doodlefish的个人专页

香港少見真係有live band嘅餐廳同埋見好多人都推薦食物飲品質素都好高就慕名而來餐廳有兩層，主要用餐區係二樓上樓梯之後就見到閃令令嘅牆同埋餐廳logo好似親身去到電影先見過嘅歌廳咁裝修好復古好靚坐得都好舒服鮮蟹肉干邑龍蝦湯 配 蒜蓉包 $128見到超多人推薦要飲龍蝦湯而家升級咗仲加埋蟹肉每一啖都係滿滿嘅蟹肉濃郁嘅鮮味蒜蓉包焗到好香脆巴塞隆拿脆薯粒配流心蛋及辣肉腸粒 伴 36個月橡果飼黑毛豬火腿 $138脆薯粒焗得非常香脆因為盤仲係好熱，將流心蛋撈勻之後會變成更脆口其餘嘅中和返油膩感少見將辣肉腸切粒，口感好獨特黑毛豬火腿濃郁嘅香味同口感招牌焗美國特級威靈頓牛柳9安士 $498成晚有超過一半嘅人都叫咗依道菜而食過就發現真係非常出色可以講係香港食過最好食嘅威靈頓牛柳都唔過分焗到金黃酥脆嘅酥皮黑毛豬火腿加埋松露菌醬包裹住煎得嫩滑嘅牛柳同埋鵝肝外酥內嫩嘅奢華口感牛柳鮮嫩多汁，松露菌醬將牛肉濃郁嘅香氣昇華每一啖都係最高級嘅享受而家已經好掛住~酒精飲品全部都以歌名命名而非酒精飲品嘅名都好有特色每隻杯都好精緻超中意我哋叫咗係Ms. Hanna &Berrylicious Breeze右邊香奈小姐乳酪令口感更加順滑，好夾香甜嘅芒果汁檸檬、柚子嘅酸度令飲品好清新再加上綠茶微甘嘅回香左邊微風輕梅有自家製嘅混合梅果醬青檸同埋薄荷同樣地令飲品好清新兩杯都非常推薦每晚都有唔同嘅live band表演超有水準嘅演出，唱得好好聽9點半仲有open mic時間好舒服嘅氛圍一邊chill聽住歌一邊食野或者係大班朋友邊飲酒都好正…查看更多

地道港式扒房發掘到太子有另一間地道港式嘅冰室扒房裝修好復古又有格調，坐得又舒服中意膠格仔枱布，好耐無見啦餐湯有紅湯或者白湯，跟餐包牛油除咗塗滿餐包之外記得要加小小入白湯忌廉味會更濃郁~所有扒都跟薯菜，唔係普通薯氣而係波浪粗薯條﹗因為夠粗身所以索晒啲汁都唔會淋鐵板果面好焦香脆口但仲中間係軟身，勁正本來以為轉意粉或者飯加$10，原來係額外加碟上，勁足量嘅份量鐵板上枱之後職員叫你拎起紙巾再淋汁令人開心嘅咋咋聲同埋香氣一齊湧上意粉都會有額外嘅汁有黑椒或燒汁兩種黑椒夠香口但唔會好辣，怕辣嘅男朋友都食到~鐵板牛舌拼肉眼 $158好吸引嘅組合，一睇menu就比佢吸引好大份對得住價錢牛扒叫咗7成熟中間粉嫩嘅顏色睇見都流晒口水因為有薯條鋪底所以唔會被鐵板熱到變更熟係真‧七成熟﹗兩樣都好香嘅牛味而且好軟好入口鐵板珍寶什扒 $138有豬扒、雞扒、珍寶腸、煎蛋勁豐富嘅配搭MVP居然係煎蛋﹗流心蛋黃而燶邊好出色最後仲有啫喱叔叔會抱住一大盤啫喱同花奶出嚟問你要唔要花奶花奶超厚一層，勁開心係雜果啫喱~仲跟餐飲，凍飲加$4茶走同凍華田…查看更多

