siutaotao's Profile

見新年有幾日假期，加上澳門新年期間在指定地方可以放煙花，我和老公到澳門玩玩，不過，我們只是即日來回。因上次已試過附近的一間，所以，今次就試一試新嘢﹗今次亦給我們一個驚喜，因為，我們十分喜歡食生蠔、魚生、雪糕等的東西，所以，會給他一個like，有機會會再次光顧的。首先講吓服務，因為我們預先訂了檯，不用數分鐘已經可以坐定定了，服務員的態度亦很有善，好﹗還境方面，有花園及定內選擇，我們就選了室內，因想優靜一點，不過，花園的坐位可以讓食客一邊食一邊欣賞表演節目，各有長處。講到食物，一埋位服務已放低一個脆皮麵包，食落又真是幾鬆軟。生蠔夠鮮甜、有海水味、即叫即開，我自己一人都食了一打多。魚生就有三文魚、吞拿魚、甜蝦、八爪魚及魷魚，款式都算多選擇，加上師傅把刺生身全部切到厚厚，食落非常有口感、加上又夠新鮮、值得推介。其餘有翡翠螺、大扇貝、長腳蟹、大蝦及青口，我們通通都有試，全部都非常鮮甜。至於熟食都有很多選擇，只不過我們食海鮮及刺身食得太多有點飽的感覺，熟食只有了少少，不過三款湯我都有飲(人參湯、磨菇湯及麵豉湯)，老公就試了牛扒及豬扒，都算ok。甜品及雪糕都不能不試的，我最欣賞的是蘋果批好好味，雪糕就有點似自家制feel。到尾聲的餐飲亦要一提(每人包一杯)，我們叫了兩杯熱檸茶，d茶好有茶香味。整體來說，這餐是沒有選擇錯的。這餐價值為每位MOP388.00另加一，總共MOP853.60。(我們是付港幣的)…Read More

我和老公回到天水圍已經差不多八時了，又想不到食甚麼，加上見到這間又未食過就試一試，一見到門口一大堆人就知要等不少時間了，不過我們都照攞飛等，估不到要等成三十分鐘有多。當晚我們點了周打海鮮湯、肉腸Pizza、甜蝦多利亞飯、蒜蓉焗青口、焗薯角、還加了一位'任飲'。本人覺得周打海鮮湯夠濃味、肉腸Pizza大大個又好味底食、甜蝦多利亞飯雖然份量細咗d，不過二口子都夠食，而且焗得入味芝士粉夠香濃、蒜蓉焗青口味道平平，當晚晚差就是這樣、焗薯角夠香口，不過佢哋落漏單，當薯角嚟到時二口子已經食到飽飽了，食落到沒有甚麼味道了。食到九時左右，發現已過食飯時間了，已再沒有人龍排隊，所以我和老公決定下次過再夜少少嚟食，就不用等了。…Read More

是次是慶祝爸爸生日，所以一行11人再次訂檯食自助餐，我們都算是熟客仔，每年都會去幾次的，以往食都覺得平平所以沒有寫食評，今次見到有進步就試試寫寫囉。食物方面好多選擇︰湯類都有兩款 (中西湯)、海鮮粥夠足料、即選即整湯粉麵夠美味、魚生夠新新鮮、熱盤多選擇 (羊架、鮮牛肉、炒飯、點心、魚、蔬菜、天婦羅、串燒等)、冷盤都不少選擇 (龍蝦仔、螺、煙三文魚、長腳蟹、青口)，可惜沒有生蠔、橙汁、檸檬汁、咖啡、奶茶任君選擇，最意外連罐裝汽水、啤酒、Perrier亦是任飲、甜品有不同款式的蛋糕、西餅、雪糕是 Häagen-Dazs、亦有朱古力吧，整體全場食物都稱得上滿意。服務員態度殷勤又有禮貌，我們都好欣賞，當晚又用了 貴站的優惠劵享有68折優惠，都算底食。…Read More

