fan2020628的个人专页

前幾日同屋企人去咗元朗老掌櫃食lunch. 呢間地方大，環境舒適。元朗呢間係位於西菁街富達廣場出面，千色附近。好易搵。我哋叫咗午市套餐。佢有好多選擇，我哋叫咗秘製杭州骨、翠肉瓜炒牛肉、農家炒飯。呢幾樣都幾好味，每樣餸份量都好多。秘製杭州骨，肉質嫩滑，煮得剛剛好，糖醋汁好入味和惹味。餸飯非常好。翠肉瓜炒牛肉，翠肉瓜爽翠，牛肉嫩滑。農家炒飯。飯炒得幾好，飯粒分明。材料有粟米、蝦仁、紅蘿蔔粒等。材料好似好普通，但係食落又幾好食，有驚喜！原來平時午市佢哋仲有自助餐。$58一位。有多款餸菜，我見啲餸菜都幾好食。仲有熱豆漿同湯任飲。呢個價錢食自助餐都幾低！供應時間上午十一時半至下午四時。員工服務態度都好好，好細心同有禮貌。呢間屬於價錢大眾化的東北菜，食物質素竟然唔錯，有驚喜！呢個價錢，係幾超值。下次會試吓佢哋嘅午市自助餐。…查看更多

前日同老公去咗元朗一間地道台式小店食嘢。位於元朗鳳翔路的羅東肉焿番。我哋見二人套餐幾抵食，食物又多，又有我哋想食嘅嘢，所以就叫咗二人套餐。套餐包括主食2款 ＋蔬菜＋小吃＋蛋餅+飲品。⭐️台灣紅燒牛肉湯麵。牛肉夠腍身，麵質好幼滑，湯底濃郁。⭐️魯肉乾拌麵。有魯肉醬料拌麵一齊食，好夠味。⭐️鹽酥一口雞粒。好香口，外面脆口，雞肉粒嫩滑，唔會硬身。⭐️肉鬆蛋餅。蛋餅一咬落去好軟綿綿。肉鬆同蛋餅嘅味道好夾。好好味。⭐️飲品我哋叫咗冬瓜茶，味道剛剛好，唔會太甜亦唔會太淡。好清新。元朗小店呢間幾好食。除咗午餐之外，呢度都有下午茶，下次會再嚟！…查看更多

昨晚同朋友去位於中環街市的竹麓拉麵食拉麵。我覺得呢度foodcourt嘅環境幾舒服，所以間唔中都會嚟呢度食嘢。佢由原本係中環街市，之後改為食肆、商舖，裝修設計都好有特色，有格調。我哋叫咗⭐️和牛肉鹽風拉麵。和牛好滑，充滿油脂香。麵質好味，爽口彈牙，軟硬度適中。⭐️海老味噌拉麵，湯底濃郁，有豐富嘅鮮蝦味道。大蝦爽口鮮味。⭐️免治雞肉捧，呢個雞肉串入面有雞軟骨，好有咬口，有口感。有D餐廳嘅雞肉串入面係冇雞軟骨的。所以我鍾意呢間嘅雞肉串。⭐️和牛背脂和牛小碗丼，夠油潤，味道好，適合和牛愛好者。總括嚟講，我覺得呢間嘅性價比幾高，一百蚊內就食到呢個高質嘅拉麵。…查看更多

第一次去位於銅鑼灣希慎廣場B2樓下的Slow Cow. 呢間係以food court形式。座位舒適，好闊落，唔會太逼人。之前聽到好多人都話呢間嘅慢煮牛肉同和牛丼好味。所以一定要來試吓。⭐️A4 日本和牛丼～入口即溶嘅和牛真係好好味，和牛粒一放入口，充滿住油脂香濃味道，真材實料。加上脆香蒜片，超級香。配上紅酒照燒汁，味道濃郁，伴飯食可以食到好多飯。我下次會追加多個飯。⭐️Slow Cow 招牌：慢煮熟成美國優質牛肉丼配日式炒雜菜～雜菜上舖滿一片片牛肉。牛肉好嫩滑，牛肉每一塊嘅油脂都分佈均混。好有牛肉味。配上咖喱蛋黃醬。呢個醬又係好好味！我第一次食呢隻醬，蛋黃醬帶點微微嘅咖喱味，個味道好好。點牛肉食，味道好夾。唔係誇張，真係超級好味！其實唔點醬，牛肉已經好味，點埋醬又有另一種感覺。呢間嘅牛肉丼真係堅好味，我而家仲回味緊。相信我好快會再幫襯第二次。…查看更多