精選二人套餐 $468套餐勁豐富，包小菜、一份肉、丸類餃類、豆腐、菜、麵、飲品另外仲追加咗一碟西班牙黑豚肉同埋黃金炸響鈴小食三選一，打邊爐一定要加炸魚皮嘅我當然係叫咗黃金炸魚皮閃閃發光唔止賣相靚，咬落脆卜卜，好似薯片咁會有聲每舊都滿鹹蛋黃香又唔膩好食到等唔切鍋嚟已經食晒特濃沙嗲湯鍋超香嘅沙嗲味，中意沙嗲嘅必試無論同肉、菜、麵類都勁夾幾乎無點過醬，因為個湯已經好正就算之後加湯都係咁好食，因為會越煮越濃好多芽菜肉類三選一，淨係牛肉都已經有兩種可以揀極品封門柳(小)一望已經睇得出啲牛肉好靚份量仲一啲都唔小，兩個人食好滿足唔洗打架XD職員話淥6-8秒就食得當然要聽專業嘅意見厚薄適中，雪花均勻肉質夠嫩滑，好濃郁嘅牛肉味手打丸雙拼(4選2)揀咗墨魚丸同埋豬肉丸豬肉丸係MVP!!如果唔係已經好飽勁想encore一睇就知兩種丸係真材實料手打出嚟食落有咬口彈牙第一次食手打豬肉丸所以超驚喜自家製餃子雙拼(4選2)鮮蝦雲吞同鮮蝦水餃每件入面都有原隻鮮蝦真皮薄饀靚百福豆腐有成盒，好滑時令蔬菜紹菜，索晒啲沙嗲湯勁好味主食二選一沙嗲湯一定係食公仔麵，依度仲係出前一丁超開心，仲比埋包粉你完全唔需要落，沙嗲加麵係最正西班牙黑豚肉同牛肉一樣厚薄適中，雪花均勻因為豬肉我會淥耐啲，但都依然好食黃金炸響鈴金黃色，外層明顯嘅鹹蛋醬金香酥脆嘢飲係兩罐汽水或者加錢轉一瓶竹蔗茅根竹蔗茅根都係自家製，足料勁清甜，打邊爐就最正每位職員都好nice食得好滿足又開心嘅一餐聞到隔離雞煲勁香勁正，下次想試埋佢…查看更多

去港島追chiikawa電車途中見到餐廳本來望緊menu果陣咁啱係外面就見到﹗咁有緣而且menu都幾吸引就決定係你啦牛骨餃子麵套餐(有甜品、湯麵、4隻餃子)餃子有韭菜或白菜，揀咗白菜豬肉餃子甜品都有兩款，西施燉蛋或椰香咋喳，揀咗燉蛋湯底係好濃厚嘅牛骨味，直接湯湯飲都好正麵底係米線，可以加$3轉其他麵米線有咬口，好索湯餃子係終極MVP﹗﹗﹗餡好足，菜同肉嘅比例恰到好處加落牛骨湯入面仲索埋啲湯如果食其他麵餐都一定要加餃子牛骨好多舊，每舊都有肉可以食肉煲到好淋好易分離西施燉蛋蛋味都幾香嫩雞白布湯闊麵食落好似沙鍋雲吞雞咁啱另一個餐有餃子就放埋入湯XD好少見嘅闊麵，今次為咗佢而嚟好有咬口，掛湯相對無幼麵咁好感覺好得意有好多菜同雞肉，健康之選雞絲粉皮賣相XD攪勻之後無任何問題麻醬好香，而且仲好濃郁雞絲、青瓜、粉皮嘅份量都好多，兩個人分食就啱啱好粉皮厚切所以超有咬口青瓜切到好幻細好爽口飲品跟餐加$16轉特飲香茅香水檸檬荼同$6豆漿香茅香水檸檬荼好清新，香茅味小小點綴唔會太重味食完湯麵再飲佢幾清新嘅感覺===露面手工拌麵料理@biangbiang.noodle灣仔莊士敦道55-61號修頓大廈地下A號舖…查看更多

米線薯粉都好好食薯粉又好，就算每日食都唔會厭由銅鑼灣去到旺角店，對我嚟講方便好多可以更常食店內都好多位，坐得都舒服店員都超好勁nice餸有超多選擇1人餐酸辣小鍋米線包兩個餸(其他每項收費)，有優惠價加飲品同小食薯粉唔洗額外加錢其中一樣好正嘅係咩都可以自選唔止手撕雞，主食都可以揀要唔要韭菜、芽菜、芫荽、蔥、花生如果有想要嘅仲可以揀多啲花生好香口好脆﹗當然必試金獎腩肉(微辣)小小辣調味夠晒入味，肥瘦部分都有，好有咬口魚肉春卷、豬紅都好食揀咗BB辣，辣度比較溫和，酸味比較出酸菜好入味另外一碗係掠拌，都揀咗薯粉男朋友唔好辣但陪勁中意食米線嘅我食好彩可以揀走辣肉碎幼薯粉好有咬口彈牙又夠掛汁，好正本來睇menu果陣已經決定好要食手撕雞見到小食有細嘅就加咗，只係$8其實都唔細份，手撕雞充滿麻香味椒鹽炸燒賣好有驚喜﹗大推﹗熱焫焫上枱，椒鹽好惹味居然仲有鴛鴦炸饅頭，有煉乳加朱古力醬即叫即炸，外皮夠脆夠熱豆漿同茶超滿足嘅一餐…查看更多

