Jackshare's Profile

去到小瀝源，一係就廣源邨食飯，但唔想入廣源邨，對面嘅村屋有幾間食店中就發覺有呢一間「茶座」嘅出現。出邊有一個好大嘅月亮嘅擺設的確係引起我嘅好奇，就一於入去食啦。有早餐、午餐、下午茶、晚餐、happy hour🍺都齊全。是次點咗一個帶子櫻花蝦天使麵冇諗到咁多粒帶子之餘個汁的味道啱啱好唔太濃而個麵亦都軟硬適中。個沙律就更加係愛菜之人首選，唔係什果沙律而係真正好green嘅沙律，而啲鴨胸煎的好香口唔太油膩。餐飲都係正常。佢本身坐嘅位置係戶外，所以用咗冷風機加個頂和膠幕，但係正值烈日當空呢…個溫度呢就唔叫得涼快㗎啦，不過行落去原來佢都有幾張係室內嘅枱近收銀處，就冷氣充足，怕熱嘅食客不妨往內走。總體嚟講，係一間值得去食飯、食個Tea聚下嘅好地方。…Read More

在天氣酷熱的晚上，小店嘅冷氣非常充足。肚餓十分的情況下，沒有慢慢揀日式車仔麵，聽了店員的介紹，快速點了一個冷麵（聽說是炎夏期間限定）和一個牛肉飯。冷麵材料十足，另外個冷麵嘅湯汁唔算太濃比較清，本人欣賞。夾起啲麵浸一浸放入口，清涼嘅感覺非常之，蛋絲、青瓜絲、腐皮絲恰到好處。牛肉都有水準嘅，一隻而唔係一邊嘅溫泉蛋配合蔥同埋牛肉汁，fit晒。佢嘅牛肉汁唔算油啊。仲有個小食八爪魚，都比較大嚿㗎，唔係細細隻嗰啲，唔錯。小結：性價比不錯的小店。暫時只收現金，希望水準可以堅持而且引入最少一種電子支付啦！…Read More

在酒店的官網購買了一個九月海鮮拼盤附送一支普通嘅白酒(配海鮮都可以。dry嘅、果酸強、唔複雜，易入口、簡簡單單)。另外，加點一個蟹肉刀貝沙律。比較好奇是什麼 其實係豆苗撈蟹肉同刀貝，是熱食來的，味道不錯。 撈勻之後蟹肉和刀貝嘅海鮮味正正好中和豆苗嘅草青味。 海鮮拼盤方面都不失禮，有充足嘅蟹腳真係有蟹味而唔係淨係得自助餐嗰啲死鹹味。蝦都新鮮大件。生蠔 size適中，本身寫4隻但結果有6隻(賺咗)，新鮮、味淡、易入口，過下口癮又唔會太滯。 小龍蝦方面都算好肉，只不過本人對小龍蝦一般啦。 半邊龍蝦一人一邊，有充足嘅糕，好味而不膩。黑青口和紐西蘭青口都大大隻，新鮮好味。有裝安心出行就可以坐到12點，否則就要10點拜拜。 當晚人唔多，比較多人在戶外飲下嘢，室內堂食得兩枱，所以更覺環境闊落自在。服務員的服務非常之好，而且不時幫我哋換個骨碟，又俾足濕紙巾、牙籤。 食完之後慢慢飲埋支酒、 傾下偈，一啲都唔會催促。十一點零鐘走人，愉快輕鬆的一個周六晚上。水雲間是個暫忘煩囂鬧市的空間。…Read More

講到食快餐，可能大家都諗起大乜乜或者美X，但係如果想食素食呢，一般嘅快餐店來講，唔係咁好揀，可能有一個起兩個止俾你揀咁上下。喺東九龍，如果想食一個簡單快捷，加上疫情之下，都唔想咁多人來往嘅情況下，食個快嘅素食晚餐，呢度係一個唔錯嘅選擇。佢嘅叉燒扒萬如飯，聽到個名都已經知道其實模仿緊啲乜啦，叉燒食落去嘅質感都有幾成真嘅，萬如就當然要加少少想像力，但係都喺香口嘅。另外一個Beyond Meat 旦芝飯就有驚喜，喜在蛋都係（豆製）模仿出嚟㗎。塊漢寶扒（？）當然都係用模仿出嚟啦，淋身啲，但配埋真係好食嘅。今時今日，出去食飯都係食完就上返口罩，當食都係有點緊迫下用餐。餐廳座位有分隔、食具都有紫外光盒存放着，在壓力下多了半絲安心。…Read More

