tszfungkowk's Profile

之前好想的呢一間，但每次都排長龍，趕唔切，就要等到成八點開始再排過，所以有作五六次都無等到去食，期待已久的，終於今次有機會啦！我大約六點半四十五分到，就可以擺飛排，個果時候我地三個人要等十多張枱先有，等的過程中十分艱難，真係恨到我地好想食，不停望一望餐牌、望一望十二大推介的招牌、同望一望人地係度食，真係都有d肚子餓。輪到我地入去坐，每位職員都大叫用韓語的歡迎光臨，氣氛相當好。話口未完，我地都急不及待落單，總共四碟：有Squid ink mari、Carbonara topokki、BBQ pork fried Rice、Beef bibimbap，每道菜式都會有辣，已經同佢講唔辣，但上枱的時候，食落去都會有微辣。食過每道菜整體大致上都滿意，但特別想介紹同推介有Squid ink mari同Carbonara topokki。Squid ink mari：它名為烏卒卒，主打係墨魚，外形似一舊舊壽司卷咁，黑黑實實，外面有一塊紫菜包住墨魚汁味的飯同二塊小小的墨魚肉，最讚的地方外形大小適中，可以一啖放入口，慢慢地一次過將全部混在一起吃，全口都係圍繞住墨魚，但就係唔同的口感，有軟軟的飯加煙煙韌韌的墨魚；Carbonara topokki：又稱卡邦尼年糕，喜歡它的汁，甜甜地的白汁，調較得好好，有煙肉伴菜，年糕將調配好的汁 ‘索’晒入去，食晒d年糕，還想將d汁撈其他的飯黎食，相當有特式的風味，只係厭它份量小，唔係好夠喉。全數一共三百多元，己包加一服務費，價錢合宜適中。而環境具優雅氣息，令人坐得舒適。還有其他的菜式都好恨吃，唯有等下一次嚕！…Read More

今日星期六，大家都放一時，下午興起相約了同事吃午飯，在思考的過程當中，行過一間簇新的裝修，橙紅色設計門面的泰特色，份外深深咁吸引我地的注目，因此，我地諗到唔諗，就合拍地行上裡面的樓梯去。裡面環境都係用以橙紅色為主色，十分寛敝，感覺到好舒適，我地選擇了沙發坐，我地坐的位置，一看到出面的景不太接受到，外面的有露台，周圍都係垃圾，不太美觀。睇一睇餐牌，有分早餐、午餐、下午茶、晚餐、小食、特色飲品等。真係花多眼亂咁，款款多，樣樣都想試，最後，我們兩人選擇海南雞脾飯送例湯 (要多加5元)配龍眼冰 (因為係特色飲品加6元)、冬蔭功海鮮湯米線配龍眼冰 (加6元)。海南雞脾飯的飯大大粒，用了雞油蒸一蒸，就連飯都有種雞的甜味，淺黃色，一震震雞香味好誘人，雞肉肥美甘甜，再配上特製醬汁，美味可口；冬蔭功海鮮湯米線，大大的一碗滿滿的，材料非常十足，十分滿足，海鮮又夠靚，湯底濃郁，米線稍為”淋”一d，俾八個讚。至於我地叫的龍眼冰，就清甜潤喉，口感冰涼，十份喜歡。如果係價錢方面，這種價錢都食都中上質素的午餐，都算係物超所值囉！…Read More

昨晚很高興，終於一嚐大名鼎鼎的壽司放 – 漁屋。壽司，這個近年來大力推崇的飲食新族，作為Blogger當然有留意它的食評，而赴會前數天，我也專程到Openrice一遊，飽聞有關評價，將勒補批一番！我平日是以齊粉麵當一餐的那種人，不過，飲食人皆需之，可能我不懂得以生動詞彙表現食物的美味，但好與壞我還分辨得到！今次這篇業食評，各位飲食界猛人請多多指得啦！等食之前，身為畫畫人士自然對「漁屋」家的風格及裝修份外留意，漁屋的設計精簡到位，最吸引我的是它們的餐單，以厚厚的一張方形統疊成，見到想吃的，便址下來在上面寫上數字，夠方便夠玩味。首先登場的，亦是我最最最最推介的，就是你 – 鮮蝦剌身拼盤！對於生冷的剌身，我本來不抱半點期望，但由於被它美麗的裝飾所吸引，我終於不敵這誘惑。先是鮮蝦，肉質極度香滑，但絕不冰硬，似彈牙的啫喱，但多了一份鬆軟及香嫩；剌身方面，超級厚身，咬落去滿口肥美鮮嫩，絕不輸任何一間大型連鎖壽司舖。自於其他最常見的壽司成員，譬如，蟹柳芝士壽司，牛肉卷同鮮蝦芝士壽司，也是能充份代表漁屋的特色的自家風味。飽滿的肉質配上煎過的芝士，清爽而且極富濃烈的西方口味，真的，我給100分。這家店還有很多自家招牌菜式，我未能一次嘗試，但整體來講，賣相同樣是五星級的，以及服務態度都非常好，不時都會有員工走來問是否last order，即使人流真至夜晩十一點都依然未減。今時今日，有心思有耐性，一道菜式可煮出自家特色的食肆真的不多，寫到這裡，我已抵抗不住他家的食物回來，相約下次再去食過，到時見！…Read More

之前一直都搵緊間淨係食自助甜品，基於近我同朋友都係新界人，所以就決定黎呢間位於九龍塘的任食甜品啦！我地預先訂位，唔知係咪咁，安排我地坐的，係入面位置。地方不太大，但就係因為這個原因，食的時候會比較舒服同清靜。種類都有好多選擇嫁，除左甜食，都有少許鹹食，即係通粉呀、煙鴨胸、牛角包、三文治等。每款食物都整好精緻咁擺放係張自助桌到，最多花款當然唔少得係主角蛋糕啦……有藍苺芝士蛋糕、朱古力蛋糕、石板街蛋糕、蘋果批、粟子撻、忌廉泡芙、芒果布甸......等等。我的至愛就係粟子撻，厚厚的粟子蓉舖滿整個撻，令到撻的香味充滿濃濃的粟子，真係無得歎呀！款款甜品雖然都係甜，但一齊吃的時候，唔會撞晒味，每款都有獨特的甜味，不易混淆係口腔到。除左甜品之外，仲有兩至三款一小碟的蝦或蟹柳伴芒果、啫喱、同很多款的生果。吃完一轉之後，最後衝刺的有一杯雪糕同飲品，今餐真係甜到入心。…Read More

自家烏冬，顧名思義當然係黎食烏冬。豬扒蕃茄濃湯烏冬、手打冷烏冬、燒帆立貝雜菇、芝士年糕……先講主角：兩款的烏冬各分秋色，前者豬扒夠鬆脆可口，外型較細塊，但肉質非常厚，重重的蕃茄湯濃得唔單只唔酸，配合埋豬扒，真係絕配，就連成碗的湯底都可以飲得晒，而且又大大碗咁；後者的手打烏冬眼見平平無其，簡單的製法，但吃落去先可以真正的到烏冬的彈口的口感，配上醬汁，深深帶出烏冬的爽口。燒帆立貝雜菇，惹味可口；再加埋芝士年糕一定會好食，因為舖滿芝士，芝士的範圍還大過外層炸左的麵粉，讚！…Read More