作為沙嗲控嘅我誠心推薦各位都中意沙嗲嘅人必須要嚟試下﹗﹗牛肉亦絕對對得上牛天宮嘅名外觀裝修得好靚職員都好nice已經比我mark入必須再回訪嘅餐廳手工沙嗲手切牛肉沾麵(火鍋)肉質望落勁靚又新鮮厚薄切得恰到好處落鍋度快速淥幾下變色就食得牛肉嫩滑嘅口感配上沙嗲湯係天作之合沙嗲湯足滿濃郁花生味而且湯底會越煮越濃食到中尾段變成沾麵湯厚實濃郁嘅感覺作為超中意沙嗲湯嘅我嚟講依度嘅沙嗲係超出色﹗招牌沙嗲手切牛肉麵可以自選麵底，有拉麵、出前一丁、台式麵揀揀咗拉麵麵質有咬口又掛汁牛肉同樣嫩滑台灣鹽酥雞外脆內嫩調味恰到好處細細粒果啲食落好似爆谷好開心麻辣貓耳朵超出色，中意麻辣嘅人必點麻香味好出，唔會得個辣字真係feel到麻味係舌尖上面跳舞炸花枝丸、炸花之蝦扒兩樣都好好食外面酥脆內裡好彈牙蠔油生菜食太多炸野辣野想食返小小菜清下而且因為白灼仲好健康跟餐可以加配跟餐配餐飲凍冬瓜茶、白桃烏龍(無糖)好解膩白桃烏龍無糖夠晒清新茶香…查看更多

湯底好多選擇而且好重要嘅一樣野係，加湯果陣係加返原本嘅湯﹗﹗唔係淨係加高湯或水，唔洗擔心會食到後期就無味好開心壽喜燒湯湯底超濃郁壽喜燒湯有甜味，無論係肉定係菜都好夾一定要加埋日式拉麵麻辣鴨血湯(+$10)聞落已經好香，好大陣辣味好爽食到最尾覺得個嘴痺痺地添中意食辣嘅好開心，痛苦並快樂著XD澳洲安格斯牛板腱餐有三種牛、雞、豬肉，仲有海鮮有蝦、帆立貝同其他牛肉有三種，當然每樣都試下澳洲安格斯牛板腱、美國CHOICE牛肩肉、美國CAB牛肩胛肉肉質望落都好靚，好重牛味自助吧有超多選擇菜類丸類都有菜葉類一份份嘅放係雪櫃，根莖類放係自助吧可以自由夾居然有萵筍雪櫃仲有日式前菜或泡菜仲有好多甜品同埋雪糕飲品類都有好多口味可以揀汽水、茶類都有齊白桃茶好好飲又夠解膩座位都坐得好舒服~…查看更多

今次嚟朋友推薦每樣都好好食嘅串燒店勁多選擇咩都好吸引好想食有常見款都有好多特別款而且價錢都好抵男朋友話叫咩都得於是就真係叫咗成枱野食真係每樣都好好食特別想推薦必試MVP之一係燒雞皮虎蝦外層雞皮勁香脆包住虎蝦好爽口海鮮類仲叫咗燒扇貝(蒜蓉/芝士味)落單果陣誤會咗以為一次過有晒兩種味原來係分開，但因為咁可以試晒兩種扇貝燒完都有一定份量無乜縮水蒜蓉同芝士唔洗講，睇到都正仲好貼心咁已經清好內臟，得返肉同埋裙邊兩種味都好好食燒聖子(蒜蓉)聖子同樣好正肉好厚，有咬口又夠鮮蒜蓉激多勁夾而且最好就係可以單點一件，就可以咩都試多啲汁燒牛舌尖外皮脆口內裡夠軟身又有咬口好重嘅牛舌味豚肉雞蛋卷一份有4件，足兩隻蛋蛋仲要有流心，極邪惡燒西蘭花苗好少見﹗本來西蘭花苗已經好好食燒完之後有脆皮炭燒味之餘仲食到菜本來嘅甜味仲叫咗娃娃菜都同樣好食串燒多數都係肉食返啲菜好似無咁大罪惡感雞泡魚干厚切﹗好好食鹽燒豬頸肉、五花腩、鵪鶉蛋、豚肉露荀卷外脆內嫩超香口，調味好正明太子卡邦尼煙肉烏冬另外仲加咗隻蛋，於是變咗兩隻但都變成雙倍濃郁雙倍快樂明太子都好足料加埋勁好食又唔膩港式BBQ風味燒花枝丸、鴨胸仲加咗蜜糖好開心荔枝乳酸梳打、白桃乳酸梳打好飲焦糖芝士蛋糕好濃郁嘅芝士味好creamy表層嘅焦糖好脆超級好食作為收尾好完美好彩我比較早去，6點幾就差唔多爆場記得Book定位…查看更多

