milkbean's Profile

曾經聽過一個本地學者說過,如果想避免一些週期性漲價便要反其道而行,例如情人節吃西餐會貴了很多,那便吃其他菜或避開某些日期,因為同樣價錢可以吃得更豐富,服務也更好,不過我今次沒想過這個問題,只是太太想吃韓國菜便來OUTDARK試試,地下扶手電梯上二樓便會看到一隻很大BEAR BEAR熊,呃LIKE一流,由於訂了枱加上是6:30,不用等位,裏面都有四十個坐位左右,環境幾特別,燈飾別緻又有情人鎖等佈置,女生一定喜歡,我們六人點了:一份炸雞(原味+香蒜蜜糖)$192原味炸雞味道可口,肉質鮮嫩,鹹鹹地幾好吃,蜜糖炸雞表皮香脆,蒜味尚可,配以蜜糖可中和那份熱氣,雖然點的是全份但雞塊不多,還有薯條薯塊等算不錯,有四款醬供應芝士王國(豬肋骨)$322有大概十支豬肋骨,附上邪惡的芝士,看着火慢慢將芝士融化,賞心樂事,待應會為我們將芝士捲着豬肋骨給我們,非常美味,碟邊還有蛋漿,紫菜飯,泡菜和菠蘿,每樣配菜加上芝士都格外好味部隊鍋$258有金菇,肥牛,腸仔,午餐肉,魚糕,菇,葱和椰菜,附上一個公仔麵,份量很少,每樣材料只得四五塊,而且質素很普通,由於我們有人不吃辣的關係,那舊韓式辣醬未融已經畢走了,所以味道不過不失海鮮炒粉絲$98有魷魚,蜆,蝦等配以葱段炒成的粉絲,味道很好,絕對值得一試觀宏整場只得兩枱有男生,其餘每枱全都是女生來吃的,足證女生對韓風很熱愛,而且這裏的菜份量頗少,相信只有女生才吃得飽,但這裏的服務不錯,全場只有兩位女待應招乎,她們很落力走畢全場,我們還帶了個蛋糕,她們再忙也收了全枱的碟再給一些新的叉和碟給我們,值得加分,我們亦點了兩枝啤酒, 六人共吃了$1016…Read More

聽說上海婆婆的菜不錯,今天和太太,媽媽便來試試,這裏位於V CITY方便易找,晚上8點不用等位,內裏頗大,枱與枱之間不會太近,亦有卡位令人坐得舒服,三人點了:雞絲粉皮$65充滿麻醬,其實點這個和食腸粉一樣,都是為了麻醬,粉皮幾滑,有青瓜絲可更清新,雞絲不多,但也幾大碟,冷盤也可以吃到最後干煸四季豆$68絕不欺場,很大碟,味道很吸引醬燒茄子$65除了茄子還有少少冬菇絲,味道有點像魚香茄子,只是沒有那種鹹香味,伴飯一流糖醋雞方$78即是炸雞塊,有糖醋汁,我覺得不用糖醋汁也可以,肉質很嫩滑不會太乾身,值得一試小籠包$36先後點了兩次,一籠有四個,皮薄餡靚,皮薄得每次一夾便穿了,味道很好,湯汁夠味生煎鍋貼$36忘記拍照,一碟三個,不過不失,皮只煎底部,所以香脆,面比較煙韌,有兩種不同口感,肉質和小籠包是一樣的酒釀丸子$30味道很清新,不算很濃,不錯迷你雷沙糖丸$36有八粒,味道不錯,作為甜品可以一試整體來說中上,味道好吃之外,我還很欣賞這裏的菜頗大碟,香港人識飲識食,除了好味之外還要抵食,此外,連茶的味道也不錯,不是茶餐廳那種有色水一樣,還點了兩碗白飯,三位茶連加一共吃了$478…Read More

