阿信's Profile

淘大商場的食店一直都比對面街的德福來得多款及便宜, 之但係易手亦很快, 經常會見到同一位置的食店換新, 而這家日本小店, 卻一直沒有被取締, 可能是因為好吃......也有可能是因為難搵 ^^但別以為難搵就易有位, 街坊老饗老早就會來霸位, 小店只有約廿個位, 雖然店外也有"園景位", 但大熱天時就算送汽水也很難捱!開店時間是十一時, 這一次光顧是在十一時許, 但已經淨下兩張枱, 明顯街坊們都是等開門入坐。這小店最出名的午餐, 應該算是"三餸飯",(佢地有個比較靚既名, 但其實即係三餸飯) MENU 在openrice 已有, 除了三餸外, 更可外加小食, 與及upgrade 白飯至三文魚蓉飯或烏冬。魚生看樣子是不錯的,而野菜煮就非常有日本風味,炸蝦不是天婦羅, 是吉列皮, 香脆乾身卻不乾涸,汁煮牛肉比起吉野家好上一倍, 甜甜又有牛肉味,小食墨魚丸在香港來說是合格了, 但比較日本的差上幾倍, 外脆內乾, 木魚碎也不太香, 亦較少墨魚丸汁卻用上沙律汁.....55......我不喜歡......這間小店充滿日式家庭店風格, 而我偶然也會遇到位日本女士做待應及收銀, 不知是否老闆娘, 可惜平時待應的服務比較公式, 係有禮貌的, 只是不配合這種家庭式料理店, 可能因為太忙吧! 想不等位,建議早點......或晚點光顧。…Read More

同桌的朋友一上到去就問, "點搵架你? 食過好食呀?"事實上觀塘這類中價的半私房餐廳愈開愈多, 我也只不過是OPENRICE 估估下, 試過不好咪至多無下次, 通常,食物味道見仁見智, 所以要試過先知, 但食評中提及的服務都不俗, 至少唔會一肚氣就試試吧!觀塘我比較熟, 所以地點非常客易找到, 其實是APM 後門電梯一落去轉右直行約50米就到.當晚三個人, 當日下午訂了坐, 共叫了兩個主菜兩個小食,主菜跟麵包, 湯, 沙律, 基本上一個大男人食得完都會好飽, 三個人sure 食就可以了!先來麵包, 餐湯, 沙律,麵包是牛角包那類型, 小弟不吃包, 但看起來應是好野來的, 湯是羅宋湯, 就是一般OK 好飲的羅宋湯, 沙律也不錯, 一碟分量都夠兩個女仔, 何況有兩碟, 用麻醬撈起, 不俗!主菜大蝦帶子意粉, 一隻大蝦兩隻扇貝, 但最好食係個意粉, 用忌廉煙肉磨菇炒, 非常香口幼滑, 意粉煙韌彈牙, 比起無咩味的大蝦, 與及都算唔錯的扇貝出色得多!另一個主菜係香腸拼盤, 有點後悔, 因為香腸......就是香腸囉, 沒有驚喜也不會難食, 只是當晚很想吃香腸, 而且吃得出其中一條是 johnsonville sausage 的辣腸, 不過香腸的汁及德國酸菜有可能是自己煮的.小食分別點了墨魚仔串燒及生蝦, 墨魚仔就是雪藏墨魚仔串起來兩串, 沒有雪味但也沒有甚麼味, 點汁吃也算可以, 也不貴. 而生蝦應該是我很喜歡到JUSCO 買的那款$50真空雪藏生蝦, 但68蚊有十隻, 而醬汁是自制, 蝦吃起來爽口, 也算不錯!欣賞這裡有個酒精飲品雪櫃,  明碼實價又有外觀, 不是給你一張drink list 一堆意大利文法文西班牙文......對於好酒而不熟酒的我, 看到樣子才認得那款好飲, 這個安排真是好極!Order 了一款曾在西班牙飲過, 當地算普遍的啤酒, 大支裝$128, 如白酒般給你一個冰桶裝住, 而紅白酒最平也是二三百元, 夜晚叫一支加埋小食同朋友吹水一流!服務態度很不錯, 除了介紹一下我點的那支西班牙啤酒, 臨走時我打包了兩個麵包, 也細心的提示盡量不要用微波爐啊, 有焗爐的話會比較好!這樣的小店, 其實不需要5星級環境及禮貌, 親切態度就夠了! 而且食物不錯, 可以再來, 唯一要改善的是.....夏天時冷氣可以大一點嗎......而且燈光也可以暗一點, 就看不清其實沒有太多裝修, 又好似有點氣氛, 那就可以叫多兩杯了!…Read More