大玻璃嘅裝修外面種滿好多樹令人一時忘記正身處觀塘中心地帶昏暗嘅燈光好有feel蘑菇松露忌廉湯 $58以咖啡杯裝住充滿泡泡嘅湯﹗面層嘅泡泡口感軟滑蘑菇味超香濃西班牙鬆脆包配香蒜希臘芝士醬 $48鬆脆包外皮金黃酥脆同內裡柔軟口感形成強烈對比當然希臘芝士醬係靈魂所在濃郁嘅芝士味有蒜嘅香味澳洲150日穀飼黑毛安格斯西冷 $278經過150日精心飼養，肉質固然夠鮮嫩多汁7成熟嘅牛扒，外表烤得怡到好處，裡面仲係鮮嫩粉色聞到食落都有好濃厚炭燒嘅味道上枱時仲會點著蠟燭烘住牛扒唔單止好靚夠打卡able，火烘住嘅位置令牛扒保持住微暖有鹽、青醬、燒汁本身炭香味已經好香，再加上肉質夠嫩所以連醬汁都唔洗已經好好食但加埋炸蒜片會令味度更有層次牛油香草烤黃油大雞 $258全隻烤雞，上枱前會先去骨加切件超貼心嘅方式同樣會有蠟燭烘住賣相超靚﹗外皮烤到金黃香脆，每一啖肉都充滿香草嘅清新同牛油嘅濃郁特別係雞翼，MVPSweet Lady $78以White Rum做基調加上Tonic、荔枝、檸檬、玫瑰花苞先淡嚐一口清爽、輕盈，帶有淡淡的甜味Tonic微苦同清爽加上荔枝嘅甘甜仲有檸檬嘅酸味平衡清新而唔膩係視覺上同樣吸引，清澈液體漂浮住鮮紅嘅玫瑰花Mango Matcha Latte $54濃郁嘅抹茶加上甘甜嘅芒果形成奇妙嘅對比深綠色抹茶、純白色牛奶同鮮黃色嘅芒果好美麗分明嘅層次好新鮮而美好嘅組合玄米茶忌廉配愛媛縣柚子啫喱&新鮮蓮霧梳乎厘班戟(2件) $146超有彈性入口即融，好鬆軟又有蛋香玄米茶忌廉比較少見，清香甘甜同梳乎厘班戟好夾蓮霧好爽口清甜柚子啫喱果香濃郁，增加咗清新嘅酸味…查看更多

