rachal888hk's Profile

星期六收工走左去佐敦周圍行，行行下發現有間糕品店有人排隊，又見佢post某個節目中播出，心諗應該好野先有人排。因為當日都快6點，好多糕品都已經沽清所以買了一條芝麻卷，一條黃色的（好似馬蹄卷），兩件 眉豆糕同1件紅豆糕。我地一致應為芝麻卷最好食。©芝麻卷好香黑芝麻味，好似食左好多芝麻落肚，口，感煙煙靭靭，唔甜，老人家應該會喜歡。®相反黃色的（好似馬蹄卷）同芝麻卷相比食唔出係什麼味道，只有甜味同煙煙靭靭口感，比芝麻卷甜了 一點點我個仔比軟喜歡紅豆糕，因為d豆比較沐淋同有起沙，眉豆比較硬了少少，眉豆糕有少少是爽口感。其實這間糕點d糕應該唔會太甜，同埋口感是煙煙靭靭，唔會係好爽口或是好似啫喱的口感。下次經過可以再買一d比 爺爺嫲嫲去試。*佢可以打電話預訂糕點…Read More

朋友來香港找我lunch，而他又喜歡食越南菜所以帶他來河內大娘。我地點了知咖喱雞排飯，雞翼春卷撈檬，加了3串香茅雞串，1份蝦餅，1份粉包扎肉，1份牙快車※朋友食咖喱雞排飯，試了少許咖哩汁，咖哩香濃有幾舊薯仔，而且薯仔係有炸過，我見佢雞扒炸得香脆，唔會太乾仍然有肉汁保留※雞翼春卷撈檬，雞翼春卷應該即叫即炸熱辣辣，脆卜卜，雞翼有3隻，春卷有2條，撈檬有好多配料，青瓜c，蘿蔔c，蔥油，重有一些香葉（不知道名稱）再加上酸酸甜甜汁，撈埋來食，正丫※雞串，用了香茅醃製，食時有很多香茅c在雞肉表面，而且炸完的仍然保存到肉汁※蝦餅彈牙爽口，唔會死實實，而且有少許蝦粒※粉包扎肉，扎肉普普通通，粉包的皮有點厚， 餡料豐富有很多木耳c紅蘿白c同一些肉碎，上面配了些蔥油在面，好味lunch來食會比較抵，而且又包一杯熱飲，小食是一人份量， 不限份數，整體味道唔錯。下次可以試他們的咖哩牛腩飯…Read More

這間小店由佢準備開張時，一直心思思相試他們掛著古法石磨腸粉。第一次去因為未開業未準備好，未有機會試，第二次人地準備收工又未有機會試，到今日終於有機會了，做一隻早起的烏兒。(其實唔多唔少因為有傳媒報道過，怕第時要等好耐位，又怕佢加價)我點了個义燒拼牛肉腸$25， 再加上枱枱都有點粥，我決定加一碗大菜干豬骨粥$15。※菜干豬骨粥，很快就上枱，菜干足料，粥底棉棉，重食到有少少果皮香，食得出用了心機去煲正丫※义燒拼牛肉腸，所有腸粉是即叫即做，需要等下，我見到佢地洗完的碟會放入個蒸籠到蒸一蒸，消毒一下，感覺都很衛生。等左一陣我的腸粉上枱熱辣辣，食第一口woo腸粉好滑，腸粉皮唔會薄切切，食落口有米的味道，同平時食的腸粉好大分別。起初我以為雙拼是义燒還义燒腸，牛肉還牛肉腸，原來是义燒牛肉撈埋一齊蒸，因為义燒甜甜的，蓋了牛肉味，總知叫單點如果下次經過又唔多人，又唔加價，我一定會再來食題外話老闆娘十分有笑容有禮，就算對住好熱的蒸籠，都面不改容，仍然帶著笑容。…Read More

