yeeling8912's Profile

開心果味濃郁不會太甜，也不會太漏！切開一半來，全部都是開心果醬的餡料，不會偷工減料。店員還會再次開口細心查看有沒有空隙，會填補開心果醬餡！！完全是大方又細心的表現值得加分！拿破崙泡芙香脆，配搭10分完美。…Read More

每年秋天都會食大閘蟹～今日同屋企人試吓海景餐廳近期超值人氣嘅大閘蟹套餐 $398套餐一開始有滋補燉湯，10分足料！飲落清甜暖胃，好舒服 。👍👍👍跟住有冷盤拼盤：沙薑豬手，啖啖膠質，入口香口又彈牙，正！ 👍宮廷蘿蔔同拍蒜青瓜就一般啦，開胃 。主角出場，大閘蟹膏多又鮮，蟹肉勁嫩，食落每口都感受到秋天嘅滋味，蟹膏香得黎又唔會膩，呢個套餐每人有三隻真係好夠食！之後有油鹽水石斑件，估唔到咁大件咁厚身，肉質超滑！！ 呢個真係超級驚喜！👍👍👍大澳海山骨就鹹香十足。鮮茄珍菌泡菜苗大大碗！菜好新鮮，又係10分足料！香芋糯米飯香口軟糯，食完仲想再添一碗！！！最後一碗圓肉薑茶做結尾，啲薑勁老勁辣正呀！溫暖身心，飲一啖先去暖上心頭！特別適合秋冬季。成個套餐份量啱啱好，味道層次都做得好出色，真心覺得抵食又滿足！餐廳又坐得舒服，又有海景。其實想食得平靚正，使乜特登返深圳啊 ⋯誠意推介，大家多啲留喺香港食飯啦！😀…Read More

即order即燒，個豬腩肉漢堡好好味！肥瘦均勻！燒到啲豬油同埋肥肉入口即溶，口感好多層次，有芫荽有生菜，仲有好甜嘅菠蘿，加埋啲醬同埋嚿好厚嘅豬腩肉，所有嘢都配合得好好！！下次會試其他😋😋…Read More

☺️🥰 The Steak House @ Regent Hotel1️⃣🍞Sour dough with homemade sea salt butter 🧈 - 麵包外脆內軟，個Butter 😋，四嚿我哋全部食晒 。2️⃣King Crab cake 🦀-淡淡蟹肉，大大嚿入邊完全冇加粉漿去混水摸魚。好鮮甜好好味，人生食過最好食嘅Crab cake。😄🩷3️⃣🥩US black Angus 160-day grain-fed tenderloin 8oz-medium rare 朋友話好好食 😁有唔同Sauces and salts 俾你揀，鋸扒嘅刀都有得俾你揀。4️⃣Grilled King Prawn 🦐 - 上枱嗰陣嚇親，超大隻，真心係KING 😆燒得好好味剛剛好😋啖啖肉。就咁食或者點佢配搭嘅蒜蓉汁都好好味⋯Side dishes 都冇欺場。5️⃣-lobster macaroni，好好味，仲食到啖啖幾嚿新鮮龍蝦肉。6️⃣-truffle mashed potato, 好香滑，松露味濃，但係冇喧賓奪主 。-甜品就嗌咗個signature，7️⃣bourbon soufflé，滿滿儀式感，食到底有Orange confit 中和得好好 。唔太甜👍酒店好靚，服務好好。呢餐真係食得好開心🤭…Read More

終於去咗食歷史悠久嘅豪華咖啡茶廳。好多歲月嘅痕跡，入邊全部都係伯伯員工，態度好好，好殷勤，有一個遊客家庭到咗仲識得講埋普通話介紹他們的菜式，有教他們拍照。嚇親我 。😆😆🥯菠蘿油：舊油好食，菠蘿有別於其他茶餐廳，如圖。好食，並不是那麼的空氣及甜膩 ，以我食咁多菠蘿油嘅經驗，我覺得ok 唯一略嫌佢包上的菠蘿唔夠多，哈哈。☕️熱奶茶：好飲，茶味濃奶滑。到店的人很多都叫蛋牛多，而伯伯推介的是他們的豬扒。我睇隔籬枱，豬扒真的很像不錯，下次我應該會試他的豬扒包或者豬扒麵。📍灣仔茂蘿街…Read More

