hcscm's Profile

同老婆去完香工，諗起上次响附近有間高質素既cafe，心諗呢區仲有咩野好食呢？行行下，老婆又唔想食茶記，又唔想太逼人，結果行到"天堂"，唔多人就試下啦。。。結果，伏就係咁開始啦。。。環境裝修其實不錯的，有鏡面牆，係座位比較逼夾，我地買左野黎講，比較狼狽。。。最後叫了 龍利柳薯菜，豬柳意粉，熱咖啡及特飲，特飲真係唔記得咩名😥先講套餐，包湯包及飲品，湯是預計到的粟米忌廉湯，當然無驚喜，也沒失望，只是非常普通的湯而已，聊勝於無啦食物點左龍利柳薯菜，$83薯菜還可以，但魚柳肉好鞋好死，不知翻炸了幾次，黎到都唔係太熱豬柳意粉，$78肉是鞋的，尚有豬味，但皮沒有燒的香味，稍嫌失望，意粉比想像中好，不算太淋，不像茶記再講飲品熱咖啡，跟餐要加$10😑😑😑完全唔掂的熱咖啡，飲得出係水同啡的味道，係分得開既，黎到已經無啡油，跟啡的奶是凍，仲要跟餐加$10，簡直不知所謂是日特飲我老婆飲，話算係不錯的一杯飲品…Read More

終於又到左星期六，今天就相約了住荔枝角的朋友，他說這裏開了一家挺有心的CAFE，帶我來一起嘆返個Brunch~事實上，時間已經過左2點，一點也不早了，但我地還未食早餐，更未食晏，所以我地都係食個豐富點的LUNCH吧這家CAFE位於工廠區，大門口也沒有招牌，無人帶的話，的確不易察覺，店員說因牌照原因，不能放招牌在外，理論上，更不能招待外來賓客，不怕，我地是這大廈的員工，明白的~而這裏的裝潢也很寛闊，我朋友有小朋友，也一點不覺得逼迫，响工廠區有這樣的一個地方，都算不錯，很多植物牆，有萬灰從中一點綠的感覺，不俗。還有一個跟真實時間一樣的大鐘，真的好有格調呢下單要自行到收銀處下單，令我想起EURO GO GO式點餐模式，唔知係咪因為工廠區要快呢？食物大約不到10分鐘就到了，真的非常快最後點了 All Day Breakfast ($88)有爆芝腸同牛仔腸，又有黑松露炒蛋，滿瀉的什沙，很豐富，完全沒欺場，哇，這價錢也太抵了吧跟配 凍即磨咖啡 (+$3)杯挺大杯，比一般餐廳大，而且啡面有些咖啡粉，整體很香很醇。。。最有趣的是，在我們旁邊，有另一枱玩FIGURE的，我同朋友都是男人，男人的其中一種浪漫，就是玩FIGURE，雖然這套FIGURE完全不懂，但看上去型，就得啦，係咪？哈哈…Read More

通常遇到寫上 無味精的，我都是非常敏感的，不知為什麼，對味精的抗拒越大，什至只是呷到少許的味精感，已經感到口乾非常。因此，遇到這間宣稱自己無味精食肆，一方面暗自高興，另一方面更是希望唔好失望的那份焦慮感。。。我只是點了最簡單的 「細蓉」雲吞麵，加腩汁。有5顆雲吞，算係咁，唔記得影相，真失敗，雲吞皮算厚的，但食下去的感覺真的不覺得有味精啊，驚喜。。。因為差不多關舖，好像阻人收工咁，拿拿聲清碗，連湯都飲埋，但飲完後，卻有點點口乾了~~整體來說，不錯，性價比算高的，宣稱無味精，我的感覺是，雖然我都有口乾情況，但程度不高，相信店東也不是放了太多調味料吧…Read More

响正屋企樓下的新舖頭，幾大都要試下先適逢開張，超多人，反正不太趕，就去等一等吧，結果一等，就半小時了。。。最後，我點左 馬來咖喱牛腩飯，我老婆點左 海鮮叻沙。出菜速度尚可，大概15分鐘左右就到了，以新開業來說，挺不錯的馬來咖喱色澤泥黃色，不稠，輕水性，富流動性，很好，味道夠香夠辣，而且更有辣的後勁，非常不俗。海鮮叻沙，色澤呈微橙色，微辣，餸料充足。講真，咁既價錢响屯門來說是貴，但响VCITY來說，是差不多的了，整體來說，是一間不錯的餐廳，會再來的~…Read More

