carolmok531's Profile

第一次食呢間打冷，好彩一早打電話去Book位，去到門口排晒隊，我哋一行5人，叫咗9樣嘢+飲品，人均都係195蚊，平均100蚊左右一樣嘢食，都OK,食物都好有鑊氣，好好食，蠔仔粥完全唔腥，蠔餅脆口唔會一pat嘢，椒鹽九肚魚我覺得係最好食，所有食物都夠熱，唯一我係覺得墨魚同鵝腸鹵得唔夠入味，可以更好。。。。樣樣都算係足份量。。。人流好多，車輪轉，一枱走，一枱入，枱同枱之間都好近，環境空間方面略為失色，因為人流多，門口外面排晒隊，所以都唔好意思坐耐d傾下偈，如果想暢談一番嘅話就未必一個好選擇。。。。BTW職員嘅服務都唔錯，打仗咁嘅環境都仲keep到，算係咁啦！幾位朋友一致認為，可以再Encore 。…Read More

上到三樓一開門， 就見到以前盛八嘅門面，一模一樣。。。。 我係食十點鐘宵夜時段， 另外加咗30蚊追加刺身， 罐裝飲品任飲，兩個人六百幾蚊落樓， 其實計落都幾貴， 坐低嘅時候， 可以有三隻醬汁， 蒜蓉汁，檸檬汁，燒汁 ， 對於我嚟講海鮮點檸檬汁係比較好食，肉類就點蒜蓉汁同燒汁會比較好食，質素都ok嘅， 餐廳職員仲好細心過嚟講解點樣燒肉先係最好食。。。。唯一不足嘅係暫時欠缺咗甜品嘅選擇，所以整體上都係一個唔錯經驗。。。。。。…Read More

行行下街覺得好攰 ，無意中就見到呢間海記甜品， 入到入面爆曬場，所以唯有坐角落頭嘅二人枱， 地方係迫夾啲， 但啲糖水都幾好食同埋都好足料， 跟住叫咗個腐竹蓮子薏米雞蛋糖水 ，男朋友就嗌咗個薑汁豆腐花 ，我哋另外加多咗一個芒果腸粉。。。。 我個糖水 ，有好多蓮子 ，亦唔係好甜 ，甜味剛剛好， 啱曬我口味。。。 男朋友就話個薑汁豆腐花薑味好辣😂😂😂 個芒果腸粉入面嘅芒果甜到不得了呀。。。。Nice。。。 所以如果去開太子、旺角嘅朋友仔,我都會介紹你哋呢一間度食。。。。…Read More

每一年我同男朋友嘅生日都會去皇家太平洋酒店度食自助餐， 原因係我哋有信和之友嘅會員卡， 好幾年前無意中上網登記， 到咗生日嘅月份就可以免費去 旗下嘅集團酒店食一餐自助餐， 當然要帶多一個同行者， 呢個同行者係收正價嘅，咁就當半價去食一餐開心嘅生日飯囉， 呢度嘅食物種類都繁多， 刺身，冷盤甜品，中式點心， 牛扒應有盡有, 我每次去親都會食返兩三隻龍蝦，同長腳蟹。。。 晚餐係包一杯飲品， 今年比較特別額外有燉湯送埋。。。 每一次都係食到捧住個肚走。。。…Read More

呢間嘢真係不得不提， 鍋心旗下有幾間分店，唯獨呢一間係做蒸氣火鍋， 第一次去食價錢係比其他做粥底火鍋嘅分店係貴啲嘅， 要二百幾蚊一位，但當然食物質素亦都係更好啦。。。。 提一提一定要記得提早好多去book位，因為成日都好難接通電話。。。。 基本上都係可以做一個坦己咁喺度食飯， 因為開始蒸到食得，其實都有人幫你分碟， 我冇諗過二百幾蚊可以去食到龍蝦， 鮑魚，扇貝，百寶飯等等，超級豐富，額外加十蚊有多一個燉湯，到最後仲有飯後甜品送， 潤晒。。。。 不過進餐時間有啲趕，因為佢哋將海鮮攞再出嚟之後，又唔可以擺得太耐， 如果放得太耐就會影響食物質素， 同埋佢哋會按照先後次序去為客人處理食物。。。。 到最後食返個八寶飯，大滿足，呢個真係不得了。。。 一定一定一定要揀個蝦醬腩肉同臘腸，呢兩樣嘢係精髓。。。 會令成個飯都變得非常惹味，生色不少。。。。。。(P.S: 可能係個別例子， 只供參考， 感覺到某男職員嘅服務態度一般)…Read More