低消每人一份主食/小食/甜品套餐，包飲品自由斟加$15包餐湯同餐包，仲可以額外加埋沙律不過今日無叫餐湯有兩款，西蘭花忌廉湯同黑松露湯餐包係牛角包，勁鬆軟唔加任何醬料唔點湯已經好好飲兩份餐湯都嗌咗西蘭花忌廉湯個湯勁creamy，保留咗小小口感蔥蒜香蟹肉炒意粉，可以自己揀辣度或者唔辣第一次叫個小辣試下堆到成座山咁高嘅炸蔥下面係滿滿嘅蟹肉﹗食到最尾一啖都仲食到蟹嘅滿足份量意粉掛汁，小小辣好過癮，食到底會更加辣另一份主食係香脆雞扒撈通粉見到撈通粉好得意就試下賣相都好靚通粉係冷盤同我哋想像有啲出入但都幾好食雞扒就比預想嘅更好食外皮香脆肉夠juicy加點咗小食鹹蛋黃黃金炸雞(4件)同埋馬蘇里拉芝士焗薯蓉帶子小食兩樣都超級好食﹗炸雞好食之餘表層佈滿鹹蛋黃，夠鮮味唔係只得鹹味每一啖都超驚喜薯蓉超軟滑香口連埋焗芝士係最高嘅享受飲品自由斟主要有5款飲品好貼心咁冰係另外添加之外，仲有熱茶同水提供每款都好好飲， 清新嘅四季烏龍茶夠晒解膩，仲有汽泡特飲最中意係巨峰提子伯爵茶茶味好香，加埋巨鋒提子甜甜地試完咁多款之後再翻飲佢XD最期待嘅一樣就係甜品抹茶雪糕麻薯拿破崙賣相已經好打卡able拿破崙好酥脆抹茶味超濃郁重點嘅麻薯超煙韌整體好夾好好食啊﹗餐廳座位好舒適職員都好nice未到7點已經爆晒場，唔想等位最好早小小過嚟食咁多野每人都只係二百幾蚊飽肚又滿足仲要好好食﹗好抵依間食過一次已經mark入要再食list…查看更多

Menu超多野食唔知要邊款好花多眼亂每樣都好正咁而且重點係價錢好親民伊賀便當轉芝士咖哩撈烏冬便當超級多款揀最後因為有蒜香比目魚而決定要伊賀便當仲有七味燒豬頸肉、味付螺肉，同埋粒粒蟹籽加州卷本來跟飯(可以揀咖哩飯或者燒汁飯)但電話落單果陣見到可以加%15轉芝士咖哩撈烏冬就加埋超豐富﹗仲用便當盒裝住好靚芝士咖哩撈烏冬好好食，如果中意烏冬推薦試下咖哩係日式咖哩甜甜地唔會太辣芝士仲有火炙過，賣相更加吸引吉列千層芝心豬扒丼配咖哩飯睇到一層一層嘅肉入面同埋滿滿嘅芝士皮都好脆好香口如果芝士可以再多啲多到拉絲就仲正咖哩同烏冬果個一樣，配飯一流椒鹽燒珍寶牛舌好軟熟，牛舌味好濃椒鹽燒完仲好香口波子汽水 + 爆爆珠芒芒多多同便當一齊嗌仲有跟餐價都幾好飲同埋一坐低就有杯熱茶，都好好飲好解膩叫咗咁多都只係2百幾數好滿足，超抵食…查看更多

食過之後對依間念念不忘，於是襯天氣仲未正式轉熱再去(雖然只係藉口，夏天都係會想去食)今次叫LV.4 特級牛小排肉質升級咗之外，其他級別嘅小食都可以叫湯底叫咗關東風壽喜燒(連一隻生蛋)同埋長野蘋果湯湯底入面有兩大塊蘋果一齊煮好得意啊味道好清新，好合適想打邊爐果陣唔想咁熱氣嘅時候牛小排好濃牛味墨魚籽魚滑同芝士牛肉貢丸兩種都好好食﹗尤其係芝士牛肉貢丸，芝士內餡好足會拉絲牛肉味都好濃郁炸物叫咗雞皮餃子、日本一口芝士同腐皮蝦寶炸物全部都即叫即製，上枱熱焫焫香噴噴而且每樣都係一件上，可以試好多種唔同嘅口味一口芝士好食到忍唔住翻兜多轉原來每間分店都有小小唔同嘅配料區配菜相近，有菜有麵，而且種類好多豆腐有普通同埋玉子豆腐壽司都有唔少，仲可以自製冷麵無咗芝麻糊但有沙冰，有兩種口味甜品都有一個大雪櫃仲可以自己裝軟雪糕，沖繩海鹽雪糕味藍色好靚隔離有好多topics可以加好開心好多野食嘅放題…查看更多

淨係一人鍋都已經好多種可以揀主要係湯底嘅唔同餸基本上一樣，有小小唔同台灣本味麻辣鴨血鍋當然就係有麻辣鴨血份量超多嘅火鍋跟餐有一個飯或者米線，而火鍋內已經有芋絲鍋嘅大部分材料都已經煮熟除咗肉類同埋米粉麻辣仲可以較大或者小辣，第一次食當然食原味有辣勁，麻味係有不過未算好出尤其食緊啲好吸水嘅餸就更加覺得辣好彩有叫飲品雙重芝士牛奶鍋肉眼睇已經好多芝士但食落去唔會好似一般芝士湯咁得個樣或者香味真係會拉絲，仲要每一舊肉都可以點到好多芝士芝士味好濃郁，同肉都好夾鹽酥雞拼夜市小香腸份量好多，每樣都炸到好香脆超推薦酥炸花枝丸四粒大大粒真係炸到幾酥脆偏粉有時候紅豆珍珠奶茶 + 愛玉Lemon凍飲兩杯都超好飲﹗愛玉Lemon凍飲夠酸好爽尤其食辣之後再飲好解辣紅豆珍珠奶茶夠甜紅豆同珍珠份量都多好有口感估唔到咁夾茶味都好出…查看更多

