lingzone's Profile

老公前晚獨自試了呢個車仔麵後，使即刻影張相send俾我，話要介紹我來，於是今晚來試下，睇下有幾好食。老公介紹話要食父親秘制醬，秘制炒腩肉，南乳豬手，而我見到張order紙後，就覺得好細心，因為蔥，芫荽，辣菜脯.....呢d都俾你自己圈要定唔要👍我和老公除了秘制炒腩肉大家都有選擇外，其他都選不同款，咁就可以share試多d款😆南乳豬手真係幾入味👍，而且軟硬度適中；酸齋唔係平時去齋鋪食開嗰d甜甜酸酸，味道顏色會淡些，但又唔錯喔，好食過大圍區另一間車仔麵既酸齋；豬大腸冇嗰種洗唔乾淨既味道，而且部位唔知係唔係切法不同，同我地平時食開既斜切形狀係唔同啦，食落口感多咗；韮菜餃，我個人比較喜歡冇咩肉既韮菜餃，而呢度係豬肉和韮菜比例係一半一半，所以我一般，但變相老公就喜歡，佢成日話我自己包韮菜餃，包到冇豬肉🤣😅；虎皮鳳爪，我可能食慣酒樓嗰種淋淋既質感，所以呢度既Q彈，對我黎講有些怪，但老公話呢d先有口感；牛根腩，唔同平時出面食嗰d同一味道滷水汁去整，再細睇order紙，原來係柱侯醬去整；辣魷魚，呢個唔錯，夠入味而且唔係水魷，我鍾意。最後飲埋粒粒分明軟硬適中既奶茶紅豆冰，大滿足。總結，父親秘制醬真係冇得輸，mix埋湯底真係好吸引你想一隻匙羹只放幾條麵連湯放入口咁食，好野味呀！！！…Read More

12月1日，係我的結婚周年紀念，老公搵到呢間幾有情調既餐廳食飯慶祝。個餐牌都幾巨型，未打開已佔半張枱既size，有8度菜既set，亦可以散叫，由於我個小朋友一同前往，對食亦有自己喜好，所以我地決定散叫。真心的，每道菜有點驚喜，魚籽泡沫生蠔，將檸檬打成泡沫，配上大大隻新鮮肥美生蠔，好味道。我個小朋友自己食晒碟鵝肝多士，一碟兩件，應該係好味既，如果唔係，佢都唔會自己食晒。帶子薏米飯，呢個係好好食，原本我自己食，點之我老公和小朋友試完都忍不住同我share，賣相似risotto，但其實係薏米，口感好QQ，味道亦夠香濃，好食過真正既risotto呀！小朋友自己差不多食晒一份主菜，鵝肝牛柳，佢都share咗少少牛柳俾我和爸爸試，肉質和味道都唔錯。老公就叫咗份半架，肉質好好，帶有丁點酥味，食羊就是要有少少酥先好味。最後係海胆雪糕，呢個要大啖食，口腔會先食到奶味，然後就feel到濃郁既海胆味道，夠創新特別，最滿意係，在我們沒有要求下，但經openrice booking時，只附上慶祝結婚周年，店員會主動在甜品上寫上祝福字句，好細心。店員係每道菜都必定會幫我地換碟，可能覺得我地每道菜都會share，但其實唔係😅，所以呢點我有些唔好意思，但亦要講下，碟係用le creuset品牌，啱晒喜歡呢個品牌既太太們。飲品呢，小朋友叫咗凍檸茶，我就叫咗打卡飲品，係有個大泡泡在飲品上，店員好好，知我未影得切相，主動幫我再整多個泡泡👍👍，老公要咗杯顏色靚靚既飲品。員工知我地結婚周年，送上一枝紅酒，但由於我老公係滴酒不沾既，佢地附送一個靚靚酒袋，讓我地帶走。總結，服務真係令我們好滿意，下次一定會再來…Read More

今日lunch與同事來食，實在好有驚喜，每款都好突出，同事們昨天有食魚頭，食完返公司分享，聽到我都好想來食。真的實在太正了，今次同事們再來，有食其他款式既菜，有酸菜魚~有幾款魚可以選擇 ; 咸蛋黃炒四季豆~這個是我食過的最好味的 ; 涼拌魚皮~酸酸辣辣很開胃，又爽滑 ; 孜然豬仔骨，這個會是我們的新飯堂…Read More

