肥龍B's Profile

今日想同大家講吓呢間九龍城開嘅打邊爐鋪門面同舖頭都裝修得好靚以舊情懷 舊香港為主有80年代 花樣年華嘅感覺之後就開始睇吓諗住叫咩食我哋叫咗個花雕醉雞鍋湯底湯頭非常之甜 而且雞都好鮮味湯底非常夠味 湯都飲幾碗之後就開始叫火鍋料特級牛肉大 差唔多$400性價比麻麻 質素唔太高而且份量都唔多蝦滑同黑松露墨魚滑一條切到四粒仔份量都係唔多黑柏葉爽口 百頁豆腐吸味水魷都爽口 價錢整體偏貴小食鬼馬炸油炸鬼出色粒粒炸到脆卜卜入面釀咗蝦膠點埋個甜酸汁非常清新開胃最唔掂係個即炸響鈴首先係等咗好耐直頭熄埋爐唔記得點過最後嚟到 炸到碎濕濕完全唔脆食落口霉霖霖唔值得推薦甜品糖不甩非常值得打卡而且味道充滿回憶抵讚啫喱加花奶又係回憶殺以前細個成日食整體職員服務非常好有禮貌之餘亦都好好服務會主動加湯亦都會主動幫你撇油仲要係唔止一次間唔中就過嚟不過打電話嚟book位嘅時候有少少唔好感覺初頭諗住帶酒去其實講真 你收幾多就幾多明買明賣 有時又話100有時又話平俾你收50之後又問你幾多個人？有冇book位？帶幾多支酒？帶咩酒？問完水蛇春咁長之後又話揀啲貴餐可能會豁免到之後又話帶咗過嚟先再睇吓點 非常模糊感覺非常差一就一二就二唔好搞咁多嘢整體嚟講都好難會有回頭客首先價錢都算略貴而且份量好少仲有一嚟到就會好刻意勁Sell 海鮮啲海鮮又貴 又係好少我見到隔籬枱有叫完全係伏 性價比其低嚟到都係for打卡多不過侍應服務真係幾好 抵讚…Read More

呢間一早book定諗住慶祝老婆生日同埋有好多人介紹諗住一定唔會太差一入到去就問有冇book位之後同佢講經OpenRice 訂位初頭話有啲食物有七五折同叫啤酒塔有折基本上個職員解釋得非常之混亂最後左問右問之下原來剩係得啤酒買一送一即係同普通Walk in客冇分別非常之取巧第一個感官已經比較差之後我哋都算諗住冇優惠下照叫啤酒上基本冇乜選擇如果要有優惠得一款食物方面都等得比較耐仲要我哋係早去如果多人 我諗應該仲耐串燒味道比較濃味食完之後會好口渴而且牛扒燒得比較韌有少少柴皮 好乾至於味道千篇一律燒嘢食燒得比較過火最後張單仲要收多錢收多咗一次啤酒買一送一如果你冇check單加埋飲多咗少少基本上好難發現又會比多咗錢整體上感覺麻麻…Read More

今次又係時候講吓外賣有同事介紹好味餃子話呢間用老火湯 冇味精湯頭鮮甜得來 仲要有好多瑤柱所以一於叫外賣試吓餃子種類好多坐底有八至九款俾你揀而我就揀咗自己食開最鍾意嘅兩隻味道洋蔥鮮肉餃 同韭菜餃而我個餐 係有10隻餃子再加上海麵洋蔥餃肉非常實淨洋蔥🧅鮮甜非常鮮味至於韭菜餃就好有屋企味道韭菜味濃款款餃子肉質都好實淨好有口感正正係我鍾意嘅口味至於湯頭 非常鮮甜絕無味精 成個湯飲晒都唔會口渴而且好多瑤柱 用料充足絕對係誠意之作而且佢最正係有辣菜鋪我哋叫外賣嗰陣時同佢講多菜鋪佢真係會俾好多如果係呢區想食餃子呢間真係誠意推薦…Read More