第一次去銅鑼灣登龍街呢間麵店食麵。入面以木枱凳為主，佢有圓枱同bar枱，環境乾淨企理。裝修有D似八十年代的麵館，富有港式情懷。我叫咗三拼麵。櫻花蝦雲吞、慢煮牛腩、墨魚丸。面底我揀咗幼麵。櫻花蝦雲吞好大粒，非常足料。雲吞入面加入左櫻花蝦，比平時傳統嘅雲吞，味道同口感更加豐富，多咗櫻花蝦嘅味道，咬入口更加香。慢煮牛腩，佢哋嘅牛腩係自家炆，炆得好好味，好爽口，半肥瘦，咬落去有牛嘅油香味同埋好濃郁嘅牛肉味。墨魚丸爽口彈牙。湯底係大地魚雞白湯，每日熬足8小時，味道濃郁，好有魚嘅鮮味同清甜。我差唔多成碗湯飲晒。佢哋嘅麵係選用超過50年老字號嘅永樂粉麵廠。品質有保證。喺銅鑼灣可以搵到一間40幾蚊就可以食到一碗麵嘅麵店，係好難得！經濟實惠之餘，仲要係好味、質素好。呢間富有人情味小店，值得推介！…查看更多

尖沙咀How To Live Well, 係其中一間我幾鍾意嘅cafe. 餐廳以木色為主，簡約得來好有型格，我幾鍾意呢類型嘅餐廳。好有文青感覺。座位闊落舒服。嗰日我同朋友平日去食晚餐，好多食客，生意好好。頭盤叫咗煙三文魚薄切。配上香橙忌廉汁，好開胃清新。扒日本豚肉。豚肉扒好厚身，但係咬落去肉質係好爽同腍身，旁邊有肉桂蘋果醬，蘋果粒帶點甜味，好開胃。黑松露野菌波菜扁意粉。意粉軟硬度同味道都剛剛好。好多野菌。好足料。焦糖芝士布甸配雪糕。佢嘅雲呢拿雪糕好好味，有雲呢拿籽。布甸甜味適中，味道香濃。好鍾意佢哋新推出嘅兩款飲品，顏色好靚好吸引！所以我哋都叫咗呢兩杯。Strawberry & Peach Oolong, 桃味烏龍茶味道清清地，唔會好甜。烏龍茶上面有一層奶蓋，好幼滑。Ice Cream Lychee Soda, 荔枝糖漿加入梳打，味道調較得剛剛好。雲呢拿雪糕好好食。飲品好淸新，好啱夏天飲。整體來講呢食物、飲品同環境都好好，下次都會再去。…查看更多

上星期夜晚去咗銅鑼灣龍點心食點心。呢間係新派嘅點心店，鍾意食點心嘅我一定要嚟。食店裝修好有特色，以橙色和綠色為主。門口有一些香港情懷嘅小禮品賣。，入面座位坐得舒服，有梳化位同卡位。呢間係點心專門店，所以有好多點心選擇。我哋叫咗，期間限定的港原味2.0燒賣拼盤，有六粒唔同口味嘅燒賣。芫荽馬碲燒賣、香辣雞軟骨燒賣、蘇薑馬友鹹魚燒賣、XO醬帶子燒賣、梅菜扣肉燒賣、大澳蝦醬墨魚燒賣。肉鬆馬拉糕，馬拉糕上舖滿肉鬆，呢個配搭好特別，味道好夾，幾好味，有驚喜。白灼蘭花苔，芥蘭熟度啱啱好，佢個豉油汁好味。翡翠響鈴腸粉，綠色的腸粉皮入面包住響鈴，好特別，顏色賣相都好靚。咬落去脆脆嘅口感，外軟內脆。斑蘭麻蓉桃子，壽包細細粒，好得意。佢同平時傳統嘅壽包唔同，平時係蓮蓉餡，佢呢個係斑蘭餡，好有斑蘭味。 第一次食斑蘭味嘅壽包，好特別！鰻魚荷葉飯，鰻魚份量多，肉質好味。飯入面淋咗些醬汁，好濃郁，令到荷葉飯更加好味。南北杏菜膽燉豬肺，湯好清甜，好足料。呢個湯有清熱潤肺止咳化痰的療效。呢間嘅點心好有特色同創意，食物都好味。去得多傳統嘅酒樓飲茶，不妨可以嚟呢度試吓。…查看更多