今日嚟咗呢間Cafe，喺Novotel酒店對面，人流唔算多，所以坐得舒服 。嗌咗個set lunch ，食飽飽，飲飽飽都係$100鬆啲 。仲有得加甜品，成個甜品櫃勁多選擇！不過因為驚食唔晒，所以冇加到，下次一定會試。Chicken and mushroom Lasagna, 好大嚿，一定飽肚，新鮮焗出嚟，意粉皮同埋免治雞肉，加上茄蓉，上面有層芝士，surprise嘅係仲有啲新鮮嘅沙律菜，配搭令你唔會覺得好滯 。拉花好靚，好有心機 ！ 咖啡質素都好好！…Read More

去左剛翻新完的灣仔諾富特世紀酒店內的Pepino意大利餐廳，裝修典雅高貴，侍應正裝，專業而且服務態度極佳，令整個用餐過程倍感舒適。我們點了$988的雙人套餐，配上白酒和汽酒，侍應根據我們的口味，為我們推介了兩隻比較薄，易入口的酒。前菜：🙂‍↕️Mediterranean Octopus Salad以煙燻紅椒和檸檬汁調味，八爪魚柔軟鮮美。🙂‍↕️Burrata di Bufala with Heirloom Tomatoes則是濃郁的布拉塔芝士配上鮮甜的番茄，清新爽口。🙂‍↕️Asparagus Flan with Parmesan fondue的蘆筍香滑，與芝士的鹹香完美融合，令我食慾大開 。🙂‍↕️Mushroom Soup更是每口都充滿香濃菌香。主菜方面：☺️Grilled Black Angus "Tagliata"牛扒烤得恰到好處，搭配新鮮香草和火箭菜👍☺️Tagliolini Truffle的自製意大利麵條配上松露醬，松露毫不吝嗇，香氣撲鼻 。甜品😍經典的Panna Cotta，勁大杯，香滑 。😍Tiramisu，侍應即場新鮮製造。 ☺️ 好好味又滑又香濃！！兩者皆以完美的甜度畫上完美句號。最後還可選擇咖啡或茶作為結束。（但我地兩個女仔太飽沒有叫到）Pepino 餐廳環境極佳，適合浪漫聚會，或者朋友小聚，食物質素還是服務水準，都值得一試。…Read More

😍🥰 最愛港式燒味飯 ❤️❤️去咗荔枝角，樂天冰室。勁多嘢選擇，最後我嗌咗佢嘅招牌四寶飯 。一上菜，嘩！勁有良心，勁大碗，啲燒味唔係得三舊 😂🤣，薑蓉又夠多。食落去樣樣都好味 😋😋 叉燒肥瘦均勻，少少燶邊，少少蜜糖味 😍 正！！雞好嫩，唔係啲雞骨俾我 😂 係啖啖肉 ☺️燒肉都好多舊，食到我勁飽 🤣😂加咗杯紅豆冰，黐線一上枱又係勁大杯⋯⋯啤酒杯500毫升嗰種 🫨🫨🫨咁嘅價錢真係好良心 $63+9蚊紅豆冰🫨🫨…Read More

如果你鍾意甜到爆嘅嘢飲，就嗌啦完全冇乜開心果味，只係甜到爆 。每飲一啖，腸胃也萬分滾動 🫠🫠🫠，雞皮都起埋 。佢只不過係面頭上啲開心果碎碎又開心果味之外，杯嘢飲入邊係完全冇開心果味，只係甜甜甜甜甜⋯本世紀以來飲過最甜的東西 🫠想像唔到啲人係點樣飲得落成杯⋯⋯ 芝士煙肉薯條，貴得來好鹹。。。。。薯條冇乜味道，炸得唔脆，你只係喺度食啲好鹹嘅味道。芝士又比得好孤寒，又冇乜味，總之就係鹹 。煙肉🥓就係咁煙肉，鹹。對呢間嘢無言⋯…Read More