老公主動提出食情人節晚餐，已預早book位，亦已付按金，但按時黎到餐廳時，亦要等足30分鐘先有枱。。。。。。見到餐廳職員唔夠人手，忙到一個點，唔想影響同老公食飯原本開心既心情，唯有默默等待，見到有幾位客人攞返按金後唔食走人，呢晚應該係餐廳在疫情後第一次預到咁Full既booking，所以陣腳大亂，希望如果有下次，可以做好d。講返食物質數先，之前黎過幾次，所以對呢間餐廳係有信心既，餐湯，一如以往，係好飲既，夠晒鮮味香濃蝦刺身他他多士就有點腥，連我本身係一個好鍾意食蝦刺身既人都覺得麻麻，配上一塊硬脆多士，真心一般，係賣相搭夠，因為紅蝦刺身他他整了一個心形個意粉係好味既，松葉蟹鉗和日本鮑魚雖然提唔起味道作用，但亦係提高咗個賣相2杯特飲賣相和味道夠晒正，加分呀！牛扒比元宵節當晚黎食時好好多，牛扒真係5成熟好過7成熟甜品賣相係有點令人失望既，明明隔離格有乾冰造成既煙霧，但到我地上枱時便沒有這效果，um.......一係全場人都冇，一係就全部人都有結論係，平日黎呢間餐廳係會好好多，特別欣賞佢既西式Omakase，真係好多驚喜…Read More

今日同老公在隔離髮型店剪完頭髮，過來一睇，難得唔使等位，即刻入去搵個位坐低。搬咗新店後第一次來，即刻仔細睇下有咩食。老公order了黑椒十勝牛定食配溫泉蛋+桂花拿鐵，個定食賣相唔錯，搞穿個溫泉蛋配上黑椒牛，好match，令牛肉好滑，配菜沙律、蛋絲和泡菜，泡菜味道濃郁，個醬汁比平時所食到既較厚身，好味。至於桂花拿鐵，只是頭幾啖飲到桂花味，之後便沒有，因為就只有杯邊那些桂花。。。。。。我就order了大熱既金沙軟殼蟹三文魚籽海鮮沙律盒子吐司+桂花香梨茶(for 2 person)，先上桂花香梨茶，店員叫等焗多陣先倒出來飲，之後一上簡稱軟殼蟹吐司，隔離左右都即刻望一望，實在太吸睛，切開吐司一睇，裡面有海鮮沙律和炒滑蛋窩藏在內，配上特製醬汁，好味，軟殼蟹唔會炸到好乾身，魚籽有畫龍點睛既功效，炸蕃薯條又好香脆，如果覺得油膩，又有少少沙律作陪襯，以減油膩，最後倒出桂花香梨茶，聞一聞，已經聞到好香既桂花香，飲落有淡淡既果甜，正！…Read More

專程選擇平日入來食牛牛，因為希望唔使點等位，黎到當然要試下被稱為全港最好味既沙嗲牛肉麵，D湯汁係會掛汁架，完全唔係平時茶記食到既湯麵上淋上一羹沙嗲牛咁普通。黑椒牛脷潛艇，大家記得要食潛艇，唔係包，因為潛艇係配厚切牛脷，而包係配薄切，識食牛脷既，當然食厚切啦！椒鹽一口牛面珠登，呢個係必食呀！好淋，但又保留到Collagen，想再野味D，可以自行灑上餐桌上提供幾款不同口味既調味粉，老闆娘推介配麻辣粉會較合適。呢個好味到我地之後再encore多一客😋見到相片有流沙鹹蛋黃魚皮，只係$50，當然要order啦，平時買某品牌既鹹蛋黃魚皮都幾十蚊，仲要唔係熱辣辣，呢個勁香脆，好快俾我們這一家清晒🤣阿仔一黎到已經話要食薯條和雞翼，order了一客色色薯條，是一客原味薯條，可自行配搭餐桌上的調味粉，我自己較為喜歡配蜜糖芥末，阿仔就鍾意配紫菜粉，5、6款不同口味，更有一種啱你。另外阿仔選擇了色色爆汁雞翼，老公和阿仔就喜歡加入孜然粉和麻辣粉，咬落真係爆汁，勁juice!!而我當然order了流沙鹹蛋爆汁雞翼，呢個勁野味，又有鹹蛋黃既香，又爆汁，好想再encore，但已經食唔落。因為食完黑椒牛舌潛艇覺得好好味，所以再order一客鹽燒厚切牛脷心，呢個就略為中規中舉。見到隔離枱既厚切牛脷扒飯勁正，下次再來要試下先…Read More

同朋友慶祝生日，朋友想食醬油蟹，預先book了這間。我們2個人，order了2隻醬油蟹(唔會太咸，能食出鮮甜，而且也很多羔，加上斬好細細件，食得很方便，阿豬媽亦會替我們撈好紫菜飯，)、燒鰻魚(阿豬媽會幫我地燒好，然後續一介紹每種食法，個人覺得隨配料送上的芝麻葉經醃製後，包著更好吃)、海鮮薄餅(口感很QQ，而且size亦很大份)、海鮮豆腐湯(很鮮甜)和一煲米酒(很適合女士飲用)，還有餐廳送上的9款小碟(每款都很不錯)，最後再送上薑味薏米水解膩(這個甜甜的)，超滿足…Read More