好少會嚟到新墟呢頭,通常睇戲先嚟,唔check openrice都唔知呢度有間唔錯的泰國餐廳,今日和媽媽,太太嚟到便試試,這裏位於雅都商場入面上電梯仲要轉入去,唔算太難搵, 八點入去剛巧有一張吉枱, 入面主要係長方形,有卡位有長枱,不算太窄,叫嘢食佢哋已經講明要等20-25分鐘,當時坐滿但其實好多枱已經點咗嘢食,心諗耐極有限, 三人點了:豬頸肉生菜包$68豬頸肉頗辣,充滿泰式香料,份量都幾多, 起碼有十片生菜,亦很生鮮飛天通菜$52次次去泰國餐廳都必選,又不太辣,份量一般,值得一試泰式鐵板蠔仔炒蛋$78蛋炒得好滑,鐵板上可保持熱度,蠔仔亦好味, 非常好味黃咖喱菠蘿炒大蜆$68唔抵食, 蜆得七隻仲要有兩隻開不到即是死了, 叫這碟主要係為咗咖喱汁,可撈飯和配薄餅,配菜有洋葱,青椒,算一般吧 咖喱味香,薄餅要另外點,忘記影相,但味道不佳,又硬又唔香,怪不得食評好少見人點薄餅食小食拼盤$118按道理炸物應該好快上菜,點估到等了40分鐘最後上的一道菜, 拼盤分別有雞豬串燒各一串, 汁多肉嫩,配上沙嗲汁更是好味, 牛油雞翼味道普通,牛油味不夠, 魚餅略鹹了點,香料味很濃, 蝦餅炸得出色, 粉夠薄蝦味夠, 泰式春卷也不錯,幾清新, 香葉包雞亦出色,炸得剛好,不乾身 必點之選整體是不錯,唯一上菜速度有待改善,我點了兩個白飯,那侍應落單後忘記了,等了10分鐘,要找第二個才有飯食,最搞笑係食完餐飯佢先醒起攞個飯嚟問係咪嗌白飯  三人吃了$484…Read More

打開openrice按屯門甚麼也不選,第一位是羅麥記,其實我都想試佢好耐,但住了屯門幾年都好少去v city嗰邊,今日咁啱嚟到,七點去到不用等位,內裏裝飾幾特別,充滿懷舊氣息,影相打卡一流,二人點了:油菜$32基於出去食飯少食菜先叫,普普通通蜜糖雞翼$38味道不錯,炸得香脆,一碟有五隻,只是蜜糖味不足避風塘海鮮炒飯$68我覺得好似快餐咁逐樣逐樣材料放上去,唔係一齊炒,因為每一樣食材的熱度不一,炒飯整炒的,味道一般,椒鹽鮮魷都係即炸但放了一段時間,味道不錯,其餘有蝦同鮮魷,但好明顯係慶住,飯都幾辣,有椒鹽鋪喺面,真的不叫也罷羅麥汁牛河$68其實即係濕炒牛河,只是加上鹵水汁,但係要自己「兜亂」 味道唔錯,賣相一般,話哂羅麥記名物嗌咗杯特飲紅豆冰粒粒奶茶,要散叫$38,無得跟餐, 但圖片只供參考,紅豆是一粒粒不是冰狀,味道都是一般, 我記得剛開業的時候好多報紙都有介紹過,但食落好普通,看來他們要加把勁了, 二人吃了288…Read More

一向好少過海,難得今日放假又平日嚟到中環,一直想試試龍蝦包的滋味,就嚟呢度品嚐,由於當時十一點幾,佢哋開鋪不久, 入面有廿幾個座位,都算闊落,我哋係當日第一枱客, 所以不用等位,我哋又想試多d又大食,,我哋嗌咗個二人餐:沙律(兩客)將椰菜和紅蘿蔔切成絲加點沙律醬, 因為凍食的,可能剛從雪櫃攞出嚟,幾凍吓,而且幾大盒,好清新炸蝦和薯條將蝦切成一粒粒再攞去炸,幾香口,但最好味係個醬,有少少似酸忌廉,我連薯條都點嚟食,而且仲有檸檬供應,可以搾汁淋上面再清新一點,薯條也不錯,有茄汁附上,但我唔食茄汁的,兩者份量適中龍蝦包店主很貼心切開一半放便我哋, 龍蝦味好濃,基本上每一啖都有龍蝦,而且包又香軟,內裡充滿牛油,十分美味蟹包係凍食的,但唔至於好凍,蟹味香濃,又切成絲, 就係拆殼都值回票值,我覺得比龍蟹包出色蝦包超多蝦在包裏,又落咗好多牛油,彌補味道上o既不足,因為唔夠前兩者味咁出餐仲附上兩罐汽水,整體來說二人餐好多嘢食又夠飽肚,三個包都好出色,當然蟹包最好,龍蝦包夠噱頭,店主亦好健談,會問客人攞意見,有機會會再來的,二人食了$512…Read More

