JaKi's Profile

揾咗成條街，原來喺 indo market 入面，距離銅鑼灣鬧市10分鐘路程。呢間暫時仲係全港島最好食嘅雞蛋仔，外脆內軟，有啱啱好嘅朱古力粒粒，唔會太甜，係遠咗D，要特登行過去買。…Read More

咁啱經過個見唔係太多人等就買，等咗唔駛10分鐘就有。抹茶味係有嘅，但係外層唔脆，勁厚粉，有D位勁硬，落得太多粉漿啦大佬，內裡D麵團都未熟透。食咗幾粒，成盒掉咗去垃圾桶! 失望!…Read More

Thai restaurant with nice lighting and interior design. Ordered the popular soft shell crab curry and some beef skewers.Food were delivered within a few minutes. The curry came with unlimited rice and the flavour was good. Only the crab was a bit soggy. Beef skewers were overcooked and chewy.The green milk tea is served in a small glass bottle. It had perfumey taste, didn't like the taste personally.At last, mango sticky rice with coconut ice cream to wrap up. Sticky rice was hard to dig in, and the mangoes did not have the acidity to balance the whole dish. The coconut ice cream had real coconut flavor and was fine. Overall, higher food quality was expected.…Read More

試咗芝士芫茜餐肉炒蛋三文治，塊午餐肉由頭到尾都有，唔會淨係得中間位有。芫茜炒蛋好香，芝士唔係咁食得出，白麵包多士有項底，整體好好食。另叫咗杯熱朱古力，朱古力味濃又滑，夠熱。如果淨係叫三文治感覺有點少貴，連飲品46蚊。…Read More

環境新淨，海鮮丼有 特上，松，竹，梅 可選擇，但機本係同一堆海鮮加加減減。試咗梅再加海膽(分開另一小碟上，之後自己加返落D魚生頂度)。一開始會俾碟sashimi 做前菜配以胡麻醬，廚師無介紹係邊隻魚，個樣同食落似係油甘魚。白飯份量正常，飯底偏硬同凍。海膽唔夠鮮味。飯裡面D金槍魚雖然已切成細小一粒粒，但食落有筋整體個飯同個前菜差唔多味，都係胡麻醬個味，完全食唔到咁多款海鮮嘅鮮味，同喺築地食過嘅魚生飯差好遠... 好彩食食吓(佢哋建議剩三分一時)個廚師會主動幫你加D秘制鯛魚湯變做湯飯，仲會問要唔要加白飯(咁難食仲要加?唔好啦掛)。最後係因為D湯救返個飯，變做湯飯後覺得好食咗總結呢個價錢偏貴，試一次就夠…Read More

見咁多好評又去試吓，環境偏昏暗，雙人位唔係面對面而係拍住坐嘅。用QR code 落咗個「八府巡按」套餐，都幾多嘢食。飲品要另叫，偏貴。頭盤有甜蝦，帶子，北寄貝 sashimi, 再嚟炸雞翼同炸餃。sashimi 都算新鮮，炸物就無乜味。之後上海鮮船，有龍蝦，鮑魚，聖子，扇貝，蚌，幾隻蝦同蜆。仲有肥牛，幾粒丸(牛/墨魚/薑汁肉丸)同一小籃蔬菜。全部食物蒸嘅時間已印咗喺枱上，跟返時間煮就ok。龍蝦，聖子，同埋蜆都算新鮮，蜆都幾肥。蒸肥牛都幾好食，牛丸同墨魚丸好好食。本來都好滿意呢一餐，點知枱面突然走隻小強出嚟，真係大打折扣!!! 叫咗店員處理隻小強，淨返蔬菜同粥底都唔敢再食，其實蒸完咁多海鮮都好期待個粥! 希望餐廳做好D衛生，食材係新鮮嘅。最後食埋個雪米糍就快快埋單走人。…Read More

蝦湯好濃，麵底剛好，唔會太硬或太軟。叉燒唔係放喺麵度，用另一隻碟上，燒得好好食，入味，可惜只有兩片餃子都好脆，皮薄，即整所有食物都好熱。整體拉麵非常好，不過座位好窄，坐得唔舒服，拿拿臨食完就埋單。…Read More

餐廳不大，但環境都算乾淨同寧靜。女server推介話門口show出嚟個扒餐有優惠，問佢係咩扒，佢先話係牛扒，再問係咩牛，佢只答牛扒囉。隔離枱坐低後都遇到一樣嘅問題，所以個server真係要了解吓自己餐廳嘅食物多D。最後試咗set lunch 牛脷膾飯 同埋 US Prime beef burger, 整體份量大，但味道平平，唔夠香料去調味。牛脷好腍，飯差唔多有三大碗。beef burger 塊 patty 夠 juicy 但唔夠 seasoning。Fries 好食。是日餐湯係南瓜湯，味okay，但有D稀。餐飲叫咗凍啡，麻麻地，反而咸檸樂ok。…Read More