昨天是本人生日，老公提早一星期致電訂檯，誰不知訂晚上七時去到亦要等，等了十五分鐘這位資客還攞兩杯嘢飲給我們，當時已知事情不妙了，這位資客還不斷向我們說好快有位，她又攞餐牌給我們叫我們選定食物，有位後可以快d有嘢食，最終等了三十分鐘先至有位，我覺得與無訂檯完全無分別。落到樓下第一感覺非常吵鬧、d位又窄。食到中段又要我們轉位，方便佢哋合埋隔離的檯，方便其他人啫所以我們都沒所為，誰不知又一代表作，我們見到他們擺五個位，不過放了十多人落嚟坐這張檯，我和老公立即對望o咀…………….。食物方面︰除了魚生我們覺得還可以之外 (不過款式不多)、吉列炸生蠔味道不好、清酒煮蜆無清酒味、鮑魚雞粥無想像那般好、海老天婦羅等了三十分鐘先至嚟、黃金炸蟹鉗同餐牌差得遠、溫泉玉子不值一提、黃金花枝丸燶到無得再燶及丸內又發現不明物體。最後服務可以值得一讚的，不過都不可以改變我的評分。…Read More

因為老公今日下午已致電訂檯，所以不用花時間等檯，我哋坐的是卡位，所以都覺得好舒服。食物質素都ok，今晚所食的三文魚都算新鮮肥美，所以我和老公都食了三轉。虎蝦、甜蝦、馬刀及貝劍魚都算不過不失。令我有驚喜的是芝士年糕，因為我是第一次食的，食落都好鬆脆、好好味、味道特別。羊架又夠大件、夠香口、有羊味。炸生蠔就夠新鮮、即叫即炸，上檯時還熱辣辣，值得一試。不過，花之戀就令我比較失望，因為貌相唔好、睇落有d散。牛柳就過咗火，有d濃。飲料的選擇不算多、酒精飲品亦要另計(如果啤酒都可以任飲就會更加理想)，不過，總括整餐質素都值得一讚。…Read More

這一餐真是可說無心插柳，因為落巴士落早咗一個站，所以就入咗去光顧了。我只叫咗個日式海鮮炒拉麵，都要$38.00，不包嘢飲，我本人都覺得有點兒貴。雖然炒得幾有火喉同入味，不過，貌相一般，而且，又唔多覺有海鮮囉，只見到兩、三隻蝦同二、三舊魚仔，想想吓都有d唔值的。不過看到餐牌都有好多小菜、粥、粉、麵、飯選擇，有機會都可以再試其他食品。…Read More

因為父親節的關係，所以預早致電訂檯，為父親慶祝，而且有房坐，八個大人和兩個小孩都算坐得舒服，一家人說話都方便d。這間韓燒都已經開了一段長時間，由初初龜背時我們已經幫襯。食物方面都算新鮮、款式都算多選擇，一般牛、羊、魚、雞、豬都有，任君選擇。飲品方面有人蔘雞湯及餐湯選擇，熱食方面亦是好多選擇，有豬腳薑、曼頭、白飯、菜，甜品又有沙律、涼粉、西瓜、啫喱。唯一缺點沒有任飲囉。因為當晚是星期四沒有限時，所以大家都不用食得太急，如果要限時的話，個半小時我們就不夠時間了。 價目︰成人$138.00、小童 (3-9歲)$98，沒有長者優惠，另加一服務費。…Read More

一個人又唔知去邊度食，聽人講話佢哋d魚蛋好彈牙喎，所以走咗入去囉。叫咗一碗魚蛋米、一碟腐乳通菜。通菜都算ok、幾青綠、腐乳幾入味。原來魚蛋真是好彈牙，可以一試。下一次如果再光顧的話，我會選擇試一試他的墨魚丸，因為睇落都好似幾好食。…Read More