劉記差唔多食咗廿幾30年而家感覺係每況愈下以前會因為味道好抵食 就算座位差啲衛生水平差啲都會覺得冇太大所謂羊腩煲每年都加價但係質素每年都會差咗羊肉好多散修修好多肥膏同碎骨一嚿完整嘅肉好少味道好普通基本上好多茶記都超越咗佢而且佢全部係凍冰冰肉拎出嚟翻熱如果呢兜嘢賣差唔多500$真係唔會幫襯得好多次…Read More

今日想同大家介紹吓一間高質外賣店叫雞雞雞🐔佢最出名係湯底同滑嘟嘟無骨雞今次我係食咗香辣花甲無骨雞粉絲雞肉超滑 而且冇骨雞油味好香 粉絲爽口最正係個湯底香香辣辣 非常惹味你飲完一啖之後會想繼續飲雖然食完之後會有啲口渴😂花甲嘅肉就明顯削少少有豆卜同小棠菜可以吸吓味 都非常好食而且個湯好多蒜蓉配粉絲非常好凍奶茶外賣都係加$6 非常之抵玩會繼續幫襯而且佢款式好多有飯有米線有粉絲有砂鍋雲吞雞連豉油雞都有總有一款啱你…Read More

今日口痕痕想轉下口味食韓國嘢於是就睇吓有乜外賣好叫見到呢間新開一於試吓佢整體嚟講 非常劣食除咗炸雞係正常少少全部不值一提呢個便當 芽菜同泡菜完全冇味個飯凍冰冰 韓式辣炒豬肉完全唔係嗰樣嘢嚟重甜 冇鑊氣 好似用甜醬撈豬肉呢個食到一半已經唔想食 掉咗原味炸雞 比較正常不過不失 送到嚟皮仲脆調味係原味 都唔會太差呢個炒年糕$70幾蚊份量好少 而且非常難食完全冇辣味 又係得個死甜好似甜醬撈年糕食到一半 完全食唔到慶幸佢份量唔多😂隔離個小食係芽菜基本上係逼你加其他都好唔吸引所以加個最平都要$15 呢兜芽菜$15 真係搵笨而且個底 勁多水浸住真係試過一次就夠貼錢買難受食咗一半就掉咗…Read More

近排天氣涼涼哋諗住試吓公司附近打邊爐咁啱今日仲要遲收周圍好多地方都收晒於是就去上水街市試吓運氣去到一間新開火鍋店我哋叫奇味牛腩煲牛腩煲味道尚算OK 不過入面好多牛膏而且附近衛生麻麻周圍都濕笠笠行都會驚跌親出面有任攞食物吧肉類質素比較較差啲肥牛全部都係膏基本上任何一台都唔會拎擺喺雪櫃應該係裝飾之後全部都係丸而且質素麻麻另外一邊有菜有海鮮可能我哋遲去啲菜好多已經冇晒又冇人補充返而啲海鮮全部都有層白色水浸住雪櫃好似唔夠凍衛生麻麻蟶子同蜆都好多沙夾完一轉都唔會再夾呢度勝在夠平圍返$188一位酒水任飲除咗呢個優點之外都諗唔到有啲乜下次都未必會再選擇呢度…Read More

今日路經觀塘有事要做但係就搵唔到工廠區有乜好食？但又有啲趕時間唔可以揀啲好chill嘅餐廳所以見到日昇中心下面有工廠食肆於是入去食個快飯入到去喺工廠食堂位置好大好多位當時大約11點幾因為唔太熟去到收銀部就叫我點三餸飯我都覺得OK因為快靚正梅菜蒸肉餅 味道平平而且有啲硬用筷子拮咗入去要好吃力先掹得返出嚟蕃茄豬扒 骨多個肉 味道OK炒西蘭花 不過不失都係平時嗰種味例湯完全係味精水飲完反而仲口渴凍奶茶 茶味比較削但係埋單差唔多$60估唔到而家食三餸飯都有啲貴以呢個價錢呢個質素真係搞唔掂…Read More

