apm67bjqqxfp's Profile

今日同屋企人食團年飯 怕凍嘅我首選就係打邊爐啦 一於去返靚煲皇 之前人少試唔到好多嘢食 今次人多終於可以食多啲其他嘢 上次食咗個胡椒豬骨煲 今次就食佢嘅招牌靚煲皇啦 我哋人多諗住叫多個煲 又想食香D辣辣地暖下身 店員同我哋推介麻辣香雞煲 話我哋除咗豬骨煲之外 雞煲都好出名 咁就一於試吓啦 靚煲皇一上嚟之後 我哋打開個蓋望一望 全台哇咗出嚟”哇！咁大煲嘅🤩”超級足料 有豬骨，不單止仲有扇貝吊片 令到本身濃郁嘅豬骨湯又有海鮮嘅鮮味 令個湯底更上一層樓🫣 個雞煲更加唔使講 一攞出嚟成間店都聞到個香味 店員仲好用心咁幫我哋炒返香過芫荽 哇香到🥲依家諗返都想食🤤😹我哋盡快就清晒個雞煲 就叫店員幫我哋加湯打邊爐🫣我地今次叫咗好多生料 有極上同手切牛肉 我哋唔知有咩分別 問店員嘅時候佢哋都好耐心咁回答我🫡學到嘢 原來手切係牛頸脊 極上係安格斯😳咁梗係食牛頸脊啦😽咁多人梗係要大㗎啦 個牛肉好有牛味 啱晒我 好怕食到啲好油膩嘅牛肉 但又驚唔夠肥會好韌 呢個又重牛味又完全唔韌😼不得不提 個黃沙豬膶真係超級好食😋個豬膶竟然係彈身架！未食過咁嘅豬膶👍🏻🤤🤤真係必食！！！仲有太極鴛鴦滑 啱晒選擇困難症嘅我😹一個價錢雙重享受 有蟹籽蝦滑同黑松露墨魚滑😻黑松露味超濃 啲墨魚滑仲要食到一粒粒墨魚肉🙀正！個手打墨魚滑就食原味 啱我其他唔鍾意黑松露嘅屋企人🤫個響鈴上次都食過 今次一定要再食返！超好食超新鮮即叫即炸🥺😫出面好多都係一包包嗰啲 所以呢間好特別🤪其他食材都係一如既往嘅新鮮 啲店員好Nice仲同佢哋一齊傾偈食煙😹😹從來都未試過有一間店係咁樣😹好似friend咁🥸下次再嚟食過 應該會係我打邊爐首選😋😋🤤🫶🏻…Read More

呢幾日天氣轉涼咗好多，食返個打邊爐暖下個身先，上OpenRice search吓旺角火鍋第一眼就見到靚煲皇呢個名，我就諗靚煲皇🤔一於去試吓佢有幾靚煲先🫣一去到門口，見到門口有幾台枱已經喺度打緊邊爐，跟住就有個職員行出嚟笑口滿面招呼我哋問我哋幾位，我哋話三位，佢問我哋坐室內定室外，我就怕凍選擇坐室內，一坐低call姐姐就好熱情咁攞啲Menu出嚟俾我哋睇，我哋問佢有咩介紹，推介咗我哋呢個招牌「胡椒豬骨煲」既然天氣咁凍，叫個胡椒煲都好，而且清清淡淡，飲個湯暖下身，個煲一上到嚟之後，就冚住個蓋煲滾佢先，一等出煙嘅時候職員就即刻跑過嚟幫我哋校細個火開蓋，一開蓋豬骨煲個胡椒味就已經撲面而來，一聞落去已經好香，我哋即刻不啖頭湯飲吓先，一飲落去係好重而不搶味胡椒味，中段係濃郁嘅豬骨味，尾段係淡淡清甜嘅粟米蘿蔔味蔬菜味😳完全唔似出面嗰啲用史雲生沖出嚟嗰啲咁，飲完啖湯之後即刻食入邊啲料，一low起身就已經係大大舊嘅豬筒骨，滿滿嘅骨膠原🥹啱晒我哋呢啲女人補皮膚👅👅最下低係一啲紅蘿蔔白蘿蔔🥕同埋超級甜嘅粟米🌽回味無窮，果然係靚煲皇😹個煲已經咁正🙈生料上菜速度亦都非常快，我哋叫咗新鮮海蝦、炸芋頭、手包韭菜餃、鮮淮山同埋萵筍，啲海蝦非常之新鮮，肉質一啲都唔霉，好有海蝦味同埋好彈牙，啲炸芋頭係即叫即炸，上菜嘅時候就非常之香，成間店都聞到油炸香味，就咁食就脆卜卜外脆內粉，好香芋頭味酥脆可口，另外一個食法係浸落湯，令芋頭吸滿豬骨湯嘅精華，個芋頭由脆卜卜嘅口感變到軟腍腍粉粉的感覺，一物兩食超👍🏻個韭菜餡feel到係新鮮包嘅，完全唔似出面嗰啲外皮變到軟瀨瀨，個韭菜餃粒粒都好飽滿口感飽滿，唔會餃子餡好少好似淨係食皮咁，而且韭菜同鮮豬肉比例教得非常之好，唔會好似淨係得韭菜咁，好少豬肉🙊鮮淮山同萵筍就只可以用新鮮嚟形容，煮熟後更加可以帶出豬骨湯個清甜，今日最佳就係個胡椒豬骨煲😋😋😚色味俱佳，味濃香醇濃而不膩，食完之後成個人暖笠笠，而且見到佢哋仲有雞煲同限時羊腩煲，下次次同多啲friend過嚟一次過食晒佢哋先😎🥸…Read More