上星期去咗銅鑼灣食poke bowl. 朋友話我知原來而家好流行食poke bowl. 咁啱我最近比較熱氣，想食得清淡健康D，所以去咗呢間食。Tuna The Classic有吞拿魚，牛油果，青瓜，新鮮芒果，芝麻配自製醬油。飯上面鋪滿所有配料，好豐富！Tuna刺身好新鮮。牛油果同青瓜都好Fresh, 配上芒果，成個配搭都好清新。I Am Greedy有三文魚，吞拿魚，鮮蝦，蟹柳沙律，蟹籽，雞蛋絲，青瓜，枝豆，芝麻配自製醬油。食材好豐富，乜都有，健康又有營養。飯底可以選擇壽司飯、壽司飯配沙律、糙米飯等。我揀咗壽司飯。飯入面加咗少少自製醬油，有些調味，味道啱啱好。加埋新鮮嘅刺身一齊食，份外覺得鮮味。Menu除咗有一D指定嘅poke bowl之外，仲有自選menu, 你可以自己選擇材料製作poke bowl. 飲品我叫咗熱情果菠蘿梳打。熱情果加菠蘿，味道好清新。其實我係第一次食poke bowl. 初初以為會唔會冇咩味道，但原來係好味。同埋係健康、有營養又夠飽肚。呢間值得推介！…查看更多

今次係第二次去Crepe Delicious食嘢。記得第一次去係幾年前聖誕節期間，利東街好有聖誕氣氛，佈置得好靚。餐廳有兩層，樓上有卡位，坐位舒適。餐廳以橙色、藍色為主調色。佢哋而家推出咗All you can eat. 每位$298. 前菜任食：蒜蓉焗青口、凱撒沙律配煙三文魚、蜜糖雞翼、水牛城雞翼、🍤吉列炸蝦、粟米片配牛油果及墨西哥辣椒醬、黑松露薯條、脆炸洋蔥圈我比較鍾意兩款雞翼，好入味。薯條新鮮熱辣，配上黑松露醬，好味道。主菜我哋揀咗北海道帶子蟹肉可麗餅同黑松霤忌廉雞肉關條麵。甜嘅可麗餅就食過幾次，咸嘅就比較少食。帶子爽口，可麗餅入面有好多蟹肉，咬落去啖啖肉。黑松霤忌廉雞肉關條麵，麵質軟硬度適中。意式雪糕Gelato我揀咗朱古力味，超好味，好濃郁嘅朱古力味，軟綿綿。…查看更多

第一次嚟灣仔呢間段純貞晚膳。呢間食台灣菜的。同朋友喺灣仔，經過望到入面地方都幾大，坐位舒服，牛肉麵好似好好味咁。所以想嚟試下。我同朋友叫咗招牌紅燒腱心牛肉麵同埋濃湯燉雞麵。可以選擇細麵或者手工麵。招牌紅燒腱心牛肉麵，牛肉好腍身嫩滑，湯底濃郁，帶點微辣，好惹味。手工麵幾大塊，麵質彈牙有口感。濃湯燉雞麵🍜，雞湯鮮味濃郁，奶白色的湯底，好清甜，不油膩。入面有兩件雞肉，其中一件係雞脾，啖啖肉。肉質好鮮嫩。細麵麵質軟硬度適中，有咬口。藥膳雞翼，個湯用了藥材去燉煮，味道香濃，好滋補養生。雞翼帶點藥膳味道，好香滑。三星蔥肉鍋餅，皮薄香脆，好香葱油味。芒果QQ， 味道剛好，我叫左正常甜都唔會太甜。好足料，珍珠好Q彈。…查看更多

元朗有好多小店同cafe. 最近去咗新開嘅Treeoo cafe. 呢間係位於元朗鳳群街。Cafe裝修簡約、舒服。門口落地玻璃窗，日光照射入cafe, 光線柔和舒服。我好鍾意食all day breakfast, 見到呢度都有得食。呢個all day breakfast好豐富。有明治牛乳炒蛋、牛油啡菇、火腿、日式豬肉腸、薯餅、茄汁焗豆、手工牛角包。炒蛋賣相好靚，好滑好香。牛角包係目家製的，外脆內軟，好香。鮮茄辣肉醬蝦仁意粉蝦仁爽口大粒。意粉軟硬度適中。辣辣地好開胃。橙啡，賣相好靚。咖啡中帶有橙甜嘅味道，好特別，味道好夾，梅子可樂，可樂有梅的味道，好清新，好好飲！整體上都好好，環境、食物同員工服務態度好好。下次都會再嚟！…查看更多

