PH.G's Profile

事隔1年半，長輩要求下食反王子私房菜，所以提早到星期訂位，一行大細有13人，9位大人，4位小朋友，食後感簡直毀滅曾經既印象，水準斷崖式下降，大失所望。首先係座位安排：早一個星期同經理講座14個位，而經理係電話亦都親口應承會安排大啲嘅台但係當日經理安排咗6人位畀我哋，開口問經理兩次有無大啲既枱，佢先同我講話有，依家換畀你。下？即係有大枱但唔係比一早打電話book左位既人？問號……不過，最令人失望既食物分别係：1. 招牌黑毛豬叉燒：嗌左2碟，色澤暗啡，食落嘅口感韌之餘，完全無鬆化既感覺，味道由內到外死咸，蜜糖係後加上去，成個感覺就好似，街邊買叉燒擺咗一晚，整返熟佢就咁加啲蜜糖。2. 燒腩仔：一上菜顏色已經唔對路，焦黑色偏多，大人同小朋友分別夾兩邊，但小朋友果邊咬咗一啖即刻𖧲返出嚟咗，部份有甚至係有酸臭，酸叔嘅味道，應該係唔同嘅燒腩仔拼湊而成。同經理反映，經理表示係豬騷味。換嗰一碟比我哋，而新嘅一碟就冇以上嘅情況，顏色亦都係金黃色嘅色澤，冇酸臭味亦都冇酸宿嘅味道。3. 小籠包：一般嘅小籠包，肉汁係鮮甜，同埋餡，係應該有肉香味，皮薄餡靚嘅感覺，要食既係食材既原汁原味。但今次小籠包，一上菜，重係出緊蒸氣果時，夾左一個來食，雖然佢嘅皮都好薄，但係餡到絕對唔係一個靚餡，因爲食落第一，肉汁，係偏咸，第二，咬落肉果到，係死感，肉質鬆散，可以話係重口味，食完一個要飲反好多茶先解到咸。4. 蝦餃：最平常不過既蝦餃，夾落去肉同蝦係分開鬆散，蝦肉唔爽，皮無彈性，痴底，一般茶樓既水準之下。5. 流心奶黃包：死甜，唔流心，無香味。 其他平常不過既點心，只能夠話係中等偏下，家中既長輩們食完搖哂頭，經理出來打完場，話體諒下，比多次機會佢地，um.... 但我諗應該唔會再去，埋單2000蚊，如果相同既價錢，寧願係普通茶樓食，平過佢之餘，食物既質素同水準雖然稱唔上好好，但都一定比佢好…………定係而家普遍既質素都大為下降？？？…Read More

今日同個老死做完gym，做完無咩胃口食野同好口渴，諗住行下hea下，熱到呢，見到間好似新開既茶鋪，因為之前經過都好似無咩留意到，咁就係咁易叫啦，感覺都係大同小異嫁啦，而個fd減緊糖問個靚女收銀有無低糖果d，個靚女收銀話係天然水果既甜來，諗落又好似唔錯喎，就叫左杯芝士高山烏龍茶，而我就喊嗌左杯芝士芒果高山烏龍，坐落去真係幾enjoy既，聽住音樂真係差d訓著（可能係攰）咁到拎野飲啦，嘩，我杯咁大杯既？！一飲，咦喂，又ok喎，成杯都芒果來㗎噃，不過烏龍底係淡左小小，真係收反之前果句大同小異，唔知點形容，總括來講唔錯，可以話係好用心去整既飲品，你話抵唔抵飲，我個人認為如果全部天然既飲品，係抵既👏🏻👏🏻…Read More