自己一向喜歡食粥,又打算預早慶祝母親節,今天六點半來到旺角的心夜來潮,主打砂鍋粥,它是樓上鋪,要從樓梯行上去,但離開可以從住宅那邊乘電梯下來的,四人點了:潮式啫啫通菜煲$68微辣,相當惹味, 有點肉碎在裡面,份量頗多傳統鴨蛋煎蠔烙$78相當香口,而且味道適中,蠔仔的份量亦多,我其實喜歡食蠔餅多一點, 兩者分別在於蠔烙比較乾身和脆口,  但這裏值得推介鹵水拼盤$128有豬耳仔,豆腐,紅腸,豬大腸,豬脷,每一間潮式食店都有它獨特的鹵水汁,這間做得不錯,不會太鹹,砂鍋粥大煲$360(水蟹,蠔仔,響螺片,蜆,四隻鮑魚)萬眾期待,我們選了大煲(要從多種食材選滿$360) 選了一隻水蟹($120) 因為當天沒有膏蟹, 四隻鮑魚$80 蠔仔$60 蜆$40 響螺片$60葱和莞茜可以分開放的,所以不吃的也不用挑出來, 粥底很綿很鮮甜,四個人每人也可以分到三碗多,水蟹不太大隻但幸好有少少膏,鮑魚很新鮮,蜆,響片和蠔仔也不錯,我相信不同組合會有不同的變化,期待下次試其他的組合路邊炒米粉$68食完粥怕唔夠飽,叫多一個炒米粉,有魷魚絲,葱,肉絲等,雖然材料不是很豐富,但味道出奇地好味,夠味又夠鑊氣,可能我喜歡食炒米粉吧由於當時不太多人,招乎尚可,最好四至六人去食比較好,二人枱很細,沒甚地方放食物,四人吃了$812…Read More

素來想去石硤尾食品香樓, 但不會無端端經過石硤尾,難得今日得閒,特意和外父外母上來石硤尾,試試品香樓,巴士站落車後也要上一點斜才到,六點半來到已經有六七個人喺門口排隊,心下一沉,幸好去到剛巧有張四人枱走,不用等位便可以入去,入面茶餐廳格局,幾窄,有張四人卡位,最有趣是可以按鐘叫人埋嚟,好像沙X王一樣, 新科技融入舊式食肆是改善生意的方法之一, 四人點了粟米雞茸羹$82貴錢偏貴,但份量算多,起碼有十碗,當然嗰度D碗比較細,味道幾好,諗唔到食咩可以一試南乳炸雞翼$78LEE度招牌菜,味道再鹹一點會更好,南乳味不夠,但炸得外皮香脆,有7隻雞翼仲好大隻蠔仔肉鬆煎蛋$82這個不像一般蠔餅炸得太乾,而係似菜脯煎蛋嗰隻質感, 味道好夾,人人也讚不絕口,火焰蜜椒牛柳粒$108名菜之一, 除了出名更有視覺效果,會在客人面前點火,鍚紙燒得出聲亦可保溫,牛柳粒鎖緊肉汁不會好難咬,配料洋葱和青椒都好有黑椒味,值得推介什菜煲$78相當豐富,有蝦米,生菜,白菜仔,粉絲,什菇,鮮魷, 湯很清沒甚麼油,很適合老人家,簡單的一個餸凍朱古力$21食評很多人也選,我當然也試試,點了兩杯,其中一杯走忌廉, 方便試味,其實差不多,但朱古力味比出便是濃一點,加了忌廉亦唔覺滑好多,但係好飲的, 四人吃了$530 整體係好味的,如有機會值得特登撘車嚟食…Read More