大廚從愛爾蘭回來，常常有自家創新混醬口味，風味獨特，製作食物亦很有heart，menu其中有一版是黑暗料理，睇落去好似好古怪，但其實正到爆，餐牌時常更新，絕對唔會悶，跟餐小食只需加少少錢，就有高質享受，唔可以錯過，無論餐湯、小食、意粉、肉類、pizza、甜品都唔可以錯過，開業6、7年，係我一家人既飯堂，朋友約會、生日飯局和過時過節來開餐，很有驚喜和滿足老公最愛寶雲酥羊架，我就最愛佢多款口味既意粉，食過很多款，每次都唔會令我失望，大家千萬唔好怕試餐廳既新菜式，每次都好有驚喜，記得曾經試過蒙古忌廉汁帶子意粉，勁野味；豆豉鯪魚涼瓜炒意粉，原來配搭起來，味道很夾；愛爾蘭傳統香酥鴨，原來配pancake，店員和大廚好細心，知我只有2大1小，但order了3款主菜，怕我們過膩，即時轉了用生菜包，很清新健康；每款pizza可以自選醬汁，用料很也水準。其實仲有很多，但記憶有限，未能盡錄…Read More

今朝一早同小朋友去小店附近的playhouse玩，玩完之後，覺得有些肚餓，便周圍搵美食，附近好多小型食店，行了一圈，便睇中這間賣越式美食，因為本人好鍾意酸味，開胃麻，而且有其他食品都啱小朋友食。最重要附近既小食店係外賣居多，而這間有2限bar枱，4張高櫈，可以小休一下。店主介紹了有套餐，有主食之外，仲有小食和飲品，order了其中一款套餐，包括有扎肉越式法飽，這款套餐小食有2款選擇:扎肉迷你撈檬/餃子3隻，我選擇了扎肉撈檬，飲品方面，選擇了熱既金羅漢果茶。扎肉越式法飽外脆內軟，裡面既配菜亦很新鮮，味道很fresh,不會油膩；而撈檬很香花生味，但個人覺得可以再酸d；金羅漢果茶就飲落去好舒服，有些甘甜。另外再order了一款小食，蔗蝦，這個好香口，食完蝦肉，咬埋蔗汁，好味道。最後再外賣一個越式扎肉法飽返娘家俾媽咪試下，佢食完都話好味，$37值得食…Read More

老公話新開一間食店,於是約埋朋友一齊黎試 有室內室外座位,今日天氣都比較凍,我地都選擇坐室內,店舖內唔係好大,大約有十六個座位,睇得出係有heart既家庭式經營,我地一睇餐牌,嘩,價錢好抵ar,一碟意粉都係三十幾四十蚊碟,心諗應該唔係好大碟,所以order埋小食呢個西多食得好方便, 一舊一口,有花生味or草莓味,老公order咗大路既花生味,當然好味la,又唔油膩,而且麵包食落仲好有彈性,下次要試埋草莓味之後我地4個人分別order咗卡邦尼意粉$40,我成日都覺得呢個看似簡單冇咩料既意粉,一食就知呢間餐廳煮得好唔好,呢間當然唔錯,d汁唔會太多or太少,味道亦唔會過咸,值得一試熊本霜降牛粒意大利粉$48,呢個簡直超值,牛粒並唔係用普通牛,有和牛既味道,好有牛味,食落口仲散發牛脂既香味,yummy!!茄汁肉醬牛丸篇意粉$38,呢款普普通通,但勝在個汁夠開胃,而且價錢好抵食,大大碟經典拿破崙$48,有唔少既中蝦,味道特別,看似茄汁,但食落有少少咸味P.S: 呢度既意大利粉仲跟埋餐飲,你地話係咪好抵食呢?! 之後其實已經幾飽,但一場黎到,當然要食埋甜品先完滿,好癲呀!! 我地食咗好多款,有中式,亦有西式喳咋,老公好喜歡食喳咋,呢度都用好多唔同款既豆豆去煲,足料!!麥米粥,朋友喜歡食,有咬口,但我個人覺得偏甜,但都唔錯!雲尼心太軟$38,呢個係中環五星級酒店甜品師傅主理,心太軟焗得剛剛好,唔會over cook,而且有好多口感,一碟除咗有流漿心太軟及絕配既雲尼嗱雪糕外,仲有脆卜卜既朱古力條、oreao碎、綿花糖,超值呀!! 唔怪得隔離枱既食客都order啦!!芒果奶凍千層蛋糕$25,呢個好好味ar,好fresh,開頭仲以為係夾住芒果肉,但食落先知係好似Serbet既質地,正!!金箔爆炸朱古力卷$25,呢個都係中環五星級酒店甜品師傅主理,又係有唔同口感,朱古力漿+朱古力脆脆既外層,包住朱古力卷蛋,但一d都唔漏,好味!!…Read More