厚福街出名多餐廳，多數都係街舖食完就走最近先發現原來同一條街樓上都有隱藏美食﹗裝飾好有特色，好似日本居酒屋咁壽喜燒(牛)見餐廳是日推介就決定嗌牛肉夠香口滑嫩好多菜蔬夠晒入味不過叫果陣以為有埋主食一口牛舌芯串厚切牛舌﹗外層燒得焦香，內裡都幾嫩滑濃厚嘅牛香味加埋附贈嘅芥末醬夠晒解膩燒雞皮蝦顧名思議用雞皮包住嘅蝦金黃色好靚蝦已經仔細咁拆殼好方便食口感好特別雞皮燒得有小小脆口但同時保留咗柔軟嘅口感蝦肉爽口彈牙鹽燒勁香口好味原條太陽蛋蒜蓉茄子特別嘅組合上枱時仲係流心嘅太陽蛋太陽蛋仔細地攪拌每一部分都吸收到太陽蛋更加香滑味道仲好豐富茄子大大條又厚肉好嫩滑加埋蒜蓉有小小辣更香口原條日本五花腩大大條厚切每舊都燒到勁香脆內嫩中間脂肪層好適中鹽燒好正，唔洗加芥末醬都已經好好食果汁乳酸梳打(白桃/青蘋果)解膩一流﹗職員好nice!!好似老朋友咁樣愉快嘅一個晚上…查看更多

台灣一年銷售900萬鍋火鍋品牌香港喺海外首間分店地理位置勁方便嘅文華商場，係正朗豪坊對面，樓上仲有donki添﹗約埋朋友食飽去行街消化一流套餐包括湯底、主食、33款任食蔬菜自助吧、飲品、甜品，最抵食嘅套餐平日$165就食到如果午市主食+自助吧任食仲抵至$88就有先揀湯底第一次食當然要試鎮店招牌石頭湯，另一款就係少見嘅爆炒龍蝦湯今次揀咗最多嘢食嘅極奢套餐 $319牛肉豚肉款式最多，每款都有幾種可以選雞同羊肉都有重點係有超多款海鮮無論魚定蝦都有唔止一款可以選擇無論中意海鮮定食肉獸都要試﹗自助吧有33款菜蔬望落都好新鮮好靚墨魚滑用雪糕勺，好得意好靚嘅海鮮拼盤魚、蝦每款都有點，仲有沙白同原隻魷魚啲冰夠凍，就算慢慢食都唔會融得好快海鮮都好新鮮當然要試多啲極奢套餐先有嘅配料虎蝦大隻得嚟又夠彈牙龍躉石斑夠爽口鮮甜海鮮同爆炒龍蝦湯超夾湯底好足配料，仲有幾隻蝦附上平時打邊爐湯底會越嚟越淡，依度係越食越濃味唔止因為湯底配料一直煲緊味，仲因為加湯嘅時候會加返原湯而唔係普通雞湯/水超開心超讚鎮店招牌石頭湯配料仲豐富有魷魚有蝦米同大量洋蔥加埋肉類好清甜肉類切片好靚每款都好好食，可以自由揀部位MVP係美國熟成霜降牛大大塊又夠肉味，滿足度MAX!飲品種類都有好多阿里山冷泡烏龍夠晒清新濃香奶茶係台式風味，有小小甜另一個MVP係極奢套餐先有嘅 焦糖布蕾面頭用火槍噴過嘅焦糖布蕾好滑好重奶味超好食奶酪有好多種口味，每款都有好多配料都好好食座位都夠晒闊，餐廳裝修空間感都好夠坐得幾舒服枱面都有空間可以放好多嘢食職員都好Nice，整體用餐感覺都超開心~===築間幸福鍋物@ jhujianshabu_hk旺角砵蘭街遠東發展旺角大廈文華商場1樓C…查看更多