作為一個紅磡出沒的香港仔，喺呢一段時間經歷咗社會運動加上全球疫情爆發，係對於自我認同感就非常之強烈，強烈到5·1勞動節都想食番啲香港本土嘅食品，車仔麵我諗都係一個具代表性。講起車仔麵，呢頭就靚靚車仔麵啦 。有幾不一樣呀？我食佢嘅車仔麵好多時嗌到成枱都係餸，好似嗌小菜咁樣囉。碗麵反而係無咩餸。今次我就特登做一個例子出嚟啦，普通一個豬骨湯底油麵都冇咩好影呀，但係就嗌咗啲喜歡食嘅「分開上」，例如嗌咗一個9轉大腸、黑毛豬叉燒、9轉茄子、酒糟豆腐、腐乳通菜。 9轉做法就比較香口和有丁點兒「麻」味。 叉燒好腍滑，腐乳濃味㗎，唔鍾意食濃就要注意啦，落單出聲。可惜公眾假期，就冇咗最富貴嘅紅燒花膠，浸咗但無人處理，可惜呀。我諗靚靚車仔麵的不一樣，除了可以嗌到一桌面餸方面share，有創意同埋一路添加非傳統車仔麵食材和湯底呀，推陳出新，其實呢種靈活多變嘅港式口味，值得支持。…Read More

星期日嘅下午 呢嚿係我熟悉嘅紅磡徘徊，想起有一間酒店比較新嘅酒店~逸·酒店(其實都唔新，但比紅磡站上蓋的都會海逸要新多了)。 唔知道間酒店有咩出色餐廳，所以上openrice撳下，結果就畀一樓呢一間「美式」餐廳吸引住，當然用Openrice即刻訂個位，再即刻由理工過去。 疫情影響下，其實都真係唔使訂位，因為去到嘅時候全場就係我和另外一台食客， 卻無阻經理的熱情款待，而他的同事則在水吧側邊努力地用箱頭筆繪圖，這個也是這家餐廳的特色， 去到就會見到。好得意。先來一個 'the very best' 嘅三文魚籽蟹肉牛油果多士 Crabmeat Bruschetta， 三文魚子，滿滿蟹肉， 質感豐富嘅牛油果，再配上脆口多士同埋黑醋，一啖咬落去層次豐富、滿足萬分。無得彈一個草食男如我，食肉前當然一定要嗌一個菜打下底先啦，自家製椰菜沙律 homemade coleslaw， 必然之選。帶酸嘅醬汁配上脆口新鮮嘅紫椰菜，非常開胃醒神， 紫色加上白色醬汁撈起幾靚。熱身完畢當然來個主菜啦，慢煮柚子加拿大有骨豬鞍 Canadian Pork chop。 通常大家食肉就諗起食牛或羊架，識得食，豬一樣好好食。 豬鞍煮得啱啱好，慢煮關係吧，咬落去仲係好有肉汁好滑，最喺好鬆化。真喺好好食，柚子香令油膩感去蕪存菁。食完肉都要食少少澱粉質嘅， 承接蟹肉多士好味嘅震撼，再嗌咗一個白汁蟹肉自家製扁意粉 Crabmeat homemade fettuccine (加咗錢要自製嘅扁意粉)，每條粉咬落去好彈牙(即係台灣人叫好Q)而且食到意粉香，個蟹肉白汁絕不欺場，濃濃好味。甜品方面叫咗一個完全「甜度」令負擔嘅自家製特濃豆腐芝士餅 Tofu 。唔好甜嘅我都喜歡食，細心品嚐豆腐香，重點是唔太甜( 如果你係極喜歡食甜嘢，就可能會略嫌清淡)， 啱曬我。全個餐配麥飲品分別有兩杯Blueberry Squash 和 Chocolate Factory。前者清心爽快，消暑佳品，後者好香朱古力味，有啲細個飲 飲凍朱古力嘅感覺。五星級餐廳先至有賞心大餐？！我諗大家疫情緩和後，千祈唔好錯過逸·酒店嘅Moreish Malt！ 熱情款待，質、量都一流， 一頓安逸大餐無走雞，仲有好多one of the very best 待大家發掘。…Read More