熟食中心環境冇乜變，人流亦都係咁多，而福來棧既野食，出名夠鑊氣，但以前只食過3次，原因係個老闆成日著住條孖煙通走黎行去，睇見都無謂口。今日見佢個仔都仲係度幫佢手，老闆亦著返條西褲，好啦，今次就支持下你地㕸，叫左沙拉豬扒同埋芥蘭炒牛肉，跟中湯同飲品，湯係金銀蛋青紅羅蔔煲豬骨湯，好飲，夠清甜，同埋好多湯料，正芥蘭牛肉，夠鑊氣，牛肉夠林唔靱，芥蘭爽而不會太油既感覺但沙拉豬扒感覺好似茄汁豬扒後加啲沙律醬就算，唔知係咪整錯左，後期補數算呢？！整體不俗，勝在夠鑊氣，不過如果要好生意啲既話，就真係要再加把勁啦…Read More

今日老細之前因為產假關係未同我地慶祝生日，結果今次搵我發板，因我地往年都係食西餐，所以今次我就揀左老上海，食下中餐啦，其實以前我係幾討厭上海菜家，不過太耐無食，又即管試下啦~我地一行6人，因為星期五，我地預早訂定位食午餐，唔使等位不過因為老細叫野食，我唔記得啲菜式名，不過有幾樣我好中意食，上海小籠包，真係皮薄餡靚，，一夾起，會浪浪下，入面啲肉汁一咬落去即刻唧哂出黎，正~另外，有款炒麵又係好正，有肉絲有豆乾，麵質一般，不過佢啲配料炒得好有鑊氣，咸味適中，配合得好唔錯~另一款我覺得好唔錯既係「陽春麵」，有人講過越簡單既野食，越難做得好，結果呢度既陽春麵偏偏令我愛上，陽春麵係最後上既一道菜，我啲同事個個都只係食左少少，結果，剩返兩碗，我就老實不客氣，全食清光，呢度既陽春麵，不會有出面果浸鹼水味，亦都唔會好油或好有味精感覺，而個麵底都打到一個煙靭唔易斷，真係寫到都好想食返碗XD最後，啲女同事話想食豆沙鍋餅，呢道菜亦係我好中意既菜式，不過老上海就做得一般了，唔夠外脆內軟~整體我地都好滿意呢餐午餐，我地會再黎既~^^…Read More

今日同女朋友蛇王行中環，收到張傳單，見到唔使$40有個日式下午茶餐，憑券仲有杯乳酪雪糕送添，所以今日我地就試下佢既下午茶啦叫左一個自家製咖喱牛肉飯，一個日式豚肉拉麵，各送可樂一罐。日式豚肉拉麵，首先講湯底，一個字: 「差」，無味，唔香唔稠，似味精水多過湯…因為啲拉麵鹼水味仲好重，令到啲湯吸哂啲鹼水味，所以好差，豚肉好「蘇」，總體唔合格~咖喱牛肉飯，咖喱味好香，夠濃夠香又唔太辣，配合牛肉飯，夠哂野味，唔錯~至於個雪糕，雖然細細杯，送既無所謂啦，味道幾特別，拔落去好實，但入口即融，感覺細滑，乳酪味夠重，又唔會好奶，好味，加埋少少士多啤利topping，正~…Read More

其實呢間功夫點心，我同女朋友都成日食，因為佢係我屋企附近之餘，D點心都唔錯，最重要係佢地之前有款湯叫做海中寶係非常非常之正家~可惜，好景不常，海中寶而家無左之外，個湯係南北杏木瓜燉雞腳湯，而且D野食質素好明顯係差左，唔知係咪換左總廚?總體黎講，今日我地叫左南北杏木瓜燉雞腳湯小籠包叉燒腸香煎糯米雞酥脆焗奶皇包上湯浸時蔬今日最令我地滿意既係叉燒腸粉，真係晶瑩剔透，唔散之餘皮好薄好滑，糯米雞則仍是我地既最愛，呢度既糯米雞同出面既好明顯不同，飯面同飯底都用蛋煎到香脆，好香好食，不過奶皇包就唔多掂，食得出硬實感但熱既感覺似係微波爐既傑作~ 而上湯浸時蔬，唔知係咪啲菜已經接近黃定點呢，好苦，無菜應有既甜味總體黎講，質素算是不錯的，價錢也夠大眾化，我都會繼續黎既…Read More