恆生卡半價第一撃就係o黎o左呢度食,見佢半價都唔駛等位其實有少少驚難食,不過睇到佢正價d 餐都係一百幾十蚊唔太過份,半價就仲抵, 又唔想等位, 試o下啦!!!兩人叫o左四樣o野:焗薯皮$約三四十-好食, 熱辣辣又香口唔記得咩蝦沙律$約四五十-普通沙律一個牛柳餐$148 套餐+$30-個白湯幾好飲, 牛柳係成個餐牌最貴o既,半價諗住食貴d!!! 而食得出唔係cheap o野,出街買都至少要六七十蚊件! 都好食,如果原價148唔過份,我自己就覺得百二蚊連餐就合理d.西冷羊排-唔知得唔得,我唔食羊,賣相不錯!味道o黎講呢間係可以再返兜而服務方面真係好好態度好有禮貌,問題係好唔熟手,我地坐o既係靠牆o既一排,食飯食一粒鐘多d,至少四五次係俾錯o野,一號客就俾o左三號客, 五號客要o既就俾o左二號.我旁邊o既客就取消o左個薯皮, 因為太耐,埋單走埋, 碟o野竟然出現, 仲放o左o向未執o既枱面度五分鐘有多!我件牛柳用普通刀切到手軟, 理應我order o既時候要換, 不過我切唔到叫佢換就好有禮拜即刻換!女侍應有話唔好意思因為太多人,其實同其他餐廳比真係少人得多,間o野又唔係特別大,不過念在新開張同有禮貌招呼好好,唔會食到一肚氣,只係好搞笑, 算啦!!!最後一提, 個餐牌係自己print 加塊木板o向後面o既,咁o既價位咁o既地方, 好心整靚少少啦!今次真係好抵食,但我相信我無半價都會再o黎, 但下次希望唔會再咁唔熟手喇!…Read More

補寫食評,因為見到好多網友都彈,我都食得唔係咁愉快想講講!之前恆生卡做半價, 等得耐係正常,本來想訂位, 但係話無得訂, 去到拎飛等位,出面位姐姐就唔太耐煩, 不過可以理解,因為好多人問呢樣問o個樣又問等幾耐等等........入到去要坐門口, 算啦, 太多人喇!點菜位阿叔同擺枱位阿姐都幾好人,阿叔仲話恆生請食飯, 半價真係好抵o架,梗係食好d 啦!我地都叫o左好多貴o野, 六個人食到肚爆!而o野食其實真係唔錯,新鮮同份量唔會好少!之不過有位阿哥好似好有禮貌, 但佢d "唔好意思", "等等" 之類o既說話講得非常之求其同唔願意,加上催o左幾樣o野好耐都唔o黎,好似食緊自助火鍋咁!隔o左幾個星期都仲記得個龍蝦剌身由一入坐落單到食完哂加單o既時候再催再食完再等, 之後至話賣哂!唔知係咪貴o野唔俾您半價食太多!但之前話阿叔又話係恆生請, 唔關佢酒樓事,即係佢係唔係都應該賺咁多啦, 咁點解唔一早講話無呢?半價o黎講又新鮮肥牛又象拔蚌剌身等等貴o野真係抵到爆,但後生o既侍應d 服務態度再加上原價一d都唔抵食,相信唔只megabox,其他德興都未必再會去!…Read More