逸之燒嘅燒蟹蓋同埋壽喜燒遠近馳名，但係在疫情肆虐之下，大家都不應聚集，但和好朋友聚聚，在安全情況下，都想簡簡單單邊食邊傾。 逸之燒雖則是小店，但是店員安排位置都有考量，錯開坐，咁巧今次坐在個屏風側邊，單邊之餘， 旁邊的桌子都沒有人。 沒有見好一排朋友酒量level up了，愛上飲梅酒。店有兩隻梅酒，店員給朋友淺嚐一下帶綠茶的梅酒，不過有點淡， 所以朋友揀了大路帶甜的梅酒300ml，一個人淺酌。 梅香也不錯，不過如果有有帶酸味的就更好了。 食物方面，今次想簡單清淡一點，所以就有蟹粥、 海膽帆立貝、 燒秋葵和蘆筍、 還有鮑魚和鰻魚。有魚有菜啦。馳名蟹粥的確不錯， 放上枱已聞到香味 ，充足嘅蟹肉和蛋黃結合之後非常好味。海膽帆立貝就當然係招牌貨，兩樣嘅結合 冇得輸，水準依然。 一啖食曬佢定分開食幾啖食好呢？我今次結論其實應該分開幾啖食會滋味啲。一啖食曬入口就反而 美國會被大大件凍冰冰的帆立貝阻擋晒海膽嘅鮮味。 所以分開機膽式每一啖都可以食到帆立貝嘅鮮甜加海膽嘅鮮味。燒秋葵比較特別每樣咗一啲魚肉令到秋葵唔會燒完之後乾真真，看落去然脹卜卜。 當晚的蘆筍很嫩口。燒鮑魚味道不錯略嫌汁濃了一點蓋過了鮑魚的鮮味。最後燒鰻魚係冇骨落地嘅， 大路嘅燒鰻魚汁帶甜的， 喜歡吃鰻魚的朋友表示滿意。 最初看顏色以為鰻魚汁和鮑魚汁是一樣，不過食完之後發覺兩種不同的汁。成餐飯都輕鬆食， 份量啱啱好， 最緊要係食完唔口渴。 未來兩週進入嚴防疫情關口，食店一定大受打擊希望小店捱過這個難關。…Read More

年廿九和老友們團定個年，去到一間格局幾新鮮嘅小菜館， 基於大圍環境所限，人少之有少，我們就像包了下層整個場了。 呢度嘅廂房係冇門㗎只係得塊布簾...咁 即係大家當冇隔音啦。 食物方面叫了個叉燒王、黃金蝦球、酸菜鱔球、片皮鴨和豉油王炒麵。 叉燒嚟講呢，係好腍滑鬆化嘅，比較厚身， 不過呢「燒味」就冇乜。 黃金蝦球呢，香口但好「珍貴」。 酸菜鱔球就魚肉都爽口，但無咩味，也並不太多，酸菜就好多。 招牌嘅片皮鴨呢，香口，而且係切割得好精緻、好整齊，上個六角形有保溫嘅木盒(盛放餅皮)都幾有氣勢。 最後個豉油王炒麵，係神來之筆，份量唔多但真係炒得乾身有水準， 趁熱食好好味， 食到芝麻香，所以唯一...加單就係加多個炒麵。 如果要把小菜行貴精不貴多嘅路線，此店有改善嘅空間。質、量之平衡略嫌傾側，有待商榷。…Read More