今晚同daddy食完生日飯,就黎咗糖宮,因為屋企人佢地未試過呢間心太軟,只係雪糕味道唔同,大家都話冇介紹錯,正!! 推介!!椰皇燉3.6北海道奶,mummy話食完燉奶之後,仲有好多椰肉食香島,家組話好香榴槤味,正!! 推介!!綠林,好有日式甜品feel魔山,呢個比較普通…Read More

晚上11點幾,接到朋友call落街食糖水 ,同男友即刻換衫衝落去糖宮,嘩!! 好多人排隊,好彩朋友比我地早到攞位今晚分別order了香島 ~ 北海道奶凍、榴槤肉(超香)、榴槤汁、西米露、雪燃(選擇咗菠蘿味),呢個好味過上次食既榴槤飄香,可能因為有榴槤汁芒果小丸子 ~ 朋友order既,我冇食,佢話個汁唔夠香濃朱古力河粉伴芒果雪糕 ~ 上次食過,今次係朋友order,佢覺得河粉唔夠滑,但個味係ok朱古力心太軟伴雪糕 ~ 選擇咗朱古力&曲奇,呢個好味ar!! 下次要再encore…Read More

今日同男友離開新屋後,見到街上有人派傳單,原來係有新既糖水甜品店開張,大圍區已經最少有成六七間,難道呢區既人咁鍾意食糖水甜品?? 無錯,我真係好鍾意 所以一於去試新野男友order咗榴槤飄香,呢個一般,因為個汁底唔夠濃,唔夠杰,但舊榴槤肉好香我就order了朱古力河粉伴雪糕,呢個好味ar!! 有雪糕之餘,仲有oreo碎 + 朱古力可可脆花,當然不能沒有朱古力河粉啦!! 如果個汁底轉埋用朱古力奶底就更加正…Read More

今日係7月1日,香港回歸紀念日,連續有兩日假期,好多人入咗黎長洲,既然知道咁多人黎咗長洲,當然book定枱,好彩book咗咋!! 今晚阿信小廚勁full呀!!油鹽水大花甲,食食下發覺個底有好多粉絲ar!! 正!!蒜蓉炒菜心,忘記影相,但個個食過都讚,夠獲氣蒜蓉粉絲蒸扇貝,普普通通豉椒炒聖子皇,yummy yummy,好野味ar!!粟米魚肚羹,都係忘記影相,唔夠粟米味,但好多魚肚清蒸芝麻斑,蒸得剛剛熟,掌握時間very good,好鮮甜ar!! 過橋豆腐,原來我之前嗰篇食評打錯咗個名ar!!薑蔥炒蟹,好野味食完之後,同行友人都攞咗card片for下次再黎 …Read More

一行四人黎到已經19:45,但門外仲有好多人等緊位,等咗20分鐘左右終於有位喇!!酸辣扎肉雞爪子$52,呢個普普通通,味道夠酸,但唔夠辣,雞腳斬到細細隻,而且又少,配菜就好多,下次唔會再order青木瓜沙律$52,呢個夠酸又夠辣,yummy,個個都話呢個至好食!! ^0^炸蝦餅$64,一般啦,唔夠彈牙,但都有蝦味!!炭燒豬頸肉$58,直情唔好食,未見過咁樣切法,唔知是否呢個原因,食落口一d都唔彈,而且冇咩炭燒味 >.<炭燒沙爹串(雞肉)$58,只能半打都是同一款,不能雙拼,除非order一打,所以記得要多人先好order呢個,如果唔係只能食到一款肉 >.< 個沙爹醬幾香,夠野味冬陰公(窩上)$120,夠酸唔夠辣,勝在多蝦,不過下次唔會再order,因為味道唔及得上平時飲開既好飲,而且價錢唔算平 >_<青口配紅毛丹$74,青口幾好食,但配上紅毛丹既話,成個汁都好甜,怪怪的 >_<香蔥蒜茸包$20,夠香夠脆,好好味,唔使點架喱已經好味道 ^.^鮮蝦金邊粉$68,我每次食泰菜都會order呢個炒金邊粉,而呢度的確炒得幾好味,酸酸甜甜食多碟都得 ^.^貼心Baby $52,即係芒果雙色糯米飯,好多芒果,而且仲好甜,大家如果order呢款做甜品,記得留肚ar!! 因為食完都幾滯 ^^白滑豬豬$40,即係芝士布甸,好香滑,食完想再食 ^^…Read More