今次已經係二刷深鴻因為中秋節正日周圍都比較難book枱但係因為呢度同老闆OK熟所以大時大節都有枱同埋以中餐嚟講呢度性價比非常高首先一嚟上咗咕嚕肉咕嚕肉炸得脆口而且甜酸汁開胃每嚿肉都好掛汁之後就嚟咗最期待嘅燒鵝佢燒鵝有肉之餘又唔會太肥太多膏而且有好香荔枝木味柴火香氣 味道一流上湯龍蝦伊麵上湯味道濃郁而且龍蝦啖啖肉不過希望下次伊麵可以多啲西蘭花炒帶子貴妃蚌非常夠鑊氣加埋XO醬非常惹味基本上呢度小炒都好有保證冬菇花膠片冬菇件件都好厚肉花膠片爽滑蠔皇汁濃郁魚新鮮大條魚肉實淨 冇話霉淋淋魚翅多料最後加埋個蛋白炒飯中秋做節飯 簡直完美整體嚟講座位較迫不過侍應服務非常好而且味道以中菜嚟講都是數一數二而且性價比高會係多人聚餐或者做節首選…Read More

入到去首先如果你坐唔到卡位座位係非常之逼夾基本上淨係夠擺兩個碟頭飯加杯嘢飲如果你叫餐想食多啲都唔夠位擺我同肥妹仔叫咗兩個晚餐一個係黑醋豬軟骨味道都算OK 但份量偏少但係佢份量少得來又要加個小火喺下面坐熱其實都有少少多餘反而仲麻煩另外叫咗個豬手不過冇影到相基本上冇乜肉食全部都係得塊皮同脂肪之後全部就係骨睇落好似好大份但係其實冇乜嘢落肚呢個係另外加$30嘅兩個小食呢個係櫻花蝦娃娃菜味道麻麻冇乜特別另外個鹽酥雞就幾好食兩杯嘢飲味道普通最恐怖係整得好污糟我叫咗杯洛神花有子茶個杯邊外圍全部都係柚子醬又甜又黐笠笠整到成手都係感覺非常唔良好呢度最唔掂係缺乏人手 冇乜侍應佢叫你落QR code但係QR code又過期想叫人幫手落單又等勁耐最恐怖係送餐嗰時本身張枱勁細又擺咗勁多嘢之後佢送餐過嚟時個餐又有小火爐然後個侍應叫你幫手接住完全唔知想點非常危險之後佢捧餐又東歪西扯基本上好似想倒落嚟非常恐怖如果送餐咁危險應該一份一份咁送但係你侍應又唔夠人手遲早會出意外…Read More

呢間放題見好多YouTuber介紹抱住滿心期待去幫襯因為佢價錢都有返咁上下所以都希望有返咁上下水準我哋book枱嗰時因為係like咗某位YouTuber 所以話應該有個生蠔拼盤贈送點知去到 話廚房冇存貨不過算啦 都好多其他嘢食刺身方面都出色最好味係吞拿魚拖羅油甘魚同池魚王不過之後嘅吞拿魚就越上越削 直頭有筋至於最期待嘅帶子就略為細粒同埋好多都唔係跟order上比較隨意 好似有乜上乜海膽軍艦 呢個都係好期待不過海膽較少 而且賣相平平飯仲多過海膽燒牛肉壽司 應該係佢哋最引以為傲但係牛肉質素麻麻 冇乜特別驚喜整體上所有壽司賣相都係麻麻免治雞肉棒 中規中矩因為黑木亭本身係居酒屋會對佢串燒 有更高期望但係串燒選擇唔多而且質素平平海鮮蠔同帶子質素都係平平用勁多蒜 去蓋過雪味原生都係唔太新鮮蟹寶盒 粒海鮮好細然後全碗都係醬好似想食一個就打爆個肚咁呢個壽喜燒 簡直不值一提本身佢係以和牛做招徠但係俾啲咁嘅質素人真係講唔過最後反而覺得呢個牛角包有啲驚喜有和牛海膽魚子 配一個醒位醬汁食落好清新 完全唔覺得牛角包好肥膩整體嚟講 覺得略為偏貴 性價比唔高而且坐得唔太舒服 座位比較逼夾樓底唔高 有種壓迫感而且侍應唔多 成日要搵人執碟如果收呢個價錢感覺比較麻麻…Read More