自從由農曆年三十晚開始，一路都冇出過街食飯。 住圓方上方的朋友話畀我聽，圓方唔算多人，可以去嗰度食餐好啦。結果出奇地係呢個類似天空花園、圓方的「露台」之地竟然係人山人海， 不過主要都係happy hours飲番杯。好彩，唔關我事，否則咁多人，真的有點抗拒。而我就只想品嚐一下阿根廷嘅特色，食餐「慢飯」，而唔係15分鐘「隊完」一個飯盒又一餐。 入去之前都睇過介紹，因為只得兩個人，食力並不高，所以就一於精選三樣：具有傳統阿根廷特色嘅意粉，就係意大利薯仔丸子(其實佢係意粉類)， 再叫一個阿根廷直接進口嘅14安士肉眼牛扒， 最後仲要配番一個凱撒沙律啦。 有肉、有菜、有啲澱粉質，感覺都好豐富喇。 未用餐之前上咗一客麵包搽牛油， 麵包幾好食，不過勸大家唔好一開頭食太多麵包，因為沙律一嚟到嘅時候，就知道菜式分量都唔絕無欺場。雖然沙律附送兩塊蒜蓉包但感覺似「蒜蓉餅乾」多啲， 我哋唔太鍾意食「餅乾」所以就唔識欣賞啦。 之後再上肉眼扒14安士份量足， medium之間，唔會過火， 真係可以用「嫩口」形容而且肉味都好濃郁， 咁當然有少少更為呢就要用多少少先砌得開喇，少少煙韌。 標配六款醬汁，有阿根廷青醬、法式芥末、辣椒蕃茄、辣根醬、criolla sauce和roasted tomatillo。 朋友最喜歡原汁原味，我就六款都各有風味，不過我就愛塗一點criolla sauce。 14安兩個人，絕對夠share；因為仲要食啲澱粉質，就係意大利薯仔丸子(protato gnocchi)， 每一粒「薯仔波」非常之有口感、煙韌。 朋友問我明明係「唔同了樣」的意粉，點解叫佢做薯仔波... 其實gnocchi係意大利傳統嘅食品，有麵粉、馬鈴薯同太白粉混合而成。 既然有薯仔成分，不就是叫佢做「薯仔波」比「薯仔丸子」或者「薯仔糰子」親切嘛。 當然朋友冇我咁好氣啦，不過佢唔覺得似薯仔波全因為食落去麵粉香十足。 追求健康沒有嗌酒，反而嗌咗一杯菠蘿汁和蘋果汁，菠蘿汁偏甜但好飲的， 蘋果汁帶酸但飲到蘋果肉是鮮榨水準。 環境舒適，地方不算寬敞但也不會擠迫， 有燭光襯托著美食 ，如果是一對情侶來，氣氛之好， 實屬是一個溫馨、滿足的晚上。 食完之後就讓我產生一種好奇，原來阿根廷係有住意大利飲食文化的影響嗎？ 又係時候自己谷歌一下了...…Read More

動盪之中步入新嘅一年，食一餐好來穩定下心神。結果去遠一點去到元朗，找到了一間日式簡約居酒屋。而呢一個可以令人暫忘憂愁，開心愉快的新年大餐，就係喺呢間小店開始。員工態度親切熱誠係久違咗嘅一種感覺，食物方面亦都係有質素而且份量亦都絕不能小看。本身一個新年大餐好地地，卻忍不住口再追加了一客軟殼蟹，結果真係會食唔晒要打包！除非兩個人嘅食力都偏高，否則正常嘅話唔好話追加，整個套餐已比到大家滿足、幸福、爆滿嘅感覺。食物質素、份量、環境和服務來說，這是一個久違了的合集。喜歡食日本菜的朋友一定要捧場。 希望大家捱過呢個疫情寒冬，下次去食蟹粥，聽啲街坊講係非常馳名、受觀迎。註：店外有露天公眾停車場，所以揸車去都方便。…Read More

恒生管理學院B座樓下的食堂，之前聽到一些苦不堪言。隨著改革之後都引入一啲新嘅款式和比較獲好評的酸辣粉。另外，今個下午 就見到一個平民化嘅「全日早餐」雖然係平民化，但係40蚊仲有一蚊找番畀你嘅價錢下，加上見到一大堆食材，的而且確係抵食夾大碟， 即管試一試。 冇矜貴牛角包但係就有齊港式早餐的成員：兩片烘底牛油多士 、荷包蛋一隻、煙肉、火腿、腸仔、再加粟米和蕃茄等大家有返啲纖維 。最後就係一塊香炸嘅雞扒配埋一杯熱飲。個人覺得係學生嘅餐廳嚟講，有一個咁齊全 的「早餐」配搭，的而且確係抵讚，最重要是成個餐都係落單後即製，並唔係整定曬夾俾你凍冰冰。…Read More