My favourite lunch place in Central ☺️😉Catchic，好中意坐佢個outdoor terrace seat ☺️ 好cosy好開揚又好景☺️中意佢哋的Fusion 菜，出名既有海南雞飯 ☺️午市套餐仲成日都會更新，黎親次次都唔同，仲有節日主題🥳CNY lunch set menu 🧧今日黎左食農曆新年個lunch set. 🐟 魚躍龍門 🦐 ～魚，虎蝦，龍蝦汁伊麵，西蘭花 🥦中西合璧😋😋😋🐔鳳凰展翅勁大隻味噌雞髀🍗，兩大舊！😳蘆筍用竹笙包住☺️ 仲有薯仔🥔好特別配上薑蔥 😋甜品🍧～～～金燕報喜🍮薑汁撞蛋白奶～為咗令個甜品賣相更加喜慶，上面亦都加咗花花形狀嘅脆脆 ，似朱古力 ，勁有心 。上面真係鋪上燕窩同金箔～絕無欺場😍😍仲要係好味 😋 ，睇得又食得💯🌸錦上添花🍫有金幣，利是，福袋，大吉同埋桃花😍 全部都勁好意頭，又整得好靚 。福袋係覆盆子朱古力🍫 大吉皮係脆嘅朱古力，一邊有酸味味嘅柑橘雪葩 😋😋配合得好好 😋簡直係喜出望外，勁開心嘅一餐 …Read More

喺2019年我已經幫襯佢地天后嘅小店，嗰時候已經覺得佢啲飲品超級好味，完全無負擔零罪疚感 。喺中環開咗分店之後周不時都有叫外賣上公司～今次食完lunch經過忍唔住又嗌咗嘢飲啦 。係中環九如坊果度，外牆和店面都裝飾佈置得好chilled，好打卡-able 竟然有咖啡 店面裝飾和打卡位藍莓優格果昔輕時光既果昔一直係無得輸，用乳酪加新鮮水果調配，係每次都必叫既系列。今次揀左藍莓～好靚，又係調配得好清新完全無負擔無罪疚感。 紫薯時光，係期間限定飲品～飲落去好香濃紫薯，仲有綿綿既紫薯口感，配上鮮奶，一點都無heavy 或者飽膩感，甜度預設都係輕盈岩岩好。出面幅牆都好靚～勁有take your time, chill 既感覺。…Read More

去銅鑼灣買野~ 順便就食埋晏就，見到個餐牌好多選擇價錢又好親民， 就入左黎試下。～首先係個老火例湯，小菜套餐送埋的。勁多勁多料，鮮甜，家的味道 👍～羅宋湯，超驚喜！嗌鐵板餐送的。有三大嚿牛，又係勁多料，鮮甜！～鐵板雞扒餐配薯條，首先午餐有得嗌已經好驚喜，兩大塊雞扒本身煎得香脆，配菜有棷菜花同埋番茄，淋上黑椒汁係鐵板度再燒燒下，好有儀式感好懷舊，哈哈。雞扒皮煎得香脆，肉質嫩滑，黑椒汁又唔會死鹹。～冰廳推介既茄子肉絲炆豆腐， 又係好大份量呀！真係好夠良心。茄子，肉絲同埋豆腐呢三位主角都大大份，連配菜杏鮑菇都好多，鑊氣十足，又無好多味精既修飾，家常大廚小菜感👍冰廳既裝修都好出色，懷舊風，餐牌野食同埋野飲真係好多選擇！！下次一定會再黎試其他！😋😋…Read More

😍😍同遊客朋友想食高質叉燒，國金軒有位，即刻訂位飛過去 。一開始，個nuts 已經好驚艷～係roasted and caramelised walnuts ☺️。～懷舊百花蝦多士 🍤😍蝦爽口新鮮，多士脆口，完美配搭 。～國金一品薈萃😍金陵化皮乳豬件、蜜餞本地黑豚叉燒、蔥油紅海蜇～❣️啲叉燒好淋，肥瘦均勻，燒得剛剛好，高潮呀 😍🤤 。❣️乳豬件脆卜卜，皮下豬油同埋乳豬肉仔薄薄地，三層都做到好細緻。❣️蔥油紅海蜇～本身係覺得不是重點，有如伴碟，但！原來都好有驚喜！海蜇爽甜，加上薑蓉，個配搭好新鮮亦都好好味！～杞子百合雪鳳凰浸帝菜❣️啲菜苗好新鮮！湯入邊有杞子同百合同埋烏雞煮成，10分鮮甜。雖然菜係主角，但係入邊啲百合同埋烏雞都好好味，啲烏雞件係爽滑！～本地生曬臘味炒糯米飯❣️配合得好好，臘味加埋糯米飯真係炒得有鑊氣，粒粒分明啖啖鮮甜 。～竹炭流沙奶皇包❣️流沙，真流沙，唔太甜，熱辣辣，完美作結 。總括嚟講真係樣樣都好味道想尖叫，由頭帶到落尾😁…Read More

