加飲埋杯野都幾飽😂同埋加分位係， 雖然舖仔細細，可以坐低食埋先走， 仲有啲product望下，take break唔錯～ 下次試埋個薯條先～😋…Read More

新年好多餐廳唔開，就試下呢間～餐廳得兩個人做野，出餐比想像中慢，但可能前一日我等外賣燒味等左半個鐘真係等到火….加埋收銀係咁唔好意思，話新年唔夠人手慢左，又送飲品，咁都明既….講番個外賣，我覺得餸既份量比想像中多，同埋都食料都新鮮+ 睇住師傅現場煮，麵既份量可以再多啲，我唔大食當時就剛剛好，但過左兩個鐘到就開始肚餓 咁男士就一定唔夠啦🫣湯底應該無味精，因為下午無眼瞓！有時飲完啲例湯/ 湯底會勁眼瞓架嘛，呢方面係讚既！ …Read More

之前聽講呢間手工意粉好好食，要book幾個月先食到，一路都好想試～咁岩呢日中午係屯門，就一個星期前book定～本身期待個酸種餐包，但當日變左多士味道不過不失，唔覺得有驚艷既感覺～再黎兩杯rose latte，賣相靚既，追擊女心～～食果陣係十一月初，有期間限定大閘蟹menu，咁就梗係要try try ，再加個卡邦尼手工意粉～上卡邦尼意粉果陣，有職員細心講解，第一啖入口係覺得味道濃烈，唔係平時食開既味道，都impressive 既但就越食越咸～同埋份量真係特少，hello kitty都唔夠食👎🏻大閘蟹粉手工意粉就真係啖啖蟹肉無偷工減料，印象中都300幾蚊架，咁就都對得住價錢既咸淡剛好，唔會越食越咸食物質素都ok ge，但唔會用驚為天人去形容加埋份量實在太～～～少～～都唔可以用飽/滿足去形容～每人三百幾四百蚊純粹過口癮順路既真係試過一次就夠唔試都唔可惜，無謂失望而回…Read More

第一次食烏蠅館，要揀6個餸真係好飽😂但係乜都有啲又好開心喎～唔想咁熱氣但又想過下口癮，結果揀左bb辣都ok+$10桂花蜜蜂，順便解解辣～蒜蓉同芫茜好香，食食下就食晒～食到一半，突然有人擺低啲野原來侍應哥哥見我用杯飲品頂住電話煲劇專登拎過黎：你擺個電話上去睇，咁就唔洗用杯頂住，唔會阻住你飲野啦～哇😳😳😳 係咪太sweet呀😳😳😳下次再幫襯🤭🤭🤭…Read More

第一次食，名不虛傳地負皮👎🏻點餐見咩都要加錢，蒜蓉都要加十幾蚊，$95包個湯底、兩片薄叉燒、少量拉麵，感覺太頹加隻蛋就$18。其實我真係出名好細食，但呢碗野唔洗十分鐘係食晒，仲要覺得食完好似無食，埋單$128💸💸💸其實呢個價食完仲要餓住走…更好既選擇有太多，唔會再食，拜拜👋🏻…Read More