今日同埋女朋友既屋企人一齊行街，聽朋友講，太子有間一點心係米芝蓮三星云云，今日順道就去試下~去到叫野食，哈...竟然好多都賣哂，店員仲同我地講，如果想食啲咩，可以打定電話比佢地預留，我地都呆左，想不到可以旺成咁，我地都叫左好多野食有馬拉糕叉燒腸金錢肚招牌牛肉球眉豆煲豬骨湯...唔記得左真係好唔錯，尤其係馬拉糕，真係未食過咁好食既馬拉糕，好鬆好軟但唔會散家，真係好好食，腸粉亦都好唔錯，晶瑩剔透，正，個湯亦都飲得出係真材實料...因為真係好多料係入面...哈，但唯一美中不足的，就係牛肉名過其實啦~放心，下次一定返黎…Read More

去到新世紀想食一間西餐，揀左Apple Green，叫左個什菌沙律($58)，什菌係熱既，同D沙律凍凍地混埋既感覺幾好，沙律跟一塊香蕉蛋糕，都幾軟熟，又夠香蕉味，不過你要同佢地講先會加比你嫁~另叫左個大蜆意粉加大蝦，& 夏威夷安格斯肉眼牛扒，先講大蜆意粉加大蝦 ($102+$26): 一食隻蜆，嘩! 好多沙呀，完全食唔到~ 以為係果隻問題啦，試多隻，都係一樣! 所以叫WAITRESS 同我地換過碟，結果佢問左師傅可能呢一批有問題，叫我地轉過第二款我同女朋友問返個職員，有咩好介紹，佢介紹左個 明太子意粉加大蝦 ($102+$26 = $128)~竟然係意粉先黎，呢D 咪就係遲黎先上岸?! XD 明太子意粉加大蝦: 2個字，難食>.< 因為當明太子加左沙律醬撈埋D意粉，個感覺好怪好核突，成條唔知係咩咁，溫度暖暖地又有少少凍又同時酸酸地，大家有冇似曾相識? 好似暈完浪之後……唔講= = 結果我呢個咁中意食意粉既人都只可以食到兩啖…莫講話我女朋友，佢食左一啖即刻吐返出黎…到走時，好似成碟未食過咁，可能係我地食唔慣啦~夏威夷安格斯肉眼扒($258): 原來個名咁得意，初頭我地都好大期望，但結果係失望既，因為夏威夷只係多左兩楷波蘿…而唔係有啲特別既汁醬>.< 而牛扒雖然話係安格斯，但卻食唔出任何Juicy，因為我係叫5成，可能師傅煎過左火，浪費左安格斯應有既鮮嫩感，坦白講，安格斯牛扒係非常容易煎既…如果咁都會失手，個師傅真係要檢討一下~總結，可能下次我只會黎食沙律，晚餐就唔洗預我啦~…Read More

今日我正日生日，今日天氣亦都非常好，藍天白雲，我徒弟仔請我食午餐當慶祝，結果我地揀左一間想試好耐既泰國餐廳~入口只有一條長2層樓既樓梯= =，未食飯先出汗，浴路有多個小和尚既擺設，好得意好靚~，入到去，無得坐室內，只可坐露天位，33度天氣，不過好在佢地有個裝左乾冰既風扇迴旋咁吹…都舒服既^^我叫左個豬頸肉配飯 跟周打蜆湯 + 泰式凍奶茶，我徒弟仔叫左個青咖喱牛腩配飯跟周打蜆湯 + 泰式凍奶茶事實上，豬頸肉係泰國野食黎講，基本上係食豬肉必食既部位，呢度亦醃得夠味，亦夠稔，可幸食落感覺不多味精，周打蜆湯材料亦不少，不錯~ 而青咖喱牛腩飯，我徒弟既評語則一般，因為感覺跟茶餐廳不相伯仲，只是盛載既碟比茶餐廳靚~而最令我地欣嘗既係杯奶茶，我徒弟係美國都飲過，佢話味道一模一樣，但奇怪既係…我去泰國既時候，卻未飲過泰式奶茶~@@，反而美國先有得飲…HA……Read More