megabox 開o左唔太耐,而呢間o野已經食過兩次,頭一次係假日無恆生卡優惠,最近一次已經再無優惠,第一次食可能好餓,叫o左好多點心,咩鍋貼,魚餃,生煎包等等,本身我好鍾意食水煮牛肉,加埋一個牛肉麵,一個山東大鹵麵, 同埋一個豆沙鍋餅, 三個人食!點心真係好正, 樣樣都物有所值,幾十蚊真係唔貴!水煮牛肉不知所謂, 一o的都唔麻,見到個樣都唔多對路,再食埋就直頭唔對路, 同國內求其一間川菜比都差十倍八倍, 雖然香港無咩食到好o既水煮牛肉, 但呢度連花椒川椒都只落少少,油又唔夠多,辣就真係一般辣, 唔知係咪為o左就返香港人怕肥怕辣喇!我估貴好多o既水煮魚都唔好得去邊! 睇返之前有位網友話好食, 我諗大家自己試o下至知!山東大鹵麵個麵係幾好食, 但係d 料同湯就一般啦,牛肉麵都係一樣, 淡淡的, 大可以試o下淨麵!豆沙鍋餅同點心一樣, 好得!第二次食, 食o左個小食o既雞,唔記得係怪味雞等口水雞,普普通通.再試麵, 今次叫o左應該會濃o的o既紅油牛肉麵,都係唔濃, 紅油唔香, 牛肉, 其實係牛展, 都可以啦, 但都係麵最好食!炒菜就一般酒樓水準, 但係成四十蚊!又係叫o左幾樣點心, 都依然係咁得!甜品要o左酒瀼丸子,廿幾蚊一位, 好食!服務方面係好有禮貌, 好舒服,不過睇落同事之間就好似無咩禮貌同尊重!總括食o左兩次o黎講, 睇o黎小菜方面應該一般過一般,但點心就好好食!…Read More

食之前望望呢度o既食評,就已經好唔想去,但朋友一早約o左o個度食,無計!我對任食火鍋一直都無咩好敢,唔係平好多但又難食好多!其實寧記以前都幾ok,今次食過之後我係同意之前幾位食家所講,o的料真係普通過普通!唔係勁難食o既,但係真係一般街市買o既丸啦,好普通一包十幾蚊o個d肥牛,而選擇方面其實唔算少,但都唔特別,同一般屋村酒樓差唔多!不過衰極都係做火鍋起家, 個麻辣湯底仲係好好,而醬料都好唔錯, 地方都好好!而服務方面唔知係咪睇到呢度,可能係改善o左, 又可能係炒o左d 人,招呼我地o既阿叔幾好人,而且食物都o黎得算係齊, 當然任食o既就唔好期望會叫乜都o黎哂!開o左支紅酒,開瓶費三十蚊,唔會話黑面同埋好快手俾埋d 紅酒杯我地!但個場真係好少人, 埋單之後仲俾o左d 現金卷我地,其實都算係抵食, 屋村酒樓價食返屋村酒樓o野囉,水準就高少少o既, 初初以為會食完一肚氣,去完之後覺得服務都唔錯!…Read More