鄉下妹出省城今次來到荃灣區，平時好好好少來這一區，但今次因為要陪媽媽買東西，所以先有機會來。因為我都很喜歡食餃子，所以來這間人氣店。一來到店面是好細，超細，只可以容納20多人。來到要問阿姐攞飛，嘩要等十幾個人，心諗起碼要等一個鐘，咁係附近行下，行左一個圈返去，發現突然之間叫得好快重有5，6 個到我。可能d人唔想等，咁就去左第二間食掛。等左15分鐘，終於有位，叫左個傳統4拼湯餃( 韭菜、芹菜、白菜及椰菜)，每隻味都有2隻，可以隻隻味都試到。另外再加煎餃(芝士、香辣及紫菜)外賣，一陣孝敬媽媽爸爸。等左10分鐘左右湯餃來～～試左啖湯都真材實料，而且都食到花膠，我估佢地用大熱的 鱈魚膠，估炸。。。佢地水餃非常大隻，差不多有一包紙巾咁大，而且餡料非常飽滿，皮算是很薄的，我比較喜歡韭菜及芹菜的味道，但是白菜與椰菜味道差不多。食完8隻餃子再加個湯已經飽到上心口食完湯餃煎餃剛剛送上，煎餃時間會比較耐。爸媽試過都話幾好食，皮薄餡多。下次要買生餃子外賣回家食…Read More

食完個蝦子撈面，有點深深不忿介紹同現實不符，而且又飽飽地，但完成滿足唔到個慾望 ， 唯有行下睇下重有咩特別野食。經過維記 想起幾年前 媽媽帶我來這間吃麵 ，但是因為太飽，沒有機會嘗試咖央多士。今日經過就外賣來試試。等了幾分鍾已經有得攞，咖央多士咬落第一口，wooo好香旦味，眼睛叮一聲放大左麵包是厚切，再烘底，而且外脆內軟。 咖央醬塗得厚厚，濃濃蛋香，每咬一口未吞落肚，已經想食第二啖，而且佢唔會太甜。佢真係太好味，真係想買多件明天做早餐…Read More

之前係openrice，見到很多人介紹這間麵店不錯，而且還有酸蘿蔔任食，所以決定來這間麵店 。我點了一個 薑蔥鵝腸水餃蝦子撈粗麵※ 酸蘿蔔放左枱上客人可以任意添食 。酸酸甜甜的，蘿蔔帶一點爽口， 是我久違了的味道，我一口氣吃了三小碗 。※ 薑蔥鵝腸原本我有一點滿心歡喜，因為我以為薑蔥是會泡一泡油的，但是上檯發現後 薑蔥像烚一烚過水再加一點油，味道是有好大大分別，而且鵝腸不是用新鮮貨的，原全食不出有鵝腸應有味道，似食無味得爽口橡筋。※蝦子撈粗，可惜敗在蝦子上，雖然他們放蝦子很大方，滿滿的蓋著麵條，蝦子是脆卜卜，但蝦子太腥了，對我來講有這個味道不太討好我。其實面條幾好， 彈牙沒有鹼水味，相信不要蝦子或直接做湯面都不錯。※口餃有2大隻，用料十足有筍，蝦，豬肉，木耳，味道ok，但可惜水餃放在湯到，因為個湯是偏甜的，不是我喜歡的味道。總結都是個酸蘿蔔最好食，妹仔大過主人婆ps.可以外賣酸蘿蔔，好似55元有一大樽，同堂食一樣大，可惜今日沒有貨…Read More

Openrice 搜索這間大熱高湯面，都有好多好評，介紹湯底不錯，一直都心思思想試，去過兩次大約晚上9點到，他們都已經不再接單，準備收工(但他們收10點low)，只好等待合適時幫再去。今次終於有機會，可惜當日是假期沒有套餐優惠。我點了大高湯陽春面，配3個點心竹笙火腿百花卷，蘿蔔牛腩，芥末炸墨魚球※大高湯陽春面，是用雞加金華火腿熬煮出來高湯，但金華火腿味太重，蓋了全部味，我不是太喜歡。點心我是非常推薦的竹笙火腿百花卷同芥末炸墨魚球※ 竹笙火腿百花卷，是竹笙釀了蝦膠，而且竹笙吸收了全部精華，我連佢d汁都飲埋※ 芥末炸墨魚球，是即炸上枱熱辣辣， 侍應叫我小心食會有汁咇出來，因為我點的時候沒有留意有“芥末”兩個字，佢地芥末似芥末沙律醬，唔會太辣少少供鼻，真係好好食※蘿蔔牛腩，都有3大舊底有蘿蔔，牛腩都淋，不過唔算太大驚喜下次有會試下魚湯面，同其他點心…Read More