以前點心友在屯門時每個星期都去幫襯, 無他點心好味又大碟, 知道他在元朗捲土重來, 當然再去重溫舊夢, 但這裏交通不太便利,又不近輕鐵站,要行到這裏要花點時間, 碰巧今晚落大雨,更是狼狽, 三人點了叉燒餐包$2424蚊不算便宜, 但好好味,包焗得鬆軟,蜜味香濃,我最喜歡吃餐包鳳爪排骨飯$45由於是晚市,只得整煲點不能點一盅, 排骨味道入味,米飯一粒一粒不會有飯焦,加點豉油便畫龍點睛油菜 $2626蚊一碟油麥菜算偏貴,但想食菜沒辦法,勝在份量取勝,非常大碟,就是喜歡這裏大碟頭,童叟無欺四寶雞扎 $30內有芋頭,雞,魚肚, 都幾大舊, 相當抵食, 值得推介蝦腸$32這裏名物之一,蝦極大隻更有七隻之多, 腸粉是一條過的, 爽口彈牙,那有不吃的理由煎釀茄子$28一個我好喜歡的菜式, 又係極大碟之選,豉汁又夠味,必食之選沙律名蝦角$32又是名物之一,但我覺得只是一般,內裏亦很多蝦,外皮炸得香脆,但我覺得春卷會好一點鮮竹卷$26湯味濃郁, 已經足夠,現在很多濃湯鮮竹卷已改用胡椒豬肚湯,非常唔夾, 這裏值得一試菜乾煲豬肺$33湯味清濃,最難得一點油也沒有,料頭亦足, 可以一試三人吃了$285 落單時阿姐仲擔心我哋食唔哂,因為碟碟都大碟, 最後人人食捧住個肚走,整體來說是好,今時今日好難食到好點心,如有一定要支持…Read More

之前吃了兩間拉麵店,味道說得過去,今天回老家屯門吃赤橋拉麵, 店內空間不大, 但充滿玩樂意味,內裏有很多漫畫,手繪畫等非常可愛,吃得拉麵多今次轉吃沾麵, 這也是我第一次吃沾麵, 由於六時多便來了, 不用等位 二人吃了魚介豚骨$78麵的份量頗多,湯濃度高,味道極佳, 有一隻流心蛋,筍,木耳絲,紫菜和葱花等, 每一口麵加一口湯味道幾好,可惜叉燒略肥,脂肪過多黑油豚骨$80黑蒜油味濃,令每一口充滿黑蒜味,揮之不去,亦因為湯比較杰身, 令人較易口渴店員服務好,會細心說明沾麵跟拉麵的分別, 而牆身亦有繪畫加以說明,亦會說沾麵需時較多, 味道整體好,值得推介, 二人吃了$160…Read More

我太太喜歡吃拉麵, 最近和她常常吃拉麵,一來可以試不同的店看看那間好吃, 二來又方便我打食評  今天來到紅磡試試拉麵天王, 這裏不太好找, 我也看了一會地圖才來到, 內裏拉麵主要有四款,每間離不開白(豬骨) 紅(辣) 黑(黑蒜) 期間限定等, 二人點了白天王 $72內裏半隻蛋(不用加錢抵讚),木耳絲,紫菜,椰菜,配料算多,沒有筍(我不吃的)  湯底豬骨味濃, 叉燒肥瘦適中, 味道香口黑天王 $82黑蒜油味偏淡, 幸好有芝麻,即磨蒜茸等添加, 香油,口味選了中, 味道不過不失整體味道可以,價錢亦適中,可以一試,二人吃了$154…Read More

今天因為工作關係到了元朗, 已經夜晚八時了, 素聞元朗焰拉麵頗有名, 便來這裏一試, 內裏並不是很大,也有廿多張枱,二人點了焰 (特濃豚骨) $78 湯底豚骨味濃, 麵質彈牙, 由於選了多葱的關係,更為香口,有紫菜,木耳絲和筍等配料,靈魂叉燒略肥, 味道尚可, 枱面有七味粉,芝麻等可放入湯中,還加了替玉, 當你吃完整碗麵後才另外煮給你,而且足足有一個麵,大食的人一定飽極黑焰 (焦味噌黑蒜) $78黑蒜味不多, 而且味道較淡, 個人覺得還是選焰拉麵好了, 追加了味付玉子, 味道不錯整體算不過不失, 味道不錯,在元朗可以站得住陣腳的, 二人吃了不起220…Read More