呢間大角咀名店兩年前倒都同朋友黎過，食完個個都係讚不絕口。今次再黎， 卜定枱，全晚都爆，限時個半鐘。一黎到就嗌野飲，二話不說必叫：～🍫二世祖特濃朱古力，勁好味勁濃朱古力，好重本，又濃又滑！絕對係世一朱古力奶！！～首創特濃宇治抹茶白朱古力奶🍵，啖啖抹茶味，加上白朱古力奶，香濃幼滑！無得輸！🥰🥰～檸檬牛油蜆 蜆肉新鮮無沙，伴碟用心，有小花瓣，蜆都有疉過排好。生洋蔥加上檸檬汁，好鮮甜，完美地平衡左牛油既油膩感，好清新開胃。👍👍～自家製冬陰功虎蝦闊麵 🍤新菜式必食 👍， 冬陰功汁唔太辣又唔漏，加左酸酸既檸檬汁來調味，令２隻大虎蝦更鮮甜，個汁更多層次。闊麵煮得剛剛好，掛上濃而不膩既汁，配搭同味道滿分。～避風塘魷魚鬚新鮮炸起，外皮酥脆又不會厚粉，內裡肉質厚肉彈口，爽口鮮美搭配避風塘口味，邪惡惹味😋～食到最後飽飽地但又好想食埋個甜品，就叫左個提拉米祖(Tiramisu) 🥄嘩～不得了，好大個，估唔到個價錢咁公道，真係好大個， ４個人食都得。芝味幼滑，厚厚朱古力粉，內裏層次分明，啖啖都好滿足！門口打咭位，好欣賞啲碟，枱面係棋盤，對影靚相好有幫助哈哈～另外想大讚店員全場年輕人無停過手，快手快腳快回應，又好主動收碟同埋俾骨碟，好細心。…Read More

約左朋友仔旺角睇戲，想平價醫肚，去左豉油街覓食。果個範圍都有好多冰室但係我地中意蘇杭冰室，因為佢裝修好靚，係保留冰室／茶餐廳果啲卡位架局，但裝修同埋燈光係cafe型 🥰，仲好綠，好多我中意既物~嘻嘻~加分 🥰😗餐牌好多選擇！中式西式應有盡有，款式中高檔但價錢平民得很！入邊係啲好nice 姨姨，會推介野食，又會俾意見俾客人，例如我地呢個見到太多選擇而有困難既人～哈哈！先嗌左杯～＊🩷蘇杭滿滿水果茶 🍹完全無呃人，杯水果茶真係有成半個杯都係水果呀，仲要係有大大粒藍莓🫐，士多啤梨🍓，菠蘿🍍火龍果。。 唔知有冇數漏😂，好震驚係真係用新鮮非罐頭生果，仲要係咁大份量！主食只係叫左一個， 因為小食太吸引哈哈～＊🩷蒜片辣椒帶子意大利粉🌶️ - $118意粉好入味～😋帶子新鮮香煎，蒜片🧄同椒片吊出鮮味，簡單唔花巧亦都無成口味精感。😋👍小食嗌左＊🩷黃金咸蛋雞翼 - $48 4 隻超正呀！真係不得了。生炸超脆，同埋真係有鹹蛋黃，鹹香入味，好新鮮炸，咬落去啲熱油湧出～哈哈好邪惡好正呀！！＊🩷天婦羅炸魷魚鬚 -$48又係熱辣辣，香脆可口大大碟，同一般唔同既係啲魷魚係食到有小小咖哩味，新鮮易咬。最後甜品叫左期間限定～＊🩷宇治抹茶梳乎厘班戟 -$88好大碟呀～兩個pancake，然後舊cream 又係超大舊好厚實～好闊佬 😂震騰騰pancake，濃濃🍵抹茶醬，加上🫘紅豆同埋抹茶蕨餅，我覺得４個人分都得。😅😅甜品menu 上仲有好多癲覆冰室的選擇，下次係旺角唔需要再排糖水／甜品店啦，直接黎呢度都得。😋😋😋…Read More