這間華順位於一個不起眼的路口，如果路口沒有那個大大的招牌，相信好多人都會過。原本打算食凍檬，可惜當晚買清光，只好試下他們的招牌飯，有豬扒、肉丸、煎旦上面配上蔥油同一些炸干蔥，可惜豬扒肉丸有點干沒有太多肉汁，白飯是用微波爐加熱，因為食落同煮起的飯是不一樣， 蔥油是似燒味飯的蔥油。再加一個越南蒸粉卷，e個是熱辣辣，開頭送上枱是4條，後來老闆娘再加多兩條，原來送少了，配上酸酸甜甜的汁，十分開胃。幸好order左杯椰汁綠豆冰，否則不完美了…Read More

這間平價的小食，點了個担担面，鍋貼，魚旦，同生根，共合38蚊※担担面(16元)，湯底是烚魚旦的湯，再加上香濃花生醬帶點咸咸甜甜，辣椒油同一些醬油蔥花，配上面條，這個越食越飽，可能有花生醬原因吧！※鍋貼(10元4隻)，超平喔！底煎到脆脆的，而且都有肉汁，皮唔算薄，餡料也不算滿滿的，但勝在價錢平，下次經過都會再食多次※魚旦生根沒有太特別，可以加咖哩汁，但個咖哩汁唔係我杯茶，因為甜甜地，都有少少辣下次有機會會再試下蔥油餅同小龍包，同埋個雲吞…Read More

近期係fb見到熱爆介紹煎餅，睇佢介紹太吸引，穩唔住要來找找這間煎餅試。點了個北京烤鴨味，佢先煎塊皮，再加隻雞旦係上面，再加上少許芝麻蔥花，反轉再煎。煎到咁上下就加甜醬配上大量莞茜，青瓜c，烤鴨c，最後加埋脆脆片，完成一份超大份，超足料的煎餅。可惜咬下第一口有點失望，就是個皮，塊皮太濕，唔夠干身。感覺有點糊淋淋的，但勝在有塊脆脆搭救，青瓜都是新鮮爽脆，起碼都算有一點口感，不會太差…Read More

老細請食飯，一大班人浩浩蕩蕩走過去一人一個 set lunch※前菜有雞絲沙律， 雞絲有雪味，沙律菜新鮮，伴上一次酸醋※南瓜海皇湯 嘩。。。這個不得了南瓜打蓉，配上蝦蟹肉魚，超甜，超滑口感，真是想再來一碗※煎羊架，煎熟了一點，就算熟了一點羊架都好淋，好在都有羊肉味※扎肉湯河，河粉幼細滑膩，扎肉厚厚切粒帶有一些黑椒老闆知道我地大食，再叫多兩個4人餐，大家share食小食拼盤春卷※燒雞，皮燒到脆卜卜，再配埋個南乳汁，一流，而且唔會太咸※香芽豬扒，普普通通，無咩特別※咖哩牛腩煲配牛油法包，法包香脆拌上香濃咖喱正正正牛腩而且煮得好淋※鰻魚炒飯，飯粒粒分明煙煙um um，唔會炒得太油，鰻魚爽口肥美不過這裡一個lunch set都要百幾蚊一個，如果要自己比錢食，真係有d唔舍得，好在是老闆萬歲的…Read More

朋友生日想食e間烤肉店，打電話去時full booking，職員話可以試下walk in，十分幸運有位我地五個大人一個小朋友，點左一個烤肉套餐$480，要加多個烤牛舌，江南ufo，芝士雞，大團手搞飯，爐邊旦(可以加泡菜，芝士，栗米，同一個好似辣椒醬)，重有好多前菜，有泡菜，大豆芽，茄子，酸蘿蔔片，同蓮藕片。再加一人一杯飲品一坐低佢地送上胡椒湯，湯太咸了胡椒味重。前菜可以refill，可惜爐邊旦無得任食※熨斗烤肉$480，主要有大大磚頭的五花肉，豬皮同牛肉粒同牛肩肉同西冷，烤五花腩需要烤3至4個字，服務員可以幫你烤，五花腩烤得非常到家，卜卜脆，而且全熟，如果自己燒，肯定沒有這個耐性。豬皮烤完軟腍腍，好有骨膠原。烤完豬肉，佢地會換另一個綱是烤牛肉全程都是服務員幫我地代烤※烤牛舌$100得4條厚切，建議大家唔好點真心覺得超貴，烤完之後有點um...※大團手搞飯，底有飯，有吞拿魚，蟹籽，青瓜c，旦c，同一粒粒脆卜卜類似粒通的物體，加埋沙律醬，附上隻手套比你用手撈埋一齊，再放係雪糕筒裡面，有多的飯可以伴著紫菜一齊食，唔錯唔錯，姐係沙律撈飯※江南UFO，中間夾著芝士，再加上一些肉醬有點微辣，一定要襯熱食※芝士雞，滿滿滿滿超邪惡的芝士，加上幾件烤雞，需要用gas爐，將芝士加熱，再包著炸雞。。。嘩多麼邪惡※飲品有藍莓，荔枝同士多啤梨，冰沙倒插一支韓國7喜，藍莓的味道普普講通，我比較喜歡荔枝味同行的小朋友獲得店送出的小雞鎖匙扣玩具而且佢地服務超好又貼心，唯一缺點是爐邊旦無得任食…Read More