有看我食評都知道我目標是食盡本港漢堡店,今日來到荃灣,知道BURGER JOB有個TIFFANY 漢堡惹起傳媒廣泛報道,雖然我對此包沒甚興趣,但我都好想一會它,這裏幾光猛,有廿個坐位左右,我們點了美式三重芝士手打牛肉漢堡加烤蘑菇$82+15 芝士味夠濃,牛肉多肉汁,不斷有肉汁流出,加了烤蘑菇正好中和肉汁的肥膩感,跟餐有沙律,汽水和薯條,沙律不過不失,這裏的薯條不算太多,有個凹位放茄汁,設計幾特別但作為不大,因為丁點茄汁是不夠的卡邦尼意粉$42  卡邦尼意粉好味,白汁剛剛好,太多會便意粉變軟,太少亦不夠味,蘑菇和雞肉都不算少,女生吃也夠飽蜜糖雞翼$48 48元六隻略貴,蜜糖味夠,炸得香口,  作為小食是不錯的爆焰雞漢堡$52 雞肉鬆軟,醬汁亦不錯,都算大個,雖然普通但都可以一試,這裏的黑椒和茄汁可以出去添加的,值得加分鋪面整潔,在荃灣頗多漢堡店,這間算是不錯,應該可以佔一席位的,二人吃了$273…Read More

今早一覺醒來,竟然八號風球,心下一沉,買了女排飛有機會閉門作賽,心想今天的計劃要打亂了,幸好風球的威力較弱,下午已經取消了,但沒有看女排,早前在電視飲食節目得知生記蟹粥出名,所以生日飯都來試試, 直接七點來到紅磡,由於很大雨,這裏又不太好找, 入面不算大,但已經坐滿人,如果不是一早訂位看來沒得吃,四人點了$28炸八爪魚丸   相當彈牙,墨魚味夠,炸漿夠薄,28元有六粒超值,強烈推介$58自家制蠔肉炸春卷  平時蝦肉炸春卷食得多,蠔肉就第一次食,味道有點似蠔餅,味道不錯,$128冬陰公蜆肉煲  味道不太辣,都有幾多蜆,如果喜歡冬陰公的朋友可以一試$58蒜茸蒸茄子 蒜茸味重,我好喜歡蒜茸加豉油蒸茄子,難道不高但好味,茄子都成碟算抵食$114蒜茸蒸蟶子 38蚊一隻,三送一, 我們四個剛剛好,選了蒜茸蒸,相當清甜又沒有沙,夠大隻.粉絲吸了鮮味更是好味 每枱必食之選$248生滾膏蟹粥 等了整晚就是為這個,四人選了大煲,鮮味十足,蟹膏也不少,蟹味亦濃,怪不得生記那麼出名,每人平均也分了三四碗,必食之選味道是中上,小店在香港幾時也應支持,有機會一定會再來,四人吃了667元…Read More

今日買了飛看香港桌球大師賽四強戰,剛剛MARCO 輸了,中場休息,由新伊館立刻跑下來吃漢堡,因為下場七點半萬衆期待奧蘇利雲對卓林普, 早下來所以有位,鋪頭很細大概得十多個位,知道他們要搬鋪,今日能夠食到也很幸運,二人點了芝士澳洲和牛漢堡$98  肉汁鮮嫩 一路食不停有肉汁流出來,頗為狼狽,包也鬆軟,芝士生菜不過不失, 跟餐有粗薯條,有黑椒粒任加值得加分,因我好喜歡黑椒招牌海陸空三堡$58  內附豬扒,魚柳和雞扒, 超級抵食不過加埋好難一口吃整個包, 我最後決定分開吃,魚柳較為味淡,豬扒也不錯,最好味是雞扒,芝士和醬汁都好味,席間發現老闆跟客人有說有笑,有很多也是熟客,很多知道要搬鋪也來幫襯,如果有機會再來灣仔也會再去吃過 二人吃了$196…Read More

今日來到V CITY, 打算食拉麵,屯門好食的拉麵的不多,在大型商場更加少,所以就試試這間,鋪頭不太大,都有三十個位左右,二人點了俺流男盛熟成拉麵$88  有兩塊叉燒,炸雞,半隻流心蛋,湯底不錯,麵也彈牙,炸雞如果分開上會更好,被湯浸得軟身但味道是好的,叉燒味道夠濃黑蒜油熟成濃湯拉麵$72  味道不算太濃,可能有不同配料可另加,有黑蒜油,梅子醬,柚子胡椒四種,還有一張表教你如何配對,我覺得廚師應該做到最好才端出來給客人,配料只能補救其不足,當然有些客人喜歡辣,酸等會加不同調味料,但我想信比例不多,整體來說也是不錯的俺流餃子$28  較為普通,重點是細隻, 我未見過拉麵店會用這個大小的餃子還點了蜜瓜梳打,味道幾清新,但略嫌細罐, 拉麵店來說是不錯的,可以一試,二人吃了226元…Read More