食物嘅份量足夠同埋夠熱, 如果以一間小店呢計呢一間嘅食物質素係好好 ， 而且服務態度都好好 ， 老闆亞呂係越南華僑 ，一行到舖頭入面你會feel到好多人都一直支持紅磡呢一間小店, 滿牆都係貼住或者寫住加油，支持嘅字句。。。 可見老闆嘅人緣係幾好。。。 亦都有好多相片同雜誌訪問過，留住滿滿嘅回憶。。。。 講番食物方面， 佢哋嘅茄汁牛腩， 蒜蓉包 ，沙嗲醬包， 蝦餅， 春捲 ，橙冰，火車頭，炸蠔都係我好欣賞嘅食物。。。。每次去都必點。。。 價錢亦相當大眾化，差唔多都係徘徊係100至130左右。。。嗰度嘅地方唔大，只係得四五張枱， 餐枱旁邊就係開放式廚房， 我每次去到都見到keep住有好多嘅人流一枱接一枱咁入嚟， 雖然地方細細，但真係留得住客人個心。。。 有聽聞過嗰度規模性清拆， 希望小店可以留得住啦， 不過我相信如果去搬到去第二度重新出發， 客人都係會繼續支持。。。。…Read More

燒魂一係我哋一大班朋友gathering 嘅時候，其中一個選擇嘅地方， 一嚟佢嘅地點方便啦，價錢亦都係合理嘅， 如果宵夜時段就更加優惠， 食物方面多元化選擇， 我自己比較鍾意佢哋嘅牛肉同埋刺身， 有樣嘢比較唔好嘅就係以前佢哋嘢飲可以加30蚊（印象中好似係30蚊）就可以任飲嘅， 而家只係包兩罐飲品， 因為如果係一個燒烤嘅餐廳， 飲品呢樣嘢對於客人嚟講係重要嘅， 因為燒得耐嘅話， 有d人會開始感覺好口渴， 如果佢又任飲嘅話， 我相信我都會去得密啲。。。 不過佢哋啲食物又真係ok，而且 佢哋嘅店員服務態度都唔錯㗎。。。。…Read More

今次影相唔多， 所以盡量用文字表達畀大家聽。。。 唐宮小聚我嚟過幾次， 價錢真係偏貴， 食物份量亦唔係好多，但係食物質素真係keep到。。。 有一次終於品嚐到佢哋嘅乳鴿， 好夠熱，好好味， 比較可惜嘅就係因為就係限定數量， 所以唔係次次都食得到， 呢幾次去都有試過佢哋嘅黑金流沙同埋猛虎咬豬， 黑金流沙嘅餡非常流心， 我朋友一咬落去嘅時候，都唔小心滴曬出嚟，成口都係。。。。 而猛虎咬豬呢，我就覺得裏面嘅肉同脂肪都分佈得好平均，所以咬落去嘅每一啖都好軟熟， 所以值得一試…Read More

呢間舖頭我已經幫襯過好多次， 因為價錢其實都唔算太貴，而且食物質素好好， 每一次呢度必點嘅係南瓜軟殼蟹， 生菜包，生蝦( 好可惜今次生蝦賣曬,所以冇得食lu)。。。 今次是有新嘢就係蝦餅同埋串燒， 繼續keep住質素非常好， 食物嘅溫度夠熱， 炸物夠脆， 去個串燒汁做得都幾好，好味道。。。 南瓜軟殼蟹呢一個菜式一試難忘， 用嚟撈飯，不得了, 好味道喊呀。。。。食生蝦嘅時候夾住蒜片，一流。。。。 會繼續無限次幫襯。。。。推介推介。。。…Read More

第一次幫襯， 感覺良好， 唯一奇怪嘅係入場前要先喺接待處俾錢， 點餐方式比較新穎， 係用微信點餐， 方便快捷同埋冇漏單嘅情況， 如果有老人家唔識用微信嘅話， 都可以用舊式嘅方法，用點心紙形式去選取食物， 食物質素好好， 飲品櫃有成五六個，都好多選擇， 另外比較少有嘅係有新鮮嘅鮮榨橙汁，原個鮮榨出嚟嘅， 絕無溝水， 同埋比較少喺日式放題嘅餐廳見到嘅就係有任食生蠔， 唯一一樣唔係咁好嘅就係提供嘅數量唔足夠全個時段去供應。。。。 環境方面都比較舒適，因為我哋兩個人去，都畀張4-5人枱我哋坐。。。 另外仲有自助吧， 選擇都算多。。。。 總括而言呢一間係我目前為止都係我心目中頭三甲嘅日式放題料理。。。…Read More

出餐速度可以有待改善，叫咗個鐵板牛肉，等咗好耐都未到，同行者嗰碗麵都食完，都仲未到，飲品ok嘅，叫咗個蘋果柚子梳打，穩穩陣陣，每張枱面都備有泡菜任食，嚴格嚟講都不過不失啦。…Read More