香港現在食拉麵的地方以經多到成行成市， 見到鋪面有一隻很大的達摩(?)吸引了。好啦就試下有幾元祖吧。元祖達摩麵屋用得元祖這個字都會有一種很地道和有老資格的感覺了。入到去坐低見到menu，的而且確幾 吸引因為除咗拉麵之外還有刺身還有串燒仲可以自己燒海鮮，係幾多元化。我一行兩人食力不多，簡簡單單喇，就是點了兩個湯麵分別係豚骨醬油湯拉麵配豚角煮和黑蒜油湯拉麵就配豚肩叉燒。豚骨醬油湯清清地唔太濃。而我當然亦都加上我最愛嘅芝麻啦， 不過呢度除咗芝麻可以加就冇得再自己再加其他呀。比較特別嘅係個芝麻磨完出嚟之後依然係原粒芝麻！唔知道係個磨已經退化定抑或係店長嘅心思了... 原粒芝麻 都或者可能是一個「噱頭」，哈哈！ 豚骨醬油配豚角煮很夾。其實豚角煮就好似中國嘅東坡肉，肥瘦相間嘅五花肉來的不過日本做法就有味淋多， 所以感覺立即很日式。 肥瘦相間 入口即溶好滑、好好味、好甘香。 如果你鍾意食東坡肉一定揀呢個。另外一碗拉麵係黑蒜油湯拉麵配豚肩叉燒。 黑蒜油味香，叉燒亦都冇豚角煮咁肥，比較瘦啲怕肥嘅朋友可以試呢個。之外亦都有牛油炒蘆筍清清地 ，牛油味唔會太多，都唔會太油膩。仲有燒秋葵和燒牛舌， 秋葵唔會燒到乾曬，依然清爽，亦都唔會過火，有質感。 最後仲有胡麻蟹肉沙律蟹肉的比例的而且確好多不過小心有水巷 如果菜嘅再多番啲就會更好啦。小結這間店 不會太濃味食完不會很頸渴就拉麵湯底同胡麻沙律 醬汁就已經是一個好好的反應都是偏淡為主， 非常適合現今追求健康的都市人，包括我在內。其實日本菜原本都是清淡為主，如果大家忘記了可以不妨你試返。…Read More

火車頭在港一段時間，有人話貴，又有人話麻麻地，不過都在旺角開了分店，都算打緊出名堂啦。咁我當然要試一試，搵埋多個有食力的朋友，食餐晚餐先。因為曾經係普度大學讀過書，大學最出名就係製造蒸氣火車頭，所以對「火車頭」呢三個字特別有情意結。首先幾鍾意佢嗰個menu，有介紹火車頭小小歷史，原來係有一個小販喺火車站月台買牛肉粉香到而且賣到街知巷聞，所以就有火車頭之名。睇完歷史，當然要試下咪即係咁香咁好食啦。 今次就嗌咗一個牛油果軟殼蟹紙米凍卷、砵酒牛柳粒、馬拉盞炒菜，仲有佢哋推介火車頭招牌湯河和再加個沙律撈檬。飲品方面就嗌咗凍蘆薈柚子茶，味道唔太甜啱啱好。仲有一個河內特色蛋咖啡， 賣相獨特有趣，咖啡就香嘅，不過層蛋，即係層cream呢就比較甜啲囉，咁所以記得要攪勻啲先好飲。火車頭招牌湯河，香唔香呢？可能得一碗，又未香到全場都聞到。其實真係一個大雜燴，所有牛有關的都有晒，好食而且好多牛呀！咁亦都可以見到有好爽好爽嘅牛柏葉。 湯底清呀，唔太鹹喇，所以食完都唔會口渴。另外，馬拉盞炒菜呢就有少少辣嘅 炒得好惹味。有水準。杯酒牛柳粒啲牛柳粒絕對抵食，粒粒都好大粒，有咬口。(如果有去過台灣夜市食嗰啲火槍燒牛肉粒，大概呢呢度每粒都係台灣嘅一粒半左右啦) 而且仲配咗多色椒，感覺上呢冇咁肥膩，值得一試。軟殼蟹紙米凍卷 軟殼蟹脆脆地 個咪仔都做得薄身 再配埋啲菜係清新爽口四個字: 好味好夾！最後嗌咗一個沙律撈檬啦食咗咁多嘢都想親親地不過呢記得喎親還親一定呢要配埋佢嘅汁，酸酸地好醒胃㗎！總括而言的確一餐唔錯嘅越南餐，五百蚊左右，食到飽一飽，都值得來開飯！飲完咖啡...唯有就返去再開工啦⋯⋯…Read More

