carmen wanwanwan的個人專頁

燒牛內臟係店家主打，好多菜式都係出面少見；初次嘗試左牛骨髓，口感係粉粉地 同我預期嘅口感唔同～但帶來味蕾上嘅新鮮感🤣最好味嘅係燒牛舌，厚切，燒出黎彈牙多汁，其次最推介嘅係冷烏冬，面有咬口，仲配左一個生鵪鶉蛋，撈落凍烏冬食清新開胃✨另外有order左明太子燒飯糰🍙，燒到表面脆卜卜有種焦香，係口感紮實嘅飯糰睇黎佢地嘅「副產品」，唔係主打嘅燒牛內臟更深得我心，不過個人覺得性價比稍低，但環境同服務都不錯，適合同朋友小聚傾計。…查看更多

如果就咁去到波斯富大廈 你係唔會估到入面係會有間餐廳🤣極之隱世 經過一輪輾轉 終於搵到間店～全晚應該得兩台客人（包括我地🤣） 適合我呢啲鍾意耳根清靜嘅朋友每樣野食都感受到佢地係用心製作 除左一般居酒屋有嘅野食之外，亦有啲野食係出面少有最值得讚賞嘅一點係佢地啲野食調味岩岩好，唔會蓋過食材本身嘅鮮味 好多時啲串燒食食下 淨係得返調味粉嘅味道因為當日係烈日當空嘅正午 行完南丫島嘅郊遊徑 （完全係意志訓練🤣） 所以啲生啤特別好飲 同埋佢地好用心 啲杯係有冰過 令口感更加豐富最鍾意嘅係明太子腐皮燒 腐皮燒得夠脆加埋明太子係完美搭配冷烏冬唔係平時果隻圓形粗身嘅 外型似台灣麵線～ 口感有彈性 配埋應該係鰹魚汁 有種清澈純撲嘅感覺 鱈魚干都係香脆 食到停唔到口 仲有枝豆唔會好重鹽分 啲野食調味真係岩岩好✨✨地方極度隱蔽 所以客人好少 可以安安靜靜咁傾計✨但希望佢地都好生意 繼續保持咁好嘅食物水準🍽️✨…查看更多

星期日夜晚7點到訪，本身想去同區另外一間大排檔，但已經full booking, 就近去左呢度，第一次黎崇潔街，原來附近都好多餐廳選擇，中菜為主，但都有韓國餐廳叫左3樣送，每碟份量都好大 味道整體都有8分以上 會想再訪1. 金牌小炒王 材料好豐富，蝦乾 菜脯腰果 仲有啲好似係炸芋絲嘅物體（唔肯定）好香口 送酒一流2. 椒鹽鮮魷魚即刻炸出黎 粉漿唔會太厚， 入面嘅魷魚都有keep到鮮味 3. 乾炒牛河✨份量依然係好大 牛肉片都毫不吝嗇 食極都有對於我呢啲偏淡口味黎講 味道都適宜整體黎講，味道性價比都唔錯✨…查看更多

為左隆重祝賀7/1回歸🤣 順便慶祝埋朋友生日（生日有畫碟服務提供，可以request簡單嘅圖案） 專登早係半個月前已經Book左位，訂位嘅時候，店家會叫我地揀好食咩set（$788 or $888)或者Omakase$1200up我地揀左$888 set感覺相對會抵啲 多啲海鮮～有鮑魚同龍蝦另外，佢惠顧滿$1500就送斑馬瀨尿蝦一隻或者海膽一板嘅優惠，最後選左海膽～成個體驗係不過不失嘅，食材新鮮，可以全程觀賞廚師料理嘅過程，視覺同味蕾都帶比我唔少新嘅刺激，值得一試但係大部份嘅菜式調味略嫌偏鹹（可能本人口味偏淡），如果調味可以個人化啲， 應該會更好。廚師同服務員態度都算友善，但唔算有乜特別嘅貼心位，整體係中規中矩，對於一啲期待更加細膩服務嘅食客，可能就未必完全符合期望…查看更多