點咗海南雞喇沙麵，小食拼盤，同2杯特別soda飲品。喇沙湯底okay好味，不過D雞甩皮甩骨咁。其中一杯飲品送嚟時有一隻蟲仔喺冰上，同侍應講都好快換過一杯。對小食拼盤失望嘅，因為種類不多，重複幾舊蝦餅，味係一樣嘅，春卷好普通，全部都無特色，唔建議試。平日晚餐時段人唔多，可以慢慢坐。…Read More

已經平日去都坐滿，枱枱都叫乳鴿同上湯龍蝦伊面。我哋仲叫咗條清蒸斑， 咕嚕肉，同炒蜆。全部餸中規中矩，係得蒸魚同乳鴿上菜時夠熱，其他餸都只係暖嘅。調味方面全部都少咁D鹽咁，唔夠味。少鹽唔代表個厨幫你少油。 可能真係人手唔夠，D部長都唔得閒理你，揾人加水換碟都難。…Read More

之前試過叫呢間set bento 外賣好高質，今次終於親身去食。頭盤佢哋會送個炆牛筋腩，都好入味肉又冧。叫咗燒牛拼盤(D牛肉好有牛肉味又冧)，炸雞軟骨(唔夠調味，真係淨係炸熟俾你)，油麥菜卷(沾芝麻醬食好清新，菜食得出都新鮮)，甲羅燒(都幾大份，塗上青瓜片食，味ok)，同和牛他他拌飯(呢個麻麻地，勁多飯，撈埋生牛肉食好怪)。最尾甜品試咗燒年糕，有各色各樣嘅配料俾你自製口味(呢隻傳統嘅年糕燒香後食落有D糯米嘅香味，但無乜特別，可以不試)。整體用餐體驗非常好，員工好friendly有介紹同解釋點燒D牛肉同其他菜式點食。唯獨彈吓D飲品唔夠大杯，soda類無酒精飲品係偏貴。同埋雖然有上open rice 訂位，但好可惜唔知點解被取消了，所以無咗7折優惠，如果有7折真係CP值好高。…Read More

見呢間海鮮小菜館個個好評兼成日坐滿又要排隊就諗住試吓。餐廳只得5，6張枱，係比較細同窄。個個員工都好有禮，有介紹吓當日有咩海鮮推介。但第一次嚟諗住試少少D例牌嘢，叫咗龍蝦伊麵，瀨尿蝦，聖子。D餸嚟到個樣都唔錯同幾香，但食落就知中伏了。龍蝦D肉係梅嘅，又痴殼，聖子就算豉椒炒都冚唔到D腥味，瀨尿蝦D肉又係梅嘅。如果餐牌嗰D海鮮都唔掂都唔敢試D貴價嘢，一開始佢哋會推介你食阿拉斯加皇帝蟹。主打做海鮮但D貨唔新鮮真係唔得。出去任何一間酒樓叫D行貨都好過佢。失望!…Read More

見咁多好評就試吓呢間燒肉店，叫咗牛皇.豬后盛放題，主要想試韓牛，D肉質望落好似好靚，但可能光波爐太熱，塊肉轉一轉已變咗肉乾咁 食落無乜牛味。唯一好處係無煙，好似健康D。一開始會比個刺身同海鮮拼盤，刺身都算新鮮，推甜蝦。海鮮拼盤有海蝦，鮑魚(仲識郁)，青口，帶子同墨魚仔。D海鮮燒完都係無乜味，食唔到本身D鮮味。同牛豬一樣，都要靠點醬先得。另有冷盤bar, 有kimchi, 青瓜，芽菜，粟米，番茄仔任攞，kimchi係整得幾好嘅。一至五438有8折，但唔知係食材定光波爐嘅關係，唔覺得好食，試一次就夠…Read More

平日午市人唔多，裝修高雅，坐位舒適。服務還可。試咗幾款點心，樣樣都用心製作。個梅菜黑毛豬叉燒腸粉係最好食，個味好夾。柚子蝦餃比傳統蝦餃清新，魚子燒賣普普通通，蘿蔔糕中上，天鵝酥即芋角就唔夠熱。75折後價錢可接受。…Read More

big portion, good flavor and nice vibe, only the crab and pork belly dishes are sold out for the day, due to cny period according to the server, so can only tried seafood pancake and Korean style deep fried chicken.…Read More