發現有間米線店舖新開張，所以去試一試。叫咗一碗豬潤米線及一碗豬軟骨米線 (酸辣湯底)，另加一碟生菜及一杯凍好立克。生菜及凍好立克沒有大問題，都是一般貨式，豬軟骨都算ok，不過，豬潤就………….，因為我本人十分喜歡食豬潤的，所以一食落口就覺得豬潤太硬、無鮮味、太重雪藏味，因此有機會再去的話，都不會叫豬潤了。而且檯面貼上一張溫馨提示︰因環保關係，大家節省用水，各食客如有需要可自行叫服務員提供白開水，這一點我個人覺得唔得大方囉。我都有去過不提供白開水的店舖，不過，他們不會擺出環保兩個字出來。價錢方面HK$29.00一碗單拼米線，我個人覺得都不算平，如果另加一杯凍飲及一碟油菜的話，結賬都要差不多四十多元，所以平唔平就見仁見智。…Read More

當晚7:15左右上都去，見到2位不用等就入咗去試試囉，如果要求不高的話都可以的。火煱料落單不久就已送到面前，這點我最滿意，服務都算ok，服務員自動自覺加水、檯面的吉碟都好快收回。不過火煱料的新鮮度就一般。火煱料都有好多選擇的，雞、牛、豬、魚、各式丸類、菜都會有得選擇。 …Read More

昨天是結婚周年紀念日，又見到在屋企附近，就致電訂檯，因為訂咗檯，所以不用等位。可惜一坐低服務員就向我說︰限時，入坐起計1小時30分鐘。當時我向老公說︰唔夠時間，你快d出去攞嘢入嚟燒。不久又有一個服務員問我們︰要甚麼湯底？我答他︰不需要，我選擇乾燒。不過服務員沒有提及過湯底要另加收費。服務可以說尚可啦﹗食物方面︰選擇種類有豬扒、牛扒、雞扒、紅腸、腸仔、雞腎、雞翼、各式丸、生蠔 (不過出得一轉)。熟食方面︰一般貨式，菜、飯、豬腳、湯等。甜品︰0者0厘糖、布丁、涼粉、自制班戟、雪糕 (只得2種味，連朱古力味都沒有，依一點令到我老公十分失望)。飲料︰只得夏枯草及西洋菜蜜。食物新鮮度都是一般，特別是雞扒 – 肉質有d’梅’囉，雞翼又太咸。因為我攞咗甜品食關係，我發覺隻匙羹十分油，真離譜。因為限時關係，我和老公不斷燒嘢食，好少有交談呀，真可惜﹗服務員又在1小時15分就來叫我們結賬前，真無奈﹗唯一值得一讚是有兩小時免費泊車。還有$50現金劵送贈下次使用，不過只限晚巿及四位或上使用。…Read More

上一次就沒有寫食評，今次補番寫啦﹗因為昨晚天色好好，露天的位置都可以開爐，不用迫在有簷篷的地方坐，所以覺得特別舒服。佢是自助型式的大家可以隨著自己的喜好選擇食物，有雞全翼、半翼亦有兩三種選擇、雞扒、豬扒、牛扒、腸仔、多春魚、羊脾、各式各樣的丸，再包一張水卷及一張汽水卷。亦設有免費迫車方便駕車人仕，加上洗手間都算清潔令我十分欣賞。所以有機會我會再次光顧的。…Read More

我每次到咪咪食晚飯都只會叫鹽焗雞飯，換言之見到晚餐有雞飯先至入去食。不過，今次叫老闆將飯轉為河粉，一樣美味食得好開心，另一值得表揚是杯奶茶，夠香滑好好飲，我個人都十分喜愛。…Read More

今晚自己一個人去咗咪咪車仔麵茶餐廳，因為想試一試杯奶茶有無咪咪茶餐廳般好，結果是差少少。不過，碗車仔麵都可以一試的。加上店舖又整潔，服務又好，所以我都會再次光顧的。…Read More

因為知道店舖面積不大，所以我和兩位同事就預先訂咗檯，一到達就可以好舒服地坐低。當晚我們叫了兩客翡翠螺、1隻麵包蟹、1客鼓汁聖子、1客龍蝦伊麵、1客蒜蓉包、3隻芝士著蓉焗蠔、1客蒜蓉象拔蚌、1客蒜蓉扇貝。服務員又夠細心，因為佢哋見到我們食晒冷盤先至上其他熱食，這一點令到我們十分滿意。…Read More