Happy Friday約左同朋友gathering下～已經係第三次到訪當日冇提前預約，去到果陣Waiter話High table就唔洗等～（溫馨提示：高檯下面有個勾勾✔️可以掛袋，咁就坐得舒服D）Order左兩個dinner sets 同行朋友唔飲酒 Order左個熱情果味嘅mocktail 🍹口味都唔算太甜 幾清新✨ 另外杯野飲就order左menu唯一一款draft beer- Orion食物方面，我最鐘意係佢嘅starter-Burrata cheese 加番茄仲配埋少少火箭菜，口感豐富但又清新～Main course order左牛肉千層麵同牛面頰肉手工Pasta 我覺得呢兩款味道略相似～同行友人話Lasagna食得多漏 我就覺得幾好味～芝士足夠甜品有3款可以揀 不過我唸8成嘅客人都係揀Tiramisu 當日除左tiramisu 仲試左另一款 Panna Cotta意式奶凍 出奇地幾好味～面頭有啲野莓醬 成個口感酸酸甜甜Waitress & waiter都好熱情 好friendly><…查看更多

趕係下午茶時間完結前，叫左邪惡嘅芝士西多士，鹹甜組合perfect～同行朋友order左沙爹牛麵，但略顯沙爹味不夠濃侍應嘅服務態度都幾好，雖然係社交平台推介嘅遊客必吃，但食物質素不差性價比高✨…查看更多

星期五晚經Open rice 訂座幫媽子慶祝生日🎂， 經open  rice訂全單有88折，但寫明有人均低消300（88折後），即係平均每個人要消費至少340食物質素唔錯嘅，但因為設有人均最低消費，搞到我地食得有啲壓力，因為野食定價都不高， 中途都check左兩次單睇下過左個數未，，另外，主食選擇不多，得魚湯烏冬帶子，三文魚同吞拿魚刺身都係好新鮮肥美，每一塊都係厚切；馬友係一夜干整法，可以選擇鹽燒或者清蒸，我地揀左清蒸，食落比普通蒸魚更入味，口感紮實，但都保留到份鮮味串燒比較特別嘅係有雞胸軟骨，其他地方不常見，但屋企人略嫌較柴，都係偏向鐘意普通嘅燒雞軟骨～最抵嘅一定係Suntory系列啤酒買一送一，平均每杯都係$24，適合酒鬼朋友們✨第一次試左Suntory黑啤，容易入口…查看更多

服務態度麻麻 食物麻麻～6點半左右入去坐低叫野食，當時得兩檯客叫左兩個麵加一個小食，張單係漏左個小食吉列炸蠔冇落，不過覺得唔算好肚餓就由佢～兩碗麵其中一碗係加腩汁，再加3個餸-豬腩肉➕素牛丸➕黑松露丸，碗麵到果陣，個侍應話轉頭補返啲丸～（唔明點解唔等埋啲餸齊左先上）望一望碗麵 唔似有腩汁 問侍應 佢話已經有加左 唔夠可以再比～OK！ 咁食清啲都OK嘅飲左一啖湯，係微溫果隻，完全唔熱 啲丸到左， 兩粒細到見唔到嘅丸加兩粒大啲，想講一個餸都要加14蚊 雖然知道通脹勁，但未至於咁掛🥲試下粒丸 我都分唔清邊個係黑松露丸邊個係素牛丸…另外，想講個女侍應服務態度都令人不太舒服，額外另上嘅丸未到果陣，突然行過黎拎起我地張單 跟住同廚房講 係牛丸呀～一碗麵等齊啲送再上係基本掛～仲要唔知張單啲送係咩🙂俾錢果陣發現淨係可以比現金，唔夠現金💰要去禁錢，同個女侍應講聲，佢係應都唔應…..真係唔知點解咁多好評……查看更多

見係附近新開嘅寵物友善Cafe今日終於黎到試下搭Lift禁1就直達佢有個for寵物活動嘅區域可以比隻狗仔自由活動 開心仔～😄order左Tea set芝士蛋糕- tea set配埋野飲 超抵😍凍飲就加4蚊 而且佢送左蝴蝶酥比我地試 如果鍾意的話可以係隔離買叫左杯Ice latte 咖啡味適中 合我胃口仲有青醬雞肉意粉 -會配埋湯 可以揀紅湯/白湯/南瓜湯🎃-雞肉份量超多-青醬味就唔算好出 但整體都OK*仲有忌廉蟹肉薯餅個皮好酥脆 入面係熱辣辣 超好味😋Staff服務態度好好 好Nice～食物質素都很好值得推介下次會再試其他野💛💛…查看更多