今日約左幾個朋友飲野吹水，飲野之前去左中環的翠華食啲野。叫左一個招牌魚旦河 加一個豬軟骨飯同埋上湯浸娃娃菜，魚旦都幾彈呀! 算係幾好~^^上湯浸娃娃菜用魚湯底，幾清同有魚鮮味，豬軟骨飯朋友就話一般啦~! 普通咁 law! 講真係翠華食真係唔平，講野食質數的話…..只係一般，不過座位上坐得舒服過好多茶餐廳，同埋係中環收得夜，有一間開24小時tam，所以係其中之一的選擇。…Read More

晚餐係銅鑼灣搵野食，見到有一問用可口可樂做主題的西餐廳，覺得幾特別，所以試一下。叫左2個晚餐，一個招牌咖哩雞 $58，另一個係西西里厚切豬扒,$65，包一個餐湯 + 一支細可樂，如果要加大支可樂，要加多 5元，朋友仲另外加左 15 元將個餐湯轉做龍蝦湯，龍蝦湯朋友話唔太好飲，因為冇咩龍蝦味，個湯又唔夠鮮，至於個西西里厚切豬扒，豬扒夠(林)，西西里汁好香，薯菜用上焗薯，加左一D香草上去焗，令到薯仔味更香更入味，至於我自己個招牌咖哩雞，就真係麻麻地啦！咖哩冇咖哩味，又唔夠辣，得個黃色，D雞好(鞋)呀！總體黎講，可以試一下，不過唔好太大的期望，同埋當一般晚餐都可以的，要想好好食，就可以選擇其他啦！…Read More

猷記得一年前，我同個客一齊係呢間café食過lunch，事隔一年，想不到跟去年的約會只有一天之差，http://www.openrice.com/restaurant/commentdetail.htm?commentid=2201580，哈，真巧合，不過今次約左係星期六。講返正題，坦白講，我唔係睇返d食評都唔記得左個樣，原來同以前既logo &環境都變化左好多。最令我震撼既，就係一出電梯，哇…哈囉喂既裝飾出哂黎呀，又蜘蛛又骷髏又蝙蝠，好得意，幾有氣氛丫~講返野食，我地有三個都叫左卡邦尼意粉，另外就黑松露意大利飯同埋露筍大蝦意粉，事隔一年後既今日，質素都keep到喎，卡邦尼意粉夠味又夠煙韌，又唔覺漏，而且比以前更得意，隻蛋係分開上家，哈，唔知係咪因為星期六唔多客呢？另外，黑松露意大利飯，我試左啖，米質真係唔錯，硬身得黎夠煙韌，食得出既意大利米，黑松露味又夠，唔錯，大蝦意粉，隻蝦夠大隻，味道我個客都讚，辣味適中其實我平時寫食評好少影相，今日我都破例用左自己部電話影左ｄ，希望唔好嚇親大家啦@@…Read More

為慶祝4月份team target 爆燈, 老細請食飯, 揀左一間想試好耐但一直無乜同事肯陪我食既King Ludwig, 老實講, 剩係食佢既自助沙律已經夠皮, 再加埋主菜, 真係飽飽...最令我驚訝的是, 佢地自助沙律意然有紅菜頭, 出面買細菜頭, 好多時都要去d有機蔬菜舖先買到, 平極都有個普...所以呢...我地一行6人, 將佢一碗紅菜頭掃哂...其他雜菜沙律呀, 面包呀, 芝士呀, 生果呀, 全都好唔錯, 好明顯無歉場, 結果我地都食唔少, 不過都要留個肚食甜品~基本上佢成個set lunch menu, 我地全叫了, 然後大家share, 去到呢度, 其實都好好的, 不過, 原來其他set lunch係好細份量家喳, 最抵食既都係自助沙律, 其他既就唔係咁值得叫啦甜品方面, 原來佢地係會臨時轉家, 我地食到成2點, 個甜品就係tiramisu凍餅, 都幾好食美中不足既係 d 服務生既態度真係好麻麻, 叫佢, 佢地係好悔氣咁應完之後, 隔左好耐都唔過黎不突止, 仲要喝返我地轉頭, 呢度要扣分…Read More