原本打算食附近一間芝士飯，但因為太多人，朋友建議所以改食泰國菜。我地兩人點了個海南雞飯，泰式炒金邊炒，泰式雞鳳爪，生菜肉碎包，同炒椰菜仔※海南雞飯個飯好食，應該用左雞湯同黃薑去煮，附上個蘿蔔湯，有點太味精了。雞因為是胸位，所以有點鞋口，同埋佢地有3舊雞腎但太硬了。※泰式粉金邊粉，好夠鑊氣，酸酸甜甜，十分開胃※生菜肉碎包，佢地生菜用飲品杯盛載，好冰凍，好似係雪櫃拎出來，而且生菜好新鮮 ※泰式鳳爪會越食越辣，重要係無骨，份量都很多，※炒椰菜仔，有點點辣，味道偏甜最最重要的價錢平，大約都係$360左右…Read More

同朋友二人點了個鐵板雞扒餐要雜菌汁，同蝦醬通菜炒雞肉，一個飲中湯，一個白湯一來先上兩塊蒜蓉包，有少暖暖地，面包唔脆，有d um。白湯裡面有兩粒青口肉，加上一些香草，同少少奶油，試了一談味道唔錯。中湯是老王瓜煲豬骨，幾好飲，唔錯跟住好快上左個鐵板雞扒，一上枱幫佢你淋汁喳。。喳。。聲。有兩大塊超大雞扒，底下有薯條同椰菜，再配上白飯，可惜白飯不是熱辣辣，而且雞扒有好大雪藏味，我都好明白好多餐會用雪藏貨，但都要把那些雪味處理好，天丫。。。太失敗了，十分難食有。雜菌汁都有幾粒茹仔，但味道偏淡味。蝦醬通菜炒雞肉，得咸咸咸味。熱杏霜就好水汪汪有杏仁味這間餐廳沒下次…Read More

自從上一次去了佐敦的分店，一直都對這間川菜念念不忘。今日同豬友係旺角睇完戲再去食，發現這間的店同佐敦的味道不同，我地叫了酸菜桂花魚，干煱肥腸，虎皮尖椒，涼拌蒿筍，清炒土豆絲，辣子蝦，茴香炒豬干全部都要少少辣※虎皮尖板，件件都有好多籽，煮得好濕，得個幾粒蒜頭碎無咩味，得果辣※涼拌蒿筍，唔似涼拌上枱時唔係涼有點微微溫暖，偏麻辣，太多莞茜同太生，辣椒醬都未拌好有一舊舊，太辣※辣子蝦，蝦炸得香口，可以食埋蝦殼約有十多隻蝦，唔太辣，味道沒有太特別※酸菜桂花魚，同第一次食味道唔同，酸菜唔太出味，而且魚件唔太多※清炒土豆絲，清清地，油有d多，好有土豆味※干煱肥腸，夠惹味，但都編濕，唔太干，越食越辣※茴香少豬肝，一上台以為比錯因為有好多薑蔥，炒到有少少老，有d青辣椒，原來辣到飛起我地叫左3枝啤酒，但唔太凍，佐敦果間凍到起冰，因為叫少少辣，但上枱大部份都超辣最後都要叫王老吉解辣，旺角雖然地方大，但我地一致應為味道比佐敦差…Read More