Ken KK Wong's Profile

幾個月前曾幫襯過此店，當時提供的牛肉和魚生質素唔錯，雖然價錢水位算高但仍可接受，但昨晚（16-Aug）再訂枱，牛肉肉質明顯比以往老又有根（點的已是N6、M7級），再加上魚生種類比以往少和新鮮度較低，的確有點失望…令我再想幫襯嘅意慾下降😪😩除此以外，自助取甜品時，要求師傅取雪糕/雪葩時，那位同事態度麻麻，好像客人在麻煩他似的…極待改善!…Read More

觀塘APM舖門面不大但舖內空間闊落，座位和枱面空間充裕唔會逼，用手機QR code點熱食和火鍋料送上枱時間都算快，選擇亦豐富（當然要睇食客選擇那款放題套餐啦），D肉類質素幾高（主要係牛肉），但台式小食就比較一般😪飲品雪櫃夠大提供多款不同飲品，又提供多款即場熱食和甜品包括多款雪條（尤其喜歡榴槤雪條）…D女服務員態度唔錯，算有耐性解答顧客疑問和頗迅速回應顧客要求如加湯等，價錢感覺就相對較高但仍覺值得再次幫襯！…Read More

最近上班日子跟哥哥隅然經過發現原為酒樓的舖頭變成冰室而門面裝修都算簡約企理便即興幫襯下午茶，舖位夠大所以不難搵位，餐牌豐富，真有點選擇困難症feel，最後決定嘗試它的燒味瀨粉（油雞），原來都有茶餐可叫又平咗十幾蚊，多謝阿姐正確落單👍我阿哥就叫咗酸辣魚片米線…上菜算快，賣相和份量都唔差，唔知正餐份量會否更多呢？湯底唔錯而油雞亦夠嫩滑，瀨粉雖然唔係我至愛的粗瀨但亦見爽滑…好！我阿哥亦覺米線味道、口感都OK…最後我們再點咗菠蘿油作結，包夠脆但略嫌塊牛油唔夠大和厚…總體質量幾好，價錢亦算合理，可再幫襯👍…Read More

25-Jan-2023（年初四）訂酒席一圍為母親賀91歲大壽，酒樓安排入房環境唔錯但電視壞咗未維修（失望），新精頭果位女士應招呼尚算殷勤，值得比讚！但頗多餸菜水準比我預期有明顯落差👉乳豬隻碟大但肉和擺設少冇睇頭、龍蝦味淡而且伊麵又太碎、魚翅水多翅好少、條魚蒸功效果未如預期(外層太熟唔滑、裡面魚肉又黐骨、蒸魚豉油唔夠甜)、隻雞又唔熱及外皮唔脆兼雞肉唔夠嫩滑…總括而言就只有個蛋白炒飯和士應水準可接受，下次要慎重考慮會否再幫襯「稻香。茶居」呢間分店🤔…Read More

11-Jan和太太訂座晚餐兩位，二人枱對坐幾闊落，點咗C餐兩位晚市有八折，上菜算快亦有禮貌，肉類種類和質素唔錯，亦有不少現成食品可點如燒雞翼、小蕃薯、燒/炸蠔等，飲品選擇也不少包括熱清酒任飲，唯獨價格八折後兩位埋單都要$860（算幾高），如將來收回正價便可能要過千元落樓了，這收費可能會令客人幫襯嘅頻率降低……Read More

平日星期一至五的點心質素唔錯，價錢亦算合理，但侍應數目和服務水準一般，反應都幾慢，款式亦唔算有很多選擇但仍可接受。由於尚未幫襯佢食晚飯去試佢哋晚飯表現…所以遲D再補充吧…Read More

我和哥哥二人於8/9/2017到「尚㕑」食自助晚餐，枱係預早兩星期訂的，但訂枱時對方並無聲明當天的自助晚餐要分兩輪進行，我只見網頁上寫時間為6:30 - 9:30，所以便訂枱由6:45開始…誰知道我於當晚大約6:50到場時，仕應即場才說當晚要分兩輪時段，我的訂枱為頭輪只可食至7:50那麼我們只有一小時即係比食午飯的時間還短，最後連甜品也來不及品嘗便被要求離場…對此我極表不滿，若無改善，以後都black list呢間酒店自助餐並會告知好友親朋避之則吉…失望兼失敗👎🏻…Read More

訂座時無法知道餐廳的大小，但一到門口便心下一沉，它的舖面比我家還細（估計只有四百尺左右），枱櫈擺得密密麻麻，枱面又細小，四人枱給四人坐就顯得十分擠逼，枱面又唔夠大擺放一個四人套餐的全部菜色，顧客往往要快快食完一兩道菜再叫仕應收走才有位置上其他菜…第一失敗！環境又嘈雜…個別女仕應又態度不佳，只會叫客人自己睇餐牌而不願多作推介或解答客人疑問…第二失敗！客人坐好又不懂遞上清水，要客人要求才供應…第三失敗！最後就係每道菜色的份量偏細，四個人分都只夠每人淺嘗兩口便已清碟，極待改善👎…Read More