今日食完呢間泰菜忍唔住即刻要幫佢寫篇食評首先入到去安排座位已經十分逼夾我諗一張兩人枱只可以放到兩碗麵如果晚市諗住叫多幾個餸都應該放唔落張枱入到去第一感覺已經麻麻之後開始叫嘢食叫咗兩碗船河一碗係最貴嘅極尚牛船河聲稱入面包含好多種牛肉另外一碗係豬手船河碗極尚牛船河簡直堪稱一絕收$118一碗 牛肉片得一兩片 仲要碎之後牛𦟌得兩塊 韌到飛起之後有兩粒牛丸最多係豆腐卜 同豬油渣本身船河個湯已經唔係好味仲要唔熱 河粉唔新鮮一夾起就碎濕濕完全唔知點解可以買咁貴豬手船河$88反而仲有啲肉食吓豬手味道唔錯都算合格嘢飲方面普普通通冇乜特別整體上呢個價錢俾啲咁嘅質素食物性價比非常低唔駛旨意有回頭客俾成二百幾蚊食兩碗咁嘅河粉坐得又要唔舒服真係唔怪得啲人唔喺香港消費…Read More

以前細個同屋企人食沙嗲王真係童年回憶嚟不過唔知幾時執吓執吓又一間直至到好似附近都冇近排見佢又開返新分店不過改咗名做白咖喱公司一於嚟試吓新環境新設計新裝修感覺比較文青同年輕餐牌都多選擇之後我哋揀咗個二人套餐乜都有唔駛諗前菜有龍蝦湯 炸春卷 西蘭花基本上冇乜特別 唔太吸引香茅豬扒白咖喱湯手工麵初頭好期待 但食完之後味道一般 係個香茅豬扒keep到水準白咖喱湯又唔夠搞到好似撈麵唔係湯麵杯咖啡要加錢但係味道好一般沖得完全唔好飲叫完自己都好後悔甜品係完全預製品個心太軟死甜之後椰漿又係超甜非常難食我諗呢間冇乜事都唔會再幫襯…Read More

呢間舖頭第一次嚟食係同事介紹唔係本身行過都唔會入去但係食過一次之後就會經常幫襯今次係第一次幫佢寫食評以前係會叫牛筋雲吞河而家就會每次都叫牛筋牛腩河首先牛筋一啲都唔韌忟得非常之軟懦有種入口即溶嘅感覺至於牛腩炆得非常夠火候可以一絲絲咬開口感非常好而且有時撞彩師傅會佛心斬啲崩沙腩落去河粉方面非常新鮮基本上每日都賣晒有時夜嚟 會連河粉都冇河粉新鮮 夾起唔會碎濕濕非常抵讚而且以呢個價錢嚟講非常抵食夾大件而且上菜速度非常快每次返工辛苦或者做完運動都會過嚟整返碗…Read More

今日晏晝同老婆睇完戲到附近搵食周圍都好多人所以諗住搵間唔駛排隊入去一入去就有少少伏首先餐廳坐得好唔舒服又逼張枱又細之後開始叫嘢食發覺好少選擇炒粉麵飯得四款初頭諗住叫炸豬扒米線又冇貨雞翼又冇貨可以揀嘅選擇好少然後有個侍應就講今日九月一開學日啲嘢俾學生食晒完全冇諗過咁大間餐廳準備食材可以咁少完全唔充足我哋去到嗰時只不過係兩點最後坐低咗如果就咁走又好似好樣衰咁所以最尾叫咗兩個炒粉麵飯食楊州炒飯中規中矩冇乜特別 茶記標準乾炒牛河 比較油膩碟底好多油而且河粉唔太新鮮一夾起就碎濕濕凍奶茶冇乜茶味最慘係成間餐廳好似好多侍應但叫一個人嚟服務都好難整體上感覺麻麻唔會再嚟翻食…Read More