stay-hungry's Profile

本身係灣仔人，間中都會食薔紅，今日去大坑搵嘢食，本身都唔諗住晒quota食啲灣仔都有嘅嘢😂但一方面又想支持下，又想睇下水準有冇分別，所以就照去食！燒春雞！電話scan qr code自助落單，唯一唔gur嘅係已經要自助落單但都仲收加一，我寧願你本身個餸賣貴啲⋯叫咗燒春雞$88（同灣仔一樣）薯條要+$3，嘢飲要另加錢，凍檸茶加$13，呢兩樣比起灣仔啲收費貴咗少少首先嚟咗薯條先，好熱，夠脆之後燒雞嚟埋，同灣仔質素比感覺較肥美同新鮮，食落都覺得肉好嫩，就好似呢間分店咁，個vibe都好young！最開心係有得望住條街chill住食，仲可以帶埋狗！…Read More

因為屋企人睇錯資料，山長水遠由氹仔嚟到食呢間老記粥麵，嚟到發現係米芝蓮推介餐廳，之後睇下食評有咩餸好食，發現大家推介嘅餸都好唔同，而個menu真係超多嘢食揀，唔知嗌咩食就隨心叫啲鍾意嘅餸試下：水蟹粥，可能係全澳門最好食嘅！粥底夠綿，蟹肉唔削多膏，好鮮甜！我見好多當地嘅街坊都叫咗！魷魚炒麵，有得揀濕炒定乾炒，我哋揀咗乾嘅，澳門啲魷魚真係好肥美，又大條又爽口彈牙，平時最驚啲硬嘅炒麵有油益味，呢度完全唔覺，麵身好爽脆，配埋個好惹味又適量嘅芡汁，真係冇得輸👍🏻生啫黃鱔煲，一上枱滋滋聲，見得到嘅鑊氣！黃鱔好鮮好香，如果大舊肉啲就仲開心～菜乾豬肺湯，呢個真係懷舊味道，菜乾豬肺味邊個都搶唔到對方，豬肺好乾淨一啲腥味都冇，係飲得出嘅心機同誠意！雜薈炒河，係好足料嘅雜薈！有鮮魷、豬雜、雞肉～籠仔膏蟹蒸糯米飯，不得了地多膏，仲要唔係剩係隻蟹好食，個飯底都超好食，個飯充滿住碎嘅薑蔥，啖啖都好惹味👍🏻👍🏻👍🏻終於都明點解啲食評個個都推介唔同嘅嘢食，因為求其嗌每一味餸都好好食🤤呢餐飯真係食得好開心，好有回憶嘅味道，係食得出嘅心機，侍應亦招呼得好好，見到街坊之間嘅交流都好有人情味，下次有機會嚟澳門都要再食！…Read More

星期六晚新都會周圍都係人，得呢間唔洗排隊😅坐低之後睇食評好似都好一般，唔怪得啦😂叫個最普通嘅「塩味拉麵」試試佢！食落畀想像中好，湯底夠熱度，飲落都好有質感，啲拉麵可以掛湯嘅！個麵質都夠彈牙煙韌，最開心係多菜！個日式叉燒有驚喜，啲肥瘦好均勻食落多重口感，好邪惡但唔算好油膩～見唔差之後加咗個炸雞嚟試，唔特別好食，不過都叫多汁嫩口，如果個皮唔好咁厚就再正啲！總結係我覺得冇其他食評講到咁差，唔洗排隊都可以試下😂…Read More

見信德開咗間太興集團嘅越南嘢，話係越南胡志明市過江龍，嗰陣係下午茶時間見冇人就入去試下～（之後第二次再去係lunchtime就要排好耐隊🥲）下午茶樣樣嘢都寫住係mini，叫咗「生牛肉粉 $60」，睇落好細碗，啲粉真係唔多，但食落出奇地都好多塊牛，我諗有六、七塊！個牛肉湯底佢話熬咗23分鐘，飲落真係好濃郁，有牛味得嚟唔覺好油/好膩，真心覺得係似喺越南食嘅街頭牛肉粉🤤小食我揀咗魚餅（一個餐一舊仔，個春卷係朋友嘅），冇乜特別嘢飲叫咗熱薏米水，細細杯但好足料，好多薏米同碎香茅喺底，有少少甜味…Read More

趕時間買飯返公司食，醒起香港站閘內呢間A1 bakery有飯賣，見佢個滑蛋豬扒飯個樣都幾靚仔，買嚟試下～原價$48，會員折咗$43返到公司跟指示叮，連盒叮3.5分鐘就食得～啲蛋係綿綿的，雖然蛋味唔多，但都正常味，豬扒都唔expect好好食，但啲肉都唔柴口，仲出奇地幾多肉，吉列炸粉亦適量，仲保留到少少脆口，好難得👍🏻總括嚟講係比想像中好！如果有會員都試得過～冇折就稍貴喇，尤其而家出面咁多外賣自取優惠…Read More