第二晚o黎mega box食恆生半價餐,由於我好鍾意食泰國菜,所以約o左朋友o黎呢度,一行六人, 諗住之前先book位,打電話去位小姐聽到我想book位好似有少少唔耐煩同為難,問我幾多位, 幾點, 我答o左之後,佢話唔好意思,一係要九點半後,一係要聽晚.....心諗唔係咁巴閉掛,我話自己去拎位ok唔ok, 佢話可以去到至等位!去到之後見到只係full o左一半,但係都係要拎飛.等o左一陣就叫o左我地, o車........仲以為要有排等,佢可能想等埋book o左位o個d夠鐘無o黎至俾我地掛,但點解唔做o左現成o既客先呢?反正成半都無人坐!不過位姐姐就幾好禮貌,唔似得打電話o個位!半價就梗係豪叫, 叫o左:咖哩炒蟹$12x- 我見張張枱都有叫,但到我地o個時就已經無蟹,不過可以轉蝦,都幾好啦,係成隻有手掌咁長o既大頭蝦, 汁方面就普通, 但唔差!海鮮炒闊河粉$5x-$6x (唔記得)幾好食,而且係我喜愛o既闊河粉,炒得幾香,料都足夠串燒($唔記得, 好似4x)問佢o個時話有六串,但o黎到得四串,仲要係街邊串燒七蚊一串o既一半size,o的汁係好食,但如果唔係半價就好貴喇!燒牛排($唔記得,好似3x)燒得好香口,好食!青咖哩燒鴨($唔記得,好似3x)咖哩可以任選紅黃青等等,而料都可以任選雞牛豬等等,見到有燒鴨咁得意就試o下,而青咖哩都係我至愛!份量原來至多至多四人份,我地一人一舊就食哂,青咖哩唔特別香濃,更重要係一o的都唔辣,可能好o岩好多香港人想食辣o野但係又叫人唔好咁辣,但對於我o黎講青咖哩唔辣唔香,咁我食o黎做乜?薄餅$20幾香口,叫o黎點汁食o既,都幾好食,不過少d,得六小塊!生蝦$7x一般貨色,得蝦身,唔太爽口,但由於九龍城泰國餐館o向夏天未必有生蝦,我咁鍾意食,唯有o向度頂住先!泰式燒雞好似係$8x普通燒雞囉, 不過幾好食,真係唔錯!總體上一般,但半價食就抵到爆!服務上, 態度上幾位待應都好好,有禮貌又有笑容,但佢就算微笑而且好有心咁幫我地追d o野食,追極都係未到,再問佢,佢雖然好緊張咁話"仲未o黎呀?",但結果我地個蒜蓉包等o左極之耐o的汁都食哂乾哂都係無o黎到!埋單o既時候叫佢取消埋,咁我地就留意o下張單有無打錯!果然好快手咁無錯, 而且我無講用恆生卡都已經折o左俾我,位小姐話今日o黎o既通常都係恆生卡,所以折定先!只不過我奇怪點解食o左七八舊水,但半價都要五六舊呢? 諗o黎諗去都唔明,朋友話無理由錯呀?唔似會昆人o架.....而且佢旁邊仲打o左個咩drink item -30%,我問佢會唔會七折o左俾我,小姐望一望,話出錯o左,之後張單至係item-50%, 四舊幾差唔多五舊水,咁至計返o岩,好彩個check一check,本來望o下想照俾,愈諗愈唔對路,雖然服務係好,但真係要扣分!…Read More

由於恆生卡做半價的關係,已經試了幾間位於mega box 的食肆!昨晚輪到這間美國"回流"亞洲的越式餐廳!亦由於半價,所以order 得好鬆手,兩個人食o左好多o野:火車頭河粉$4x- 銅鑼灣店好似香濃少少, 熟牛肉反而比生牛香口,而竟然賣相好普通的牛丸好香!湯就清o左少少,我鍾意濃郁d!越式小併盤$9x- 有雞絲粉皮沙律一小碗, 其實唔知係咪叫呢個名, 但係都係呢d o野, 好食!- 粉卷兩件, 一般越南餐廳貨色,一定唔難食但都唔係特別好好食!-春卷兩條, 同上-軟殼蟹兩件, 都係同上-扎肉三件, 亦係同上!牛油大頭蝦$118成舊水一隻平時應該唔會點,不過半價就梗係要食啦!賣相同menu張相都好似,o黎到都好香.而食落口好濃蝦味,肉質其實唔係太好,唔夠彈,但係o的蝦膏真係香到爆,想連殼都食埋!我斷估都應該唔會係新鮮蝦,但真係好香好香,由於佢係開邊, 所以一人有半隻,但隻蝦個頭都有手掌咁大,食完半隻都唔覺淨係食o左半隻!燒牛肉粒沙律$5x睇menu張相驚驚地唔夠多菜同好細盤,但原來都ok, 而且撈得好食, 我唔鍾意食菜都食o左大半! 燒牛肉就普通, 幾香口咁啦!越南啤酒$24咪就係啤酒咁囉,都ok好飲,不過飲品無半價,廿四蚊支未免貴o左o的o者!見到之前有人寫服務好差,我唔係好覺,由於係半價, 所以都好忙, 可能要等耐d至應到,但係都好有禮貌,叫過幾個待應都好有禮貌好幫手,可能對同事差o的掛,但係對客就個個都幾好!唯一問題係要問至會有水, 我見張張枱都無,可能想迫人叫o野飲啦!而家仲算新開張,希望可以keep住好服務啦!由於我係半價(半價唔計加一唔計飲品),所以係非常之抵食,不過,無半價我都應該會再o黎!…Read More