本人於8月30號和一眾舊同事在香港郵意聚餐，本上想有一個輕鬆愉快的晚上，卻有由付款後開始了一個惡夢… 等了一個半小時食物都依然未齊，我和朋友還笑說我們在食法國餐嗎？ 最終驚動了看似是老闆因為在 視頻上看見他接觸過訪問發現我們還差三個主食 ，他過來了解，卻沒有一絲唔好意思，只係說排單有問題...五分鐘內搞掂...結果係我在counter企多了十多分鐘後才有得拎野食。飲品特別是凍飲，沒有味道的淡而無味，另外意粉非常有油膩，唯獨是個全日早餐還好，味道份量都不錯，特別是牛角包。運作混亂到一個點...其實人手唔係唔夠，只係唔曉分工和每張單的先後。一啲好簡單嘅單，都唔會處理先，只會牢固地按單的次序去做，正如一出心太軟，三個人全部都只係弄心太軟，但我張單只係要三件餅，需時都不用兩分鐘就可以畀我拎走不用企係counter到等，阻住其他人...結果又要等咗三個多字，才攞到三件唔洗弄只需切出來的餅。除非你有好多的時間、唔係好肚餓、唔係繁忙時段，否則就真係唔好去呢間嘢到等食啦。 唔好中伏。p.s. 明明我就用openrice訂位，花了3小時食埋晚餐，但香港郵意係系統竟然話「定位已取消」，真係耐人尋味。 唔通我去錯地方？但冇理由呀…我們仲有佢哋親手送咗兩件「心太遠」… 待客之心離太遠啦。…Read More

香港近排有一間打邊爐店發展得好快，分店開完一間又一間，就係616。佢主打嘅係有好多好特別嘅牛嘅部位可以食，咁我當然要試一試啦。咁我就揀咗一個鴛鴦湯底啦，一次試多味湯底嘛。的而且確清湯底個邊用了非常十足，而沙嗲王嗰邊有非常香濃。咁我今日就揀了牛朴肉、脖仁、尾龍、 胸口膀。 如圖所見都係非常之新鮮同埋切得係非常之薄嘅務必令到係數秒到數十秒間就已經可以將佢哋煮熟！牛扑就牛味濃，鮮嫩，有點咬口。脖仁好明顯係頸某個位，三個字:肥嫩滑。有嚼頭爽口又有牛味，就一定是胸口膀！尾龍即係牛後腳的肉，就是本人最愛，因為咬口足而且肉質煙韌牛味不會過濃。 有人就推薦用雞蛋拌勻嚟食過我就覺得呢會清/沙湯底都啱啱好喇怕沙湯搶走牛味？ 咁就配牛骨湯嘅清甜啦。另外呢度嘅蔬菜非常之新鮮而且賣相亦都非常之好。譬如靈芝菇、油墨菜同埋羽衣甘藍都係好似小盆栽再咁上枱架。 如圖所見啦羽衣甘藍616依然翠綠。咁仲有叫其他配菜就如豆腐卜啦同埋響鈴當然不能夠少啦。亦都係非常之新鮮和真材實料。 呢度嘅酸梅湯亦都係非常之好飲 唔會太酸嘅都唔會太甜。兩個人飲一jar就剛好。最後呢度嘅前菜可小黃瓜，麻辣味有但唔係過份亦都非常之醒胃。 因為清湯底其實都有好多牛骨 牛腩肉碎 食完之後撈上來浸返佢哋616嘅特別牛肉汁，效果其佳， 真係食得唔好嘥。…Read More