第一次去上環呢間小店食米線。橋香園雲南過橋小鍋米線，呢間地點超方便，好容易搵，位於永樂街上環地鐵站A2出口，一分鐘都唔洗，過對面就係。我叫左金奬腩肉、雞翼、豬腸、魚皮鮫、蟹粉蟹子丸，清湯底，係純豬骨湯，每日熬製10小時或以上。另外佢加左D自制酸菜，好開胃好味，食物分量多，好足料。特別要一提的就係金奬腩肉，肉質鮮嫩淋身，原來每日新鮮熬製，所以特別好味。中式米線配腩肉，呢個就等於日式拉麵配日式叉燒。最主要係米線個面質好好味！我好快就食晒！飲品我叫左什果冰，好少米線店有什果冰飲，所以我即刻叫咗一杯，味道仲要係調較得好好，好飲！雖然呢間係一間米線小店，但係我覺得佢嘅質素，其實唔輸蝕過大型連鎖米線店。價錢又大眾化。店員服務態度都好好，有禮貌。呢間會係我喺上環首選嘅米線店。…查看更多

第一次嚟呢間位於銅鑼灣老字號嘅韓國餐廳。呢間原來喺銅鑼灣開咗好耐，今次終於可以同朋友嚟呢度食飯。因為我哋想食醬油蟹，所以一定要搵一間老字號，有保證的。入到去坐低，聽到好多食客講韓文，證明都好多韓國人去食。餐廳地方大，座位寬敞，有好多卡位，好舒服。⭐️醬油蟹好鮮味，醬油味唔會太重，醃得味道剛剛好，又多蟹膏，配上牛油紫菜飯一齊食，好好味。⭐️雪花牛肉，肉質好靚，好juicy, 有少少油脂香，牛肉味好濃郁，入口即溶。⭐️海鮮蔥煎餅，好香口，外面煎得一層薄薄脆脆的，入面好煙靱軟熟，口感豐富。總括嚟講，呢間韓國餐廳食物好正宗，好味。有咁多韓國人都嚟食，食物一定有保證。感覺好似去咗韓國旅行咁。員工服務態度都好好。…查看更多

上星期同朋友去咗中環嘉咸街一間高質的特色燒鳥店食飯。餐廳以雞的不同部位制作串燒，好特別。入面裝修以灰、黑色為主，好有格調。地方好闊落。餐廳入面有酒吧，有好多種類嘅酒供應，食串燒之餘，又可以飲番兩杯🍸🍶主廚推薦 $728/位。⭐️北海道帶子牛油果沙律沙律用柚子醋拌，好開胃、清新。⭐️精選串燒10 串（含2串野菜）：-雞喉嚨，第一次串燒食呢個部位，感覺有少少似脆嘅雞皮，好爽口，脆身。-燒雞翼-雞掌心，好爽口煙韌-雞軟骨-燒雞心加了百里香，好彈牙。-車厘茄豬肉卷-燒白鱔，配少少山椒粉 。外皮香脆。肉質爽口，啖啖肉。-燒牛脷。好鍾意呢一樣，牛脷肉質好嫩滑入味。燒得剛剛好。-銀杏-燒露筍⭐️主食：親子丼。雞蛋同雞肉都非常嫩滑，味道好好。-燒飯團&雞湯。飯團🍙表層燒得脆卜卜，剛剛好。雞湯好濃郁，鮮味。甜品：柚子雪葩。味道清新，柚子味酸酸甜甜，好開胃。食飽之後食呢個甜品最好不過。上面鋪了焦糖醬。好味👍食完甜品之後好圓滿。…查看更多

上星期同朋友喺銅鑼灣食飯，我哋想食日式料理。朋友知道銅鑼灣有一間出名食特色卷物嘅餐廳，於是就帶我去咗呢間位於銅鑼灣澳門逸園中心的古今二日式料理。位置好方便，就喺崇光百貨隔離。我哋叫咗三款壽司，佢哋嘅壽司名稱都好特別。分別有午夜牛郎、搖滾樂同火山。⭐️午夜牛郎- 飯入面包住三文魚、牛油果同芝士。外面有層脆脆，咬落去口感係外脆內軟。⭐️搖滾樂- 壽司上面鋪左鰻魚，入面有芝士、炸蝦、牛油果，又係有好豐富嘅口感。⭐️火山- 用帶子、青瓜、牛油果、蟹柳製作的壽司。職員會喺碟邊點火。壽司被火包圍，真係好似火山咁。好靚！用火㷫熱之後，壽司飯放入口時，係好溫暖。呢個亦都係餐廳推介嘅食物之一。⭐️龍卷風沙律：自家製嘅沙律醬好好味，有少少微辣味道，同蟹柳、蟹籽、沙律菜撈埋一齊食，味道好好，開胃清新。蟹柳分量多好足料。⭐️三文魚腩刺身同帆立貝刺身都好新鮮。餐廳職員服務態度好好，會細心介紹一些食物俾我哋。好有禮貌。午市時段，餐廳仲有午市套餐同午市便當供應。價錢都好實惠。…查看更多